Vèsè popilè nan Bib la ki soti nan لوکا 23

Pataje

ایسّایا گوَشت: ”او پت! اِشان پَهِلّ کن، چێا که نزاننت چے کنگا اَنت.“ گڑا سپاهیگان په لاٹری و کُرَه‌کشّی ایسّائے پُچّ و پۆشاک وت‌مان‌وتا بهر کرتنت.

ایسّایا پَسّئو دات: ”ترا راستێنَ گوَشان که تئو مرۆچی منی همراهیا بهشتا رئوئے.“

گڑا گوَشتی: ”او ایسّا! وهدے تئو وتی بادشاهیا سر بوتئے، منی هئیالا هم بکپ.“

ایسّایا کوکّار کرت و گوَشت: ”او پت! من وتی اَرواها تئیی دستا دئیان.“ گۆن همے هبرا ساهی دات.

وهدے هما ”کامپۆل“ نامێن جاگها رَستنت، ایسّااِش سَلیب کشّت. آییئے راستێن کشا یکّ رَدکارے سَلیبِش کَشّت و چپّێن کشا دومی رَدکار.

نێمرۆچئے وهدا سجّهێن مُلکا تهاریا مان شانت و اے تهاریا تان بێگاها داشت، چێا که رۆچئے رژن شتگ‌اَت. مزنێن پرستشگاهئے پرده چه نیاما دِرت و دو نێم بوت.

پئوجیانی اَپسرێا اے نِدارگ که دیست، هُدایی سَتا کرت و گوَشتی: ”بێشکّ اے بێگُناهے اَت.“