If you have would like a copy of this version please contact info@davaraudiobibles.org

Kambera Old Testament

<div class="version vid2908 iso6393xbr" data-vid="2908" data-iso6393="xbr">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="s">Na nj&#224;puna na iwa</div><div class="p"> 1I Ala nda nambula-anya i Nuhu d&#224;ngu mbuu nd&#224;bada da banda da angu tamana daa la kapalu. I Ala na-pahapuputu-ya na ngilu, hi lupa nangeri hurutu na wai. 2Mbuu nd&#224;bada da matawai la unu tana d&#224;ngu mbuu nd&#224;bada da katonga wai la awangu nabita h&#224;lanja. Ka mal&#224;na-nanyaka na urangu, 3d&#224;ngu parukangu-nanyaka pa-hurutu na wai. La hambeli 150 lodu nda natika-apa pajangga na wai. 4Hurutu pangalangu-mananya na wai t&#224;ka la t&#224;nggalu 17 wulangu 7, k&#224;ndahu-nanyaka na kapalu la pinu palindi Arar&#224;tu. 5Kawawaku pangalangu-mananya na wai, la t&#224;nggalu hau wulangu hakambulu, pakiringu-danyaka pawuwa da pinu palindi.</div><div class="p"> 6Tomaka patu kambulu lodu, i Nuhu bunggahu-nanyaka na hau katonga kapalu, 7hi na-pah&#224;la-ya na heu na nggangga. Nuna na ma-hawurungu nda nahilu beli-apa la kapalu, t&#224;ka hawuru pangalangu-ma-ananya lai nu - lai nu lundu na-kawawaku ailulu na wai iwa. 8Ba tal&#224;nga tunaka nu, pah&#224;la-nanyaka i Nuhu na heu na kulundiha, ka pi w&#224;nya j&#224;ka tuba mihi-naka na wai. 9T&#224;ka ba jiapa bia-yapa na wai ba na-lumburu-nya na pinu tana nggubulu-na, nuna na kulundiha ndedi nahunggu-mapa ngia pa-r&#224;njaku-na. Ka beli-nanyaka la kapalu; i Nuhu na-pajola-nya lima hi natama ng&#224;ndiya. 10Pihu mbua lodu i Nuhu ba nahili patiangu, h&#224;la hi nahili pah&#224;la-ya nuna na kulundiha. 11La malingu beli-nanyaka nuna na ma-hawurungu lai nyuna ba nang&#224;ndi haw&#224;la ruu ai haitungu mamuru la ng&#224;nduna. Nu pi-nanyaka i Nuhu na wai ba mihi-nanyaka. 12Ba na-patiangu-ka hili pihu mbua lodu, hili pah&#224;la-nanyaka nuna na kulundiha; nu la rehi nuna nda nahili beli-apa na ma-hawurungu lai nyuna.</div><div class="p"> 13Ba 601 ndau-naka i Nuhu, la t&#224;nggalu hau wulangu hau, mihi ailulu-mana-nyaka na wai. Ka bunggahu-nanyaka na toku ndiduna na kapalu i Nuhu, t&#224;ka hi na-t&#224;ngaru la winggiru-na. Naita-ya na pinu tana mihi-mana-nyaka. 14La t&#224;nggalu dua kambulu pihu wulangu pad&#224;mbu w&#224;na, m&#224;du-nanyaka na pinu tana.</div><div class="p"> 15Ka tungu-nanyaka liina i Ala lai Nuhu, 16&#8220;Luhuwa welingu la kapalu angu na papaha-mu, da anamu d&#224;ngu da papaha-da. 17Luhu ng&#224;ndi-hawa mbuu nd&#224;bada da ma-hawurungu d&#224;ngu da banda hawiangu, ma-bokulu hamanai makudu, ka peku woru mb&#224;mbaru-da d&#224;ngu ka da-tanyalangu la pinu tana nggubulu-na,&#8221; w&#224;nanya. 18Ka luhu-nanyaka i Nuhu welingu la kapalu angu na papaha-na d&#224;ngu da anana lupa da papaha-da. 19Mbuu nd&#224;bada da ma-hawurungu d&#224;ngu da banda lamara luhu-danyaka welingu la kapalu, mar&#224;ngga himbu-madanya kalibaru hamada.</div><div class="s">I Nuhu ba nawotu kameti maraku</div><div class="p"> 20I Nuhu na-pahadangu hau ngia pawotu maraku kaba a&#252; ndumana i MIRI. Napiti heu welingu la nimbihu ngara ma-hawurungu d&#224;ngu banda hawiangu da mahida, hi nawotu-ha la pinu ngia pawotu maraku ba kameti maraku patunu-ha. 21Da wau hiritu-da da kameti pa-maraku w&#224;ngu nah&#224;mu w&#224;nya na etina i MIRI, hi lupa w&#224;na la etina, &#8220;Napa nda kuhilu r&#224;tu-anyapa yiana na pinu tana ruku pawunda-na na tau; ba kupi-manya ba welingu pa-anakeda-manaka ba na-akatu na kanandingu-na. Nda kuhilu pamolu-anyapa mbuu nd&#224;bana na pa-padikangu na maluri, hama tuna ba tunggunya nu na mabidi l&#224;pahu. 22Ba ngala ninya yiana na pinu tana, napa na-panua naingu-ka na rehi tondungu d&#224;ngu na rehi muti, na rehi maringu d&#224;ngu na rehi pa-mbanahungu, na ndau wandu d&#224;ngu na ndau urangu, na lodu d&#224;ngu na rudungu,&#8221; w&#224;na.</div>
 </div>
 </div>
</div>

