Vèsè popilè nan Bib la ki soti nan Yon 1

Pataje

Ne wi emeria mua eena o aawep opora wiar opamik nain os-ke wia puukap wia aawep pekap Mua Maneka muuka wiipa wia arowak.

Iiriw ekera miiwa ne maa muutitik me imenarowa ikua nain Opora ona iiriw ikua. Opora fain Mua Maneka wameiya ikua ne Opora fain pun Mua Maneka-keriw.

Parina nain-ke epa kokoma parina iwiya, ne epa kokoma-ke mesalimowa me pepek.

Opora nain-ke mua arep orop i miiw mua yiamiya ikua. Ne o unum maneka ne parin maneka wiar ikua nain i wiar urufamik, unuma ne parina nain Mua Maneka-ke ona Muuka kuisow akena nain iwok. O manek akena yia kemaliya, ne opor makena onoma os.

Mua Maneka-ke Opora fainiw maa maeya maa imenar-ikim-ikua. Maa kuisow Opora fainiw me imenarek nain-ko me ikua, weetak. Opora fain anane eliwa ikowa onoma-ke, ne nain-ke i emeria mua kema yia parinaroweya opor makena amisarimik.

Aria naap ikok iir oko-pa Yeesus Yon wiar ikiwem-ikaeya urufap maek, “Ni urufeka, Mua Maneka Sipsip Muuka fanek. Ikoka os-ke miiw mua pina yiar iirarinon.

Opora nain iiriw ekera miiwa-pa ikua, ne os-ke maa maeya imenarem-ikua. Nain ona ekapep ikua nain wi emeria mua o me amisaremik. O imenarep ona opor epaskun wiamiya ikua nain kemelap me aawemik.

Iir nain parina makena eena mua unowa kema wia parinarowiya nain miiwa-pa ariman arekam naep onam-ikua.

Feenap, Mua Maneka ona ni baliwep ikeka naep sira unowa nain iiriw ekera Moses iweya yia maakomakek. Ne aakisa ona yia kemaliya nain, ne ona opor makena nain Yeesus Krais-ke yia ofakowak.