Ninzo - WBT and NTT Version (Non-Drama NT)

Ninzo - WBT and NTT Version (Drama NT)

Ninzo New Testament

<div class="version vid367 iso6393nin" data-vid="367" data-iso6393="nin">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">Assurre ni itu i ayamba na ako wa tuku uni hla are wa.</div><div class="p"> 1Yesu &#224; bre ku abiga ma ba assurre nggo ta tsarr ba di a bu so di barr ttuttumi, na si su ukpa hen. 2Yesu da di: &#8220;Ni &#236;gb&#249; numa nggo uni hla are numa di so, na si kru isisu i Abachi hen, na si kye unushirr mi ssu ni ishishi hen. 3Ayamba na ako numa ni igbu wama &#224; di nga na ku ttuttumi, ni di barr ma ki itu ima di, &#8216;Zi ingga ni itu i abi karr ingga ba!&#8217;</div><div class="p"> 4&#8220;Zhi ngbangbamu uni hla are wa di k&#224; ina inkindirr ni itu yi. Ni ikikre yi uwa da ku itu ima di, &#8216;Nu nggo ingga si kru isisu i Abachi hen, ni si kye unushirr ssu ni ishishi hen, 5nggo ayamba wa nggo di tsutsarr ingga, ingga ta ta ukpa ni na ku inkindirr yi nggo so zha yi. Ingga ta si na meme hen, uwa ta di tsutsarr ingga meme yo, na ka ni ki ingga udi!&#8217; &#8221;</div><div class="p"> 6Atiko wa &#224; da di, &#8220;Wo inkindirr yi nggo ugbugbu uni hla are wa &#224; da. 7Nggo uni hla are andanda wa mu ka ti na meme ku ayamba na ako wa, imba kye Abachi ka si na inkindirr izizi mri meme ku anishirr abangga ba nggo a so di barr ma zha izi na azhi na ingbahru hen? A si ta su ukpa ni zi ba hen. 8Ingga da ki imba, Abachi ta nu ba inkindirr yi nggo i si ba imbarr, na ta ni yi hanhan mi. Uvuvurr a Unushirr &#224; ti nga wa &#224; taka ni hi anishirr shishemi a bi yo isisurr na ku ni ingbingbru inggi yi?&#8221;</div><div class="s1">Assurre ni itu i anu Farrisi ba tuku uni kpa inklo imimi wa</div><div class="p"> 9Yesu &#224; bre assurre anggo ku anishirr ba nggo a di kye da abangga na wre ka ba, na di kye abanu kpachirr. 10&#192; ddu ba di, &#8220;Anishirr aha banu ngga a huzzu kuma ni ibarr Abachi nu Uki Unkpi ku Ibarr Abachi ku. Uyirr wa sa anu Farrisi, unuma wa &#224; su uni kpa inklo imimi. 11Anu Farrisi wa &#224; gru kri ku itu ima na barr di, &#8216;Abachi, ingga nyarr ku &#249;w&#224; nggo &#249;w&#224; na ingga ki nanka ni inkpu anishirr, abi de anishirr, agbugbu, abi zha amba, ni si si n&#226; ta si uni kpa inklo imimi wanggo wa hen. 12Ni ivi itangba, ingga di vu angu ankpu iha. Ni ti se ni inkindirr iwurr ingga ttu iyirr nu &#249;w&#224;.&#8217;</div><div class="p"> 13&#8220;Uni kpa inklo imimi wa gru kri kremi na si kpanye na g&#616; ashishi hun kuma nu ussu hen, na sa ungo na anke&#817; na da di, &#8216;Abachi, ki itito ni ingga uni la ure ku!&#8217; &#8221;</div><div class="p"> 14Yesu da di, &#8220;Ingga ko da ki imba, uni kpa inklo imimi wa yo kuma ni iko ni isu isisurr. Undurr wa nggo ti g&#616; itu ima aba ta gri ma kaji, undurr wa nggo ti gri itu ima yi ji aba ta g&#616; ma hun.&#8221;</div><div class="s1">Yesu a yo ku amumarr tsitsa angu azizi</div><div class="r">(Matiyu 19:13-15; Marrku 10:13-16)</div><div class="p"> 15Anishirr banu mi a so gri amumarr ambarr na nga ni Yesu ku, di a bu yo ba angu azizi. Abiga ma ba hi ba na han ba ni na meme yi. 16Yesu yo amumarr ba chinga nu ukpa uma na ddu abiga ma ba di, &#8220;Du amumarr tsitsa du ba nga ni ingga ku. Si han ba yi hen. Ittu yi Abachi yi si i abangga ba nggo a si n&#226; ta si amumarr angga ba. 17Imba bu hi di, undurr wa wanggo ti si kpa Ittu yi Abachi n&#226; ta si uvuvurr uvutsa hen, uwa si taka ni rri ni ittu yi hen.&#8221;</div><div class="s1">Ugo uni inklo wa</div><div class="r">(Matiyu 19:16-30; Marrku 10:17-31)</div><div class="p"> 18Azhibarr numa nggo, ankpye numa a zhi Yesu di, &#8220;Unitsarr uni wre, ingga ta na sa angginggi ni ka kpa iso sese?