Text: © Alliance Biblique du Cameroun, 1964 Audio: ℗ 2011 Hosanna

Mousgoum - 2011 Edition (NT) Drama

Mousgoum -1964 - BSCAM NT Drama

<div class="version vid1855 iso6393mug" data-vid="1855" data-iso6393="mug">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="s">Muni na e niviti war ma&#629;ara</div><div class="p"> 1Yesu a hala si&#599;i huwu&#331; zi luwu&#331; olive. 2Amma gorof par cup a wayasi warni tempel, &#599;ai pa&#331; e hilisi sini, a sumna azumai dam a hitri&#599;i.</div><div class="p"> 3N&#629;a &#599;ai zi &#599;&#251; wazagai gai&#599;i Farisekai e kitisi muni na e nivitisi war ma&#629;ara, e &#599;iyiti arba&#599;i zaw, 4E mi&#599;ini: Api zi hitri, muni han&#599;a e nivitisi war ma&#629;ara. 5Musus, warni gadai zi &#599;&#251; na wiini &#599;a a siyi futi buri mi fi&#599;i&#599;i falakai na maini han&#599;a n&#629;a &#599;a edi, lai &#599;a, tuku ku mu&#599;a ma&#629;a &#599;a? 6E mi&#599;i han&#599;a kapai e yimi&#331; warni se&#331;, e pini se&#331; midini lai. Amma Yesu a go&#595;o azumai, a &#599;o wala azumai midini afti gai&#599;i ahini tini. 7Won hlai n'e &#599;a e zilbini mini &#599;ai &#599;ai &#599;a, a sumna amai dam a mi&#599;i&#599;i: Arbaki &#599;a, ni na tuwurni a&#331; kai a tika pini a biliti avut gaini kriyit. 8A waya a go&#595;a ka azumai go&#595; a&#331; &#599;o wala azumai midini afti pra. 9Won hlai n'e &#629;ini han&#599;a, e yimi si&#599;i edi ktai ya, ktai ya, si&#599;i n'abakai par haa si&#599;i n'agogoi ta. A hina kiini ktai gai&#599;i muni n'e &#599;iyiti arba&#599;i &#599;a. 10N&#629;a Yesu a sumna amai dam a mi&#599;i&#599;i: Muni e &#599;i wata &#599;a? Ktai n'a k&#251;ti sariya muduku a&#331; kai &#599;i? 11Te waya se&#331; te mu&#599;a: Epi&#599;-&#599;ai, &#599;if kai. Yesu a mi&#599;i&#599;i: Ta lai mu k&#251;ti sariya muduku kai, hala, amma dawai sek &#599;a ku za tuwur kir kai.</div><div class="s">Yesu a gaglai na wii&#599;i yai</div><div class="p"> 12Yesu a mi&#599;i&#599;i pra: Ta mu gaglai na wii&#599;i yai, ni n'a hala pa aga a paya war gege&#331; duk kai, amma aga a nava gaglai na wiini su&#331;fa.</div><div class="p"> 13Won hlai han&#599;a, Farisekai e mi&#599;ini: Ku za zaida mi&#599;ini suku dama, zaidaku &#599;a a jre kai. 14Yesu a waya se&#331; a mi&#599;i&#599;i: Koo &#595;a mu za zaida mi&#599;ini sa dama mu ta teke&#599;e&#599;i &#599;a, zaida&#331;a a jre buri mu s&#599;a hlai na mu halasi woni par gaini hlai na mu hala woni lai. Amma tiki &#599;a ki si&#599;i hlai na mu halasi woni par kaalai, na mu hala woni kaalai. 