<div class="version vid3058 iso6393mos" data-vid="3058" data-iso6393="mos">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">A Zeezi ne a Nikod&#603;m</div><div class="p"> 1Rao a yembr n dag n be Fariiz&#7869;-d&#227;mb&#227; s&#651;ka, n ya Z&#651;&#617;f-r&#227;mb&#227; naaba, t'a y&#651;&#651;r boond&#7869; t'a Nikod&#603;m. 2Y&#7869;nda waa a Zeezi neng&#7869; ne y&#651;ng n yeel-b yaa: Karen-saamba, t&#245;nd miime t&#617; y&#227;mb yaa karen-saamb W&#7869;nnaam s&#7869;n t&#651;me. Bala, ned ka t&#245;e n maan b&#245;n-b&#227;n nins y&#227;mb s&#7869;n maand&#227;, t&#617; s&#227; n ka W&#7869;nnaam n be ne-a ye. 3A Zeezi leok-a lame n yeele: &#171;Mam yeta foom s&#617;d-s&#617;d t&#617; ned s&#227; n ka leb n dog y&#603;sa, a ka t&#245;e n y&#227;nd W&#7869;nnaam soolm&#227; ye.&#187; 4A Nikod&#603;m yeela b&#227;mba: &#171;Ned s&#7869;n k&#651;&#651;l na n y&#617;&#617; a w&#227;n n leb n doge? A t&#245;e n leb n k&#7869;e a ma p&#651;g&#7869; y&#603;s n dog s&#617;da?&#187; 5A Zeezi leoka y&#7869;nda n yeele: &#171;Mam yeta foom s&#617;d-s&#617;d t&#617; ned s&#227; n ka rog ne koom la ne S&#617;&#617;g-s&#245;ngo, a ka t&#245;e n k&#7869; W&#7869;nnaam soolm&#7869; w&#227; ye. 6B&#361;mb ning y&#297;ng s&#7869;n dog yaa y&#297;nga, la b&#361;mb ning S&#617;&#617;g-s&#245;ng s&#7869;n dog yaa s&#617;&#617;ga. 7Da sak t&#617; mam s&#7869;n yeel t&#617; fo tog n leb n dogame w&#227; y&#603;&#603;s foom ye. 8Sobg#3.8 K&#7869;er tagsdame t&#617; yaa W&#7869;nnaam S&#617;&#617;g&#227;. fugd n teesd a s&#7869;n dat&#7869;. Fo w&#651;mda a r&#227;amd&#227;, la fo ka mi a s&#7869;n yit&#7869;, la a s&#7869;n dabd&#7869; me ye. Yaa woto me ne ned ning S&#617;&#617;g-s&#245;ng s&#7869;n doge.&#187; 9A Nikod&#603;m leb n gomame n yeele: &#171;B&#245;n-k&#227;ng t&#245;e n maana w&#227;n n y&#617;?&#187; 10A Zeezi leoka y&#7869;nda: &#171;Fo yaa Isray&#603;ll karen-saam-k&#227;senga, n yaool n ka mi r&#7869;nda? 11Mam yeta foom s&#617;d-s&#617;da, t&#617; t&#245;nd yeta d s&#7869;n mi, la t&#245;nd k&#617;ta b&#361;mb nins d s&#7869;n y&#227; w&#227; kaseto, la y&#227;mb ka t&#7869; t&#245;nd kaset&#227; ye. 12Mam s&#227; n gom ne y&#227;mb d&#361;ni b&#361;mb y&#603;l t&#617; y&#227;mb ka t&#7869;eda, y&#227;mb na n y&#617;&#617; a w&#227;n n t&#7869;, mam s&#227; n gom ne y&#227;mb saas&#7869; y&#603;l yelle? 13Ned baa a yembr ka r&#651; saas&#7869; ye, s&#227; n ka s&#7869;n yi-a arz&#227;n n wa w&#227;: &#8249;yaa Ninsaal Bi-ribl&#227;.&#8250;</div><div class="p"> 14 # 
 S&#245;d 21.9
