<div class="version vid4135 iso6393oyd" data-vid="4135" data-iso6393="oyd">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">De7o qaala</div><div class="p"> 1Qaala tiino yene. Qaalizen Xoozara yene; ye Qaalize Xoozii. 2Ezin tiinoppan Xoozara yene. 3Xoozze ubbabazito Qaala baggara medhdhida. Medhinttide bazappa fettibazin E baytsi medhinttide bazi baaya. 4E gidda de7o yene; yinna de7itan asis foo7o. 5Foo7ize dhuma gidda foo7ane; dhumita foo7iza gamikaaya.</div><div class="p"> 6Xoozapp kiitinttide, Wahannisa ga7inttize fettii asi yene.#Maato. 3:1; Mar. 1:4; Luqa. 3:1-2 7Asi ubba foo7iza ammanode fana E foo7ize markka maaqqii yi7ida. 8E foo7ize baz markkidhodes yi7idap attin fa ommite foo7o baaya. 9Asi ubbas foo7ize turii foo7o alame ye7ine.</div><div class="p"> 10Qaalize alame yene. Xoozze Qaalara alamito medhdhida, yezin alamita eza erikaaya. 11E fa bagguntsago yi7ida, yezin E bagguntsin eza ekkikaaya. 12Yezin E fana ekkiduntsisin E suntsite ammaniduntsis unttis Xoozze na7a maaqqade gaar adetits wolqqa inggida. 13Un Xoozappa yelinttidap attin asi yelinttize wogara woy dhiiratsi qofappa woy as qofappa yelinttikaaya. Xoozze E unttis ade.</div><div class="p"> 14Qaala asho maaqqida; aadho keehatitsaran turetitsara kumii nu gidda aqida. Fettii na7ays E aday kale yeze bonchchiti fana yeze bonchcho nu bi7ida.</div><div class="p"> 15Wahannisa E baz markkidhida. Fa qaaltto dhoqi yiizii, &#171;Taanii, &#8249;Taappa suubara ye7ize taappa tiino yeze gisho taappa aadhane&#8250; ga7i markkidhidanna hyanno&#187; yagayda. 16Nu ubbuntsi E aadho keehatitsite kumutsitippa anjjolla afa anjjo ekkida. 17Xoozze higge Muse baggara inggida, yezin aadho keehatitsin turetitsi Yesuus Kiristtoosa baggara yi7ida. 18Xoozza bi7ide asi ooden baaya; fa Aday kale yeze fettii Na7ay Xooz maaqqide E qonccizida.</div><div class="s1">Xammaqize Wahannisa markkatitsi</div><div class="r">(Maato. 3:1-12; Mar. 1:1-8; Luqa. 3:1-8)</div><div class="p"> 19Yerusalaame yeze hyalaquntsi, kahinuntsin Leewuntsin, &#171;Ne oode?&#187; ga7i, Wahannisa oocode gaar eego kiittin, Wahannisa unttis markkidhide markkatitsita hyanno.</div><div class="p"> 20Wahannisa, &#171;Ta Kiristtoosa baaya&#187; yaga7i, loytsii markkidhidap attin kaddikaaya.</div><div class="p"> 21Un, &#171;Yeezin, ne oode? Neenii Eliyaasane?&#187; ga7i oocida.#Mil. 4:5; Mahe 18:15-18</div><div class="p">Wahannisa, &#171;Ade tana baaya&#187; gayda.</div><div class="p">Mahi un, &#171;Neenii ye7odes ga7intteze nabene?&#187; ga7i oocida.</div><div class="p">Wahannisa, &#171;Ade&#187; yaga7i mahida.</div><div class="p"> 22Yeezin, &#171;Ne oode? Nu nuna kiittezuntsis ohode fana neenii nena oona ga7e?&#187; yagayda.</div><div class="p"> 23Wahannisa mahi, Nabe Isayaasa ga7idanni gaara, &#171; &#8249;Laatstse ogito luulizote!&#8250; ga7i akko baayze ganasa uukkize atstse qaalize tana&#187; yagayda.#Isa. 40:3</div><div class="p"> 24Yezin Farisaawuntsi kiittide asuntsi 25Wahannisago, &#171;Neenii Kiristtoosa woy Eeliyaasa woy nabe maaqqaanxi ixxiko, yeezin akkos xammaqe?