Bible translation: Lomwe © The Bible Society of Malawi, 2014 www.biblesociety-malawi.org/ Recording of Lomwe New Testament ℗ Hosanna, 2017

Elhomwe - 2014 MWI (NT) Non Drama

Elhomwe - 2014 MWI (NT) Drama

<div class="version vid3325 iso6393lon" data-vid="3325" data-iso6393="lon">
 <div class="book bkLUK">
 <div class="chapter ch10" data-usfm="LUK.10">
 <div class="label">10</div><div class="s">Orumiwa wa athu 72</div><div class="p"> 1Ddimallille ddenndda Apwiya yahaatthoolla amodda 72#10.1 72: Ddoolemba ddimodda ddakhalle ddookhalla ni mawu awi 70. yaaruma eellieelli wi ehoolle oya m'matawoni mutthemwene ni m'mapuroni mattheene nko apaalleeye wi ayeewo mwaneenaaye. 2#Mat 9.37,38Vano ahaalleella wi, &#8220;Ddoohata ddohaatesa koma allupa mutteko tti ooyeva. Vekellani wa mwaneena a ddoohatannddo wi aarumihe allupa mutteko etthukumanihe ddoohata ddaye. 3#Mat 10.16Khaweni! Kinuurumihani wonanko asaanaankhosa variyari va enama ddawoopiha. 4Muhikuse makobiri apaalle nthumba na voolendoni apaalle esapato nave muhiimelle va ettilla wi mumuvahe muthu mooni. 5Mwavollowa mpa, vawaamba mullote wi, &#8216;Murendelle okhalle mpammu.&#8217; 6Mpammo mwakhalla muthu oophwanella waakhella murendellooyo, muthu yooyo aakhelle murendellooyo koma aahikhallamo, murendellooyo oneerohokollweella wa nyuwaano. 7#1 Ako 9.14; 1 Tim 5.18Mwakhalleke mpa mwemmo, mwacheke nave mwawiryeke erive ello eyo eneeriiwa yuuvaheni vawi allupa mutteko enaphwanella ovahiwa ddoopaalla ddiwa. Muhivenyeke mwaavollowaka enyumba ddimodda. 8Mwavollowa mu etawoni nave mwaakhelliwa, mwacheke muvahiweenyunnddo. 9Nave mwaachirihe oovoriiwa mu etawonimmo nave mwallote wa athwaayo wenko wi, &#8216;Omwene wa Mulluku wowaatamellani.&#8217; 10#Mit 13.51Mwavollowa mu etawoni nave muhaakhelliwamo, muye omusewuni nave mwallote wi, 11#Mat 10.7-14; Mrk 6.8-11; Luk 9.3-5&#8216;Naari nthupi noovenyera mu etawoni mwanyu nowaangellella m'manyalloni mwahu nohuuttatthellani. Koma dduwellani wi omwene wa Mulluku woowaatamellani!&#8217; 12#Gen 19.24-28; Mat 11.24; Mat 10.15Kinimuulleellani wi va nllapo na echiweruzo, Mulluku aneeroweerella echifundo yinchichi athu a Sodomu ohiyana ni athu a mutawoni yeella.</div><div class="s">Athu oohirukunuwa murima</div><div class="r">(Mat 11.20-24)</div><div class="p"> 13 # 
 Yes 23.1-18; Ezk 26.1&#8212;28.26; Yow 3.4-8; Amo 1.9,10; Zek 9.2-4 &#8220;Mookhalla ni otulli nyu athu a o Korazini naarittho o Betisaida vawi ddoottikhiniha ddeeriwe wa nyuwaano ddeeriweke wa athu aweera ddoonanara a o Tiro ni a o Sidoni, yaaweerorukunuwa murima khalle. Yaweerokeraatthi vatthi ewanre eziguduli ni wiihella ntuura wooniha wi aarukunuwa murima! 14Va nllapo na echiweruzo Mulluku aneeroweerella echifundo athu a o Tiro ni Sidoni ohiyana ni nyuwaano! 15#Yes 14.13-15Nave wa nyu athu a o Kaperenao, muneesa muneerowellihiwa ophiyera oddullu? Iyaayi Mulluku aneerewuukitthihani ophiya o gehena.&#8221;</div><div class="p"> 16 # 
 Mat 10.40; Mrk 9.37; Luk 9.48; Yoh 13.20 Vano Yesu ahaalleella athu aarumalleeyaalle wi, &#8220;Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.&#8221;</div><div class="s">Ohokollowa wa athu 72</div><div class="p"> 17Athu 72#10.17 72: Onani Luk 10.1. alle yaahokollowa ehakallallaka ellota wi, &#8220;Apwiya naari minepa ddoonanara ddaaniiwellella naddilamulalleehu vooromollani nnddina nanyu!&#8221;</div><div class="p"> 18Vano Yesu ahaalleella wi, &#8220;Kaamoona Satana amoraka wonanko ettari ovenyera oddullu. 19#Mas 91.13Kohuuvahani olamulello woonyingalla enowa ni anamukalizi ni ogonjiha masiva mattheene a mudanaanyu. Khavikhalla ello enuuvoreyeni. 20Nave muhihakallalle kaambiiwa minepa ddoonanara ddinnawiiwellellani koma muhakallalle kaambiiwa manddinaanyu aalembiwa oddullu.&#8221;</div><div class="s">Yesu annahakallalla</div><div class="r">(Mat 11.25-27; 13.16,17)</div><div class="p"> 21Yesu addalliwe ni Ehakallallo ya Munepa Waweella,#10.21 Munepa Waweella: Ddoolemba ddimodda ddakhalle ddookhalla ni mawu awi Munepa: apaalle munepaaye. enthawi yeeyo Yesu aallota wi, &#8220;Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera. Ee, Attiitthaaka, nndda ddeereye kaambiiwa ddahuuhakallallihani.</div><div class="p"> 22 # 
