If you have would like a copy of this version please contact info@davarpartners.com

The Lusamia-Lugwe Bible

<div class="version vid2366 iso6393lsm" data-vid="2366" data-iso6393="lsm">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Kaini neende Abbeli</div><div class="p"> 1Bulaanu Adamu yaba neende Efa omuhasi wae, omuhasi yanyoola amabaanga. Yeebula Kaini mani yaboola ati, &#8220;Njibuule omwaana musyaani hulw'amaani k'Omwaami.&#8221; 2Haandi yeebula omwaana wuundi yi yalaanga Abbeli. Bulaanu Abbeli yali omwaayi, nae Kaini yali omulimi. 3Ebiha nibyabitao, Kaini yaleeta esiyaanwa esitula hu bilime byae eyiri Omwaami. 4#Abaib 11:4. Abbeli yesi yaleeta esiyaanwa sy'ekoondi doto lyaamberi li yeeta yatusamo amasinya malai yaakayaanayo koti esiyaanwa sisaambe. Omwaami yasangaalira Abbeli neende esiyaanwa syae esyo, 5nae Omwaami haba siyasangaalira Kaini neende esiyaanwa syae esyo daawe. Sino syanyoolesa muno Kaini. 6Omwaami yateeba Kaini ati, &#8220;Lwasiina onyoleere? Lwasiina ohuluusire mu moni otyo? 7Ooba nooholere esiindu silai, mba fukiriire esiyaanwa syao, nae olwohuba oholere esibi, esyonoono mbao siri hu mulyaango kwao. Esyonoono sidaha ohuhutuka, nae ewe ohoyere ohusiyiingira.&#8221;</div><div class="p"> 8 # 
 Mat 23:35; Luk 11:51; 1 Yow 3:12. Kaini yaboolera Abbeli mwaanang'ina ati, &#8220;Leha huchieho mu mukuunda.&#8221; Nae nibali mu mukuunda, Kaini yakwa hu Abbeli mwaanang'ina yamumika mani yamwiita. 9Nae Omwaami yateeba Kaini ati, &#8220;Abbeli mwaanamao ali yeena?&#8221; Nae Kaini yakobolamo ati, &#8220;Siimanyire daawe; ese haba siniise omuliindi wa mwaanama.&#8221; 10#Abaib 12:24. Nae Omwaami yamuteeba ati, &#8220;Siina syeene sino si oholere? Ekono ly'amabaanga ka mwaanamao liri ohuundirira nilitula mu loba, nilidaha ohwetuunga. 11Mani bulaanu obwaabirwe, haba si ochia ohwamyaanga ebirime ohutula mu loba daawe. Eloba lyeekotyombeere amabaanga ka mwaanamao kawidiise oti libeere nilikeetekeheere. 12Bulaanu noonalimaanga, haba sonanyolaanga ebyaamo bihoyera amaani kao daawe; ochia ohuba omuyikaani obula obwiihalo bwoosi hu syaalo huno.&#8221;</div><div class="p"> 13Kaini nae yaboolera Omwaami ati, &#8220;Esibonereso syaange sino nesihoongo muno, siihira amaani. 