15Tiki ki &#599;&#251;kl&#251;ti sariya pini ne&#331;-si, Ta mu &#599;&#251;kl&#251;ti sariya midini &#599;if kai. 16Na &#595;a mu &#599;&#251;k&#251;liti fu sariya &#599;a, sariya&#331;a a jre buri &#595;a mu na kiiya kai, mu na gaini Api n'a &#629;ina&#331;asi &#599;a. 17War gadai zi &#599;&#251; na wiiki &#599;a a&#331; gaini &#599;&#251; &#595;a zaida na wii&#599;i &#599;ai sulu &#599;a a jre. 18Ta mu za zaida mi&#599;ini sa dama, Api n'a &#629;ina&#331;asi &#599;a a za zaida mada lai. 19N&#629;a e mi&#599;ini: Apuku &#599;a a&#331; wata &#599;a? Yesu a mi&#599;i&#599;i: Tiki ki s&#599;i&#331;a ta kaalai, ki si&#599;i Apa kaalai, ki si&#599;i&#331;a ni a si&#599;i &#599;a, a&#331; ta ki si&#599;i Apa lai. 20A mu&#599;a se&#331; han&#599;a &#629;ima&#599;i kes zi godai &#599;a won hlai n'a na hitra amlai warni tempel. &#394;if ktai maa a yima&#331; kai buri lerni a cosi kai hai.</div><div class="s">Yesu, a Ni n'Api a &#629;ina&#331;si</div><div class="p"> 21A mi&#599;i&#599;i pra: Ta mu na hala, tiki aga ki piyi&#331;a, amma aga ki mri warni tuwurki, hlai na mu hala woni &#599;a ki ki&#599;i ki hili&#599;i woni kai. 22Yudiyakai e mi&#599;i: A dara a fu&#599;a sini edi &#599;i, na kapai a mu&#599;a &#595;a, hlai na mu hala woni &#599;a ki ki&#599;i ki hili woni kai &#599;a? 23A mi&#599;i&#599;i: Tiki &#599;a, ki &#599;i &#599;ai n'azumai, Ta mu n'amai par, tiki ki &#599;i na war&#599;i yai han&#599;a, Ta &#599;a mu na war&#599;i yai han&#599;a kai. 24Mu mi&#599;iki &#595;a aga ki mri warni tuwurki &#599;a burini han&#599;a, buri &#595;a, na &#595;a ki yimi &#595;a ta mu ni kai &#599;a aga ki mri warni tuwurki. 25E mi&#599;ini: Tuku &#599;a, ku siya &#599;a? Yesu a waya se&#331; a mi&#599;i&#599;i: A wala na mu mi&#599;i&#331;ki haa war pi zi tiki par. 26Wazagai na mu mu&#599;a&#331; midiki viya, na mu zitiki sariya burini viya lai, amma Ni n'a &#629;ina&#331;asi &#599;a a jre, na mu &#629;ina&#331;si mini par &#599;a mu mu&#599;a&#331; wii&#599;i &#599;ai na war&#599;i yai &#599;a lai. 27E si&#599;i &#595;a e mi&#599;i&#599;i na &#599;a mi&#599;ini n&#629;a kai. 28N&#629;a Yesu a mi&#599;i&#599;i: Won hlai na ki t&#251;k&#251; Ahini &#599;if li amai &#599;a, aga ki si&#599;i &#595;a ta mu na, pra aga ki si&#599;i &#595;a mu za wala gaini mada dama kai, amma mu mu&#599;a maini n'Api a hitra&#331;asi &#599;a n&#629;a. 29Ni n'a &#629;ina&#331;asi &#599;a a na gaya, a hina&#331;a kiiya kai, buri &#595;a ta mu za kure&#599; &#599;a a wala n'a dara&#331;. 30Won hlai n'a na mu&#599;a maini n&#629;a, viya e yimi pini.</div><div class="s">Jre aga a bindiki edi a&#331; kempekai: Alini Abraham, zaw alini Mat</div><div class="p"> 31N&#629;a Yesu a mi&#599;i&#599;i wii&#599;i Yudiyakai n'e yimi warni &#595;a: Na &#595;a ki simni li warni se&#331;&#331;a &#599;a, tiki ki &#599;i &#599;ai&#331;a zi hitri jre jre. 32Tiki aga ki si&#599;i jre, jre aga a piliki edi lai. 33E wiyi se&#331; e mi&#599;ini: Tiyi mi &#599;i pinzibani Abraham, mi zi ka bege pini &#599;if duk kai, kapai tuku ku mu&#599;a &#595;a: Aga mi nivi pli n'edi &#599;a ma&#629;a ma&#629;a &#599;a? 34Yesu a waya se&#331; a mi&#599;i&#599;i: Asiya asiya pa&#331; n'a za tuwur, ni a begeni tuwur. 