For more information about this Bible please click the link below:  Bible Society of Zambia 

The Bible in Mbunda ©The Bible Society of Zambia, 2006 ℗ Hosanna, 2023

The Bible in Mbunda

<div class="version vid627 iso6393mck" data-vid="627" data-iso6393="mck">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">Cisimo ca fwile na lyaako</div><div class="p"> 1Yesu wavatelelele cisimo eci cakuvalongesa ngeci simbu yoshe vanapande kulombela nakujeneka kuzeya. 2Ngwendi, &#8220;Mu nganda imo mwakele lyaako uje kakomokele Njambi nambe kusingimika munu. 3Co lalo mu nganda ije vene mwakele fwile uje wakele nakwija-ija kuli ikeye visimbu vyavingi amwakwile ngwendi, &#8216;Njikwase kuli citozi cange!&#8217; 4Ku simbu yakama uje lyaako katavele, oloni akukotoka wayongwele mu mbunge yendi ngwendi, &#8216;Nambe kunjesi kukomoka Njambi nambe kunjesi kusingimika munu, 5oloni omwo lipakeso lyoshe eli ou fwile alinakunjana, njinapande njimulingile ngwe muje mwashaka. Nga kunjilingimo, anga atwalao kwija-ija, co akanjijukisa!&#8217; &#8221;</div><div class="p"> 6Co Mwene watwaleleo ngwendi, &#8220;Tolilileni vije vyendekele uje lyaako wakujeneka vushunga! 7Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi? 8Njimileka ngwange, vwasi-vwasi avaakwila ngwe kukushaka kwavo. Oloni vati omo Muna Munu akaija ano asi, akawanao kukulaela ndi?&#8221;</div><div class="s1">Cisimo ca kaFaliseo na muka-kutambula lisimu</div><div class="p"> 9Yesu watele cisimo eci lalo kuli vanu vaje vaka-kukulaela vushunga vwavo vavenya nakushaula vakwavo. 10Ngwendi, &#8220;Vanalume vavali vaile ku Njuvo ya Shukulu Kalunga nakulombela, umo kaFaliseo, mukwavo muka-kutambula lisimu. 11KaFaliseo wemanene kwendi lika nakulombela ngwendi,#18:11 WEMANENE KWENDI LIKA NAKULOMBELA NGWENDI: Kunungulula kumo ngwavo, wemanene nakulombela kuli ikeye vavenya. &#8216;Njikukandelela Njambi, yange kunjafwile ngwe vakwetu voshe valukolotelo, vaka-kujeneka vushunga, vaka-vupangala. Njikukandelela ngeci yange kunjafwile ngwe uje muka-kutambula lisimu nemana kuje. 12Njikalikela kulya matangwa avali a simano a simano, co njikana cimo kulikumi ca vyoshe njikawana.&#8217; 13Oloni muka-kutambula lisimu wemanene kulyala, co kasele nambe kwandula mesho endi kwilu, oloni walipupile a nulo yendi wendekele ngwendi, &#8216;Njambi, njizivileko mema ku mbunge yange muka-vuvi!&#8217; 14#Mat 23:12; Luk 14:11 Njimileka ngwange muka-kutambula lisimu ikeye wasambele ku mesho a Njambi omo waile ku njuvo yendi kutuvakana uje kaFaliseo. Omwo woshe uje akalyaka ku vukama vakamukeesa, oloni woshe uje alikeesa vakamwaka ku vukama.&#8221;</div><div class="s1">Yesu avezikisa vanike vamo vavandondo</div><div class="r">(Mateo 19:13-15; Mako 10:13-16)</div><div class="p"> 15Asinoni vanu vamo vamunenelele vanike vavandondo ngeci avakambeke mavoko. Oloni omo vandongesi vendi vavamwene, co vavavindikile 16oloni Yesu wasanene vanike vavandondo vaije kuli ikeye, wendekele ngwendi, &#8220;Eceleni vanike vavandondo vaije kuli yange kesi muvavindike, omwo Vumwene vwa Njambi vunapu vwavo. 17Mwa vushunga njimileka ngwange, woshe katambula Vumwene vwa Njambi ngwe mwanike wamundondo, kakakovelamo.&#8221;</div><div class="s1">Munalume wakufuka</div><div class="r">(Mateo 19:16-30; Mako 10:17-31)</div><div class="p"> 18Co umo ntwama wa vaYunda wehwile Yesu ngwendi, &#8220;Mulongisi wamuvwa, vika njinapande kulinga ngeci njitambule mwonyo wa myaka yoshe?