<div class="version vid2474 iso6393hat" data-vid="2474" data-iso6393="hat">
 <div class="book bkEST">
 <div class="chapter ch8" data-usfm="EST.8">
 <div class="label">8</div><div class="s">Wa Asyeris pase l&#242;d pou ede Jwif yo</div><div class="p"> 1Nan menm jou a, wa Asyeris f&#232; r&#232;n Est&#232; kado tout sa Aman, l&#232;nmi Jwif yo, te genyen. Est&#232; te f&#232; wa a konnen Madoche se kouzen l. Al&#242;, Madoche pwoche devan wa a. 2Wa a pran bag wayal li te bay Aman an epi li bay Madoche l. Est&#232; mete Madoche responsab tout sa Aman te posede.</div><div class="p"> 3Est&#232; pale ak wa a ank&#242;. Li mete ajenou nan pye l epi li tonbe kriye pou mande l pou def&#232;t plan mechanste Aman, ki soti nan ras Agag la, te f&#232; kont Jwif yo.</div><div class="p"> 4Wa a lonje baton l&#242; a bay Est&#232;. Li leve kanpe devan wa a. 5Li di: &#8220;Wa pa m nan, si m f&#232; w plezi epi si m jwenn fav&#232; devan w, si sa f&#232; wa a m plezi, m ap mande ou tanpri, ekri yon l&#232;t voye nan tout pwovens ki nan way&#242;m nan pou pase l&#242;d kanpe masak Aman, pitit Amedata a ki soti nan ras fanmi Agag la, te deja pase l&#242;d pou f&#232; sou Jwif yo. 6Mwen p ap ka pote chaj sa pou m w&#232; y ap touye pw&#242;p fanmi m.&#8221;</div><div class="p"> 7Wa Asyeris reponn r&#232;n Est&#232; ak Madoche, Jwif la: &#8220;Paske Aman atake Jwif yo, pout&#232;t sa, mwen bay Est&#232; tout sa li te posede. S&#232;vit&#232; m yo deja pann li sou pote li te prepare a. 8Kounye a, mwen ba ou otorite pou ou ekri nan non m nenp&#242;t l&#242;d ou panse k ap an fav&#232; Jwif yo. M ap siyen l&#232;t la ak bag mwen. Mwen vle ou sonje tou, nenp&#242;t l&#232;t ki ekri sou l&#242;d wa a epi ki sele ak bag li pa ka chanje.&#8221;</div><div class="p"> 9Menm jou a, ventwazy&#232;m jou nan twazy&#232;m mwa a, mwa Sivan,#8:9 Sivan Sivan se twazy&#232;m mwa nan kalandriye Jwif yo. Li koresponn ak d&#232;nye mwatye nan mwa Me epi premye mwatye nan mwa Jen nan kalandriye Gregoryen an. wa a f&#232; konvoke tout sekret&#232; l yo. Yo ekri tout l&#242;d Madoche yo pou voye bay Jwif yo, tout ch&#232;f rejyonal lame wa yo, gouv&#232;n&#232; ak tout gwo ch&#232;f yo ki nan 127 pwovens yo, soti peyi Lend rive Letyopi. L&#232;t sa a te ekri nan diferan lang moun sa yo pale ak diferan f&#242;m ekriti yo s&#232;vi nan chak pwovens sa yo. L&#242;d sa yo te rive jwenn Jwif yo nan pw&#242;p lang ak ekriti yo. 10Madoche ekri l&#232;t yo nan non wa Asyeris, epi li sele yo ak bag wa a tou. Yo bay mesaje yo pote l&#232;t yo ale. Yo te monte chwal ki konn kouri byen vit yo, ki drese espesyalman pou wa a.</div><div class="p"> 11Men sa l&#232;t sa yo di: wa a bay tout jwif dwa pou yo rasanble nan chak vil kote yo ye pou yo defann t&#232;t yo. Si nenp&#242;t lame ki soti nan nenp&#242;t nasyon ta atake yo, atake madanm ak pitit yo, yo gen dwa detui lame sa a. Yo gen dwa pou piye tout sa l&#232;nmi yo posede. 12Se yon otorite tout Jwif k ap viv nan t&#232;ritwa kote wa a ap k&#242;mande yo genyen. Jou ki te apa pou sa, se te tr&#232;zy&#232;m jou nan mwa Ada, douzy&#232;m mwa nan lane a. 13Yo voye l&#232;t sa a nan chak vil pwovens yo epi pou yo li an piblik pou tout moun tande, se te yon lwa. Wa a te f&#232; sa, pou Jwif yo te ka mete yo pr&#232; pou yo vanje tout l&#232;nmi yo a nan jou sa a.</div><div class="p"> 14Kon mesaje yo fin resevwa l&#242;d sa a, yo monte chwal wayal yo ki te drese espesyalman pou wa a pou yo al gaye nouv&#232;l la. Yo bay nouv&#232;l la nan sitad&#232;l la ki nan Souz, kapital la tou.</div><div class="p"> 15L&#232; Madoche kite pal&#232; a, li te abiye tankou yon wa. Li te gen yon w&#242;b wayal ble ak blan sou li, yon w&#242;b ki f&#232;t ak twal len blan byen fen epi ak yon manto koul&#232; vyol&#232;t ki f&#232;t ak twal len, ak yon kouw&#242;n byen laj ki f&#232;t ak l&#242; sou t&#232;t li. Tout lavil Souz t ap rele, yo t ap fete, yo te an jwa epi yo t ap bat bravo. 16Jou sa a se te yon gwo f&#232;t delivrans ak on&#232; pou Jwif yo.</div><div class="p"> 17Nan chak pwovens ak chak vil kote yo anonse l&#242;d wa a, se te gwo f&#232;t ak k&#232; kontan pou Jwif yo. Se te tankou yon jou f&#232;t nasyonal paske te gen anpil f&#232;t ak gwo festen tout kote. Anpil moun l&#242;t nasyon te deside pou vin Jwif#8:17 deside pou vin Jwif Mo yo, nan lang Ebre a, pa fin kl&#232; nan t&#232;ks la. L&#242;t fason nou ka tradwi se: &#8220;yo te pretann se Jwif yo ye, yo te f&#232; moun kw&#232; se Jwif yo ye&#8221; oubyen &#8220;yo te mete yo kote Jwif yo.&#8221; paske yo te p&#232; Jwif yo.</div>
 </div>
 </div>
</div>