35Bege &#599;a a hina aha war dalam &#629;a haa kure&#599; kai, amma ahi a sumna &#629;a haa kure&#599;. 36N&#629;a na &#595;a Ahi a piliki edi li &#599;a, tiki ki pli edi li jre jre.</div><div class="p"> 37Mu s&#599;a &#595;a ki &#599;i pinzibani Abraham, amma ki piyi a&#331; fi&#599;i&#331;a edi, buri se&#331;&#331;a a nava hlai zi simni warki kai. 38Ta mu mi&#599;iki na &#599;a a na mu tala&#331;si sini Apa par &#599;a, n&#629;a tiki lai zi wala na ki &#629;ini&#331;si mini Api par &#599;a.</div><div class="p"> 39E wiyi se&#331; e mi&#599;ini: Apiyi &#599;a a Abraham. Yesu a mi&#599;i&#599;i: Na &#595;a, ki &#599;i fu alini Abraham &#599;a, aga ki zi s&#599;a na wiini Abraham &#599;a. 40Amma tiyana ki piyi a&#331; fi&#599;i&#331;a edi, ta &#599;if na mu mi&#599;iki jre na mu &#629;ina&#331;si mini Alaw par &#599;a, Abraham a za han&#599;a kai. 41Tiki ki zi &#599;a a s&#599;a na wiini epiki &#599;a. E mi&#599;ini: Tiyi mi wi war ma&#629;ara kai, epiyi &#599;a a ktai, a Alaw. 42Yesu a mi&#599;i&#599;i: Alaw a na fu epiki &#599;a, tiki aga ki diri&#331;a buri ta mu niyasi &#599;a edi sini Alaw par, mu halasi na sini par lai. Mu halasi gaini mada dama kai, amma a &#629;ina&#331;asi &#599;a a ni. 43Tiki ki &#629;ini se&#331; n'a mu&#599;a&#331; &#599;a kai buri ma&#599;a? Buri ki ki&#599;i a&#331; &#629;ini se&#331; han&#599;a kai. 44Tiki epiki &#599;a a Mat, ki diri ki zi na &#599;a a dirini epiki &#599;a, ni &#599;a haa war pi zi tiki par a &#599;if zi &#629;i&#595;i belek, a &#599;iya war jre kai buri jre warni kai. Won hlai n'a mu&#599;a eles a mu&#599;a &#599;a a wala na war hiini na wiini dama. Buri ni a &#599;if z'eles, epini eles lai. 45Ta &#599;a, buri &#595;a mu mi&#599;iki jre &#599;a, ki yimi pa kai. 46Arbaki &#599;a, ktai n'a ki&#599;a a&#331; si&#331;ka&#331;a mi&#599;ini tuwur&#331;a &#599;a asiya &#599;a? Na &#595;a mu mu&#599;a a jre &#599;a, tiki ki yimi kai buri ma&#599;a? 47Ni n'a na sini Alaw par &#599;a a &#629;ina se&#331; na wiini Alaw &#599;a, na &#595;a tiki ki &#629;ini&#331; kai &#599;a, buri &#595;a ki &#599;i na wiini Alaw kai.</div><div class="s">Yesu gaini Abraham</div><div class="p"> 48Yudiyakai e wiyi se&#331; e mi&#599;ini: Kadai ti&#595; mi mi&#599;i &#599;a &#595;a: Tuku ku &#599;if na Samariya, ksalai a&#331; muduku lai. 49Yesu a mi&#599;i&#599;i: Ta ksalai mada kai, ta mu sa &#599;a a kol wiini Apa, tiki ki &#599;a miisi&#599;a. 50Ta &#599;a mu paya &#599;a a kol na wiya kai, &#599;if n'a paya han&#599;a a na, n'a ziti sariya lai &#599;a. 51Jre jre mu mi&#599;iki Ni n'a yima se&#331;&#331;a li &#599;a, aga a mra kai za&#331;. 