&#8221;</div><div class="p"> 19Yesu wamukumbulwile ngwendi, &#8220;Vika unjitumbwila ngwove njiwamuvwa? Naumo wai wamuvwa kuvanga Njambi lika. 20#Kut 20:12-16; Kwi 5:16-20 Yove uzivuka mashiko ngwawo, &#8216;Kesi ulinge vupangala, kesi utsiye, kesi ukaive, kesi ukavangele mukweni vukaleo vwa makuli, singimika isho na vanyoko.&#8217; &#8221;</div><div class="p"> 21Co uje munalume wakumbulwile ngwendi, &#8220;Mashiko oshe awa njawononoka laja tunde kuvwanike vwange.&#8221;</div><div class="p"> 22Omo Yesu wazivile evi, wendekele kuli ikeye ngwendi, &#8220;Kunalitulu cuma cimo ciwunapande kulinga. Ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.&#8221; 23Oloni omo uje munalume wazivile lijwi eli, wakele na vusiwa manene, omwo ikeye wakele na vufuko vwavungi.</div><div class="p"> 24Yesu wamumwene ali na vusiwa manene, co wendekele ngwendi, &#8220;Cinapu cacikalu kuli vaka-kufuka kukakovela mu Vumwene vwa Njambi! 25Cinapu cacikalu manene kuli munu muka-kufuka kukovela mu Vumwene vwa Njambi, oloni cacasi kuli kamelo kwita mu lisho lya nguya.&#8221;</div><div class="p"> 26Co vaje vanu vamuzivile vamwihwile ngwavo, &#8220;Iyajo asa kwovoka?&#8221;</div><div class="p"> 27Co Yesu wavakumbulwile ngwendi, &#8220;Cije cacikalu kuli vanu cinapu cacasi kuli Njambi.&#8221;</div><div class="p"> 28Petulu wendekele ngwendi, &#8220;Kenga, yetu tunaseza membo etu, tunakukava.&#8221;</div><div class="p"> 29Yesu wendekele kuli vakevo ngwendi, &#8220;Eyo, mwa vushunga njimileka ngwange woshe uje naseza limbo lyendi, nambe munakazi wendi, nambe vandolome vendi, nambe visemi vendi, nambe vana vendi, omwo Vumwene vwa Njambi 30akatambula vyavingi manene a simbu eyi vene nakutambula mwonyo wa myaka yoshe mu simbu ije ikaija kulutwe.&#8221;</div><div class="s1">Yesu endeka simbu yamucitatu a kutsa kwendi</div><div class="r">(Mateo 20:17-19; Mako 10:32-34)</div><div class="p"> 31Yesu watwalele vandongisi vendi likumi na vavali kwavo lika, co wendekele kuli vakevo ngwendi, &#8220;Tolilileni! Tulinakuya ku Yelusalema kuje vyuma vyoshe vije vivasonekele kuli vaka-kwimanena vya ali Muna Munu ngeci vikalingiwe. 32Muna Munu vakamwana kuli vaka-kujeneka kukulaela vaje vakamushendumuna nakumushaula nakumujekwila mate. 33Vakamupupa, co vaka-mutsiya, oloni munima ya matangwa atatu akasanguka.&#8221;</div><div class="p"> 34Oloni vandongisi vendi kuvazivukile cuma nacimo cai a vyuma evi, omwo majwi awa vavashwekelelewo ngeci kuvazivukile vije vyendekele Yesu kuli vakevo.</div><div class="s1">Yesu akangwisa kapuputwa uje walombele</div><div class="r">(Mateo 20:29-34; Mako 10:46-52)</div><div class="p"> 35Omo Yesu wetele kuyehi na Yeliko, co kapuputwa umo watumbamene kumukulo wa ngila nakulomba. 36Co omo wazivile mbunga ilinakwita, co wehwile ngwendi, &#8220;Ovyo vika?&#8221;</div><div class="p"> 37Vamulekele ngwavo, &#8220;Yesu wa ku Nazaleta alinakwita.&#8221;</div><div class="p"> 38Co watambekele ngwendi, &#8220;Ove Yesu! Muna Ndaviti! Njizivileko mema ku mbunge!&#8221;</div><div class="p"> 39Vanu vaje vatwamene kulutwe vamuvindikile ngeci oloke kuluu. Oloni ikeye watambekele manene-nene ngwendi, &#8220;Ove Muna Ndaviti! Njizivileko mema ku mbunge!&#8221;</div><div class="p"> 40Yesu wemanene nakushika ngeci vamunene kuli ikeye. Omo washwenyele muyehi, wamwihwile ngwendi, 41&#8220;Vika ushaka njikulingilevyo?&#8221;</div><div class="p">Co wakumbulwile ngwendi, &#8220;Shukulu, njishaka ngeci njimone lalo.&#8221;</div><div class="p"> 42Asinoni Yesu wendekele kuli ikeye ngwendi, &#8220;Mona! Kukulaela kwove kunakukangwisa.&#8221;</div><div class="p"> 43Co aje vene watonene, wakavele Yesu, nakushangazala Njambi. Omo vanu vacimwene, co voshe vashangazalele Njambi.</div>
 </div>
 </div>
</div>

