Vèsè popilè nan Bib la ki soti nan Yohane 3

Pataje

Kaisale eŋe kepe baŋem ŋei ŋerep korop eŋane simileine zok manerop pakane, Gipole Wemedep wekuku, eya siluŋ qikka ebonge, eya wane ŋei ŋerep koropŋo eŋe malip kaikeiwo, eŋe maine mi seuke more siukkei, midaka, eŋe maine gege togon maratka naso baŋem ge wakei.

Kaisaleŋo gipole wano wanok urata mayakane raki paki kepeo mi birakaki ketke, eŋe ŋei borikino ŋine ebu more mainone eŋino takot oniyakane raki paki birakaki ketke.

Yesuŋo donine mainge olale rake, “Naŋane don iwa welekakatne golatpe, detlukkanom! ŋei mane eŋe soringe more wako wakon musele mi wakoniyake, eŋe Kaisale wane ŋadino gege togon me qeli ewe zonom, eya maine mi marat kayake.”

Eya wane mane eŋe Gipole malip kayakeo, mo eŋe sotinane turuŋine mi maniyake. Ŋo ŋei mane eŋe Gipole mi malip kayakeo, eŋe sotkorop okanmaike, onoka wane eŋe Kaisale Gipole Wemedep Weku mi malip kamaike eya wane.

Sot turuŋ wane don urata ma ma eya wane kine iwa yale pamaike, qelaŋanŋo kepeo wakonge, ŋo siluŋ ŋei eŋe qelaŋan wane simile oniyake yalemo panaman wane siminonge, onoka wane eŋe borikine kine kine makoi, eya wane yale okangoi.

Eŋane eŋetine ŋo manerop suwa wayake, ŋo naŋaneŋo nigale kesiyake.”

Eya wane mane eŋe masi tanik qotkoine okaniyake, eŋe qelaŋan ŋadek kayake, paki eŋe qelaŋango mi wakoniyake. Onoka wane, eŋe tanik manikine qotkoine, eya wane kine qelaŋango wakongi mi kaikei wane, yale okaniyake.

Mane eŋe Gipole wetneŋo malip kayakeo, eŋe gege togon marat kayake, so mane eŋe gipolane don dere ŋadek kayakeo, eŋe gege togon mane mi marat kayake, paki mo ŋei yalinane kutko eya mo Kaisale wane busuŋo manerop qoi qoine midaine tako rakot pa ariyake.

Mokaka kepe yaup papaino Moseŋo aen sisineŋo koma oŋaine maki paki, mawa ekiwo rasikki okorake, rokop weku yale waka eŋe Ŋei Wawainane Gipole mawa rasikkei

Magaineŋo Gipolane zok similekaki kine kine korop eŋane metino motwareke.