Guarani, Bolivian - 2001 Edition (NT) Drama

<div class="version vid590 iso6393gui" data-vid="590" data-iso6393="gui">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Tembi&#243;cuai iya imbaembae omongata vae</div><div class="p"> 1Jare Jes&#250;s jei jemimboe reta pe:</div><div class="p">&#8212;Oico metei cuimbae oicocatu vae jare jembi&#243;cuai vi. Jeracua cuimbae pe quirai jembi&#243;cuai omongata imbaembae &#8212;jei&#8212;. 2Jayave cuimbae oeni jembi&#243;cuai jare jei chupe: &#191;Mbae pa co cuae nereracua cheve vae? Emombeu cheve mbae reyapo opaete chembaembae ndive vae. Echa romoeta co &#8212;jei, jei&#8212;. 3Jayave tembi&#243;cuai jei iyeupe ip&#616;a pe: &#191;Mbae ra ayapota? Echa cheya chemoeta. Mbaeti chepuere ayoo &#616;v&#616; corepoti amongana vaera. Mbaeti vi chepuere ayerure iru vae reta pe mbaembae re. Echa chemarata co &#8212;jei, jei&#8212;. 4Aicuaa ma mbae ayapota vae. Corai ayapo yave, cheya chemoe ma yave, iru vae reta o&#241;angarecota cher&#233; &#8212;jei, jei&#8212;. 5Jayave omondo omombeu vaera opaete iya pe mbae re ip&#237;a vae reta yog&#252;eru vaera ip&#616;ri. Jayave oparandu metei vae pe: &#191;Mbov&#616; pa ndep&#237;a cheya pe? &#8212;jei, jei&#8212;. 6Cien litro aceite &#8212;jei, jei&#8212;. Jayave tembi&#243;cuai jei chupe: Co oi ndetupapire. Eguap&#616; voi jare eicuat&#237;a cincuenta litro &#8212;jei, jei&#8212;. 7Jayave oparandu iru vae pe: &#191;Mbov&#616; pa ndep&#237;a cheya pe? &#8212;jei, jei&#8212;. Cien arroba trigo &#8212;jei, jei&#8212;. Jayave tembi&#243;cuai jei chupe: Co oi ndetupapire. Eicuat&#237;a ochenta arroba &#8212;jei, jei&#8212;. 8Jare cuimbae oicocatu vae jei jembi&#243;cuai jupi mbae vae oyapo vae pe: Icavi yae reyapo ndeyeupe. Ndearacuaa co &#8212;jei, jei&#8212;. Echa cuae &#616;v&#616; pegua reta iyaracuaa yae corepoti re Tumpa pe oye&#243;cuai vae reta g&#252;i &#8212;jei&#8212;.</div><div class="p"> 9Jeta vese corepoti oyeporu icavi mbae vae oyeapo vaera. Erei che jae peve, peiporu pecorepoti peyapo vaera peamingo retara. Echa pemano yave, peeyata pecorepoti mbaeti peiporu vae. Erei peyapo yave peamingo retara, jae reta pemboresiveta perenta opa mbae vae pe &#8212;jei Jes&#250;s chupe reta&#8212;. 10Oime yave quia &#241;andepuere yarovia catu mbae michi vae re vae, &#241;andepuere vi yarovia catu mbae tuicha vae re. Jae rami&#241;o vi oime yave quia oporombotav&#616; mbae michi vae re vae, oporombotav&#616;ta vi mbae tuicha vae re &#8212;jei&#8212;. 11Jae rambue mbaeti yave Tumpa ipuere pererovia catu corepoti re - echa jeta vese corepoti oyeporu icavi mbae vae oyeapo vaera - ngaraa vi pererovia catu mbaembae icavi vae ara pegua re &#8212;jei&#8212;. 12Jare oime yave quia mbaeti &#241;andepuere yarovia catu iru vae icorepoti re vae, ngaraa &#241;amee chupe corepoti g&#252;&#616;noi vaera iyeupeguara &#8212;jei&#8212;.</div><div class="p"> 13Metei tembi&#243;cuai oipota yave oye&#243;cuai m&#243;coi iya pe, omotare&#616;ta metei iya jare oa&#616;uta iru iya, ani oparav&#616;qu&#616; cavita metei iya pe jare g&#252;&#616;ro&#616;rota iru iya. Mbaeti pepuere peye&#243;cuai Tumpa pe corepoti pea&#616;u reve &#8212;jei.