&#8221;</div><div class="p"> 19Yesu a zhi ma di, &#8220;Angginggi du &#249;w&#224; yo ingga ki uni wre? Abachi yo su uni wre na nkpama. Undurr numa uni wre &#224; sama. 20&#217;w&#224; hi Are ka, &#8216;Si zha amba na aniru hen. Si ngu unushirr hen. Si ki ayi hen. Si vu undurr ni imu mi hen. Kru isisu i aki muwa na ayirr muwa.&#8217; &#8221;</div><div class="p"> 21Ugo wa ddu ma di, &#8220;Zhi nggo ingga ni di su uvutsa mu, ingga di na aba ma.&#8221;</div><div class="p"> 22Nggo Yesu wo meme, na ddu ma di, &#8220;Inkindirr iyirr yo ni ji ku &#249;w&#224;. Kuma ku vu aseki muwa ka re namri, ni kpa inklo yi ga ku abi iha, &#249;w&#224; ta se na aseki shishemi nu unkplassu. &#217;w&#224; ti na meme &#249;w&#224; nga ni ga ingga.&#8221;</div><div class="p"> 23Nggo ugo nggo &#224; wo meme, isisurr i vri ma kakami, nu nggo ugo wa &#224; se nu ungo kakami. 24Yesu hi ma ni ivri isisurr yi na da di, &#8220;I taka ts&#616; kakami unu ungo a bu rri ni Ittu i Abachi yi! 25Alakurrmi ta rri ni iywirr i anurr kuchi unushirr nu ungo ka rri ni ittu i Abachi yi.&#8221; </div><div class="p"> 26Anishirr ba nggo kri nabo na wo meme na a zhi ma di, &#8220;Unggo mu taka kpa ikpa ttungo?&#8221;</div><div class="p"> 27I Yesu ddu ba di, &#8220;Inkindirr yi nggo ts&#616; ku unushirr, Abachi ka na yi.&#8221;</div><div class="p"> 28I Biturr ddu ma di, &#8220;Kye! Inta nggo i k&#224; ako munta wa du ni k&#224; aseki ka nggo inta i se na ka du, ni ga &#249;w&#224; na?&#8221;</div><div class="p"> 29Yesu &#224; ddu ba di, &#8220;Undurr wanggo a ka du iko ima du, na ayamba ama, na amuyirr aniru na amba, na akiki ma, na amarr ma ni itu Ittu i Abachi yi, 30uwa ta kpa kri shishemi na ase angga ka bari, ni ka kpa iso sese na ase ka so nga ka.&#8221;</div><div class="s1">Yesu da ba ittu ima yi inkpu itarr</div><div class="r">(Matiyu 20:17-19; Marrku 10:32-34)</div><div class="p"> 31Yesu yo abiga ama awurr na ha ba kaki na anga yirr, na ddu ba di, &#8220;Wo yi! Inta ta ko kuma nu Urushalima. Inkindirr yi nggo abi kpa are ba a charr, i ta ku la jiji ni itu i Uvuvurr a Unushirr. 32A ta ku ba ma nu abangga ba nggo a si si anu Yahuda hen, aba a ta me&#817; ma, na marr ma, na ta ddu antinte surr ma. 33Na ta hlo ma, na ta ngu ma, unu utarr wa, uwa ta tasi.&#8221;</div><div class="p"> 34Abiga ma ba si hi inkindirr ima yi nggo a ko da yi hen. Inkpi i ure yi i sharri ba, aba si hi inkindirr yi nggo Yesu ko re ni itu yi hen.</div><div class="s1">Yesu du unakreshishi a wre</div><div class="r">(Matiyu 20:29-34; Marrku 10:46-52)</div><div class="p"> 35Nggo Yesu so ki ywhiywhirr nu Jerriko, unakreshishi numa nggo so di barr nu unddu anko ku nabo. 36Nggo a wo anishirr ba ni so sarr kuma na zhi ba di, &#8220;A sa angginggi ima yi?&#8221; 37Aba da ku da di, &#8220;a si Yesu anu Nazareti nggo &#224; so sarr kuma&#8221;</div><div class="p"> 38Uwa yo hantu di, &#8220;Yesu! Uvuvurr a Doda! Kye, ki itito ni ingga ku!&#8221;</div><div class="p"> 39Anishirr ba nggo a si ni ichi a nggarr ito na ku di, a bu ba ttungo. Uwa k&#224; na yo hantu kakami di, &#8220;Uvuvurr a Doda! Kye iha mungga yi!&#8221;</div><div class="p"> 40Yesu &#224; kukri na da di a bu vu ma ga ku uwa. Nggo a ki ywhiywhirr, i Yesu zhi ma di, 41&#8220;&#217;w&#224; zha di ingga bu na ku &#249;w&#224; angginggi?&#8221;</div><div class="p">Uwa da di, &#8220;Ankpye, di ingga kye hi.&#8221;</div><div class="p"> 42Yesu ddu ma di, &#8220;Bwu ashishi! Iyo isisurr imuwa nggi i du &#249;w&#224; wre.&#8221; 43Inkpu iyirr, uwa bwu ashishi na kye hi, na ga Yesu, na ko nyarr ku Abachi. Nggo anishirr ba a hi meme, na gru ko nyarr ku Abachi.</div>
 </div>
 </div>
</div>

