Chin, Zyphe: Biahrai Tha, Zyphe rei New Testament

Biahrai Tha, Zyphe rei

<div class="version vid930 iso6393zyp" data-vid="930" data-iso6393="zyp">
 <div class="book bkMAT">
 <div class="chapter ch15" data-usfm="MAT.15">
 <div class="label">15</div><div class="s">A pathaipaw le a pathai lypaw</div><div class="r">(Mk 7:1-23)</div><div class="p"> 1Mataico, Farasi thaikhehpaw le phungbia cawngpahtu thaikhehpaw sahlo khah Jerusalem khuapui taitah Zisu khatah a vong he ka, 2&#8220;Zecawtamaw na hningzuitu sahlo tah pupaw phungbia aa ro zia? Batui aa e hlai tah aa kih a si bei dei he!&#8221; tatah Zisu cawh aa tah.</div><div class="p"> 3Zisu taco, &#8220;Zecawtamaw naaning zong tah naa phungbia rawng tah Khazing biapeh cawh naa ro? 4Zecawtamaw tatah Khazing tah, &#8216;Na no le na paw cizaw my lo,&#8217;#Piachua 20:12 taico, &#8216;A no cang seh, a paw cang seh chia a sahpaw cawh thaw a cang a,&#8217;#Piachua 20:17 a tah. 5Canghrasala, naaning taco, cawngsaw pakheh tah a no a cang ly leh a paw khatah, &#8216;Kama taitah na hmuh khy a paw bawkhangnah cawh Khazing khatah tholong tah ka peh thah,&#8217; a tah caco, 6&#8216;ma cawngsawpaw cawh ma hming khei a no a cang ly leh a paw cawh a cizaw a hy khawh be,&#8217; naa tah. Ma hraco naaning na cawngpah chawngpaw he ceh phunglang cawtah Khazing bia cawh naa paleh naa pahnaw tei. 7Naaning cungmai raipha sahlo! Khazing khuavang Isaiah tei naa kong a reihlangpaw heh ahmang caimang.</div><div class="q1"> 8&#8216;Ma cawngsaw sahlo tahei aa hmokaw tah aa pa cizaw,</div><div class="q2">canghrasala aa lungthing cawh kama taitah a hlah ngetei.</div><div class="q1"> 9Aa pa behpaw zong heh aa cawtah zehmai chahnai be. Aa cawngpahnah zong heh</div><div class="q2">mehnung tah tuachawngpaw phungphe sahlo suipaw a cang he,&#8217;#Isai 29:13 tatah a cia,&#8221;</div><div class="m">tatah a tah.</div><div class="p"> 10Zisu tah mingzawpui khah Ama khatah y he ka, &#8220;Ka bia heh nawthlia la, thuithai my lo. 11Kaw lang tei a naepaw taco cawngsaw cawh papia palui bei hi, canghrasala kaw lang tah a ka piapaw tahei cawngsaw cawh a papia palui hi,&#8221; tatah a tah he.</div><div class="p"> 12Mataico a hningzuitu sahlo cawh a vong he ka, Zisu cawh, &#8220;Ma bia na reipaw khah aa thui tihtah Farasi sahlo cawh aa thing a ae tahpaw na hni maw?&#8221; tatah aa hae.</div><div class="p"> 13Zisu taco, &#8220;Ka Paw vaicung leteipaw tei a lingpaw a cang lypaw thingkungpaw maikaw cawh a hrang tah pheh hly a cang tae a. 14Aaning sahlo cawh seisai thlang o, langchuitu mehco a cang he khi. Mehco tah mehco cawh langpui a chui caco, aa pahning tah khobatlung lang aa tla a,&#8221; tatah a palei he.</div><div class="p"> 15Piter taco, &#8220;Ma tawchingnah bia cawh ma pase tua,&#8221; tatah a tah.</div><div class="p"> 16Zisu taco, &#8220;Ma tlua co maw naa lung a co thlang? 