</div><div class="p"> 14Jare fariseo reta cuae oendu yave, oy&#243;yai Jes&#250;s. Echa jae reta oipota yae corepoti. 15Jayave Jes&#250;s jei chupe reta:</div><div class="p">&#8212;Pe reta pe&#241;embojupi iru vae reta jovaque. Erei Tumpa oicuaa pep&#616;a pe oi vae. Jare yepe tei iru vae reta pemboete yae, erei Tumpa oicuaa peyapo vae icavi mbae yae co &#8212;jei&#8212;.</div><div class="s">Mboro&#243;cuai jare Tumpa iporoocuaia</div><div class="p"> 16Ndei Juan ou mbove, Tumpa omombeu &#241;andeve yayapo vaera mboro&#243;cuai jare Tumpa i&#241;ee aracae omombeu vae reta jeig&#252;e. Erei Juan ombo&#616;p&#616; omombeu &#241;ee icavi vae Tumpa iporoocuaia regua, jare opaete vae oipota yae oique Tumpa iporoocuaia pe &#8212;jei&#8212;. 17Ara jare &#616;v&#616; opata. Erei mbaeti etei &#241;andepuere &#241;amboai mboro&#243;cuai &#8212;jei&#8212;.</div><div class="s">Omombo jembireco vae</div><div class="p"> 18Oime yave quia omombo jembireco vae, g&#252;&#616;reco yave iru vae jembirecora, o&#241;uvanga menda re. Jare oime yave quia o&#241;emombo ma vae g&#252;&#616;reco vae, jae vi o&#241;uvanga menda re &#8212;jei&#8212;.</div><div class="s">Cuimbae oicocatu vae jare L&#225;zaro</div><div class="p"> 19Oico metei cuimbae oicocatu vae temimonde ipora yae vae g&#252;&#616;noi vae. Jecuae&#241;o o&#241;emonde cavi yae jare ara &#241;avo oyapo arete &#8212;jei&#8212;. 20Jare oico vi iru cuimbae L&#225;zaro jee vae. Cuae cuimbae jecuae&#241;o oyerure iru vae reta pe mbaembae re. L&#225;zaro icaracha yae. Ara &#241;avo iru vae reta omo&#241;eno L&#225;zaro cuimbae oicocatu vae jonque j&#243;vai &#8212;jei&#8212;. 21L&#225;zaro oipota jou temb&#237;u iperasoraso cuimbae oicocatu vae imesa g&#252;i oa vae. Jare &#241;a&#616;mba reta yog&#252;eru oere L&#225;zaro icaracha reta &#8212;jei&#8212;. 22Jare metei ara cuimbae jecuae&#241;o oyerure iru vae reta pe mbaembae re vae omano, jare ara&#616;gua reta g&#252;&#616;raja Abraham oia pe. Jae rami&#241;o vi cuimbae oicocatu vae omano jare o&#241;eot&#616;uca &#8212;jei&#8212;. 23Jare ca&#241;&#616;tei pe cuimbae oicocatuse vae oiporara yae oi. Jayave jova&#616;va jare oecha Abraham momb&#616;r&#616; oi chug&#252;i. Oecha vi L&#225;zaro Abraham ndive &#8212;jei&#8212;. 24Jayave i&#241;eeata reve jei: Cheru Abraham, cheparareco. Embou L&#225;zaro o&#241;ono vaera ipoacaap&#616; &#616; pe omoaqu&#616; vaera checu. Echa aiporara yae ai cuae tata pe &#8212;jei, jei&#8212;. 25Erei Abraham jei chupe: Chera&#616;, nemaend&#250;a quirai nde reico &#616;v&#616; pe rambueve, nde renoi mbaembae icavi vae. Jae rami&#241;o vi L&#225;zaro oico &#616;v&#616; pe rambueve, mbaembae icavi mbae vae oyeapo chupe. Erei a&#241;ave jae ip&#616;acatu oi jare nde reiporara rei &#8212;jei, jei&#8212;. 26Jae rami&#241;o vi oime &#241;anepau pe mbaeti etei &#241;andepuere yaasa vae. Jae rambue roipota yave rojo pep&#616;ri, mbaeti orepuere. Jae rami&#241;o vi peipota yave peyu orep&#616;ri, mbaeti pepuere &#8212;jei, jei&#8212;. 27Jayave cuimbae oicocatuse vae jei ye Abraham pe: Cuae jeco pegua ayerure ndeve, cheru, remondo vaera L&#225;zaro cheru jenta pe &#8212;jei, jei&#8212;. 28Echa che oime anoi cinco cher&#616;v&#616;. Emondo omombeu vaera chupe reta, ag&#252;&#616;ye vaera jae reta vi yog&#252;eru cuae roiporaraa pe &#8212;jei, jei&#8212;. 