Vèsè popilè nan Bib la ki soti nan MARK 13

Pataje

Ighena nyu tsüdila nthu nanmeghü ben. Isala thowa na kekheneng sen wa asakhen cuya khe ma hangsha yaben.

Kiden-kesha, meghe-metsa nu hie benlo, kepaghenanye nthu na matsüwa tsüna khathansha wi ghoten khe nchü.

Nyu na nthu ghan sen nu ajühkekaghaten pen wi wa lethu, nthu na npi wina mangwa le khitennu kesa leben güccü nsala; isala matsü wina mangwa pi nthu cü khe tsü khilo. Kepaghenanye nthu na khi ketenwa ajüh tsüna nthu jüh nye isala Kemetha Ghamu wina ghoben.

Atssan nu ayyi na nmilaben, isala ijüh tsü nmila sa nben.

“Anyi thola tsü tsathang nu matsüwa tsüna khathansha wi ghoben khe nchü. Abawa ketan khe tangnyilothu nu Atsawa lela nchü.

Nthu na akete wi nu kelensie wi aghikesa nu kekivvü jüh zaya lela leben güccü nsala. Hathu ha atuwa nsathu yishü isala asakhenwa tsüna npi gho.

Kiden-kesha nu hie benlo, kepaghenanye nthu na ajjen pvüwa na kusi ghoten khe nchü. Tsüna minulen, aghaja non, atsantheghi keben nyelela aghani shhugho meyi wi saya mehai. Keujüla ma zuli gho lethu, ma nthu na jen keben mu meya thsüla. Hi nthu wi kiza keben ha tsüdi wi kiza benle. Hie benlo.”

Diyyithu na khokho ssi kesali; nu kadiyyithu na khokho ssi kaghashen ben. Apen tsüdi wi ameghükuju nu azeng saben. Hathu hana atsakepvügha wi kinaa atuwa ti kesa.

Isala asakhenwa tsü npi kegho wina Ajühkemehaiwa ha pi anyi tsüdi wi khichi nsathu yishü.

Anyi kejonla inyan wina hati khi ghoben, ‘Hi Khrista le’ isanu mathu anyi kejon mechuben.

“Isala nthu kiden-kesha yalo, kepaghenanye nyu na nthu ghan sen nu ajühkekaghaten pen wi waben. Sinagogthu wina nthu kiccü; nthu na kekhang kesenthu nu kadimithu tuwi ngan nu ighena Jühtheü Kemehaiwa pi mathu kizaben.

Kepaghenanye milikemesa Messiyathu nu milikemesa atusenjüh-kechüthu na ghoben. Mathu na saya kemehai chu Anyiza na kessi keyathu lela mechu sen bvüale kesalina amankesa nu azensuthu saben.

“Ketizenkesa tsathangthu seng wi aghani na jang, asha na nwegüla, ghotsithu na tang wina qanca dugho, nu atssan wi kekhangthu pakuliaben.