Vèsè popilè nan Bib la ki soti nan Luc. 24

Pataje

Isogò ko diyà kenyo se Espiritu Santo tapay impakang te Amay ko. Meneng peg-ogpà kaw dini te Jerusalem lamig kinewaen niyo se Espiritu Santo domateng diyà kenyo lekat te langit.”

Wedad sikandin dini, so neantay den lekat te nematay. Eneng-enengi niyo se inikagi din diyà kenyo kedengan dalem te pegtoladà din kidoen te Galiliya.

Penga niyan, kinilala den dan te sikandin si Jesus. Meneng pegketà, migkewedad sikandin kidoen. Migpebelaw-belaway dan, “Yan kedì se doun te neantag se pedowan ta te peg-ikagi din diyà kenita kidoen te dalan, aw peglebad-lebad din te kagi te Timanem diyà kenita.”

Minikagi heman sikandin, “Seini se kagi te Timanem tapay insolat, te keilangan imetayan se Misiyas, aw meantay sikandin lekat te nematay te iketelo te aldaw, aw netoman den iyan. Doen heman kagi te Timanem insolat te keilangan megtoladà kaw diyà te kedita te otaw te keneyonan te pegwedaden te Timanem se salà dan aw megselsel dan aw memenal dan kanak. Keilangan megtebò kaw megtoladà kenyan dini te Jerusalem.

Pegdateng dan doton, kinità dan se lebeng neowang, so tapay den nekelid se dakel bato insampeng. Peg-awop dan diyà te lebeng, kinità dan te wedad den lawa i Jesus kidoen.