<div class="version vid2973 iso6393swk" data-vid="2973" data-iso6393="swk">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">Mafala akutoma nawo</span></div><div class="ip"><span class="content">Dzina yakuti </span><span class="bk"><span class="content">Kutoma</span></span><span class="content"> kuti </span><span class="it"><span class="content">nthomatoma ya pinthu pyonsene.</span></span><span class="content"> Bukhuyi ikulonga pya kulengwa kwa dziko yonsene, kusasanywa kwa munthu, kutoma kwa kudawa na nyatwa m'dziko yapansi, pontho na pya mule mukhachitira Mulungu kuna munthu. Bukhu ya Kutoma inakwanisa kugawiwa makhundu akufunika awiri:</span></div><div class="ip"><span class="content">1. Ndima 1-11 Kulengwa kwa dziko na mbiri yakutoma ya munthu. Penepa pana mbiri ya Adamu na Hava, Kaini na Abele, Nowa na madzi makulu, pontho na Nsanja ya Babele.</span></div><div class="ip"><span class="content">2. Ndima 12-50 Mbiri ya makolo akutomaletu a Aisraele. Wakutoma ndi Abrahamu, ule adadziwika thangwi ya chikhulupiro na kuvera kwache Mulungu. Buluka penepo ndi mbiri ya mwanache Isake, na mdzukuluache Yakobo (wakuchemerwa pontho Israele), pontho na ana khumi na awiri a Yakobo, ale akhali makolo a madzinza khumi na awiri a Aisraele. Kudimbirira kwakufunika kwagona pa mbodzi mwa anache, dzinache Yosefe, na pinthu pidachitisa Yakobo na anache anango ale, pabodzi na mabanjawo ene kudza dzakhala m'dziko ya Iguputo.</span></div><div class="ip"><span class="content">Pinalonga bukhuyi pya mbiri za anthu, chakutoma pontho chakufunika, ntchakulonga pya pinthu pyachita Mulungu. Yatoma na kutsikimizira kuti Mulungu ndiye adalenga dziko yonsene, pontho yamalisa na kudumbira kudachita Mulungu kuonesa kutsalakana kwache anthu ache. Kutomera nkhomo kufikirana nkhomo ya bukhuyi, nyakulongwa wakufunika ndi Mulungu, ule ambatonga mseru na kutchunyusa anthu akuchita pyakuipa, ambatsogolera na kuphedza anthu ache, pontho ambasasanya mwadidi mbiri yawo. Bukhu yakaleyi idalembwa na thangwi ya kufuna kulemba mbiri ya chikhulupiro cha anthu, pontho kuphedza anyakuwerengache kukhalambo na chikhulupiro.</span></div><div class="iot"><span class="content">Pya m'bwalomu</span></div><div class="io1"><span class="content">Kulengwa kwa dziko yonsene na anthu 1.1&#8212;2.25</span></div><div class="io1"><span class="content">Nthomatoma ya kudawa na nyatwa 3.1-24</span></div><div class="io1"><span class="content">Kubulukira ndzidzi wa Adamu kufikirana ndzidzi wa Nowa 4.1&#8212;5.32</span></div><div class="io1"><span class="content">Nowa na madzi makulu 6.1&#8212;10.32</span></div><div class="io1"><span class="content">Nsanja ya Babele 11.1-9</span></div><div class="io1"><span class="content">Kubulukira ndzidzi wa Semu kufikirana ndzidzi wa Abramu 11.10-32</span></div><div class="io1"><span class="content">Makolo akuveka akale: Abrahamu, Isake, Yakobo 12.1&#8212;35.29</span></div><div class="io1"><span class="content">Pidzukulu pya Esau 36.1-43</span></div><div class="io1"><span class="content">Yosefe na abale ache 37.1&#8212;45.28</span></div><div class="io1"><span class="content">Aisraele m'dziko ya Iguputo 46.1&#8212;50.26</span></div>
        </div>
    </div>
</div>

Mafala akutoma nawo
Dzina yakuti Kutoma kuti nthomatoma ya pinthu pyonsene. Bukhuyi ikulonga pya kulengwa kwa dziko yonsene, kusasanywa kwa munthu, kutoma kwa kudawa na nyatwa m'dziko yapansi, pontho na pya mule mukhachitira Mulungu kuna munthu. Bukhu ya Kutoma inakwanisa kugawiwa makhundu akufunika awiri:
1. Ndima 1-11 Kulengwa kwa dziko na mbiri yakutoma ya munthu. Penepa pana mbiri ya Adamu na Hava, Kaini na Abele, Nowa na madzi makulu, pontho na Nsanja ya Babele.
2. Ndima 12-50 Mbiri ya makolo akutomaletu a Aisraele. Wakutoma ndi Abrahamu, ule adadziwika thangwi ya chikhulupiro na kuvera kwache Mulungu. Buluka penepo ndi mbiri ya mwanache Isake, na mdzukuluache Yakobo (wakuchemerwa pontho Israele), pontho na ana khumi na awiri a Yakobo, ale akhali makolo a madzinza khumi na awiri a Aisraele. Kudimbirira kwakufunika kwagona pa mbodzi mwa anache, dzinache Yosefe, na pinthu pidachitisa Yakobo na anache anango ale, pabodzi na mabanjawo ene kudza dzakhala m'dziko ya Iguputo.
Pinalonga bukhuyi pya mbiri za anthu, chakutoma pontho chakufunika, ntchakulonga pya pinthu pyachita Mulungu. Yatoma na kutsikimizira kuti Mulungu ndiye adalenga dziko yonsene, pontho yamalisa na kudumbira kudachita Mulungu kuonesa kutsalakana kwache anthu ache. Kutomera nkhomo kufikirana nkhomo ya bukhuyi, nyakulongwa wakufunika ndi Mulungu, ule ambatonga mseru na kutchunyusa anthu akuchita pyakuipa, ambatsogolera na kuphedza anthu ache, pontho ambasasanya mwadidi mbiri yawo. Bukhu yakaleyi idalembwa na thangwi ya kufuna kulemba mbiri ya chikhulupiro cha anthu, pontho kuphedza anyakuwerengache kukhalambo na chikhulupiro.
Pya m'bwalomu
Kulengwa kwa dziko yonsene na anthu 1.1—2.25
Nthomatoma ya kudawa na nyatwa 3.1-24
Kubulukira ndzidzi wa Adamu kufikirana ndzidzi wa Nowa 4.1—5.32
Nowa na madzi makulu 6.1—10.32
Nsanja ya Babele 11.1-9
Kubulukira ndzidzi wa Semu kufikirana ndzidzi wa Abramu 11.10-32
Makolo akuveka akale: Abrahamu, Isake, Yakobo 12.1—35.29
Pidzukulu pya Esau 36.1-43
Yosefe na abale ache 37.1—45.28
Aisraele m'dziko ya Iguputo 46.1—50.26

Koute Kutoma Mafala akutoma nawo