Yesu à bre ku abiga ma ba assurre nggo ta tsarr ba di a bu so di barr ttuttumi, na si su ukpa hen. Yesu da di: “Ni ìgbù numa nggo uni hla are numa di so, na si kru isisu i Abachi hen, na si kye unushirr mi ssu ni ishishi hen. Ayamba na ako numa ni igbu wama à di nga na ku ttuttumi, ni di barr ma ki itu ima di, ‘Zi ingga ni itu i abi karr ingga ba!’
“Zhi ngbangbamu uni hla are wa di kà ina inkindirr ni itu yi. Ni ikikre yi uwa da ku itu ima di, ‘Nu nggo ingga si kru isisu i Abachi hen, ni si kye unushirr ssu ni ishishi hen, nggo ayamba wa nggo di tsutsarr ingga, ingga ta ta ukpa ni na ku inkindirr yi nggo so zha yi. Ingga ta si na meme hen, uwa ta di tsutsarr ingga meme yo, na ka ni ki ingga udi!’ ”
Atiko wa à da di, “Wo inkindirr yi nggo ugbugbu uni hla are wa à da. Nggo uni hla are andanda wa mu ka ti na meme ku ayamba na ako wa, imba kye Abachi ka si na inkindirr izizi mri meme ku anishirr abangga ba nggo a so di barr ma zha izi na azhi na ingbahru hen? A si ta su ukpa ni zi ba hen. Ingga da ki imba, Abachi ta nu ba inkindirr yi nggo i si ba imbarr, na ta ni yi hanhan mi. Uvuvurr a Unushirr à ti nga wa à taka ni hi anishirr shishemi a bi yo isisurr na ku ni ingbingbru inggi yi?”

Yesu à bre assurre anggo ku anishirr ba nggo a di kye da abangga na wre ka ba, na di kye abanu kpachirr. À ddu ba di, “Anishirr aha banu ngga a huzzu kuma ni ibarr Abachi nu Uki Unkpi ku Ibarr Abachi ku. Uyirr wa sa anu Farrisi, unuma wa à su uni kpa inklo imimi. Anu Farrisi wa à gru kri ku itu ima na barr di, ‘Abachi, ingga nyarr ku ùwà nggo ùwà na ingga ki nanka ni inkpu anishirr, abi de anishirr, agbugbu, abi zha amba, ni si si nâ ta si uni kpa inklo imimi wanggo wa hen. Ni ivi itangba, ingga di vu angu ankpu iha. Ni ti se ni inkindirr iwurr ingga ttu iyirr nu ùwà.’
“Uni kpa inklo imimi wa gru kri kremi na si kpanye na gɨ ashishi hun kuma nu ussu hen, na sa ungo na anke̱ na da di, ‘Abachi, ki itito ni ingga uni la ure ku!’ ”
Yesu da di, “Ingga ko da ki imba, uni kpa inklo imimi wa yo kuma ni iko ni isu isisurr. Undurr wa nggo ti gɨ itu ima aba ta gri ma kaji, undurr wa nggo ti gri itu ima yi ji aba ta gɨ ma hun.”