 Yoh 3.35; 
 Yoh 10.15
 &#8220;Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.&#8221; 23Nave yaariiwa weekhiiwa Yesu aarukunuwella wa oohudderaaye aalleella wi, &#8220;Miitthwaanyu aadalisiwa ekaamba yawoona nnddo munooneenyu! 24Vawi kinimuulleellani wi, anamallotella anchichi akhalle ni mamwene manchichi akhalle yaapaalla woona munooneenyundda koma khayaawoonille nave wiiwa muniiweenyundda koma kheyaawiiwalle.&#8221;</div><div class="s">Niphwanaphwaniho na Musamariya eechifundo</div><div class="p"> 25 # 
 Mat 22.35-40; Mrk 12.28-34 Muhuddihi a malamulo* mmodda ahiimella wi amweese Yesu, amukoha wi, &#8220;Ahuddihi, keere tini wi kaakhelle okumi woohimalla?&#8221;</div><div class="p"> 26Vano Yesu aamukoha wi, &#8220;Mulembiwe tini m'malamuloni a Mose? Onaattaphullella mwawiidde?&#8221;</div><div class="p"> 27 # 
 Deu 6.5; 
 Lev 19.18
 Olliye ahaakhulla wi, &#8220;Waakondeke Apwiya Mullukwaawo ni murimaawo muttheene ni okumaawo muttheene ni masivaawo mattheene ni maganizwaawo. Nave omukondeke mukhwaawo wonanko mmo oniikondelleewe weekha.&#8221;</div><div class="p"> 28 # 
 Lev 18.5
 Yesu aamulleella wi, &#8220;Wohaakhulla phaama. Khawe weere ddennddo nave oneerewaakhella okumi woohimalla.&#8221;</div><div class="p"> 29Voopaallani oddoonihella yeekha wi anneera echilungamo aamukoha Yesu wi, &#8220;Mukhwaakooyo ttaani?&#8221;</div><div class="p"> 30Yesu aamwaakhulla wi, &#8220;Waakhalla muthu mmodda oyo avenyera o Yerusalemu oya o Yeriko. Nave va ettilla aakumana ni allupaawiiya. Yamphara emurulla ddoowara ddaye, emuukutha, emuhiya ahanlle vang'ono okhwa. 31Vano waheereya wi mullupa mukutho avirella musewu yooyo. Amoonilleeye, aheeta okhwipi wa musewooyo. 32Nave Mulevi, oorumeyella allupa mukutho, aaphiya vanipuronimvo. Aamoona muthooyo nave aheetattho okhwipi wa musewooyo. 33#2 Epi 28.15Nave Musamariya,* ari voolendonaaye, aavirella musewu yooyo. Aphiyalleeye vanipuronimvo aamoona muthooyo nave aamoriwa ethakaraka. 34Vano aaphiya vakhuviru ni muthooyo amuhella murete m'makhwatanimmo nave ammaka phaama ddene. Vano aamukusa muthooyo amuwelliha va bulwaaye amuyaana o enyumba ya alleto amuwehera phaama. 35Osaka wene aakusa makobiri meelli amuvaha oowehera enyumbeeyo allota wi, &#8216;Omuwehereke phaama muthoolla nave wamuvaha ddeko ddookhwaranya makobiri yaalla kineerewuuhokollosella kaahokollowaka.&#8217; &#8221;</div><div class="p"> 36Nave Yesu aamukoha muhuddihi a malamuloolle wi, &#8220;Mwa ararwaalla, munaganiza wi ttuuvi oonihenre okhalla mukhwaaye a muthu aaphariwe ni allupaawiiyaalle?&#8221;</div><div class="p"> 37Muhuddihi a malamuloolle ahaakhulla wi, &#8220;Oyo aamweerenlle echifundo.&#8221;</div><div class="p">Yesu aamulleella wi, &#8220;Vano, rowa weere emoddamoddave yeeyo.&#8221;</div><div class="s">Yesu aaweetella Marita ni Mariya</div><div class="p"> 38 # 
 Yoh 11.1
 Yesu ni oohudderaaye yaariiwa voolendoniiwa, yaaphiya m'muzi mmodda. Wenko mutthiyana nnddina naye Marita aamwaakhella mpa mwaye. 39Aakhalla ni mwanamunne nnddina naye Mariya. Mariyooyo aakeraatthi vakhuviru ni Apwiya iiwellellaka nnddo yahuddihiiwa. 40Marita aaviheeriwa ni mitteko ddoorumeyella nave aawa allota wi, &#8220;Apwiya, khamunakimorella ethakaraka wi mwanamunnaka akihiyenre meekha muttekoolla? Mulleelleni akikavihere!&#8221;</div><div class="p"> 41Apwiya yaamwaakhulla mutthiyanooyo wi, &#8220;Marita, Marita, onimoona oviheeriwa ohoosiwaka ni ddeko ddinchichi. 42Koma ello emoddave sika enapaalleya. Mariya ootthoolla ello yaphaama, yawi khawattho aakhiwa.&#8221;</div>
 </div>
 </div>
</div>

