The MYANMAR STANDARD BIBLE (MYANMAR AUDIO EDITION)℗ is professionally recorded with a solemn tone and beautiful rhythm, expressing the original flavor of the MYANMAR STANDARD BIBLE©, allowing God's word to echo in the ears and hearts of the listener, providing a brand new experience for those who are hungry for God's word to experinece its power. The MYANMAR STANDARD BIBLE (MYANMAR AUDIO EDITION)℗ is produced and distributed by the Global Bible Initiative.

MYANMAR STANDARD BIBLE (MYANMAR AUDIO EDITION)℗Copyright ℗ 2024 by Global Bible Initiative

မြန်​မာ့​စံ​မီ​သမ္မာ​ကျမ်း

အာဒံ​၏​သားစဉ်မြေးဆက်​စာရင်း​မှာ ဤသို့​ဖြစ်​၏​။ ဘုရားသခင်​သည် လူ​ကို​ဖန်ဆင်း​တော်မူ​သော​နေ့​၌ သူ့​ကို ဘုရားသခင်​နှင့်​တစ်ပုံစံတည်း​ပြုလုပ်​၍ ယောက်ျား​နှင့်​မိန်းမ​အဖြစ် သူ​တို့​ကို​ဖန်ဆင်း​တော်မူ​၏​။ ထိုသို့ သူ​တို့​ကို​ဖန်ဆင်း​တော်မူ​သော​နေ့​၌ ကိုယ်တော်​သည် သူ​တို့​ကို​ကောင်းချီးပေး​၍ သူ​တို့​၏​အမည်​ကို လူ ဟု​မှည့်ခေါ်​တော်မူ​၏​။
အာဒံ​သည် အသက်​တစ်ရာ့​သုံးဆယ်​ရှိ​သောအခါ သူ​နှင့်​တစ်ပုံစံတည်း​၊ သူ​၏​ပုံသဏ္ဌာန်​အတိုင်း​ဖြစ်​သော​သား​ကို​ရ​၍ သူ​၏​အမည်​ကို ရှေသ ဟု​မှည့်ခေါ်​လေ​၏​။ ရှေသ​ကို​ရ​ပြီးနောက် အာဒံ​သည် အနှစ်​ရှစ်​ရာ​အသက်ရှင်​လျက် အခြား​သော​သား​သမီး​များ​ကို​ရ​သေး​၏​။ အာဒံ​သည် နှစ်​ပေါင်း​ကိုး​ရာ့​သုံးဆယ်​အသက်ရှင်​ပြီးနောက် သေဆုံး​လေ​၏​။
ရှေသ​သည် အသက်​တစ်ရာ့​ငါး​နှစ်​ရှိ​သောအခါ သား​ဧနုတ်​ကို​ရ​၏​။ ဧနုတ်​ကို​ရ​ပြီးနောက် ရှေသ​သည် ရှစ်​ရာ့​ခုနစ်​နှစ်​အသက်ရှင်​လျက် အခြား​သော​သား​သမီး​များ​ကို​ရ​သေး​၏​။ ရှေသ​သည် နှစ်​ပေါင်း​ကိုး​ရာ​တစ်ဆယ့်​နှစ်​နှစ်​အသက်ရှင်​ပြီးနောက် သေဆုံး​လေ​၏​။
ဧနုတ်​သည် အသက်​ကိုးဆယ်​ရှိ​သောအခါ သား​ကာဣနန်​ကို​ရ​၏​။ ကာဣနန်​ကို​ရ​ပြီးနောက် ဧနုတ်​သည် ရှစ်​ရာ​တစ်ဆယ့်​ငါး​နှစ်​အသက်ရှင်​လျက် အခြား​သော​သား​သမီး​များ​ကို​ရ​သေး​၏​။ ဧနုတ်​သည် နှစ်​ပေါင်း​ကိုး​ရာ့​ငါး​နှစ်​အသက်ရှင်​ပြီးနောက် သေဆုံး​လေ​၏​။