17Kaw lang a naepaw cawh ri za phah ka, mataico alailang a piahly kaw tah hnih bei he ceh maw? 18Canghrasala kaw taitei a piapaw bia cawh lungthing taitah a ka chuhpaw cang ka, ma taco cawngsaw khah a papia a palui. 19Zecawtamaw tatah lungthing taihei khuarawnah a chiahrupaw, lenongnah, a pheinah, canu capaw suanah, ruhnah, ahmang lypaw hnikhuitu cangnah le, male thai pachianah sahlo heh a chuh. 20Ma sahlo heh cawngsaw a papia a paluipaw cawh a cang he, canghrasala kih si ly tei batui enah taco cawngsaw cawh papiapalui be,&#8221; tatah a tah he.</div><div class="s">Kanaan cawngsawno a zingnah</div><div class="r">(Mk 7:24-30)</div><div class="p"> 21Zisu cawh ma hming taico piathlah ka, Tair le Sidon raang lang khah a sei. 22Ma raang chung letei a ungpaw Kanaan cawngsawno pakheh cawh Zisu khaco a vong ka, &#8220;David Pathlah, Abuipaw ning pa do ky law! Ka sawcanu cawh khachia tah a tle cawtah a tai-ing tu thlang,&#8221; tatah a ysang.</div><div class="p"> 23Zisu tah kaw kheh hmai chai be. Macawtaco, a hningzuitu sahlo a vong he ka, a hai leco, &#8220;Seihly law tah thlang, kaa hninglang tah ma zuilai ka, a y leimei thlang,&#8221; tatah aa tah.</div><div class="p"> 24Zisu taco, &#8220;Kama cawh Israel mingphing taitei tuu a lypaw khatah suipui taw ka cang!&#8221; tatah a chai.</div><div class="p"> 25Cawngsawno cawh a vong ka, a hme letah a khuh panai ka, &#8220;Abuipaw, pa baw ky law!&#8221; tatah a tah.</div><div class="p"> 26Zisu taco, &#8220;Sawtei leh aa very cawh l&#225; tah ui sahlo peh cawh a phung cang be,&#8221; tatah a palei.</div><div class="p"> 27Canuno taco, &#8220;A cang thlang, Abuipaw, canghrasala ui sahlo taco aa buipaw a cabuai taitei a tlahpaw didang cawh aa khi thlang hrah!&#8221; tatah a tah.</div><div class="p"> 28Mataico Zisu tah, &#8220;Cawngsawno, nama cawh zingnah a pacypaw a hnuipaw na cang! Na dupaw khah peh na cang a,&#8221; tatah a chai. Taico a sawcanu cawh ma suimehlang cai lalei leco a dang kaw.</div><div class="s">Zisu tah cawngsaw 4000 lawh a dang he</div><div class="r">(Mk 8:1-10)</div><div class="p"> 29Zisu cawh mataico piathlah ka, Galili rili ngaekang hrong khei a sei. Mataico tlaang cung lang ke ka, a ty. 30Cawngsaw rungpui cawh Ama khaco a vong he ka, a cabepaw, a mehcopaw, a songbepaw, a rei a thlaw thai lypaw le ahringpaw asawnah a ingpaw sahlo khah va chuakhui he ka, a phehrang leco chia he ka, a dangsah he. 31A rei a thlaw thai lypaw tah bia rei, a songbepaw tah langsei, a cabepaw tah langsei, a mehcopaw tah khua hmuh tatei aa tahpaw khah aa hmuh tihtah cawngsaw rungpui cawh aa ning a ang thlang. Taico Israel Khazing khah aa reithai.</div><div class="p"> 32Zisu tah a hningzuitu sahlo cawh y he ka, &#8220;Ma cawngsaw sahlo heh kama khatah ningthung ung myca he ka, e ruapaw zehmai aa hnui ly cawtah ka ning aa pa do ngetei. Aa ngaidi hmo hei tlungsah my he neh seh la, langpui letah a baw he a,&#8221; tatah a tah he.