If you have would like a copy of this version please contact info@davarpartners.com

Nsenga New Testament 1923 © Bible Society of Zambia (Text), Nsenga New Testament 1923 ℗ 2018, Davar Partners International (Audio)

Mapangano Alomba 1923

<div class="version vid3614 iso6393nse" data-vid="3614" data-iso6393="nse">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="p"> 1LOMBA enzepo muntu wa mwa Afarisayo, zina lake Nikodemo, mmbili wa Ayuda: 2wamene uyu emzila usiku emnenera, Rabbi, tuzi&#373;a nimwe msambizi wofumila kwa Mlungu: pakuti palive muntu angachite ivi vizi&#373;ikwilo vimuchita mweo akakana Mlungu ku&#373;a naye pamo. 3Yesu eyasuka enena naye, Lezee lezee nukuuzya, Akakana muntu kuvyalikwa soti sanga&#373;one ufumu wa Mlungu. 4Nikodemo enena naye, Nga muntu angavyalikwe tyani aka&#373;a okota? kansi angalo&#373;e paka&#373;iri mvumo mwa anyina novyalikwa? 5Yesu eyasuka, Lezee lezee nukuuzya, Akakana muntu kuvyalikwa na manzi na Mzimu sangalo&#373;e mu ufumu wa Mlungu. 6Icho chiuvyala mu&#373;ili ni mu&#373;ili; icho chakuvyala Mzimu ni mzimu. 7Usa zizwa panati kwako, Movyalikwa soti. 8Mpepo yukunta kuyupangwa; ukumvwa zungo lake, lomba suzi&#373;a kuyufumila na kwikuya: tetyo na &#373;onse ovyalikwa na Mzimu. 9Nikodemo eyasuka enena naye, Ivi vinga&#373;e tyani? 10Yesu eyasuka emkonsha, Kansi we ntiwe msambizi wa mwa Israeli wosavizi&#373;a ivi? 11Lezee lezee nukuuzya, Tunena vituzi&#373;a novichitira untoni viti&#373;ona; namwe simumvwila untoni wasu. 12Kati simuzomera panula&#373;ira namwe vya mcharo, muzomerenji nikamuuzyani vya kumulu? 13Palive muntu ekwera kumulu sembe uyo yeka efumila kumulu, ni Mwana wa muntu, wamene ali kumulu. 14Nga ni umo Musa mwechipachikira ila njoka mmalambo, tetyo Mwana wa muntu ni mwati azapachikiwire: 15kuti ali wonse ommvwila yeve aaku&#373;a na moyo wosasila.</div><div class="p"> 16Pakuti Mlungu etemwesya ngako charo chino, ni pechipa Mwana wake wovyalikwa yeka, kuti ali wonse ommvwila yeve angataike, sembe a&#373;e na moyo wosasila. 17Pakuti Mlungu ntemtuma Mwana mcharo azachipingule charo, sembe kuti charo chipulukwe muli yeve. 18Uyo ommvwila yeve ntopinguliwa: uyo asamvwila alupinguliwe, paliyolimvwila zina la Mwana wovyalikwa yeka wa Mlungu. 19Uyu ni upinguzi, wakuti ku&#373;ala kwichiza mcharo, na &#373;antu eitemwa mfinzi kupula ku&#373;ala, pei&#373;ipa milimo ya&#373;o. 20Pakuti ali wonse ochita viipa okutinka ku&#373;ala, ntokuzila ku&#373;ala, milimo yake ingakonweshewe. 21Sembe uyo ochita vyendi okuzila ku&#373;ala, milimo yake i&#373;oneke pasweta, kuti yuchitiwa mwa Mlungu.</div><div class="p"> 22Pavuli pake echiza Yesu na asambili &#373;ake ku charo cha Yudaya; naye eswako na&#373;o pamo nobatiza. 23Yohana naye enzobatiza mu Enoni pafupi na Salimu, pakuti enzepo manzi anyinji: na&#373;o echiza ebatiziwa. 24Pakuti Yohana akaliyopozewa mkambolimboli. 25Pamene apo penze ntota ya asambili a Yohana na Muyuda ya matuvyilo. 26&#372;echiza kwa Yohana nomnenera, Rabbi, uyo enze namwe pamo pasilya la Yordani, umuchitira untoni, &#373;onani, wamene uyo obatiza, na &#373;antu &#373;onse omzila. 27Yohana eyasuka echiti, Muntu sangapoke kantu, kati kakakanopewa kwake kufuma kumulu. 28Mweo mweka munichitira untoni wakuti nichiti, Neo ntene Kristo, sembe kuti nutumiwa pantanzi pake. 29Uyo ana mwanakazi wa ntengo ni mtenzi: sembe chiuza cha mtenzi chiripeneme na kummvwa chutemwa kwene kantu chikomo cha lizu la mtenzi: tetyo nseko iyi yangu yasilizika. 30Yeve a&#373;okula, neo nochepa.</div><div class="p"> 31Uyo ofuma kumulu opula vyonse: uyo ali wa mcharo cha pansi ali wa charo, nola&#373;ira vya charo: uyo ofuma kumulu opula vyonse. 32Vila vyechi&#373;ona novimvwa ovichitira untoni vyamene; lomba paliye muntu opokera untoni wake. 33Uyo epokera untoni wake ekomapo lilaka lake lakuti Mlungu ni wendi. 34Pakuti uyo wechituma Mlungu ola&#373;ira malizu a Mlungu: pakuti ntakupa Mzimu kwa mlingo. 35Awisi omtemwa Mwana, naye empa vyonse mmanja mwake. 36Uyo ommvwila Mwana ana moyo wosasila; sembe uyo asammvwila Mwana sa&#373;ona moyo, lomba ukali wa Mlungu u&#373;ererera pali yeve.</div>
 </div>
 </div>
</div>