52N&#629;a Yudiyakai e mi&#599;ini: Tiyana, tiyi mi si&#599;i &#595;a ksalai a&#331; muduku. Abraham &#599;a a mra su, &#599;ai na mini Alaw n&#629;a lai, tuku ku mu&#599;a &#595;a, &#599;if n'a yima se&#331;&#331;a li &#599;a aga a tetema mri kai za&#331;. 53Tuku &#599;a, abai ku suwa Abraham n'epiyi n'a mra &#599;i? &#394;ai na mini Alaw &#599;e e mri lai, tuku ku tala suku na &#599;a a&#331; siya &#599;a? 54Na &#595;a mu kola sa mu ta dama &#599;a, kol na wiya &#599;a a wala na kadai. A kola&#599;a a Apa, Ni na tiki ki piyi&#331; &#595;a a Alaw na wiyi. 55Tiki ki s&#599;i&#331; kai, ta mu s&#599;a&#331;, na &#595;a mu s&#599;a&#331; a si&#599;i kai &#599;a, mu bunda fu a&#331; &#599;if z'eles maiki tiki n&#629;a. Amma mu s&#599;a&#331;, mu yima se&#331;ni lai. 56Abraham n'Epiki &#599;a a va gaini firiyi won hlai n'a hiina &#595;a aga a tala mefe&#331;&#331;a &#599;a, a tala&#331;, a firiya lai. 57Yudiyakai e mi&#599;ini: Buzaku maa a za doogo doogo &#629;im kai hai, ku tala Abraham &#599;a ya, ma&#629;a ma&#629;a &#599;a? 58Yesu a mi&#599;i&#599;i: Jre jre mu mi&#599;iki, wuzani hlai na Abraham a wa sek &#599;a, ta mu na.</div><div class="p"> 59Asakal han&#599;a, e mili kriyit e bli&#331; gaini, amma Yesu a &#331;oya sini, a niyasi edi warni tempel &#599;a par.</div>
 </div>
 </div>
</div>

La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964

Yesu a hala siɗi huwuŋ zi luwuŋ olive. Amma gorof par cup a wayasi warni tempel, ɗai paŋ e hilisi sini, a sumna azumai dam a hitriɗi.
Nɵa ɗai zi ɗû wazagai gaiɗi Farisekai e kitisi muni na e nivitisi war maɵara, e ɗiyiti arbaɗi zaw, E miɗini: Api zi hitri, muni hanɗa e nivitisi war maɵara. Musus, warni gadai zi ɗû na wiini ɗa a siyi futi buri mi fiɗiɗi falakai na maini hanɗa nɵa ɗa edi, lai ɗa, tuku ku muɗa maɵa ɗa? E miɗi hanɗa kapai e yimiŋ warni seŋ, e pini seŋ midini lai. Amma Yesu a goɓo azumai, a ɗo wala azumai midini afti gaiɗi ahini tini. Won hlai n'e ɗa e zilbini mini ɗai ɗai ɗa, a sumna amai dam a miɗiɗi: Arbaki ɗa, ni na tuwurni aŋ kai a tika pini a biliti avut gaini kriyit. A waya a goɓa ka azumai goɓ aŋ ɗo wala azumai midini afti pra. Won hlai n'e ɵini hanɗa, e yimi siɗi edi ktai ya, ktai ya, siɗi n'abakai par haa siɗi n'agogoi ta. A hina kiini ktai gaiɗi muni n'e ɗiyiti arbaɗi ɗa. Nɵa Yesu a sumna amai dam a miɗiɗi: Muni e ɗi wata ɗa? Ktai n'a kûti sariya muduku aŋ kai ɗi? Te waya seŋ te muɗa: Epiɗ-ɗai, ɗif kai. Yesu a miɗiɗi: Ta lai mu kûti sariya muduku kai, hala, amma dawai sek ɗa ku za tuwur kir kai.

Yesu a miɗiɗi pra: Ta mu gaglai na wiiɗi yai, ni n'a hala pa aga a paya war gegeŋ duk kai, amma aga a nava gaglai na wiini suŋfa.
