Lun Bawang for Malaysia; 1982 MAS - Non-Drama (NT)

Lun Bawang for Malaysia; 1982 MAS - Drama (NT)

<div class="version vid3072 iso6393lnd" data-vid="3072" data-iso6393="lnd">
 <div class="book bkJHN">
 <div class="chapter ch20" data-usfm="JHN.20">
 <div class="label">20</div><div class="s">Tanem Luk Na Uang</div><div class="r">(Mat 28.1&#8211;8; Mrk 16.1&#8211;18; Luk 24.1&#8211;12)</div><div class="p"> 1Pekak uka-uka bang Aco Minggu, ieh ineh kareb medacem teh, idi Mariam Magdalina in&#233;' inan tanem ineh, idi nenier batu ineh pangeh linubid rat munung lubang tanem ineh. 2Idi ieh nupun in&#233;' nakap Simun P&#233;trus, idi anak sekola' luk baken luk inan Y&#233;sus mawa, idi nepebala nedidueh, &#8220;Lemulun pangeh nengalap Tuhan rat bang tanem, idi na kai kali' iapeh inandeh nengerareng Neneh.&#8221; 3Idi P&#233;trus neremuat dengan anak sekola' luk baken ineh idi in&#233;' nan tanem ineh. 4Idi didueh nupun, iamo' anak sekola' luk baken nupun, meluun awer rat ni P&#233;trus, idi nacing atun inan tanem ineh. 5Ieh netekunal, idi ieh nenier amung-amung kibung ineh ketecan, iamo' na ieh nesemuet bang tanem ineh. 6Simun P&#233;trus pana' nacing rat pa puet, idi nesemuet bang tanem ineh, idi ieh nenier kibung ineh teh, 7idi aduk luk luun uluhNeh atun na rireng dengan kibung luk baken, iamo' linulun setau'. 8Idi anak sekola' luk baken luk nacing atun d&#233;i' bang tanem ineh pana' nesemuet, idi nenier idi manu. (9Nateh ideh nekali' ilung bala bang Surat Allah ratnan Ieh na miak na tumui rat arang lun nat&#233;.) 10Idi dueh anak sekola' ineh nuli'.</div><div class="s">Y&#233;sus Nesilagan Kuan Mariam Magdalina</div><div class="r">(Mat 28.9&#8211;10; Mrk 16.9&#8211;11)</div><div class="p"> 11Iamo' Mariam nangi' pa atun tanem ineh. Kareb ieh nangi' ieh netekunal idi nenier bang tanem; 12idi ieh nenier dueh burur melaikat luk ayung mebuda' luk tudo, ieh ineh seburur pa uluh idi seburur pa kukud su luk inan nengerareng butung Y&#233;sus atun. 13Idi kebala didueh ni Mariam, &#8220;O decur, anunk&#233; punneh iko nangi'?&#8221;</div><div class="p">Idi keburi' Mariam nedidueh, &#8220;Ngaceku lemulun pangeh nengalap Tuhanku, idi ui na kali' iapeh inandeh nengerareng Neneh.&#8221;</div><div class="p"> 14Pangeh Mariam nepebala kudeng ineh, idi ieh nelumi, idi nenier Y&#233;sus tuped su ineh, iamo' na ieh miti Neneh Y&#233;sus. 15Idi Y&#233;sus nengitun neneh, kebalaNeh, &#8220;O decur, anunk&#233; punneh iko nangi'? Id&#233;k&#233; luk tekapenmu?&#8221;</div><div class="p">Mariam ngeraw&#233; Ieh ineh lun matar kabun, idi kebalaneh Neneh, &#8220;Tuan, kudeng iko nengalap Neneh rat ieni, mada' negku, iapehk&#233; inanmu nengerareng Neneh, pad ui miak am&#233;' ngalap Neneh.&#8221;</div><div class="p"> 16Kebala Y&#233;sus neneh, &#8220;Mariam!&#8221;</div><div class="p">Idi Mariam nelumi idi nepebala bang buri' lun Iberani, &#8220;Rabbuni!&#8221; (Ilungneh &#8220;Guru.&#8221;)</div><div class="p"> 17Idi kebala Y&#233;sus neneh, &#8220;Aleg iko ngakem Negku, ngaceku nateh Ui numak in&#233;' inan TamanKu, iamo' am&#233;' iko inan amung-amung kinanakKu, idi mala kuandeh, &#8216;Ui umak am&#233;' inan TamanKu idi Taman muyuh, idi inan TuhanKu idi Tuhan muyuh.&#8217; &#8221;</div><div class="p"> 18Idi Mariam Magdalina in&#233;' mada' anak-anak sekola' ineh ratnan ieh pangeh nenier Tuhan, idi nemada' nedeh ratnan amung ini.</div><div class="s">Y&#233;sus Nesilagan Kuan Anak-Anak Sekola'Neh</div><div class="r">(Mat 28.16&#8211;20; Mrk 16.14&#8211;18; Luk 24.36&#8211;49)</div><div class="p"> 19Idi kareb malem Aco Minggu, idi kareb amung-amung tanga' initek su luk inan anak-anak sekola' tudo ngaceku matot nelun Yahudi, idi Y&#233;sus nacing netuped arangdeh idi nemala kuandeh, &#8220;Awang kuan muyuh!&#8221; 20Kareb Ieh pangeh nemala kudeng ini, Ieh nemada' ticu'Neh idi sigarangNeh sirendeh. Idi anak-anak sekola' ineh mawang niat kareb ideh nenier Tuhan ineh. 21Idi Y&#233;sus nemala kuandeh sekua' teh, &#8220;Awang kuan muyuh! Mepad kudeng Taman pangeh nengecuk nemuyuh.&#8221; 22Idi kareb Ieh pangeh nemala kudeng ini, idi Ieh nenginiat kuandeh idi nepebala nedeh, &#8220;Lapen muyuh Roh Meligan. 23#Mat 16.19; 18.18 Kudeng id&#233;-id&#233; luk inan muyuh mar&#233; do' ratnan sala'deh, idi ideh miak ngalap do' ratnan sala', idi id&#233;-id&#233; luk inan muyuh na mar&#233; do', idi ideh mabeh sala'deh.&#8221;</div><div class="s">Y&#233;sus Idi Tomas</div><div class="p"> 24Idi Tomas, seburur rat arang pulu' dueh anak sekola' ineh, (luk titen Anak Rapid), na idi dengandeh kareb Y&#233;sus nacing. 25Idi anak-anak sekola' luk baken ineh nepebala neneh, &#8220;Amung-amung kai pangeh nepapu' dengan Tuhan ineh.&#8221;</div><div class="p">Iamo' Tomas nepebala nedeh, &#8220;Kudeng ui na nier lubang paku' bang paladNeh, idi na ngerareng bua' ticu'ku bang lubang paku' di, idi na ngerareng ticu'ku bang sigarangneh, na ui miak manu.&#8221;</div><div class="p"> 26Pangeh seminggu, idi anak-anak sekola' Y&#233;sus nepamung bang ruma' teh, idi Tomas pana' idi dengandeh. Kareb tanga' ruma' ineh initek, idi Y&#233;sus nacing netuped arangdeh idi nepebala, &#8220;Awang kuan muyuh!&#8221; 27Idi Ieh nepebala ni Tomas, &#8220;Ngerareng bua' ticu'mu su ini idi nier paladKu, idi natang ticu'mu idi ngerareng neneh bang sigarangKu, idi aleg iko merapang, iamo' manu.&#8221;</div><div class="p"> 28Idi kebala Tomas Neneh, &#8220;O Allah, O Tuhanku!&#8221;</div><div class="p"> 29Kebala Y&#233;sus neneh, &#8220;Manuk&#233; iko ngaceku iko nenier Negku? Samal kuan lemulun luk manu, sagan pana' na nenier Negku!&#8221;</div><div class="s">Punneh Surat Ini Inayud</div><div class="p"> 30Idi inan mula' tanu' luk baken teh luk inau' Y&#233;sus pa kiung anak-anak sekola'Neh luk na inayud bang surat ini. 31Amung-amung ini pangeh inayud, pad muyuh miak manu, idi Y&#233;sus ineh Keristus, Anak Allah, pad muyuh luk manu ineh miak ngalap ulun bang ngadanNeh.</div>
 </div>
 </div>
</div>