 A wa a Moyiis s&#7869;n z&#7869;k z&#361;ud waaf&#227; we-rasemp&#651;&#617;&#617;g&#7869; woto me yaa t&#617;l&#603; t&#617; b z&#7869;k Ninsaal Bi-ribl&#227;, 15t&#617; ned ning f&#227;a s&#7869;n t&#7869;ed&#8209;b b&#227;mb na paam v&#617;&#617;m s&#7869;n k&#245;n sa. 16Bala, W&#7869;nnaam nonga d&#361;niy&#227; w&#651;sgo, hal t&#617; b k&#245; b Bi-ribl yend&#227;, t&#617; ned ning f&#227;a s&#7869;n na t&#7869; b&#227;mb k&#245;n s&#227;am ye, la a na paam v&#617;&#617;m s&#7869;n k&#245;n sa. 17S&#617;d me, W&#7869;nnaam ka t&#651;m b Bi-ribl&#227; d&#361;niy&#227; zug t&#617; b kao ninsaalb&#227; b&#651;&#651;d ye, la yaa t&#617; neb&#227; na paam f&#227;agr b&#227;mb maasem y&#297;nga. 18B ka na n kao ned ning s&#7869;n t&#7869;ed&#227; b&#651;&#651;d ye. La ned ning s&#7869;n ka t&#7869;ed&#227;, buud zoe kaoome, a s&#7869;n ka t&#7869; W&#7869;nnaam Bi-ribl yend&#227; y&#651;&#651;r y&#297;ng&#227;. 19B&#361;mb ning s&#7869;n wat ne b&#651;&#651;d&#227; la a woto: v&#7869;enem waa d&#361;niy&#227; zugu, la ninsaalb&#227; nonga lik&#227; n y&#617;&#617;d v&#7869;enem&#227;, b t&#651;&#651;m&#227; s&#7869;n yaa w&#7869;ns&#227; y&#297;nga. 20Bala, ned ning f&#227;a s&#7869;n maand w&#7869;ng kisa v&#7869;enem, n ka wat v&#7869;enem&#7869; ye, t'a t&#651;&#651;m-w&#7869;ns&#227; na n wa puki. 21La ned ning s&#7869;n maand s&#617;d wata v&#7869;enem&#7869;, t&#617; neb&#227; t&#245;e n b&#227;ng t'a t&#651;&#651;m&#227; t&#651;mda W&#7869;nnaam sakr p&#651;g&#7869;.&#187;</div><div class="s">A Zeezi ne a Z&#227;</div><div class="p"> 22D&#7869; poore, a Zeezi k&#7869;nga Z&#651;&#651;de soolm&#7869; ne b karen-biis&#227;, n pa be rasem bilf ne b&#227;mba, la b lisd neb&#227;. 23A Z&#227; me dag n bee Eno, z&#297;ig s&#7869;n p&#7869; ne Salim n lisd neb&#227;, bala, koom dag n bee be w&#651;sgo. Neb&#227; dag n k&#7869;nda be t'a lisd-ba. 24#Mat 14.3, Mark 6.17, Luk 3.19,20Bala, b dag nan ka sui a Z&#227; bi-bees roog&#7869; ye. 25La a Z&#227; karen-biis k&#7869;er w&#7869;e no-koeemd ne Z&#651;&#617;f a yembre, y&#617;lg-m-meng&#227; poor&#7869;. 26D&#7869;, b&#227;mb k&#7869;nga a Z&#227; neng&#7869; n t&#617; yeel-a: &#171;Karen-saamba, ned ning s&#7869;n dag n be ne y&#227;mb Z&#651;rd&#7869; r&#651;&#651;nd&#227;, t&#617; y&#227;mb k&#617;s a kaset&#227;, ad a lisda neb&#227;, la neb&#227; f&#227;a dabda a neng&#7869;.&#187; 27A Z&#227; leokame n yeele: &#171;Ninsaal ka t&#245;e n deeg b&#361;mb baa f&#651;&#617;, t&#617; s&#227; n ka s&#7869;n yi arz&#227;n&#227; n k&#245;-a ye. 28#Z&#227; 1.20Y&#227;mb mens yaa kaset d&#227;mb t&#617; mam yeelame t&#617; mam ka Kiris&#227; ye, la t&#617; yaa b&#227;mb n t&#651;m maam t&#617; m deng b taoore. 