&#187; yaga7i oocida.</div><div class="p"> 26Wahannisa mahi, &#171;Taanii hyaatsara xammaqane, yezin yin eroosse asi yin gidda eqqida. 27E taappa suubite ye7ine. Ta melle atto yezin Ees caamma gaadiza billodes beezoos&#187; yagayda.</div><div class="p"> 28Yinna ubba Yorddaanosa borkkappa seko fintsa, Bitaaniya katamite, Wahannisa xammaqize besite hyanida.</div><div class="s1">Xoozze Duro</div><div class="p"> 29Wahannisa wonttisti wode Yesuusa faago ye7odera bi7i, &#171;Alame nagara uccize Xoozze Durzay hyaychche! 30Taanii, &#8249;Taappa suubara fettii asi ye7oda. E taappa tiino yeze gisho taappa aadhane&#8250; ga7i ohide hyaya. 31E oode yezako ta eroos. Yezin Isra7eele asuntsis eza qonccissades hyaatsara xammaqittera yi7ida&#187; yagayda.</div><div class="p"> 32Wahannisa hyannigaara ga7i markkidhida: &#171;Geeshi Ayyaana saloppa wolle gaar wodhdhizin bi7ida. 33Yinna hyanodannippa tiino taanii eza eroos. Yezin hyaatsara xammaqodes tana kiittide Xoozze, &#8249;Geeshi Ayyaana wodhdhii eera yessadera neenii be7ize Geeshi Ayyaanara xammaqoday eza&#8250; yaga7i taas ohida. 34Taanii yinna hyanodera bi7i, E Xoozze Na7a maaqqidanno markkidhane&#187; yagayda.</div><div class="s1">Yesuusa kaallide tiino tamaaruntsana</div><div class="p"> 35Mahi wonttisti wode Wahannisa fa tamaaruntsappa lam77untsara wolla eqqida. 36Yesuusa aadhodera Wahannisa bi7i, &#171;Xoozze durize hyaynishe!&#187; yagayda.</div><div class="p"> 37Lam77i Wahannisa tamaaruntsi Wahannisa gaazanno si7i Yesuusa kaallida. 38Yesuusa fana kaallizuntsana suub maaqqii bi7i, &#171;Akko koye?&#187; yaga7i oocida.</div><div class="p">Un mahi, &#171;Rebbii, ne aba yene?&#187; yagayda. (Bilitsita Asttamaarizayo ga7e.)</div><div class="p"> 39Yesuusa unttago, &#171;Hyankka yi7i bo7ote&#187; yagayda. Un hyanggi E yezebezito bi7ida. Ye wode sa7ita taphphi saate gaar maaqqide gisho E kale feezhida.</div><div class="p"> 40Wahannisa gaydanno si7i, Yesuusa kaallide lam77i tamaaruntsappa fete, Simoon Phexiroosa ishe Inddiriyase. 41Inddiriyase tiino fa ishe Simoonara yellintti, &#171;Nuunii Mesiihi denggida&#187; yagayda. (Bilitsitan Kiristtoosa ga7e.) 42Inddiriyase Simoona Yesuusago ki7ida.</div><div class="p">Yesuusa Simoona bi7i, &#171;Ne Yoona na7a Simoona; ne suntsita Keefa#1:42 Keefa: Gaaze qaalize Aramayke doona maaqqii, Girike doonara bilitsita Phexiroosa woy lalla ga7inttane. ga7i xeeginttoda&#187; yagayda.</div><div class="s1">Yesuusa Filphoosan Natina7eelen xeegida</div><div class="p"> 43Wonttisti wode Yesuusa Galila qitodes qofa accida. E Filphoosa denggi, &#171;Tana kaallo!&#187; yagayda. 44Filphoosa, Inddiraseran Phexiroosaran yezide Beetesayda katama asi.</div><div class="p"> 45Filphoosa Natina7eela yellii, &#171;Muse higge maxaafite, mahi nabuntsin E baz xaafide Yoosefa na7a Naazirete Yesuusa nu denggida&#187; yagayda.</div><div class="p"> 46Natina7eela mahi, &#171;Naazirete katamappa lo77o baz kessades dandda7ane?&#187; yagayda.