BALA LUK DO' Lun Bawang Bible © The Bible Society of Malaysia 1982, Second Edition 1998.

Pekak uka-uka bang Aco Minggu, ieh ineh kareb medacem teh, idi Mariam Magdalina iné' inan tanem ineh, idi nenier batu ineh pangeh linubid rat munung lubang tanem ineh. Idi ieh nupun iné' nakap Simun Pétrus, idi anak sekola' luk baken luk inan Yésus mawa, idi nepebala nedidueh, “Lemulun pangeh nengalap Tuhan rat bang tanem, idi na kai kali' iapeh inandeh nengerareng Neneh.” Idi Pétrus neremuat dengan anak sekola' luk baken ineh idi iné' nan tanem ineh. Idi didueh nupun, iamo' anak sekola' luk baken nupun, meluun awer rat ni Pétrus, idi nacing atun inan tanem ineh. Ieh netekunal, idi ieh nenier amung-amung kibung ineh ketecan, iamo' na ieh nesemuet bang tanem ineh. Simun Pétrus pana' nacing rat pa puet, idi nesemuet bang tanem ineh, idi ieh nenier kibung ineh teh, idi aduk luk luun uluhNeh atun na rireng dengan kibung luk baken, iamo' linulun setau'. Idi anak sekola' luk baken luk nacing atun déi' bang tanem ineh pana' nesemuet, idi nenier idi manu. (Nateh ideh nekali' ilung bala bang Surat Allah ratnan Ieh na miak na tumui rat arang lun naté.) Idi dueh anak sekola' ineh nuli'.