@LAI 1995 Indonesian Bible Society (Lembaga Alkitab Indonesia)

I Ala nda nambula-anya i Nuhu dàngu mbuu ndàbada da banda da angu tamana daa la kapalu. I Ala na-pahapuputu-ya na ngilu, hi lupa nangeri hurutu na wai. Mbuu ndàbada da matawai la unu tana dàngu mbuu ndàbada da katonga wai la awangu nabita hàlanja. Ka malàna-nanyaka na urangu, dàngu parukangu-nanyaka pa-hurutu na wai. La hambeli 150 lodu nda natika-apa pajangga na wai. Hurutu pangalangu-mananya na wai tàka la tànggalu 17 wulangu 7, kàndahu-nanyaka na kapalu la pinu palindi Araràtu. Kawawaku pangalangu-mananya na wai, la tànggalu hau wulangu hakambulu, pakiringu-danyaka pawuwa da pinu palindi.
Tomaka patu kambulu lodu, i Nuhu bunggahu-nanyaka na hau katonga kapalu, hi na-pahàla-ya na heu na nggangga. Nuna na ma-hawurungu nda nahilu beli-apa la kapalu, tàka hawuru pangalangu-ma-ananya lai nu - lai nu lundu na-kawawaku ailulu na wai iwa. Ba talànga tunaka nu, pahàla-nanyaka i Nuhu na heu na kulundiha, ka pi wànya jàka tuba mihi-naka na wai. Tàka ba jiapa bia-yapa na wai ba na-lumburu-nya na pinu tana nggubulu-na, nuna na kulundiha ndedi nahunggu-mapa ngia pa-rànjaku-na. Ka beli-nanyaka la kapalu; i Nuhu na-pajola-nya lima hi natama ngàndiya. Pihu mbua lodu i Nuhu ba nahili patiangu, hàla hi nahili pahàla-ya nuna na kulundiha. La malingu beli-nanyaka nuna na ma-hawurungu lai nyuna ba nangàndi hawàla ruu ai haitungu mamuru la ngànduna. Nu pi-nanyaka i Nuhu na wai ba mihi-nanyaka. Ba na-patiangu-ka hili pihu mbua lodu, hili pahàla-nanyaka nuna na kulundiha; nu la rehi nuna nda nahili beli-apa na ma-hawurungu lai nyuna.
Ba 601 ndau-naka i Nuhu, la tànggalu hau wulangu hau, mihi ailulu-mana-nyaka na wai. Ka bunggahu-nanyaka na toku ndiduna na kapalu i Nuhu, tàka hi na-tàngaru la winggiru-na. Naita-ya na pinu tana mihi-mana-nyaka. La tànggalu dua kambulu pihu wulangu padàmbu wàna, màdu-nanyaka na pinu tana.
Ka tungu-nanyaka liina i Ala lai Nuhu, “Luhuwa welingu la kapalu angu na papaha-mu, da anamu dàngu da papaha-da. Luhu ngàndi-hawa mbuu ndàbada da ma-hawurungu dàngu da banda hawiangu, ma-bokulu hamanai makudu, ka peku woru mbàmbaru-da dàngu ka da-tanyalangu la pinu tana nggubulu-na,” wànanya. Ka luhu-nanyaka i Nuhu welingu la kapalu angu na papaha-na dàngu da anana lupa da papaha-da. Mbuu ndàbada da ma-hawurungu dàngu da banda lamara luhu-danyaka welingu la kapalu, maràngga himbu-madanya kalibaru hamada.

I Nuhu na-pahadangu hau ngia pawotu maraku kaba aü ndumana i MIRI. Napiti heu welingu la nimbihu ngara ma-hawurungu dàngu banda hawiangu da mahida, hi nawotu-ha la pinu ngia pawotu maraku ba kameti maraku patunu-ha. Da wau hiritu-da da kameti pa-maraku wàngu nahàmu wànya na etina i MIRI, hi lupa wàna la etina, “Napa nda kuhilu ràtu-anyapa yiana na pinu tana ruku pawunda-na na tau; ba kupi-manya ba welingu pa-anakeda-manaka ba na-akatu na kanandingu-na. Nda kuhilu pamolu-anyapa mbuu ndàbana na pa-padikangu na maluri, hama tuna ba tunggunya nu na mabidi làpahu. Ba ngala ninya yiana na pinu tana, napa na-panua naingu-ka na rehi tondungu dàngu na rehi muti, na rehi maringu dàngu na rehi pa-mbanahungu, na ndau wandu dàngu na ndau urangu, na lodu dàngu na rudungu,” wàna.

Koute DEDI 8