Vèsè popilè nan Bib la ki soti nan لوکا 19

Pataje

هئو! انسانئے چُکّ په گارێنانی شۆهاز کنگ و رَکّێنگا آتکگ.“

”مبارک اِنت هما بادشاه که هداوندئے ناما کئیت! آسمانا سُهل و اێمنی، بُرزێن اَرشا شان و شئوکت.“

ایسّایا گۆن آییا گوَشت: ”مرۆچی اے لۆگا نجات سر بوتگ، چێا که اے مرد هم چه اِبراهێمئے نَسل و پَدرێچا اِنت.

وهدے ایسّا هما جاگها رَست، بُرزا چارت و گوَشتی: ”او زَکّا! جلدی کن، جَهلا اێر کپ که مرۆچی من تئیی مهمان آن.“ آ، دمانا اێر آتک و ایسّایی په گَل و وَشّی وتی لۆگا برت.

بله زَکّا پاد آتک و اۆشتات و گۆن هُداوندێن ایسّایا گوَشتی: ”او هُداوند! وتی سجّهێن مال و هستیئے نێما گریبانَ دئیان و اگن من کَسێئے مال ناهَکّا برتگ، بدلا چار سَری گێشتریَ دئیان.“

چه مردمانی نیاما، لهتێن پَریسیا گۆن ایسّایا گوَشت: ”او استاد! وتی مُریدان هَکّل کن.“ ایسّایا درّاێنت: ”من شمارا گوَشان، اگن اے بێتئوار ببنت، سِنگ و ڈۆک کوکّارَ کننت.“