Ddimallille ddenndda Apwiya yahaatthoolla amodda 72 yaaruma eellieelli wi ehoolle oya m'matawoni mutthemwene ni m'mapuroni mattheene nko apaalleeye wi ayeewo mwaneenaaye. Vano ahaalleella wi, “Ddoohata ddohaatesa koma allupa mutteko tti ooyeva. Vekellani wa mwaneena a ddoohatannddo wi aarumihe allupa mutteko etthukumanihe ddoohata ddaye. Khaweni! Kinuurumihani wonanko asaanaankhosa variyari va enama ddawoopiha. Muhikuse makobiri apaalle nthumba na voolendoni apaalle esapato nave muhiimelle va ettilla wi mumuvahe muthu mooni. Mwavollowa mpa, vawaamba mullote wi, ‘Murendelle okhalle mpammu.’ Mpammo mwakhalla muthu oophwanella waakhella murendellooyo, muthu yooyo aakhelle murendellooyo koma aahikhallamo, murendellooyo oneerohokollweella wa nyuwaano. Mwakhalleke mpa mwemmo, mwacheke nave mwawiryeke erive ello eyo eneeriiwa yuuvaheni vawi allupa mutteko enaphwanella ovahiwa ddoopaalla ddiwa. Muhivenyeke mwaavollowaka enyumba ddimodda. Mwavollowa mu etawoni nave mwaakhelliwa, mwacheke muvahiweenyunnddo. Nave mwaachirihe oovoriiwa mu etawonimmo nave mwallote wa athwaayo wenko wi, ‘Omwene wa Mulluku wowaatamellani.’ Mwavollowa mu etawoni nave muhaakhelliwamo, muye omusewuni nave mwallote wi, ‘Naari nthupi noovenyera mu etawoni mwanyu nowaangellella m'manyalloni mwahu nohuuttatthellani. Koma dduwellani wi omwene wa Mulluku woowaatamellani!’ Kinimuulleellani wi va nllapo na echiweruzo, Mulluku aneeroweerella echifundo yinchichi athu a Sodomu ohiyana ni athu a mutawoni yeella.


“Mookhalla ni otulli nyu athu a o Korazini naarittho o Betisaida vawi ddoottikhiniha ddeeriwe wa nyuwaano ddeeriweke wa athu aweera ddoonanara a o Tiro ni a o Sidoni, yaaweerorukunuwa murima khalle. Yaweerokeraatthi vatthi ewanre eziguduli ni wiihella ntuura wooniha wi aarukunuwa murima! Va nllapo na echiweruzo Mulluku aneeroweerella echifundo athu a o Tiro ni Sidoni ohiyana ni nyuwaano! Nave wa nyu athu a o Kaperenao, muneesa muneerowellihiwa ophiyera oddullu? Iyaayi Mulluku aneerewuukitthihani ophiya o gehena.”
Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Athu 72 alle yaahokollowa ehakallallaka ellota wi, “Apwiya naari minepa ddoonanara ddaaniiwellella naddilamulalleehu vooromollani nnddina nanyu!”
Vano Yesu ahaalleella wi, “Kaamoona Satana amoraka wonanko ettari ovenyera oddullu. Kohuuvahani olamulello woonyingalla enowa ni anamukalizi ni ogonjiha masiva mattheene a mudanaanyu. Khavikhalla ello enuuvoreyeni. Nave muhihakallalle kaambiiwa minepa ddoonanara ddinnawiiwellellani koma muhakallalle kaambiiwa manddinaanyu aalembiwa oddullu.”