LOMBA enzepo muntu wa mwa Afarisayo, zina lake Nikodemo, mmbili wa Ayuda: wamene uyu emzila usiku emnenera, Rabbi, tuziŵa nimwe msambizi wofumila kwa Mlungu: pakuti palive muntu angachite ivi viziŵikwilo vimuchita mweo akakana Mlungu kuŵa naye pamo. Yesu eyasuka enena naye, Lezee lezee nukuuzya, Akakana muntu kuvyalikwa soti sangaŵone ufumu wa Mlungu. Nikodemo enena naye, Nga muntu angavyalikwe tyani akaŵa okota? kansi angaloŵe pakaŵiri mvumo mwa anyina novyalikwa? Yesu eyasuka, Lezee lezee nukuuzya, Akakana muntu kuvyalikwa na manzi na Mzimu sangaloŵe mu ufumu wa Mlungu. Icho chiuvyala muŵili ni muŵili; icho chakuvyala Mzimu ni mzimu. Usa zizwa panati kwako, Movyalikwa soti. Mpepo yukunta kuyupangwa; ukumvwa zungo lake, lomba suziŵa kuyufumila na kwikuya: tetyo na ŵonse ovyalikwa na Mzimu. Nikodemo eyasuka enena naye, Ivi vingaŵe tyani? Yesu eyasuka emkonsha, Kansi we ntiwe msambizi wa mwa Israeli wosaviziŵa ivi? Lezee lezee nukuuzya, Tunena vituziŵa novichitira untoni vitiŵona; namwe simumvwila untoni wasu. Kati simuzomera panulaŵira namwe vya mcharo, muzomerenji nikamuuzyani vya kumulu? Palive muntu ekwera kumulu sembe uyo yeka efumila kumulu, ni Mwana wa muntu, wamene ali kumulu. Nga ni umo Musa mwechipachikira ila njoka mmalambo, tetyo Mwana wa muntu ni mwati azapachikiwire: kuti ali wonse ommvwila yeve aakuŵa na moyo wosasila.
Pakuti Mlungu etemwesya ngako charo chino, ni pechipa Mwana wake wovyalikwa yeka, kuti ali wonse ommvwila yeve angataike, sembe aŵe na moyo wosasila. Pakuti Mlungu ntemtuma Mwana mcharo azachipingule charo, sembe kuti charo chipulukwe muli yeve. Uyo ommvwila yeve ntopinguliwa: uyo asamvwila alupinguliwe, paliyolimvwila zina la Mwana wovyalikwa yeka wa Mlungu. Uyu ni upinguzi, wakuti kuŵala kwichiza mcharo, na ŵantu eitemwa mfinzi kupula kuŵala, peiŵipa milimo yaŵo. Pakuti ali wonse ochita viipa okutinka kuŵala, ntokuzila kuŵala, milimo yake ingakonweshewe. Sembe uyo ochita vyendi okuzila kuŵala, milimo yake iŵoneke pasweta, kuti yuchitiwa mwa Mlungu.
Pavuli pake echiza Yesu na asambili ŵake ku charo cha Yudaya; naye eswako naŵo pamo nobatiza. Yohana naye enzobatiza mu Enoni pafupi na Salimu, pakuti enzepo manzi anyinji: naŵo echiza ebatiziwa. Pakuti Yohana akaliyopozewa mkambolimboli. Pamene apo penze ntota ya asambili a Yohana na Muyuda ya matuvyilo. Ŵechiza kwa Yohana nomnenera, Rabbi, uyo enze namwe pamo pasilya la Yordani, umuchitira untoni, ŵonani, wamene uyo obatiza, na ŵantu ŵonse omzila. Yohana eyasuka echiti, Muntu sangapoke kantu, kati kakakanopewa kwake kufuma kumulu. Mweo mweka munichitira untoni wakuti nichiti, Neo ntene Kristo, sembe kuti nutumiwa pantanzi pake. Uyo ana mwanakazi wa ntengo ni mtenzi: sembe chiuza cha mtenzi chiripeneme na kummvwa chutemwa kwene kantu chikomo cha lizu la mtenzi: tetyo nseko iyi yangu yasilizika. Yeve aŵokula, neo nochepa.
Uyo ofuma kumulu opula vyonse: uyo ali wa mcharo cha pansi ali wa charo, nolaŵira vya charo: uyo ofuma kumulu opula vyonse. Vila vyechiŵona novimvwa ovichitira untoni vyamene; lomba paliye muntu opokera untoni wake. Uyo epokera untoni wake ekomapo lilaka lake lakuti Mlungu ni wendi. Pakuti uyo wechituma Mlungu olaŵira malizu a Mlungu: pakuti ntakupa Mzimu kwa mlingo. Awisi omtemwa Mwana, naye empa vyonse mmanja mwake. Uyo ommvwila Mwana ana moyo wosasila; sembe uyo asammvwila Mwana saŵona moyo, lomba ukali wa Mlungu uŵererera pali yeve.

Koute M. Yohana 3