</div><div class="p">Filphoosa, &#171;Yi7i bo7o&#187; yagayda.</div><div class="p"> 47Natina7eela faago ye7izaya Yesuusa bi7i, &#171;Gene baayze turii Isra7eele asi hyaynishe!&#187; yagayda.</div><div class="p"> 48Natina7eela Yesuusago, &#171;Ne tana aba ere?&#187; yagayda.</div><div class="p">Yesuusa mahi, &#171;Filphoosa nena xeegodannippa tiino, ne belese minxa oomo yezin ta nena bi7ida&#187; yagayda.</div><div class="p"> 49Natina7eela mahi, &#171;Asttamaarizayo, ne Xoozze Na7a! Ne Isra7eele kaati!&#187; yagayda.</div><div class="p"> 50Yesuusa eego, &#171;Ta nena belese minxa oomo bi7ida gayde gisho ammanane? Ne hyannippa aadhizebaz be7ada!&#187; yagayda. 51Mahi Yesuusa, &#171;Taanii yinttis turibaz ohine; salo bugunttin, Xoozze kiitanchchuntsi As Na7alla afa kessaderan keddoderan yin be7ada&#187; yagayda.#Medho 28:12</div>
 </div>
 </div>
</div>

Qaala tiino yene. Qaalizen Xoozara yene; ye Qaalize Xoozii. Ezin tiinoppan Xoozara yene. Xoozze ubbabazito Qaala baggara medhdhida. Medhinttide bazappa fettibazin E baytsi medhinttide bazi baaya. E gidda de7o yene; yinna de7itan asis foo7o. Foo7ize dhuma gidda foo7ane; dhumita foo7iza gamikaaya.
Xoozapp kiitinttide, Wahannisa ga7inttize fettii asi yene. Asi ubba foo7iza ammanode fana E foo7ize markka maaqqii yi7ida. E foo7ize baz markkidhodes yi7idap attin fa ommite foo7o baaya. Asi ubbas foo7ize turii foo7o alame ye7ine.
Qaalize alame yene. Xoozze Qaalara alamito medhdhida, yezin alamita eza erikaaya. E fa bagguntsago yi7ida, yezin E bagguntsin eza ekkikaaya. Yezin E fana ekkiduntsisin E suntsite ammaniduntsis unttis Xoozze na7a maaqqade gaar adetits wolqqa inggida. Un Xoozappa yelinttidap attin asi yelinttize wogara woy dhiiratsi qofappa woy as qofappa yelinttikaaya. Xoozze E unttis ade.
Qaala asho maaqqida; aadho keehatitsaran turetitsara kumii nu gidda aqida. Fettii na7ays E aday kale yeze bonchchiti fana yeze bonchcho nu bi7ida.
Wahannisa E baz markkidhida. Fa qaaltto dhoqi yiizii, «Taanii, ‹Taappa suubara ye7ize taappa tiino yeze gisho taappa aadhane› ga7i markkidhidanna hyanno» yagayda. Nu ubbuntsi E aadho keehatitsite kumutsitippa anjjolla afa anjjo ekkida. Xoozze higge Muse baggara inggida, yezin aadho keehatitsin turetitsi Yesuus Kiristtoosa baggara yi7ida. Xoozza bi7ide asi ooden baaya; fa Aday kale yeze fettii Na7ay Xooz maaqqide E qonccizida.


Yerusalaame yeze hyalaquntsi, kahinuntsin Leewuntsin, «Ne oode?» ga7i, Wahannisa oocode gaar eego kiittin, Wahannisa unttis markkidhide markkatitsita hyanno.
Wahannisa, «Ta Kiristtoosa baaya» yaga7i, loytsii markkidhidap attin kaddikaaya.
Un, «Yeezin, ne oode? Neenii Eliyaasane?» ga7i oocida.
Wahannisa, «Ade tana baaya» gayda.
Mahi un, «Neenii ye7odes ga7intteze nabene?» ga7i oocida.
Wahannisa, «Ade» yaga7i mahida.
Yeezin, «Ne oode? Nu nuna kiittezuntsis ohode fana neenii nena oona ga7e?» yagayda.
Wahannisa mahi, Nabe Isayaasa ga7idanni gaara, « ‹Laatstse ogito luulizote!› ga7i akko baayze ganasa uukkize atstse qaalize tana» yagayda.