29Yaa pag s&#617;d n so-a. La p&#651;g-s&#617;d&#227; zoa bee ne-a n kelgd-a, la a s&#227; n w&#651;m p&#651;g-s&#617;d&#227; ko&#603;&#603;ga, a s&#361;ur yaa noogo. S&#361;-no-k&#227;ng s&#7869;n yaa mam d&#7869;nd&#227; pida z&#227;nga. 30Yaa t&#617;lay t&#617; B&#227;mb t&#651;&#651;md&#227; lebgd k&#227;seng n paasd&#7869;, t&#617; mam d&#7869;nd&#227; tar boogre.&#187;</div><div class="s">Kaset soab s&#7869;n yit y&#297;ngri</div><div class="p"> 31S&#7869;n yi-a y&#297;ngr n wa w&#227; y&#617;&#617;da neb&#227; f&#227;a. S&#7869;n yaa-a t&#7869;ng zug ka ned yaa t&#7869;ng b&#361;mbu, la a gomda t&#7869;ng b&#361;mb y&#603;la. S&#7869;n yi-a arz&#227;n&#227; y&#617;&#617;da neb&#227; f&#227;a. 32B&#227;mb togsda b&#361;mb nins b s&#7869;n y&#227; la b w&#651;me, la ned baa a yembr ka t&#7869;ed b&#227;mb kaset&#227; ye. 33Ned s&#227; n deeg b&#227;mb kaset&#227;, a soab&#227; wilgdame t&#617; W&#7869;nnaam yaa s&#617;d soaba. 34Soab ning W&#7869;nnaam s&#7869;n t&#651;m&#227; togsda W&#7869;nnaam goam&#227;, bala, W&#7869;nnaam k&#245;ta a soab b&#227;mb S&#617;&#617;g&#227; t&#617; seke. 35#Mat 11.27, Luk 10.22Ba w&#227; nonga Bi-ribl&#227;, n d&#617;k b&#361;mba f&#227;a n ning a nug&#7869;. 36Ned ning s&#7869;n t&#7869;ed-a Bi-ribl&#227; tara v&#617;&#617;m s&#7869;n k&#245;n sa. La ned ning s&#7869;n k&#617;&#617;sd-a Bi-ribl&#227; k&#245;n paam v&#617;-k&#227;ng ye, la W&#7869;nnaam s&#361;-puugr&#227; na n ta-a lame.</div>
 </div>
 </div>
</div>

Moore Bible © Bible Society of Burkina Faso, 2014.

Rao a yembr n dag n be Fariizẽ-dãmbã sʋka, n ya Zʋɩf-rãmbã naaba, t'a yʋʋr boondẽ t'a Nikodɛm. Yẽnda waa a Zeezi nengẽ ne yʋng n yeel-b yaa: Karen-saamba, tõnd miime tɩ yãmb yaa karen-saamb Wẽnnaam sẽn tʋme. Bala, ned ka tõe n maan bõn-bãn nins yãmb sẽn maandã, tɩ sã n ka Wẽnnaam n be ne-a ye. A Zeezi leok-a lame n yeele: «Mam yeta foom sɩd-sɩd tɩ ned sã n ka leb n dog yɛsa, a ka tõe n yãnd Wẽnnaam soolmã ye.» A Nikodɛm yeela bãmba: «Ned sẽn kʋʋl na n yɩɩ a wãn n leb n doge? A tõe n leb n kẽe a ma pʋgẽ yɛs n dog sɩda?» A Zeezi leoka yẽnda n yeele: «Mam yeta foom sɩd-sɩd tɩ ned sã n ka rog ne koom la ne Sɩɩg-sõngo, a ka tõe n kẽ Wẽnnaam soolmẽ wã ye. Bũmb ning yĩng sẽn dog yaa yĩnga, la bũmb ning Sɩɩg-sõng sẽn dog yaa sɩɩga. Da sak tɩ mam sẽn yeel tɩ fo tog n leb n dogame wã yɛɛs foom ye. Sobg fugd n teesd a sẽn datẽ. Fo wʋmda a rãamdã, la fo ka mi a sẽn yitẽ, la a sẽn dabdẽ me ye. Yaa woto me ne ned ning Sɩɩg-sõng sẽn doge.» A Nikodɛm leb n gomame n yeele: «Bõn-kãng tõe n maana wãn n yɩ?» A Zeezi leoka yẽnda: «Fo yaa Israyɛll karen-saam-kãsenga, n yaool n ka mi rẽnda? Mam yeta foom sɩd-sɩda, tɩ tõnd yeta d sẽn mi, la tõnd kɩta bũmb nins d sẽn yã wã kaseto, la yãmb ka tẽ tõnd kasetã ye. Mam sã n gom ne yãmb dũni bũmb yɛl tɩ yãmb ka tẽeda, yãmb na n yɩɩ a wãn n tẽ, mam sã n gom ne yãmb saasẽ yɛl yelle? Ned baa a yembr ka rʋ saasẽ ye, sã n ka sẽn yi-a arzãn n wa wã: ‹yaa Ninsaal Bi-riblã.›
