Vèsè popilè nan Bib la ki soti nan Jenèz 35

Pataje

Bondye di l ankò: — Se mwen menm Bondye ki gen tout pouvwa a. W'ap gen anpil pitit ak pitit pitit. Gen ladan yo k'ap wa. W'ap si tèlman gen anpil pitit pitit, y'a tounen yon kantite nasyon. Peyi mwen te bay Abraram ak Izarak la, m'ap ba ou li tou. Apre sa, m'ap bay pitit pitit ou yo li.

Nou pral kite kote nou ye a, nou pral Betèl, kote mwen pral bati yon lotèl pou Bondye ki te reponn lapriyè m lè m te anba tray la, pou Bondye ki te la avèk mwen kote m pase nan vwayaj mwen te fè a.

Bondye di li ankò: — Yo rele ou Jakòb, pa vre! Enben, yo p'ap rele ou konsa ankò. Apati jodi a, yo va rele ou Izrayèl. Depi lè sa a, se Izrayèl yo rele l vre.

Se konsa Jakòb rele fanmi li yo ansanm ak tout lòt moun ki te ak li yo, li di yo: — Pran tout zidòl n'ap sèvi yo, voye yo jete. Mete nou nan kondisyon pou nou sèvi Bondye. Mete rad pwòp sou nou.

Bondye di Jakòb: — Leve non, moute al Betèl, epi rete la. Bati yon lotèl la pou Bondye ki te parèt devan ou lan, lè ou t'ap kouri pou Ezayi, frè ou la.

Rachèl te nan lagoni. Anvan li fin trepase nèt, li bay pitit la non. Li rele li Bennoni ki vle di: Pitit dèy. Men papa rele li Benjamen, ki vle di: Pitit bra dwat.