Won hlai hanɗa, Farisekai e miɗini: Ku za zaida miɗini suku dama, zaidaku ɗa a jre kai. Yesu a waya seŋ a miɗiɗi: Koo ɓa mu za zaida miɗini sa dama mu ta tekeɗeɗi ɗa, zaidaŋa a jre buri mu sɗa hlai na mu halasi woni par gaini hlai na mu hala woni lai. Amma tiki ɗa ki siɗi hlai na mu halasi woni par kaalai, na mu hala woni kaalai. Tiki ki ɗûklûti sariya pini neŋ-si, Ta mu ɗûklûti sariya midini ɗif kai. Na ɓa mu ɗûkûliti fu sariya ɗa, sariyaŋa a jre buri ɓa mu na kiiya kai, mu na gaini Api n'a ɵinaŋasi ɗa. War gadai zi ɗû na wiiki ɗa aŋ gaini ɗû ɓa zaida na wiiɗi ɗai sulu ɗa a jre. Ta mu za zaida miɗini sa dama, Api n'a ɵinaŋasi ɗa a za zaida mada lai. Nɵa e miɗini: Apuku ɗa aŋ wata ɗa? Yesu a miɗiɗi: Tiki ki sɗiŋa ta kaalai, ki siɗi Apa kaalai, ki siɗiŋa ni a siɗi ɗa, aŋ ta ki siɗi Apa lai. A muɗa seŋ hanɗa ɵimaɗi kes zi godai ɗa won hlai n'a na hitra amlai warni tempel. Ɗif ktai maa a yimaŋ kai buri lerni a cosi kai hai.

A miɗiɗi pra: Ta mu na hala, tiki aga ki piyiŋa, amma aga ki mri warni tuwurki, hlai na mu hala woni ɗa ki kiɗi ki hiliɗi woni kai. Yudiyakai e miɗi: A dara a fuɗa sini edi ɗi, na kapai a muɗa ɓa, hlai na mu hala woni ɗa ki kiɗi ki hili woni kai ɗa? A miɗiɗi: Tiki ɗa, ki ɗi ɗai n'azumai, Ta mu n'amai par, tiki ki ɗi na warɗi yai hanɗa, Ta ɗa mu na warɗi yai hanɗa kai. Mu miɗiki ɓa aga ki mri warni tuwurki ɗa burini hanɗa, buri ɓa, na ɓa ki yimi ɓa ta mu ni kai ɗa aga ki mri warni tuwurki. E miɗini: Tuku ɗa, ku siya ɗa? Yesu a waya seŋ a miɗiɗi: A wala na mu miɗiŋki haa war pi zi tiki par. Wazagai na mu muɗaŋ midiki viya, na mu zitiki sariya burini viya lai, amma Ni n'a ɵinaŋasi ɗa a jre, na mu ɵinaŋsi mini par ɗa mu muɗaŋ wiiɗi ɗai na warɗi yai ɗa lai. E siɗi ɓa e miɗiɗi na ɗa miɗini nɵa kai. Nɵa Yesu a miɗiɗi: Won hlai na ki tûkû Ahini ɗif li amai ɗa, aga ki siɗi ɓa ta mu na, pra aga ki siɗi ɓa mu za wala gaini mada dama kai, amma mu muɗa maini n'Api a hitraŋasi ɗa nɵa. Ni n'a ɵinaŋasi ɗa a na gaya, a hinaŋa kiiya kai, buri ɓa ta mu za kureɗ ɗa a wala n'a daraŋ. Won hlai n'a na muɗa maini nɵa, viya e yimi pini.

Nɵa Yesu a miɗiɗi wiiɗi Yudiyakai n'e yimi warni ɓa: Na ɓa ki simni li warni seŋŋa ɗa, tiki ki ɗi ɗaiŋa zi hitri jre jre. Tiki aga ki siɗi jre, jre aga a piliki edi lai. E wiyi seŋ e miɗini: Tiyi mi ɗi pinzibani Abraham, mi zi ka bege pini ɗif duk kai, kapai tuku ku muɗa ɓa: Aga mi nivi pli n'edi ɗa maɵa maɵa ɗa? Yesu a waya seŋ a miɗiɗi: Asiya asiya paŋ n'a za tuwur, ni a begeni tuwur. Bege ɗa a hina aha war dalam ɵa haa kureɗ kai, amma ahi a sumna ɵa haa kureɗ. Nɵa na ɓa Ahi a piliki edi li ɗa, tiki ki pli edi li jre jre.
Mu sɗa ɓa ki ɗi pinzibani Abraham, amma ki piyi aŋ fiɗiŋa edi, buri seŋŋa a nava hlai zi simni warki kai. Ta mu miɗiki na ɗa a na mu talaŋsi sini Apa par ɗa, nɵa tiki lai zi wala na ki ɵiniŋsi mini Api par ɗa.