Yesu wavatelelele cisimo eci cakuvalongesa ngeci simbu yoshe vanapande kulombela nakujeneka kuzeya. Ngwendi, “Mu nganda imo mwakele lyaako uje kakomokele Njambi nambe kusingimika munu. Co lalo mu nganda ije vene mwakele fwile uje wakele nakwija-ija kuli ikeye visimbu vyavingi amwakwile ngwendi, ‘Njikwase kuli citozi cange!’ Ku simbu yakama uje lyaako katavele, oloni akukotoka wayongwele mu mbunge yendi ngwendi, ‘Nambe kunjesi kukomoka Njambi nambe kunjesi kusingimika munu, oloni omwo lipakeso lyoshe eli ou fwile alinakunjana, njinapande njimulingile ngwe muje mwashaka. Nga kunjilingimo, anga atwalao kwija-ija, co akanjijukisa!’ ”
Co Mwene watwaleleo ngwendi, “Tolilileni vije vyendekele uje lyaako wakujeneka vushunga! Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi? Njimileka ngwange, vwasi-vwasi avaakwila ngwe kukushaka kwavo. Oloni vati omo Muna Munu akaija ano asi, akawanao kukulaela ndi?”

Yesu watele cisimo eci lalo kuli vanu vaje vaka-kukulaela vushunga vwavo vavenya nakushaula vakwavo. Ngwendi, “Vanalume vavali vaile ku Njuvo ya Shukulu Kalunga nakulombela, umo kaFaliseo, mukwavo muka-kutambula lisimu. KaFaliseo wemanene kwendi lika nakulombela ngwendi, ‘Njikukandelela Njambi, yange kunjafwile ngwe vakwetu voshe valukolotelo, vaka-kujeneka vushunga, vaka-vupangala. Njikukandelela ngeci yange kunjafwile ngwe uje muka-kutambula lisimu nemana kuje. Njikalikela kulya matangwa avali a simano a simano, co njikana cimo kulikumi ca vyoshe njikawana.’ Oloni muka-kutambula lisimu wemanene kulyala, co kasele nambe kwandula mesho endi kwilu, oloni walipupile a nulo yendi wendekele ngwendi, ‘Njambi, njizivileko mema ku mbunge yange muka-vuvi!’ Njimileka ngwange muka-kutambula lisimu ikeye wasambele ku mesho a Njambi omo waile ku njuvo yendi kutuvakana uje kaFaliseo. Omwo woshe uje akalyaka ku vukama vakamukeesa, oloni woshe uje alikeesa vakamwaka ku vukama.”


Asinoni vanu vamo vamunenelele vanike vavandondo ngeci avakambeke mavoko. Oloni omo vandongesi vendi vavamwene, co vavavindikile oloni Yesu wasanene vanike vavandondo vaije kuli ikeye, wendekele ngwendi, “Eceleni vanike vavandondo vaije kuli yange kesi muvavindike, omwo Vumwene vwa Njambi vunapu vwavo. Mwa vushunga njimileka ngwange, woshe katambula Vumwene vwa Njambi ngwe mwanike wamundondo, kakakovelamo.”