Yezin Farisaawuntsi kiittide asuntsi Wahannisago, «Neenii Kiristtoosa woy Eeliyaasa woy nabe maaqqaanxi ixxiko, yeezin akkos xammaqe?» yaga7i oocida.
Wahannisa mahi, «Taanii hyaatsara xammaqane, yezin yin eroosse asi yin gidda eqqida. E taappa suubite ye7ine. Ta melle atto yezin Ees caamma gaadiza billodes beezoos» yagayda.
Yinna ubba Yorddaanosa borkkappa seko fintsa, Bitaaniya katamite, Wahannisa xammaqize besite hyanida.

Wahannisa wonttisti wode Yesuusa faago ye7odera bi7i, «Alame nagara uccize Xoozze Durzay hyaychche! Taanii, ‹Taappa suubara fettii asi ye7oda. E taappa tiino yeze gisho taappa aadhane› ga7i ohide hyaya. E oode yezako ta eroos. Yezin Isra7eele asuntsis eza qonccissades hyaatsara xammaqittera yi7ida» yagayda.
Wahannisa hyannigaara ga7i markkidhida: «Geeshi Ayyaana saloppa wolle gaar wodhdhizin bi7ida. Yinna hyanodannippa tiino taanii eza eroos. Yezin hyaatsara xammaqodes tana kiittide Xoozze, ‹Geeshi Ayyaana wodhdhii eera yessadera neenii be7ize Geeshi Ayyaanara xammaqoday eza› yaga7i taas ohida. Taanii yinna hyanodera bi7i, E Xoozze Na7a maaqqidanno markkidhane» yagayda.

Mahi wonttisti wode Wahannisa fa tamaaruntsappa lam77untsara wolla eqqida. Yesuusa aadhodera Wahannisa bi7i, «Xoozze durize hyaynishe!» yagayda.
Lam77i Wahannisa tamaaruntsi Wahannisa gaazanno si7i Yesuusa kaallida. Yesuusa fana kaallizuntsana suub maaqqii bi7i, «Akko koye?» yaga7i oocida.
Un mahi, «Rebbii, ne aba yene?» yagayda. (Bilitsita Asttamaarizayo ga7e.)
Yesuusa unttago, «Hyankka yi7i bo7ote» yagayda. Un hyanggi E yezebezito bi7ida. Ye wode sa7ita taphphi saate gaar maaqqide gisho E kale feezhida.
Wahannisa gaydanno si7i, Yesuusa kaallide lam77i tamaaruntsappa fete, Simoon Phexiroosa ishe Inddiriyase. Inddiriyase tiino fa ishe Simoonara yellintti, «Nuunii Mesiihi denggida» yagayda. (Bilitsitan Kiristtoosa ga7e.) Inddiriyase Simoona Yesuusago ki7ida.
Yesuusa Simoona bi7i, «Ne Yoona na7a Simoona; ne suntsita Keefa ga7i xeeginttoda» yagayda.

Wonttisti wode Yesuusa Galila qitodes qofa accida. E Filphoosa denggi, «Tana kaallo!» yagayda. Filphoosa, Inddiraseran Phexiroosaran yezide Beetesayda katama asi.
Filphoosa Natina7eela yellii, «Muse higge maxaafite, mahi nabuntsin E baz xaafide Yoosefa na7a Naazirete Yesuusa nu denggida» yagayda.
Natina7eela mahi, «Naazirete katamappa lo77o baz kessades dandda7ane?» yagayda.
Filphoosa, «Yi7i bo7o» yagayda.
Natina7eela faago ye7izaya Yesuusa bi7i, «Gene baayze turii Isra7eele asi hyaynishe!» yagayda.
Natina7eela Yesuusago, «Ne tana aba ere?» yagayda.
Yesuusa mahi, «Filphoosa nena xeegodannippa tiino, ne belese minxa oomo yezin ta nena bi7ida» yagayda.
Natina7eela mahi, «Asttamaarizayo, ne Xoozze Na7a! Ne Isra7eele kaati!» yagayda.
Yesuusa eego, «Ta nena belese minxa oomo bi7ida gayde gisho ammanane? Ne hyannippa aadhizebaz be7ada!» yagayda. Mahi Yesuusa, «Taanii yinttis turibaz ohine; salo bugunttin, Xoozze kiitanchchuntsi As Na7alla afa kessaderan keddoderan yin be7ada» yagayda.

Koute Wahannisa 1