Vèsè popilè nan Bib la ki soti nan Zeŋ 17

Pataje

Gray ti tîgi ndam gayak *njəlatani àna jiri gayak. Jiri gayak ti ma ge jiri ya nə̀hi ana tay ni.

Sifa ya àndav ɗay-ɗay do ni ti nihi : tə̀sər kur, nak bəlaŋ, nak Melefit eɗeɗiŋ eɗeɗiŋeni, tə̀sər Yezu *Krist naŋ ya kə̀slərbiyu ni daya.

« Nàhəŋgali kur ana tay ciliŋ do ; nahəŋgali kur ana nday ya ti atəgəskabu pakama gatay ya atəhi ana tay ni, mək atəfəku ahàr ni daya. Bəba goro ni, nawayay ti mis ya təfəku ahàr ni ɗek tîgi akaɗa mis bəlaŋ, akaɗa nak kə̀bu akaba nu, nu day nə̀bu akaba kur akaɗa mis bəlaŋ ni. Nawayay ti nday day tîgi akaba leli akaɗa mis bəlaŋ ; nahkay ti ndam ga duniya atəsər nak kə̀slərbiyu nu.

Nahəŋgalay kur ti ga məhəlaba tay a duniya ba do. Nahəŋgalay kur ti, ti kâhəŋgafəŋa tay kè *Seteni a.

Nak kàgray ti mis ɗek tə̂sər nu gəɗakani ; nahkay nu day nàgray ti mis tə̂sər ndam ya taɗəbay nu ni nday gəɗákani akaɗa goro ni. Nàgray nahkay ti, nawayay ti tîgi akaɗa mis bəlaŋ akaɗa geli ya leli mə̀bu bəlaŋani ni. Nu ti nə̀bu akaba tay akaɗa mis bəlaŋ ; nak day kə̀bu akaba nu akaɗa mis bəlaŋ. Azuhva nani nday day etigi bəlaŋani akaɗa geli ni. Etigia bəlaŋana ti ndam ga duniya atəsər nak kə̀slərbiyu nu, kawayay tay akaɗa gayak ya ti kawayay nu ni.