Co umo ntwama wa vaYunda wehwile Yesu ngwendi, “Mulongisi wamuvwa, vika njinapande kulinga ngeci njitambule mwonyo wa myaka yoshe?”
Yesu wamukumbulwile ngwendi, “Vika unjitumbwila ngwove njiwamuvwa? Naumo wai wamuvwa kuvanga Njambi lika. Yove uzivuka mashiko ngwawo, ‘Kesi ulinge vupangala, kesi utsiye, kesi ukaive, kesi ukavangele mukweni vukaleo vwa makuli, singimika isho na vanyoko.’ ”
Co uje munalume wakumbulwile ngwendi, “Mashiko oshe awa njawononoka laja tunde kuvwanike vwange.”
Omo Yesu wazivile evi, wendekele kuli ikeye ngwendi, “Kunalitulu cuma cimo ciwunapande kulinga. Ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.” Oloni omo uje munalume wazivile lijwi eli, wakele na vusiwa manene, omwo ikeye wakele na vufuko vwavungi.
Yesu wamumwene ali na vusiwa manene, co wendekele ngwendi, “Cinapu cacikalu kuli vaka-kufuka kukakovela mu Vumwene vwa Njambi! Cinapu cacikalu manene kuli munu muka-kufuka kukovela mu Vumwene vwa Njambi, oloni cacasi kuli kamelo kwita mu lisho lya nguya.”
Co vaje vanu vamuzivile vamwihwile ngwavo, “Iyajo asa kwovoka?”
Co Yesu wavakumbulwile ngwendi, “Cije cacikalu kuli vanu cinapu cacasi kuli Njambi.”
Petulu wendekele ngwendi, “Kenga, yetu tunaseza membo etu, tunakukava.”
Yesu wendekele kuli vakevo ngwendi, “Eyo, mwa vushunga njimileka ngwange woshe uje naseza limbo lyendi, nambe munakazi wendi, nambe vandolome vendi, nambe visemi vendi, nambe vana vendi, omwo Vumwene vwa Njambi akatambula vyavingi manene a simbu eyi vene nakutambula mwonyo wa myaka yoshe mu simbu ije ikaija kulutwe.”


Yesu watwalele vandongisi vendi likumi na vavali kwavo lika, co wendekele kuli vakevo ngwendi, “Tolilileni! Tulinakuya ku Yelusalema kuje vyuma vyoshe vije vivasonekele kuli vaka-kwimanena vya ali Muna Munu ngeci vikalingiwe. Muna Munu vakamwana kuli vaka-kujeneka kukulaela vaje vakamushendumuna nakumushaula nakumujekwila mate. Vakamupupa, co vaka-mutsiya, oloni munima ya matangwa atatu akasanguka.”
Oloni vandongisi vendi kuvazivukile cuma nacimo cai a vyuma evi, omwo majwi awa vavashwekelelewo ngeci kuvazivukile vije vyendekele Yesu kuli vakevo.


Omo Yesu wetele kuyehi na Yeliko, co kapuputwa umo watumbamene kumukulo wa ngila nakulomba. Co omo wazivile mbunga ilinakwita, co wehwile ngwendi, “Ovyo vika?”
Vamulekele ngwavo, “Yesu wa ku Nazaleta alinakwita.”
Co watambekele ngwendi, “Ove Yesu! Muna Ndaviti! Njizivileko mema ku mbunge!”
Vanu vaje vatwamene kulutwe vamuvindikile ngeci oloke kuluu. Oloni ikeye watambekele manene-nene ngwendi, “Ove Muna Ndaviti! Njizivileko mema ku mbunge!”
Yesu wemanene nakushika ngeci vamunene kuli ikeye. Omo washwenyele muyehi, wamwihwile ngwendi, “Vika ushaka njikulingilevyo?”
Co wakumbulwile ngwendi, “Shukulu, njishaka ngeci njimone lalo.”
Asinoni Yesu wendekele kuli ikeye ngwendi, “Mona! Kukulaela kwove kunakukangwisa.”
Co aje vene watonene, wakavele Yesu, nakushangazala Njambi. Omo vanu vacimwene, co voshe vashangazalele Njambi.

Koute Luka 18