</div><div class="p"> 33A hningzuitu sahlo taco, &#8220;Ma raang kingdang lehei ma vytei mehnung dang ruapaw lawh heh zeletamaw kaa la a?&#8221; tatah aa chai.</div><div class="p"> 34Zisu taco, &#8220;Very tlang khazeh maw naa hnui?&#8221; tatah tah he ka, &#8220;Tlangsarih le ngadih a cawngpe,&#8221; tatah aa palei.</div><div class="p"> 35Zisu tah ming zawpui cawh alui letah a tysah he. 36Mataico, very tlangsarih le ngadih cawh law ka, Khazing khatah lawngbia a hlai khy taitah kychy ka, a hningzuitu cawh pei he ka, zawpui khah aa rai he. 37Aa zongmingtei co e he ka, aa ri a vaw ngetei. Taico a hningzuitu sahlo tah e bangpaw cawh pakhong he ka, baisarih chih ky tah aa dui. 38Very aa epaw sahlo cawh canu le nyheh rei lytah capaw puitling 4000 a tah he. 39Mingzawpui cawh a seisah hly khy tai he tah Zisu cawh tuilawng chunglang a nae ka, Magadan raang chung lang khei a sei.</div>
 </div>
 </div>
</div>

Mataico, Farasi thaikhehpaw le phungbia cawngpahtu thaikhehpaw sahlo khah Jerusalem khuapui taitah Zisu khatah a vong he ka, “Zecawtamaw na hningzuitu sahlo tah pupaw phungbia aa ro zia? Batui aa e hlai tah aa kih a si bei dei he!” tatah Zisu cawh aa tah.
Zisu taco, “Zecawtamaw naaning zong tah naa phungbia rawng tah Khazing biapeh cawh naa ro? Zecawtamaw tatah Khazing tah, ‘Na no le na paw cizaw my lo,’ taico, ‘A no cang seh, a paw cang seh chia a sahpaw cawh thaw a cang a,’ a tah. Canghrasala, naaning taco, cawngsaw pakheh tah a no a cang ly leh a paw khatah, ‘Kama taitah na hmuh khy a paw bawkhangnah cawh Khazing khatah tholong tah ka peh thah,’ a tah caco, ‘ma cawngsawpaw cawh ma hming khei a no a cang ly leh a paw cawh a cizaw a hy khawh be,’ naa tah. Ma hraco naaning na cawngpah chawngpaw he ceh phunglang cawtah Khazing bia cawh naa paleh naa pahnaw tei. Naaning cungmai raipha sahlo! Khazing khuavang Isaiah tei naa kong a reihlangpaw heh ahmang caimang.
‘Ma cawngsaw sahlo tahei aa hmokaw tah aa pa cizaw,
canghrasala aa lungthing cawh kama taitah a hlah ngetei.
Aa pa behpaw zong heh aa cawtah zehmai chahnai be. Aa cawngpahnah zong heh
mehnung tah tuachawngpaw phungphe sahlo suipaw a cang he,’ tatah a cia,”
tatah a tah.
Zisu tah mingzawpui khah Ama khatah y he ka, “Ka bia heh nawthlia la, thuithai my lo. Kaw lang tei a naepaw taco cawngsaw cawh papia palui bei hi, canghrasala kaw lang tah a ka piapaw tahei cawngsaw cawh a papia palui hi,” tatah a tah he.
Mataico a hningzuitu sahlo cawh a vong he ka, Zisu cawh, “Ma bia na reipaw khah aa thui tihtah Farasi sahlo cawh aa thing a ae tahpaw na hni maw?” tatah aa hae.
Zisu taco, “Ka Paw vaicung leteipaw tei a lingpaw a cang lypaw thingkungpaw maikaw cawh a hrang tah pheh hly a cang tae a. Aaning sahlo cawh seisai thlang o, langchuitu mehco a cang he khi. Mehco tah mehco cawh langpui a chui caco, aa pahning tah khobatlung lang aa tla a,” tatah a palei he.
Piter taco, “Ma tawchingnah bia cawh ma pase tua,” tatah a tah.