Iamo' Mariam nangi' pa atun tanem ineh. Kareb ieh nangi' ieh netekunal idi nenier bang tanem; idi ieh nenier dueh burur melaikat luk ayung mebuda' luk tudo, ieh ineh seburur pa uluh idi seburur pa kukud su luk inan nengerareng butung Yésus atun. Idi kebala didueh ni Mariam, “O decur, anunké punneh iko nangi'?”
Idi keburi' Mariam nedidueh, “Ngaceku lemulun pangeh nengalap Tuhanku, idi ui na kali' iapeh inandeh nengerareng Neneh.”
Pangeh Mariam nepebala kudeng ineh, idi ieh nelumi, idi nenier Yésus tuped su ineh, iamo' na ieh miti Neneh Yésus. Idi Yésus nengitun neneh, kebalaNeh, “O decur, anunké punneh iko nangi'? Idéké luk tekapenmu?”
Mariam ngerawé Ieh ineh lun matar kabun, idi kebalaneh Neneh, “Tuan, kudeng iko nengalap Neneh rat ieni, mada' negku, iapehké inanmu nengerareng Neneh, pad ui miak amé' ngalap Neneh.”
Kebala Yésus neneh, “Mariam!”
Idi Mariam nelumi idi nepebala bang buri' lun Iberani, “Rabbuni!” (Ilungneh “Guru.”)
Idi kebala Yésus neneh, “Aleg iko ngakem Negku, ngaceku nateh Ui numak iné' inan TamanKu, iamo' amé' iko inan amung-amung kinanakKu, idi mala kuandeh, ‘Ui umak amé' inan TamanKu idi Taman muyuh, idi inan TuhanKu idi Tuhan muyuh.’ ”
Idi Mariam Magdalina iné' mada' anak-anak sekola' ineh ratnan ieh pangeh nenier Tuhan, idi nemada' nedeh ratnan amung ini.


Idi kareb malem Aco Minggu, idi kareb amung-amung tanga' initek su luk inan anak-anak sekola' tudo ngaceku matot nelun Yahudi, idi Yésus nacing netuped arangdeh idi nemala kuandeh, “Awang kuan muyuh!” Kareb Ieh pangeh nemala kudeng ini, Ieh nemada' ticu'Neh idi sigarangNeh sirendeh. Idi anak-anak sekola' ineh mawang niat kareb ideh nenier Tuhan ineh. Idi Yésus nemala kuandeh sekua' teh, “Awang kuan muyuh! Mepad kudeng Taman pangeh nengecuk nemuyuh.” Idi kareb Ieh pangeh nemala kudeng ini, idi Ieh nenginiat kuandeh idi nepebala nedeh, “Lapen muyuh Roh Meligan. Kudeng idé-idé luk inan muyuh maré do' ratnan sala'deh, idi ideh miak ngalap do' ratnan sala', idi idé-idé luk inan muyuh na maré do', idi ideh mabeh sala'deh.”

Idi Tomas, seburur rat arang pulu' dueh anak sekola' ineh, (luk titen Anak Rapid), na idi dengandeh kareb Yésus nacing. Idi anak-anak sekola' luk baken ineh nepebala neneh, “Amung-amung kai pangeh nepapu' dengan Tuhan ineh.”
Iamo' Tomas nepebala nedeh, “Kudeng ui na nier lubang paku' bang paladNeh, idi na ngerareng bua' ticu'ku bang lubang paku' di, idi na ngerareng ticu'ku bang sigarangneh, na ui miak manu.”
Pangeh seminggu, idi anak-anak sekola' Yésus nepamung bang ruma' teh, idi Tomas pana' idi dengandeh. Kareb tanga' ruma' ineh initek, idi Yésus nacing netuped arangdeh idi nepebala, “Awang kuan muyuh!” Idi Ieh nepebala ni Tomas, “Ngerareng bua' ticu'mu su ini idi nier paladKu, idi natang ticu'mu idi ngerareng neneh bang sigarangKu, idi aleg iko merapang, iamo' manu.”
Idi kebala Tomas Neneh, “O Allah, O Tuhanku!”
Kebala Yésus neneh, “Manuké iko ngaceku iko nenier Negku? Samal kuan lemulun luk manu, sagan pana' na nenier Negku!”

Idi inan mula' tanu' luk baken teh luk inau' Yésus pa kiung anak-anak sekola'Neh luk na inayud bang surat ini. Amung-amung ini pangeh inayud, pad muyuh miak manu, idi Yésus ineh Keristus, Anak Allah, pad muyuh luk manu ineh miak ngalap ulun bang ngadanNeh.

Koute YAHYA 20