Vèsè popilè nan Bib la ki soti nan San Lucas 1

Pataje

Hẽwandam hat'ee chan bʌ̃ʌrjã p'it'urm nem chuk'umgui hajim hanʌm.

Magbaa Mariaau magjim hanʌm: —Mʌʌn Hẽwandamau nem jawaata hũr hʌmgui hajim hanʌm, hichdëu nem jaaubarmpierr haag. Mag k'ai magan Hẽwandamau cha pua jaau simjö haju haai sim mʌ dʌ̈i hajim hanʌm. Mag jaau pʌawia chi Hẽwandam chog deeu hʌ̃gt'ar petajim haajem.

Magbaawai chi Hẽwandam chogau magjim hanʌm: —Jãan hich Cha Hʌ̃gt'aa P'uu Nʌm hag Hak'aar pʌ gaai sĩeicheewaita pʌ jõorjugui hajim hanʌm, hich hiiu haawai. Mag gaaimua mʌg chaai pua hoobarm bʌ̃ʌrjã k'aibag chuk'u hauwia hich mag k'itaju. Hich Hẽwandamauta hich hiiu pʌ bi hee papi sim dën haawai hi t'ʌ̃r Hẽwandam Hiewaa ha t'ʌ̃rjugui ha jaaujim haajem.

María, Hẽwandam chogau pʌchig jaauchëtarr hiek pʌchdëu hʌ̈k'atarr gaaimua chadcha pʌʌta honee hʌrraju. Maach Pör Hẽwandamau hich chog dʌ̈i pʌrʌg jaaupʌ̈itarr hiek'an t'um hichdëu jaautarrjöo chadcha höbëbërgmajugui hajim hanʌm.

Pua chaai hemk'ooidam paarpaju. Mag chaai Jesús ha t'ʌ̃rbá hajim hanʌm. Hichta t'umaam k'ʌʌn k'ãai hʌ̃rʌʌcha sĩerraju, maimua hichpai Cha Hʌ̃gt'aa P'uu Nʌm hag Hiewaa ha t'ʌ̃rjugui hajim hanʌm. Maagwai maach Pör Hẽwandamau hirigta israelnaan t'umaam k'ʌʌn Reik'apiju, warrgar pãach jöoin David k'ararrag k'apitarrjö. Mag hichta t'umaam k'ʌʌn Pörk'abaadëm haigmua hatag hi jua t'eeg bʌ̃ʌrjã höba, hich mag sĩerraju ha jaaujim haajem.

Magbaawai chi Hẽwandam chogau, —Hoob k'ĩirjum, pʌʌta Hẽwandamau hʌ̈u heeg hoobarbahab hajim hanʌm.