29Jayave Abraham jei chupe: Oime g&#252;&#616;noi Mois&#233;s iporo&#243;cuai jare Tumpa i&#241;ee aracae omombeu vae reta oicuatiag&#252;e vae. Tomongueta reta jocuae &#8212;jei, jei&#8212;. 30Jayave cuimbae oicocatuse vae jei Abraham pe: Ngaraa omongueta reta, cheru Abraham. Erei oyecuaa yave chupe reta omanog&#252;e vae, oeya retata i&#241;emongueta icavi mbae vae ip&#616;a pe oi vae &#8212;jei, jei&#8212;. 31Jayave Abraham jei ye chupe: Mbaeti yave oipota oyeap&#616;saca Mois&#233;s iporo&#243;cuai jare Tumpa i&#241;ee aracae omombeu vae reta oicuatiag&#252;e vae re, ngaraa oyapo Tumpa jei oyapo vaera vae yepe tei quia oicove ye ojo chupe reta omanog&#252;e vae reta ip&#616;te g&#252;i &#8212;jei, jei.</div>
 </div>
 </div>
</div>

Jare Jesús jei jemimboe reta pe:
—Oico metei cuimbae oicocatu vae jare jembiócuai vi. Jeracua cuimbae pe quirai jembiócuai omongata imbaembae —jei—. Jayave cuimbae oeni jembiócuai jare jei chupe: ¿Mbae pa co cuae nereracua cheve vae? Emombeu cheve mbae reyapo opaete chembaembae ndive vae. Echa romoeta co —jei, jei—. Jayave tembiócuai jei iyeupe ipɨa pe: ¿Mbae ra ayapota? Echa cheya chemoeta. Mbaeti chepuere ayoo ɨvɨ corepoti amongana vaera. Mbaeti vi chepuere ayerure iru vae reta pe mbaembae re. Echa chemarata co —jei, jei—. Aicuaa ma mbae ayapota vae. Corai ayapo yave, cheya chemoe ma yave, iru vae reta oñangarecota cheré —jei, jei—. Jayave omondo omombeu vaera opaete iya pe mbae re ipía vae reta yogüeru vaera ipɨri. Jayave oparandu metei vae pe: ¿Mbovɨ pa ndepía cheya pe? —jei, jei—. Cien litro aceite —jei, jei—. Jayave tembiócuai jei chupe: Co oi ndetupapire. Eguapɨ voi jare eicuatía cincuenta litro —jei, jei—. Jayave oparandu iru vae pe: ¿Mbovɨ pa ndepía cheya pe? —jei, jei—. Cien arroba trigo —jei, jei—. Jayave tembiócuai jei chupe: Co oi ndetupapire. Eicuatía ochenta arroba —jei, jei—. Jare cuimbae oicocatu vae jei jembiócuai jupi mbae vae oyapo vae pe: Icavi yae reyapo ndeyeupe. Ndearacuaa co —jei, jei—. Echa cuae ɨvɨ pegua reta iyaracuaa yae corepoti re Tumpa pe oyeócuai vae reta güi —jei—.
Jeta vese corepoti oyeporu icavi mbae vae oyeapo vaera. Erei che jae peve, peiporu pecorepoti peyapo vaera peamingo retara. Echa pemano yave, peeyata pecorepoti mbaeti peiporu vae. Erei peyapo yave peamingo retara, jae reta pemboresiveta perenta opa mbae vae pe —jei Jesús chupe reta—. Oime yave quia ñandepuere yarovia catu mbae michi vae re vae, ñandepuere vi yarovia catu mbae tuicha vae re. Jae ramiño vi oime yave quia oporombotavɨ mbae michi vae re vae, oporombotavɨta vi mbae tuicha vae re —jei—. Jae rambue mbaeti yave Tumpa ipuere pererovia catu corepoti re - echa jeta vese corepoti oyeporu icavi mbae vae oyeapo vaera - ngaraa vi pererovia catu mbaembae icavi vae ara pegua re —jei—. Jare oime yave quia mbaeti ñandepuere yarovia catu iru vae icorepoti re vae, ngaraa ñamee chupe corepoti güɨnoi vaera iyeupeguara —jei—.
Metei tembiócuai oipota yave oyeócuai mócoi iya pe, omotareɨta metei iya jare oaɨuta iru iya, ani oparavɨquɨ cavita metei iya pe jare güɨroɨrota iru iya. Mbaeti pepuere peyeócuai Tumpa pe corepoti peaɨu reve —jei.
