Vèsè popilè nan Bib la ki soti nan Imilimo 4

Pataje

“Ni kuli Yesu fye eka eko twingamona ukupusuka. Pantu tapaba na umbi pano isonde, uo Lesa apeela ku bantu uwaba na amaka yakuti tumone ukupusukilamo.”

Cilya bapwafye ukupepa, iŋanda balongenemo yalatenta. Elyo bonse baisulamo na Mupashi Wamushilo. Batampa no kulafunda amashiwi yakwa Lesa ukwabula umwenso.

Kanshi nomba we Mfumu, lolesha pa mapange yabo. Afwako abasha bobe, uleke balefunda amashiwi yobe ukwabula umwenso.

Uyu Yesu eo calembwapo ukuti, “‘Ilibwe ilyo imwe bakakuula mwasuulile, elyaisa ba ilyakwikasha petungi.’

Cilya bashicilye bamona ifyo Petelo na Yoani bapamine pakulanda, abantu bafyefye abashasambilila, awe cabapesha amano. Elyo bailuka ukuti aba bantu baleenda na Yesu.

Ibumba ilya basumina lyalifye ilya mutima umo na mano yamo yene. Tapali no wakulatila, “Ifyuma nakwata fyandifye neka.” Nomba fyonse ifyo cila muntu akwete, fyali fya bonse.