Zisu taco, “Ma tlua co maw naa lung a co thlang? Kaw lang a naepaw cawh ri za phah ka, mataico alailang a piahly kaw tah hnih bei he ceh maw? Canghrasala kaw taitei a piapaw bia cawh lungthing taitah a ka chuhpaw cang ka, ma taco cawngsaw khah a papia a palui. Zecawtamaw tatah lungthing taihei khuarawnah a chiahrupaw, lenongnah, a pheinah, canu capaw suanah, ruhnah, ahmang lypaw hnikhuitu cangnah le, male thai pachianah sahlo heh a chuh. Ma sahlo heh cawngsaw a papia a paluipaw cawh a cang he, canghrasala kih si ly tei batui enah taco cawngsaw cawh papiapalui be,” tatah a tah he.


Zisu cawh ma hming taico piathlah ka, Tair le Sidon raang lang khah a sei. Ma raang chung letei a ungpaw Kanaan cawngsawno pakheh cawh Zisu khaco a vong ka, “David Pathlah, Abuipaw ning pa do ky law! Ka sawcanu cawh khachia tah a tle cawtah a tai-ing tu thlang,” tatah a ysang.
Zisu tah kaw kheh hmai chai be. Macawtaco, a hningzuitu sahlo a vong he ka, a hai leco, “Seihly law tah thlang, kaa hninglang tah ma zuilai ka, a y leimei thlang,” tatah aa tah.
Zisu taco, “Kama cawh Israel mingphing taitei tuu a lypaw khatah suipui taw ka cang!” tatah a chai.
Cawngsawno cawh a vong ka, a hme letah a khuh panai ka, “Abuipaw, pa baw ky law!” tatah a tah.
Zisu taco, “Sawtei leh aa very cawh lá tah ui sahlo peh cawh a phung cang be,” tatah a palei.
Canuno taco, “A cang thlang, Abuipaw, canghrasala ui sahlo taco aa buipaw a cabuai taitei a tlahpaw didang cawh aa khi thlang hrah!” tatah a tah.
Mataico Zisu tah, “Cawngsawno, nama cawh zingnah a pacypaw a hnuipaw na cang! Na dupaw khah peh na cang a,” tatah a chai. Taico a sawcanu cawh ma suimehlang cai lalei leco a dang kaw.


Zisu cawh mataico piathlah ka, Galili rili ngaekang hrong khei a sei. Mataico tlaang cung lang ke ka, a ty. Cawngsaw rungpui cawh Ama khaco a vong he ka, a cabepaw, a mehcopaw, a songbepaw, a rei a thlaw thai lypaw le ahringpaw asawnah a ingpaw sahlo khah va chuakhui he ka, a phehrang leco chia he ka, a dangsah he. A rei a thlaw thai lypaw tah bia rei, a songbepaw tah langsei, a cabepaw tah langsei, a mehcopaw tah khua hmuh tatei aa tahpaw khah aa hmuh tihtah cawngsaw rungpui cawh aa ning a ang thlang. Taico Israel Khazing khah aa reithai.
Zisu tah a hningzuitu sahlo cawh y he ka, “Ma cawngsaw sahlo heh kama khatah ningthung ung myca he ka, e ruapaw zehmai aa hnui ly cawtah ka ning aa pa do ngetei. Aa ngaidi hmo hei tlungsah my he neh seh la, langpui letah a baw he a,” tatah a tah he.
A hningzuitu sahlo taco, “Ma raang kingdang lehei ma vytei mehnung dang ruapaw lawh heh zeletamaw kaa la a?” tatah aa chai.
Zisu taco, “Very tlang khazeh maw naa hnui?” tatah tah he ka, “Tlangsarih le ngadih a cawngpe,” tatah aa palei.
Zisu tah ming zawpui cawh alui letah a tysah he. Mataico, very tlangsarih le ngadih cawh law ka, Khazing khatah lawngbia a hlai khy taitah kychy ka, a hningzuitu cawh pei he ka, zawpui khah aa rai he. Aa zongmingtei co e he ka, aa ri a vaw ngetei. Taico a hningzuitu sahlo tah e bangpaw cawh pakhong he ka, baisarih chih ky tah aa dui. Very aa epaw sahlo cawh canu le nyheh rei lytah capaw puitling 4000 a tah he. Mingzawpui cawh a seisah hly khy tai he tah Zisu cawh tuilawng chunglang a nae ka, Magadan raang chung lang khei a sei.

Koute MATHAI 15