Yesu addalliwe ni Ehakallallo ya Munepa Waweella, enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera. Ee, Attiitthaaka, nndda ddeereye kaambiiwa ddahuuhakallallihani.
“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.” Nave yaariiwa weekhiiwa Yesu aarukunuwella wa oohudderaaye aalleella wi, “Miitthwaanyu aadalisiwa ekaamba yawoona nnddo munooneenyu! Vawi kinimuulleellani wi, anamallotella anchichi akhalle ni mamwene manchichi akhalle yaapaalla woona munooneenyundda koma khayaawoonille nave wiiwa muniiweenyundda koma kheyaawiiwalle.”

Muhuddihi a malamulo* mmodda ahiimella wi amweese Yesu, amukoha wi, “Ahuddihi, keere tini wi kaakhelle okumi woohimalla?”
Vano Yesu aamukoha wi, “Mulembiwe tini m'malamuloni a Mose? Onaattaphullella mwawiidde?”
Olliye ahaakhulla wi, “Waakondeke Apwiya Mullukwaawo ni murimaawo muttheene ni okumaawo muttheene ni masivaawo mattheene ni maganizwaawo. Nave omukondeke mukhwaawo wonanko mmo oniikondelleewe weekha.”
Yesu aamulleella wi, “Wohaakhulla phaama. Khawe weere ddennddo nave oneerewaakhella okumi woohimalla.”
Voopaallani oddoonihella yeekha wi anneera echilungamo aamukoha Yesu wi, “Mukhwaakooyo ttaani?”
Yesu aamwaakhulla wi, “Waakhalla muthu mmodda oyo avenyera o Yerusalemu oya o Yeriko. Nave va ettilla aakumana ni allupaawiiya. Yamphara emurulla ddoowara ddaye, emuukutha, emuhiya ahanlle vang'ono okhwa. Vano waheereya wi mullupa mukutho avirella musewu yooyo. Amoonilleeye, aheeta okhwipi wa musewooyo. Nave Mulevi, oorumeyella allupa mukutho, aaphiya vanipuronimvo. Aamoona muthooyo nave aheetattho okhwipi wa musewooyo. Nave Musamariya,* ari voolendonaaye, aavirella musewu yooyo. Aphiyalleeye vanipuronimvo aamoona muthooyo nave aamoriwa ethakaraka. Vano aaphiya vakhuviru ni muthooyo amuhella murete m'makhwatanimmo nave ammaka phaama ddene. Vano aamukusa muthooyo amuwelliha va bulwaaye amuyaana o enyumba ya alleto amuwehera phaama. Osaka wene aakusa makobiri meelli amuvaha oowehera enyumbeeyo allota wi, ‘Omuwehereke phaama muthoolla nave wamuvaha ddeko ddookhwaranya makobiri yaalla kineerewuuhokollosella kaahokollowaka.’ ”
Nave Yesu aamukoha muhuddihi a malamuloolle wi, “Mwa ararwaalla, munaganiza wi ttuuvi oonihenre okhalla mukhwaaye a muthu aaphariwe ni allupaawiiyaalle?”
Muhuddihi a malamuloolle ahaakhulla wi, “Oyo aamweerenlle echifundo.”
Yesu aamulleella wi, “Vano, rowa weere emoddamoddave yeeyo.”

Yesu ni oohudderaaye yaariiwa voolendoniiwa, yaaphiya m'muzi mmodda. Wenko mutthiyana nnddina naye Marita aamwaakhella mpa mwaye. Aakhalla ni mwanamunne nnddina naye Mariya. Mariyooyo aakeraatthi vakhuviru ni Apwiya iiwellellaka nnddo yahuddihiiwa. Marita aaviheeriwa ni mitteko ddoorumeyella nave aawa allota wi, “Apwiya, khamunakimorella ethakaraka wi mwanamunnaka akihiyenre meekha muttekoolla? Mulleelleni akikavihere!”
Apwiya yaamwaakhulla mutthiyanooyo wi, “Marita, Marita, onimoona oviheeriwa ohoosiwaka ni ddeko ddinchichi. Koma ello emoddave sika enapaalleya. Mariya ootthoolla ello yaphaama, yawi khawattho aakhiwa.”

Koute Luka 10