The Ateso Bible

<div class="version vid436 iso6393teo" data-vid="436" data-iso6393="teo">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="p"> 1Kojenu Adam akeberu Keba; kopotuu, kouru Kain, kotema atiar, &#8220;Kainakin eo&#331; ekes kama ejai EJAKAIT.&#8221; 2Kouruunai bobo onaceke Abel. Ido koraun Abel ekecokon amerekekin, konye Kain koraun ekakorion alup. 3Kosodi kanen ketuboros apaarasia koyau Kain amio naka alup ainakin EJAKAIT asubanit. 4#Any 13:12; 34:19; Leb 27:26; Mar 18:17; Awa 3:9; Tub 6:21. Koyau Abel da lukiyaik ice lukosipanike, kasiepaikec da. Kocam EJAKAIT Abel ka akesubanit, 5#Bur 11:4; Age 3:16. Konye mam abu kocam Kain ka akesubanit. Konyunyurikin noi Kain, konyorididoto akekonyen. 6Kotema EJAKAIT Kain atiar, &#8220;Inyo bo kitunyunyurik jo? Ido kanukinyo anyorididioto akonikonyen? 7Arai iswamaenenei nuejok, mam kereka kicamunio? Arai mam iswamai ejok iboienenei aronis kokirigi; ainobeleke da ejaununei mamakon, koyaite ijo da nin.&#8221;</div><div class="p"> 8 # 
 Mat 23:35; Luk 11:51; 1 Yok 3:12; Yud 1:11. Kinerakinos Kain ka onaceke Abel. Kosodi kanen ejaas omanikor, kodakakin Kain onaceke Abel, koar &#331;es. 9Kotema EJAKAIT Kain atiar, &#8220;Ali bo onacekon Abel?&#8221; Kotema atiar, &#8220;Mam eo&#331; aleni: arai do eo&#331; ekedaran loka onaceka?&#8221; 10#Bur 12:24; Apu 6:10. Kotema &#331;es atiar, &#8220;Iswama anyoika? Kamonyia eporoto loka aokot nuka onacekon kakwap. 11#Ikis 28:15-20; Gal 3:10; Yob 16:18. Natikwana kikenokin ijo kotoma alup, nuapotu koonata amatar aokot nuka onacekon kakanikon. 12Naikorienenoo ijo alup, mam kiinanakinete akecegogo&#331;; iraun ekasian epasoit da kakwap.&#8221; 13Kotema Kain EJAKAIT atiar, &#8220;Akaiticanet mam epedor atiti&#331;ikinio. 14Koany, kirene lolo eo&#331; kotoma akwap, ido anopikini akonikonyen; araun eo&#331; ekasian epasoit da kakwap; ido yenikadumuni eo&#331; kaari.&#8221; 15#Esk 9:4,6. Kotema EJAKAIT &#331;es atiar, &#8220;Kanuka &#331;un enya&#331;i eo&#331; Kain irwan akanykaarei kaneejai yeneari &#331;es.&#8221; Kibwaik EJAKAIT Kain aanyunet, &#331;initu&#331;anan yeneanyuni &#331;es kinye aiar.</div><div class="p"> 16 # 
 2 Ika 13:23; 24:20; Yer 23:39; 52:3. Konyou Kain kakonyen nuka EJAKAIT. Kiboienenei kakwap naka Nod, kari nakokide naka Eden. 17#Sab 49:11. Kojenu Kain akeberu; kopotuu, kouru Enok: koduk ere, komaik ekiror loka okokuke Enok, 18Kouru Enok Irad: Irad kouru Mekuyael: Mekuyael kouru Metusael; Metusaelkouru Lamek. 19Komany Lamek a&#331;or aarei, nasodit ekekiror Ada, nakiareit ekekiror Sila. 20Kouru Ada Yabal: &#331;ol &#331;es papakec kanul kalueboienenete koweman, koiaas kibaren. 21Ekiror loka onaceke &#331;es Yubal: &#331;ol&#331;es papakec kanul kalueramete adeudeun ka &#331;ul luekusete alamarun. 22Sila da, abu kouru Tubal-kain, ekatatan loka ibore kere yenetubi yenikaisinit ka yenikasuat: kinacike ka Tubal-kain &#331;es Naama.</div><div class="q1"> 23Kotema Lamek akenor atiar, &#8220;Ada ka Sila kiirasi ekaporoto;</div><div class="q1">Yes a&#331;or nuka Lamek, kopuputu akakirot.</div><div class="q1">Naarai abu kaar etu&#331;anan kanuka aimusun eo&#331;,</div><div class="q1">Ekatumunan da kanuka aisen eo&#331;:</div><div class="q1"> 24Arai inyanio Kain irwan akanykaarei,</div><div class="q1">Inyanio do Lamek irwan akaisakanykaarei ka nukanykaarei.&#8221;</div><div class="p"> 25Kojenu bobo Adam akeberu; kouru ikoku yenitelepat, komaik ekekiror Set; kotema atiar, &#8220;Naarai abu Edeke kainak eo&#331; auruun ice aibois naka Abel; naarai abu Kain koar &#331;es.&#8221; 26#Age 6:2; 1 Ika 18:24; Sab 116:17; Yoe 2:32; Sep 3:9; Yok 1:12; Asw 15:17; 1 Kor 1:2. Ka Set da, kouru okokuke; komaik ekekiror Enos. Kapaarasia kanun &#331;es ageuniata itu&#331;a aiwonet ekiror loka EJAKAIT.</div>
 </div>
 </div>
</div>