A wa a Moyiis sẽn zẽk zũud waafã we-rasempʋɩɩgẽ woto me yaa tɩlɛ tɩ b zẽk Ninsaal Bi-riblã, tɩ ned ning fãa sẽn tẽed‑b bãmb na paam vɩɩm sẽn kõn sa. Bala, Wẽnnaam nonga dũniyã wʋsgo, hal tɩ b kõ b Bi-ribl yendã, tɩ ned ning fãa sẽn na tẽ bãmb kõn sãam ye, la a na paam vɩɩm sẽn kõn sa. Sɩd me, Wẽnnaam ka tʋm b Bi-riblã dũniyã zug tɩ b kao ninsaalbã bʋʋd ye, la yaa tɩ nebã na paam fãagr bãmb maasem yĩnga. B ka na n kao ned ning sẽn tẽedã bʋʋd ye. La ned ning sẽn ka tẽedã, buud zoe kaoome, a sẽn ka tẽ Wẽnnaam Bi-ribl yendã yʋʋr yĩngã. Bũmb ning sẽn wat ne bʋʋdã la a woto: vẽenem waa dũniyã zugu, la ninsaalbã nonga likã n yɩɩd vẽenemã, b tʋʋmã sẽn yaa wẽnsã yĩnga. Bala, ned ning fãa sẽn maand wẽng kisa vẽenem, n ka wat vẽenemẽ ye, t'a tʋʋm-wẽnsã na n wa puki. La ned ning sẽn maand sɩd wata vẽenemẽ, tɩ nebã tõe n bãng t'a tʋʋmã tʋmda Wẽnnaam sakr pʋgẽ.»

Dẽ poore, a Zeezi kẽnga Zʋʋde soolmẽ ne b karen-biisã, n pa be rasem bilf ne bãmba, la b lisd nebã. A Zã me dag n bee Eno, zĩig sẽn pẽ ne Salim n lisd nebã, bala, koom dag n bee be wʋsgo. Nebã dag n kẽnda be t'a lisd-ba. Bala, b dag nan ka sui a Zã bi-bees roogẽ ye. La a Zã karen-biis kẽer wẽe no-koeemd ne Zʋɩf a yembre, yɩlg-m-mengã poorẽ. Dẽ, bãmb kẽnga a Zã nengẽ n tɩ yeel-a: «Karen-saamba, ned ning sẽn dag n be ne yãmb Zʋrdẽ rʋʋndã, tɩ yãmb kɩs a kasetã, ad a lisda nebã, la nebã fãa dabda a nengẽ.» A Zã leokame n yeele: «Ninsaal ka tõe n deeg bũmb baa fʋɩ, tɩ sã n ka sẽn yi arzãnã n kõ-a ye. Yãmb mens yaa kaset dãmb tɩ mam yeelame tɩ mam ka Kirisã ye, la tɩ yaa bãmb n tʋm maam tɩ m deng b taoore. Yaa pag sɩd n so-a. La pʋg-sɩdã zoa bee ne-a n kelgd-a, la a sã n wʋm pʋg-sɩdã koɛɛga, a sũur yaa noogo. Sũ-no-kãng sẽn yaa mam dẽndã pida zãnga. Yaa tɩlay tɩ Bãmb tʋʋmdã lebgd kãseng n paasdẽ, tɩ mam dẽndã tar boogre.»

Sẽn yi-a yĩngr n wa wã yɩɩda nebã fãa. Sẽn yaa-a tẽng zug ka ned yaa tẽng bũmbu, la a gomda tẽng bũmb yɛla. Sẽn yi-a arzãnã yɩɩda nebã fãa. Bãmb togsda bũmb nins b sẽn yã la b wʋme, la ned baa a yembr ka tẽed bãmb kasetã ye. Ned sã n deeg bãmb kasetã, a soabã wilgdame tɩ Wẽnnaam yaa sɩd soaba. Soab ning Wẽnnaam sẽn tʋmã togsda Wẽnnaam goamã, bala, Wẽnnaam kõta a soab bãmb Sɩɩgã tɩ seke. Ba wã nonga Bi-riblã, n dɩk bũmba fãa n ning a nugẽ. Ned ning sẽn tẽed-a Bi-riblã tara vɩɩm sẽn kõn sa. La ned ning sẽn kɩɩsd-a Bi-riblã kõn paam vɩ-kãng ye, la Wẽnnaam sũ-puugrã na n ta-a lame.

Koute A Zã koe‑noogo 3