14Bona, mbao wunjiruhaanie enyaanga yino ohuundusa mu loba lino; mani njia ohuhweekisaanga ohaye ohumbonaangaho daawe; haandi njia ohuba omuyiikaani obula obwiihalo bwoosi hu syaalo huno, oyo yeesi owunjakaana, achia ohunjiita bwiita.&#8221;</div><div class="p"> 15Omwaami yakobolamo ati, &#8220;Haba daawe! Nae omuundu yeesi nahwiita, mba njia ohumwetuunga amahabi kataanu-na-kabiri.&#8221; Mani Omwaami naata esilolero hu Kaini, hu muundu yeesi omubukaana ahaye ohumwiita. 16Mani yawaao naatula mu moni w'Omwaami n'amenya mu syaalo sya Nodi esyali ebukwe wa Edeni.</div><div class="s">Abeechuhulu ba Kaini</div><div class="p"> 17Kaini yaba neende omuhasi wae, mani yaanyoola amabaanga yeebula Enoka. Kaini yoombaha esiko, yasilaanga eliita ly'omwaana wae Enoka. 18Enoka yeebula Yiradi; Yiradi yeebula Mehujaeli, Mehujaeli yeebula Metusaeli, Metusaeli yeebula Lameki. 19Nae Lameki yadeehya abahasi babiri; mulala olaangwa Ada, nae owuundi olaangwa Siila. 20Ada yeebula Jabbali; Jabbali niye otulaho abaandu abamenya mu bikaali haandi abali neende ebyaayo. 21Mwaanang'ina Jabbali yali alaangwa Jubbali; wuno niye otulaho aboobbi b'amalere neende enjika. 22Omuhasi wa Lameki olaangwa Siila yeebula Tubbalikaini; wuno niye owali omwiitaanyi w'ebyuuma by'emigasa neende echuma. Mboochoong'ene Tubbalikaini yali alaangwa Naama.</div><div class="p"> 23Lameki yaboolera abahasi bae ati,</div><div class="q1">&#8220;Ada neende Siila, muwulire bi mboola;</div><div class="q2">eng'we abahasi ba Lameki, mutekeerese bi mboola:</div><div class="q1">Njitire omusyaani muraaga,</div><div class="q2">olwohuba yaahuya.</div><div class="q1"> 24Nikali mbwe Kaini yetuungwa amahabi kataanu-na-kabiri,</div><div class="q2">Lameki nae aba achia ohwetuungwa amahabi amahumi kataanu-na-kabiri-na-kataanu-na-kabiri omuundu yeesi n'anjita.&#8221;</div><div class="s">Seeti neende Enosi</div><div class="p"> 25Adamu haandi yaba neende omuhasi wae yanyoola amabaanga yeebula omwaana wuundi. Omuhasi wa Adamu yaboola ati, &#8220;Nasaae mbano yaambereese omwaana wuundi ohukobola mu makulu ka Abbeli, olwohuba Kaini yamwiita.&#8221; Mani yaamulaanga, Seeti 26Seeti yeebula omwaana musyaani mani yaamulaanga, Enosi. Esiha sino nisyo si baandu bachaaka ohwehoonyera eliita ly'Omwaami nibalaama.</div>
 </div>
 </div>
</div>