Nouvo Testaman: Vèsyon Kreyòl Fasil (VKF) @ 2017 Bible League International

Nan menm jou a, wa Asyeris fè rèn Estè kado tout sa Aman, lènmi Jwif yo, te genyen. Estè te fè wa a konnen Madoche se kouzen l. Alò, Madoche pwoche devan wa a. Wa a pran bag wayal li te bay Aman an epi li bay Madoche l. Estè mete Madoche responsab tout sa Aman te posede.
Estè pale ak wa a ankò. Li mete ajenou nan pye l epi li tonbe kriye pou mande l pou defèt plan mechanste Aman, ki soti nan ras Agag la, te fè kont Jwif yo.
Wa a lonje baton lò a bay Estè. Li leve kanpe devan wa a. Li di: “Wa pa m nan, si m fè w plezi epi si m jwenn favè devan w, si sa fè wa a m plezi, m ap mande ou tanpri, ekri yon lèt voye nan tout pwovens ki nan wayòm nan pou pase lòd kanpe masak Aman, pitit Amedata a ki soti nan ras fanmi Agag la, te deja pase lòd pou fè sou Jwif yo. Mwen p ap ka pote chaj sa pou m wè y ap touye pwòp fanmi m.”
Wa Asyeris reponn rèn Estè ak Madoche, Jwif la: “Paske Aman atake Jwif yo, poutèt sa, mwen bay Estè tout sa li te posede. Sèvitè m yo deja pann li sou pote li te prepare a. Kounye a, mwen ba ou otorite pou ou ekri nan non m nenpòt lòd ou panse k ap an favè Jwif yo. M ap siyen lèt la ak bag mwen. Mwen vle ou sonje tou, nenpòt lèt ki ekri sou lòd wa a epi ki sele ak bag li pa ka chanje.”
Menm jou a, ventwazyèm jou nan twazyèm mwa a, mwa Sivan, wa a fè konvoke tout sekretè l yo. Yo ekri tout lòd Madoche yo pou voye bay Jwif yo, tout chèf rejyonal lame wa yo, gouvènè ak tout gwo chèf yo ki nan 127 pwovens yo, soti peyi Lend rive Letyopi. Lèt sa a te ekri nan diferan lang moun sa yo pale ak diferan fòm ekriti yo sèvi nan chak pwovens sa yo. Lòd sa yo te rive jwenn Jwif yo nan pwòp lang ak ekriti yo. Madoche ekri lèt yo nan non wa Asyeris, epi li sele yo ak bag wa a tou. Yo bay mesaje yo pote lèt yo ale. Yo te monte chwal ki konn kouri byen vit yo, ki drese espesyalman pou wa a.
Men sa lèt sa yo di: wa a bay tout jwif dwa pou yo rasanble nan chak vil kote yo ye pou yo defann tèt yo. Si nenpòt lame ki soti nan nenpòt nasyon ta atake yo, atake madanm ak pitit yo, yo gen dwa detui lame sa a. Yo gen dwa pou piye tout sa lènmi yo posede. Se yon otorite tout Jwif k ap viv nan tèritwa kote wa a ap kòmande yo genyen. Jou ki te apa pou sa, se te trèzyèm jou nan mwa Ada, douzyèm mwa nan lane a. Yo voye lèt sa a nan chak vil pwovens yo epi pou yo li an piblik pou tout moun tande, se te yon lwa. Wa a te fè sa, pou Jwif yo te ka mete yo prè pou yo vanje tout lènmi yo a nan jou sa a.
Kon mesaje yo fin resevwa lòd sa a, yo monte chwal wayal yo ki te drese espesyalman pou wa a pou yo al gaye nouvèl la. Yo bay nouvèl la nan sitadèl la ki nan Souz, kapital la tou.
Lè Madoche kite palè a, li te abiye tankou yon wa. Li te gen yon wòb wayal ble ak blan sou li, yon wòb ki fèt ak twal len blan byen fen epi ak yon manto koulè vyolèt ki fèt ak twal len, ak yon kouwòn byen laj ki fèt ak lò sou tèt li. Tout lavil Souz t ap rele, yo t ap fete, yo te an jwa epi yo t ap bat bravo. Jou sa a se te yon gwo fèt delivrans ak onè pou Jwif yo.
Nan chak pwovens ak chak vil kote yo anonse lòd wa a, se te gwo fèt ak kè kontan pou Jwif yo. Se te tankou yon jou fèt nasyonal paske te gen anpil fèt ak gwo festen tout kote. Anpil moun lòt nasyon te deside pou vin Jwif paske yo te pè Jwif yo.

Koute Estè 8