Jare fariseo reta cuae oendu yave, oyóyai Jesús. Echa jae reta oipota yae corepoti. Jayave Jesús jei chupe reta:
—Pe reta peñembojupi iru vae reta jovaque. Erei Tumpa oicuaa pepɨa pe oi vae. Jare yepe tei iru vae reta pemboete yae, erei Tumpa oicuaa peyapo vae icavi mbae yae co —jei—.

Ndei Juan ou mbove, Tumpa omombeu ñandeve yayapo vaera mboroócuai jare Tumpa iñee aracae omombeu vae reta jeigüe. Erei Juan omboɨpɨ omombeu ñee icavi vae Tumpa iporoocuaia regua, jare opaete vae oipota yae oique Tumpa iporoocuaia pe —jei—. Ara jare ɨvɨ opata. Erei mbaeti etei ñandepuere ñamboai mboroócuai —jei—.

Oime yave quia omombo jembireco vae, güɨreco yave iru vae jembirecora, oñuvanga menda re. Jare oime yave quia oñemombo ma vae güɨreco vae, jae vi oñuvanga menda re —jei—.

Oico metei cuimbae oicocatu vae temimonde ipora yae vae güɨnoi vae. Jecuaeño oñemonde cavi yae jare ara ñavo oyapo arete —jei—. Jare oico vi iru cuimbae Lázaro jee vae. Cuae cuimbae jecuaeño oyerure iru vae reta pe mbaembae re. Lázaro icaracha yae. Ara ñavo iru vae reta omoñeno Lázaro cuimbae oicocatu vae jonque jóvai —jei—. Lázaro oipota jou tembíu iperasoraso cuimbae oicocatu vae imesa güi oa vae. Jare ñaɨmba reta yogüeru oere Lázaro icaracha reta —jei—. Jare metei ara cuimbae jecuaeño oyerure iru vae reta pe mbaembae re vae omano, jare araɨgua reta güɨraja Abraham oia pe. Jae ramiño vi cuimbae oicocatu vae omano jare oñeotɨuca —jei—. Jare cañɨtei pe cuimbae oicocatuse vae oiporara yae oi. Jayave jovaɨva jare oecha Abraham mombɨrɨ oi chugüi. Oecha vi Lázaro Abraham ndive —jei—. Jayave iñeeata reve jei: Cheru Abraham, cheparareco. Embou Lázaro oñono vaera ipoacaapɨ ɨ pe omoaquɨ vaera checu. Echa aiporara yae ai cuae tata pe —jei, jei—. Erei Abraham jei chupe: Cheraɨ, nemaendúa quirai nde reico ɨvɨ pe rambueve, nde renoi mbaembae icavi vae. Jae ramiño vi Lázaro oico ɨvɨ pe rambueve, mbaembae icavi mbae vae oyeapo chupe. Erei añave jae ipɨacatu oi jare nde reiporara rei —jei, jei—. Jae ramiño vi oime ñanepau pe mbaeti etei ñandepuere yaasa vae. Jae rambue roipota yave rojo pepɨri, mbaeti orepuere. Jae ramiño vi peipota yave peyu orepɨri, mbaeti pepuere —jei, jei—. Jayave cuimbae oicocatuse vae jei ye Abraham pe: Cuae jeco pegua ayerure ndeve, cheru, remondo vaera Lázaro cheru jenta pe —jei, jei—. Echa che oime anoi cinco cherɨvɨ. Emondo omombeu vaera chupe reta, agüɨye vaera jae reta vi yogüeru cuae roiporaraa pe —jei, jei—. Jayave Abraham jei chupe: Oime güɨnoi Moisés iporoócuai jare Tumpa iñee aracae omombeu vae reta oicuatiagüe vae. Tomongueta reta jocuae —jei, jei—. Jayave cuimbae oicocatuse vae jei Abraham pe: Ngaraa omongueta reta, cheru Abraham. Erei oyecuaa yave chupe reta omanogüe vae, oeya retata iñemongueta icavi mbae vae ipɨa pe oi vae —jei, jei—. Jayave Abraham jei ye chupe: Mbaeti yave oipota oyeapɨsaca Moisés iporoócuai jare Tumpa iñee aracae omombeu vae reta oicuatiagüe vae re, ngaraa oyapo Tumpa jei oyapo vaera vae yepe tei quia oicove ye ojo chupe reta omanogüe vae reta ipɨte güi —jei, jei.

Koute San Lucas 16