Anishirr banu mi a so gri amumarr ambarr na nga ni Yesu ku, di a bu yo ba angu azizi. Abiga ma ba hi ba na han ba ni na meme yi. Yesu yo amumarr ba chinga nu ukpa uma na ddu abiga ma ba di, “Du amumarr tsitsa du ba nga ni ingga ku. Si han ba yi hen. Ittu yi Abachi yi si i abangga ba nggo a si nâ ta si amumarr angga ba. Imba bu hi di, undurr wa wanggo ti si kpa Ittu yi Abachi nâ ta si uvuvurr uvutsa hen, uwa si taka ni rri ni ittu yi hen.”


Azhibarr numa nggo, ankpye numa a zhi Yesu di, “Unitsarr uni wre, ingga ta na sa angginggi ni ka kpa iso sese?”
Yesu a zhi ma di, “Angginggi du ùwà yo ingga ki uni wre? Abachi yo su uni wre na nkpama. Undurr numa uni wre à sama. Ùwà hi Are ka, ‘Si zha amba na aniru hen. Si ngu unushirr hen. Si ki ayi hen. Si vu undurr ni imu mi hen. Kru isisu i aki muwa na ayirr muwa.’ ”
Ugo wa ddu ma di, “Zhi nggo ingga ni di su uvutsa mu, ingga di na aba ma.”
Nggo Yesu wo meme, na ddu ma di, “Inkindirr iyirr yo ni ji ku ùwà. Kuma ku vu aseki muwa ka re namri, ni kpa inklo yi ga ku abi iha, ùwà ta se na aseki shishemi nu unkplassu. Ùwà ti na meme ùwà nga ni ga ingga.”
Nggo ugo nggo à wo meme, isisurr i vri ma kakami, nu nggo ugo wa à se nu ungo kakami. Yesu hi ma ni ivri isisurr yi na da di, “I taka tsɨ kakami unu ungo a bu rri ni Ittu i Abachi yi! Alakurrmi ta rri ni iywirr i anurr kuchi unushirr nu ungo ka rri ni ittu i Abachi yi.”
Anishirr ba nggo kri nabo na wo meme na a zhi ma di, “Unggo mu taka kpa ikpa ttungo?”
I Yesu ddu ba di, “Inkindirr yi nggo tsɨ ku unushirr, Abachi ka na yi.”
I Biturr ddu ma di, “Kye! Inta nggo i kà ako munta wa du ni kà aseki ka nggo inta i se na ka du, ni ga ùwà na?”
Yesu à ddu ba di, “Undurr wanggo a ka du iko ima du, na ayamba ama, na amuyirr aniru na amba, na akiki ma, na amarr ma ni itu Ittu i Abachi yi, uwa ta kpa kri shishemi na ase angga ka bari, ni ka kpa iso sese na ase ka so nga ka.”


Yesu yo abiga ama awurr na ha ba kaki na anga yirr, na ddu ba di, “Wo yi! Inta ta ko kuma nu Urushalima. Inkindirr yi nggo abi kpa are ba a charr, i ta ku la jiji ni itu i Uvuvurr a Unushirr. A ta ku ba ma nu abangga ba nggo a si si anu Yahuda hen, aba a ta me̱ ma, na marr ma, na ta ddu antinte surr ma. Na ta hlo ma, na ta ngu ma, unu utarr wa, uwa ta tasi.”
Abiga ma ba si hi inkindirr ima yi nggo a ko da yi hen. Inkpi i ure yi i sharri ba, aba si hi inkindirr yi nggo Yesu ko re ni itu yi hen.


Nggo Yesu so ki ywhiywhirr nu Jerriko, unakreshishi numa nggo so di barr nu unddu anko ku nabo. Nggo a wo anishirr ba ni so sarr kuma na zhi ba di, “A sa angginggi ima yi?” Aba da ku da di, “a si Yesu anu Nazareti nggo à so sarr kuma”
Uwa yo hantu di, “Yesu! Uvuvurr a Doda! Kye, ki itito ni ingga ku!”
Anishirr ba nggo a si ni ichi a nggarr ito na ku di, a bu ba ttungo. Uwa kà na yo hantu kakami di, “Uvuvurr a Doda! Kye iha mungga yi!”
Yesu à kukri na da di a bu vu ma ga ku uwa. Nggo a ki ywhiywhirr, i Yesu zhi ma di, “Ùwà zha di ingga bu na ku ùwà angginggi?”
Uwa da di, “Ankpye, di ingga kye hi.”
Yesu ddu ma di, “Bwu ashishi! Iyo isisurr imuwa nggi i du ùwà wre.” Inkpu iyirr, uwa bwu ashishi na kye hi, na ga Yesu, na ko nyarr ku Abachi. Nggo anishirr ba a hi meme, na gru ko nyarr ku Abachi.

Koute Luka 18