Ateso Old Version Bible © United Bible Societies, 1961.

Kojenu Adam akeberu Keba; kopotuu, kouru Kain, kotema atiar, “Kainakin eoŋ ekes kama ejai EJAKAIT.” Kouruunai bobo onaceke Abel. Ido koraun Abel ekecokon amerekekin, konye Kain koraun ekakorion alup. Kosodi kanen ketuboros apaarasia koyau Kain amio naka alup ainakin EJAKAIT asubanit. Koyau Abel da lukiyaik ice lukosipanike, kasiepaikec da. Kocam EJAKAIT Abel ka akesubanit, Konye mam abu kocam Kain ka akesubanit. Konyunyurikin noi Kain, konyorididoto akekonyen. Kotema EJAKAIT Kain atiar, “Inyo bo kitunyunyurik jo? Ido kanukinyo anyorididioto akonikonyen? Arai iswamaenenei nuejok, mam kereka kicamunio? Arai mam iswamai ejok iboienenei aronis kokirigi; ainobeleke da ejaununei mamakon, koyaite ijo da nin.”
Kinerakinos Kain ka onaceke Abel. Kosodi kanen ejaas omanikor, kodakakin Kain onaceke Abel, koar ŋes. Kotema EJAKAIT Kain atiar, “Ali bo onacekon Abel?” Kotema atiar, “Mam eoŋ aleni: arai do eoŋ ekedaran loka onaceka?” Kotema ŋes atiar, “Iswama anyoika? Kamonyia eporoto loka aokot nuka onacekon kakwap. Natikwana kikenokin ijo kotoma alup, nuapotu koonata amatar aokot nuka onacekon kakanikon. Naikorienenoo ijo alup, mam kiinanakinete akecegogoŋ; iraun ekasian epasoit da kakwap.” Kotema Kain EJAKAIT atiar, “Akaiticanet mam epedor atitiŋikinio. Koany, kirene lolo eoŋ kotoma akwap, ido anopikini akonikonyen; araun eoŋ ekasian epasoit da kakwap; ido yenikadumuni eoŋ kaari.” Kotema EJAKAIT ŋes atiar, “Kanuka ŋun enyaŋi eoŋ Kain irwan akanykaarei kaneejai yeneari ŋes.” Kibwaik EJAKAIT Kain aanyunet, ŋinituŋanan yeneanyuni ŋes kinye aiar.
Konyou Kain kakonyen nuka EJAKAIT. Kiboienenei kakwap naka Nod, kari nakokide naka Eden. Kojenu Kain akeberu; kopotuu, kouru Enok: koduk ere, komaik ekiror loka okokuke Enok, Kouru Enok Irad: Irad kouru Mekuyael: Mekuyael kouru Metusael; Metusaelkouru Lamek. Komany Lamek aŋor aarei, nasodit ekekiror Ada, nakiareit ekekiror Sila. Kouru Ada Yabal: ŋol ŋes papakec kanul kalueboienenete koweman, koiaas kibaren. Ekiror loka onaceke ŋes Yubal: ŋolŋes papakec kanul kalueramete adeudeun ka ŋul luekusete alamarun. Sila da, abu kouru Tubal-kain, ekatatan loka ibore kere yenetubi yenikaisinit ka yenikasuat: kinacike ka Tubal-kain ŋes Naama.
Kotema Lamek akenor atiar, “Ada ka Sila kiirasi ekaporoto;
Yes aŋor nuka Lamek, kopuputu akakirot.
Naarai abu kaar etuŋanan kanuka aimusun eoŋ,
Ekatumunan da kanuka aisen eoŋ:
Arai inyanio Kain irwan akanykaarei,
Inyanio do Lamek irwan akaisakanykaarei ka nukanykaarei.”
Kojenu bobo Adam akeberu; kouru ikoku yenitelepat, komaik ekekiror Set; kotema atiar, “Naarai abu Edeke kainak eoŋ auruun ice aibois naka Abel; naarai abu Kain koar ŋes.” Ka Set da, kouru okokuke; komaik ekekiror Enos. Kapaarasia kanun ŋes ageuniata ituŋa aiwonet ekiror loka EJAKAIT.

Koute Ageun 4