©Bible Society of Kenya, 2019 ©Bible Society of Uganda, 2019

Bulaanu Adamu yaba neende Efa omuhasi wae, omuhasi yanyoola amabaanga. Yeebula Kaini mani yaboola ati, “Njibuule omwaana musyaani hulw'amaani k'Omwaami.” Haandi yeebula omwaana wuundi yi yalaanga Abbeli. Bulaanu Abbeli yali omwaayi, nae Kaini yali omulimi. Ebiha nibyabitao, Kaini yaleeta esiyaanwa esitula hu bilime byae eyiri Omwaami. Abbeli yesi yaleeta esiyaanwa sy'ekoondi doto lyaamberi li yeeta yatusamo amasinya malai yaakayaanayo koti esiyaanwa sisaambe. Omwaami yasangaalira Abbeli neende esiyaanwa syae esyo, nae Omwaami haba siyasangaalira Kaini neende esiyaanwa syae esyo daawe. Sino syanyoolesa muno Kaini. Omwaami yateeba Kaini ati, “Lwasiina onyoleere? Lwasiina ohuluusire mu moni otyo? Ooba nooholere esiindu silai, mba fukiriire esiyaanwa syao, nae olwohuba oholere esibi, esyonoono mbao siri hu mulyaango kwao. Esyonoono sidaha ohuhutuka, nae ewe ohoyere ohusiyiingira.”
Kaini yaboolera Abbeli mwaanang'ina ati, “Leha huchieho mu mukuunda.” Nae nibali mu mukuunda, Kaini yakwa hu Abbeli mwaanang'ina yamumika mani yamwiita. Nae Omwaami yateeba Kaini ati, “Abbeli mwaanamao ali yeena?” Nae Kaini yakobolamo ati, “Siimanyire daawe; ese haba siniise omuliindi wa mwaanama.” Nae Omwaami yamuteeba ati, “Siina syeene sino si oholere? Ekono ly'amabaanga ka mwaanamao liri ohuundirira nilitula mu loba, nilidaha ohwetuunga. Mani bulaanu obwaabirwe, haba si ochia ohwamyaanga ebirime ohutula mu loba daawe. Eloba lyeekotyombeere amabaanga ka mwaanamao kawidiise oti libeere nilikeetekeheere. Bulaanu noonalimaanga, haba sonanyolaanga ebyaamo bihoyera amaani kao daawe; ochia ohuba omuyikaani obula obwiihalo bwoosi hu syaalo huno.”
Kaini nae yaboolera Omwaami ati, “Esibonereso syaange sino nesihoongo muno, siihira amaani. Bona, mbao wunjiruhaanie enyaanga yino ohuundusa mu loba lino; mani njia ohuhweekisaanga ohaye ohumbonaangaho daawe; haandi njia ohuba omuyiikaani obula obwiihalo bwoosi hu syaalo huno, oyo yeesi owunjakaana, achia ohunjiita bwiita.”
Omwaami yakobolamo ati, “Haba daawe! Nae omuundu yeesi nahwiita, mba njia ohumwetuunga amahabi kataanu-na-kabiri.” Mani Omwaami naata esilolero hu Kaini, hu muundu yeesi omubukaana ahaye ohumwiita. Mani yawaao naatula mu moni w'Omwaami n'amenya mu syaalo sya Nodi esyali ebukwe wa Edeni.

Kaini yaba neende omuhasi wae, mani yaanyoola amabaanga yeebula Enoka. Kaini yoombaha esiko, yasilaanga eliita ly'omwaana wae Enoka. Enoka yeebula Yiradi; Yiradi yeebula Mehujaeli, Mehujaeli yeebula Metusaeli, Metusaeli yeebula Lameki. Nae Lameki yadeehya abahasi babiri; mulala olaangwa Ada, nae owuundi olaangwa Siila. Ada yeebula Jabbali; Jabbali niye otulaho abaandu abamenya mu bikaali haandi abali neende ebyaayo. Mwaanang'ina Jabbali yali alaangwa Jubbali; wuno niye otulaho aboobbi b'amalere neende enjika. Omuhasi wa Lameki olaangwa Siila yeebula Tubbalikaini; wuno niye owali omwiitaanyi w'ebyuuma by'emigasa neende echuma. Mboochoong'ene Tubbalikaini yali alaangwa Naama.
Lameki yaboolera abahasi bae ati,
“Ada neende Siila, muwulire bi mboola;
eng'we abahasi ba Lameki, mutekeerese bi mboola:
Njitire omusyaani muraaga,
olwohuba yaahuya.
Nikali mbwe Kaini yetuungwa amahabi kataanu-na-kabiri,
Lameki nae aba achia ohwetuungwa amahabi amahumi kataanu-na-kabiri-na-kataanu-na-kabiri omuundu yeesi n'anjita.”

Adamu haandi yaba neende omuhasi wae yanyoola amabaanga yeebula omwaana wuundi. Omuhasi wa Adamu yaboola ati, “Nasaae mbano yaambereese omwaana wuundi ohukobola mu makulu ka Abbeli, olwohuba Kaini yamwiita.” Mani yaamulaanga, Seeti Seeti yeebula omwaana musyaani mani yaamulaanga, Enosi. Esiha sino nisyo si baandu bachaaka ohwehoonyera eliita ly'Omwaami nibalaama.

Koute Ohuchaaka 4