Vèsè popilè nan Bib la ki soti nan Dioni 2

Pataje

I buna ukekae Yesu Danu dawako buna ukeka. I buna ukekae Gareri orofa Keina goiro uike Godima Dawabake mai dai buna idua ma boroo yariro Danu iwoka ukeka orouma ibai idua ekake emenu imuka yaisina Yesubairo oisa.

I banau iseka orouma waini adua ise me sikaro Yesunu amaema Yesubairo farike eno wei, moi waini meya emua unu koyana weiro Yesuma ma owerike eno wei, amae, anemebake Nabairo eno weaku wei? Nanu onami ma boroo yareka odo fare meya eno da wea wei.

Enoba Yesuma eno wei, i enare ibinisa okeawere werero adua iiawe weiro enaenari uisaro wake faka. Yesuma nono wei, dai menaku koaweke banau ubi mibairo ane maewero ise efi wei. Eno weiro enaenari uisake maisaro i banau ubi mima munike dai menaku i. Ise eriro ba aduama waini siniro aboroma farinu ari weike ma nuna ui. (Nono i adua koka orou emua mane iwoka sika.) I banau ubi mima ise erike weiro i aweka awoena mufine ukeibi mi i banau ubi mibairo fari.

Eno weisaro Yesuma wei, yewa dai sosi uwara ma doroo yafoisaro eweka odo buubaro nono ma enamau enaenaria wei.

Erieke naa munike abu ureka uifi ubu uike i orouini abuini yoweriero me nauawaro fare anisa. Eno uike i oi moko makeka orounu i oi ibi sebo ma uree yariro i oi yaisina fiakaka yakake isaka. Eno uike i ubari ada make oi muneibisa oroubake eno wei, yewa yaisina me nauwaro waure aniawe wei. Eno weike nono wei, Nanu Babaenu uwararo sidowa uwara ari dauforo wei.