E wiyi seŋ e miɗini: Apiyi ɗa a Abraham. Yesu a miɗiɗi: Na ɓa, ki ɗi fu alini Abraham ɗa, aga ki zi sɗa na wiini Abraham ɗa. Amma tiyana ki piyi aŋ fiɗiŋa edi, ta ɗif na mu miɗiki jre na mu ɵinaŋsi mini Alaw par ɗa, Abraham a za hanɗa kai. Tiki ki zi ɗa a sɗa na wiini epiki ɗa. E miɗini: Tiyi mi wi war maɵara kai, epiyi ɗa a ktai, a Alaw. Yesu a miɗiɗi: Alaw a na fu epiki ɗa, tiki aga ki diriŋa buri ta mu niyasi ɗa edi sini Alaw par, mu halasi na sini par lai. Mu halasi gaini mada dama kai, amma a ɵinaŋasi ɗa a ni. Tiki ki ɵini seŋ n'a muɗaŋ ɗa kai buri maɗa? Buri ki kiɗi aŋ ɵini seŋ hanɗa kai. Tiki epiki ɗa a Mat, ki diri ki zi na ɗa a dirini epiki ɗa, ni ɗa haa war pi zi tiki par a ɗif zi ɵiɓi belek, a ɗiya war jre kai buri jre warni kai. Won hlai n'a muɗa eles a muɗa ɗa a wala na war hiini na wiini dama. Buri ni a ɗif z'eles, epini eles lai. Ta ɗa, buri ɓa mu miɗiki jre ɗa, ki yimi pa kai. Arbaki ɗa, ktai n'a kiɗa aŋ siŋkaŋa miɗini tuwurŋa ɗa asiya ɗa? Na ɓa mu muɗa a jre ɗa, tiki ki yimi kai buri maɗa? Ni n'a na sini Alaw par ɗa a ɵina seŋ na wiini Alaw ɗa, na ɓa tiki ki ɵiniŋ kai ɗa, buri ɓa ki ɗi na wiini Alaw kai.

Yudiyakai e wiyi seŋ e miɗini: Kadai tiɓ mi miɗi ɗa ɓa: Tuku ku ɗif na Samariya, ksalai aŋ muduku lai. Yesu a miɗiɗi: Ta ksalai mada kai, ta mu sa ɗa a kol wiini Apa, tiki ki ɗa miisiɗa. Ta ɗa mu paya ɗa a kol na wiya kai, ɗif n'a paya hanɗa a na, n'a ziti sariya lai ɗa. Jre jre mu miɗiki Ni n'a yima seŋŋa li ɗa, aga a mra kai zaŋ. Nɵa Yudiyakai e miɗini: Tiyana, tiyi mi siɗi ɓa ksalai aŋ muduku. Abraham ɗa a mra su, ɗai na mini Alaw nɵa lai, tuku ku muɗa ɓa, ɗif n'a yima seŋŋa li ɗa aga a tetema mri kai zaŋ. Tuku ɗa, abai ku suwa Abraham n'epiyi n'a mra ɗi? Ɗai na mini Alaw ɗe e mri lai, tuku ku tala suku na ɗa aŋ siya ɗa? Na ɓa mu kola sa mu ta dama ɗa, kol na wiya ɗa a wala na kadai. A kolaɗa a Apa, Ni na tiki ki piyiŋ ɓa a Alaw na wiyi. Tiki ki sɗiŋ kai, ta mu sɗaŋ, na ɓa mu sɗaŋ a siɗi kai ɗa, mu bunda fu aŋ ɗif z'eles maiki tiki nɵa. Amma mu sɗaŋ, mu yima seŋni lai. Abraham n'Epiki ɗa a va gaini firiyi won hlai n'a hiina ɓa aga a tala mefeŋŋa ɗa, a talaŋ, a firiya lai. Yudiyakai e miɗini: Buzaku maa a za doogo doogo ɵim kai hai, ku tala Abraham ɗa ya, maɵa maɵa ɗa? Yesu a miɗiɗi: Jre jre mu miɗiki, wuzani hlai na Abraham a wa sek ɗa, ta mu na.
Asakal hanɗa, e mili kriyit e bliŋ gaini, amma Yesu a ŋoya sini, a niyasi edi warni tempel ɗa par.

Koute Yohana 8