ကာဣနန်​သည် အသက်​ခုနစ်ဆယ်​ရှိ​သောအခါ သား​မဟာလေလ​ကို​ရ​၏​။ မဟာလေလ​ကို​ရ​ပြီးနောက် ကာဣနန်​သည် အနှစ်​ရှစ်​ရာ့​လေးဆယ်​အသက်ရှင်​လျက် အခြား​သော​သား​သမီး​များ​ကို​ရ​သေး​၏​။ ကာဣနန်​သည် နှစ်​ပေါင်း​ကိုး​ရာ့​တစ်ဆယ်​အသက်ရှင်​ပြီးနောက် သေဆုံး​လေ​၏​။
မဟာလေလ​သည် အသက်​ခြောက်ဆယ့်​ငါး​နှစ်​ရှိ​သောအခါ သား​ယာရက်​ကို​ရ​၏​။ ယာရက်​ကို​ရ​ပြီးနောက် မဟာလေလ​သည် အနှစ်​ရှစ်​ရာ့​သုံးဆယ်​အသက်ရှင်​လျက် အခြား​သော​သား​သမီး​များ​ကို​ရ​သေး​၏​။ မဟာလေလ​သည် နှစ်​ပေါင်း​ရှစ်​ရာ​ကိုးဆယ့်​ငါး​နှစ်​အသက်ရှင်​ပြီးနောက် သေဆုံး​လေ​၏​။
ယာရက်​သည် အသက်​တစ်ရာ​ခြောက်ဆယ့်​နှစ်​နှစ်​ရှိ​သောအခါ သား​ဧနောက်​ကို​ရ​၏​။ ဧနောက်​ကို​ရ​ပြီးနောက် ယာရက်​သည် အနှစ်​ရှစ်​ရာ​အသက်ရှင်​လျက် အခြား​သော​သား​သမီး​များ​ကို​ရ​သေး​၏​။ ယာရက်​သည် နှစ်​ပေါင်း​ကိုး​ရာ​ခြောက်ဆယ့်​နှစ်​နှစ်​အသက်ရှင်​ပြီးနောက် သေဆုံး​လေ​၏​။
ဧနောက်​သည် အသက်​ခြောက်ဆယ့်​ငါး​နှစ်​ရှိ​သောအခါ သား​မသုရှလ​ကို​ရ​၏​။ မသုရှလ​ကို​ရ​ပြီးနောက် ဧနောက်​သည် အနှစ်​သုံး​ရာ​ပတ်လုံး ဘုရားသခင်​နှင့်အတူ​သွားလာ​လျက် အခြား​သော​သား​သမီး​များ​ကို​ရ​သေး​၏​။ ဧနောက်​သည် နှစ်​ပေါင်း​သုံး​ရာ​ခြောက်ဆယ့်​ငါး​နှစ်​အသက်ရှင်​ခဲ့​၏​။ ဧနောက်​သည် ဘုရားသခင်​နှင့်အတူ​သွားလာ​၏​။ ဘုရားသခင်​သည် သူ့​ကို​ဆောင်ယူ​တော်မူ​သောကြောင့် သူ​သည်​မ​ရှိ​တော့​ပေ​။
မသုရှလ​သည် အသက်​တစ်ရာ​ရှစ်ဆယ့်​ခုနစ်​နှစ်​ရှိ​သောအခါ သား​လာမက်​ကို​ရ​၏​။ လာမက်​ကို​ရ​ပြီးနောက် မသုရှလ​သည် ခုနစ်​ရာ​ရှစ်ဆယ့်​နှစ်​နှစ်​အသက်ရှင်​လျက် အခြား​သော​သား​သမီး​များ​ကို​ရ​သေး​၏​။ မသုရှလ​သည် နှစ်​ပေါင်း​ကိုး​ရာ​ခြောက်ဆယ့်​ကိုး​နှစ်​အသက်ရှင်​ပြီးနောက် သေဆုံး​လေ​၏​။
လာမက်​သည် အသက်​တစ်ရာ​ရှစ်ဆယ့်​နှစ်​နှစ်​ရှိ​သောအခါ သား​ကို​ရ​၍ “​ဤ​သား​သည် ထာဝရဘုရား​ကျိန်​တော်မူ​သော​မြေကြီး​ပေါ်၌ ငါ​တို့​လုပ်​ရ​သော​အလုပ်​နှင့် ငါ​တို့​လက်​ဖြင့်​လုပ်​ရ​သော​ပင်ပန်းခက်ခဲမှု​မှ ငါ​တို့​ကို​သက်သာ​ရာ​ရ​စေ​သော​သား​ဖြစ်​လိမ့်မည်​”​ဟု ဆို​လျက် သူ​၏​အမည်​ကို နောဧ ဟု​မှည့်ခေါ်​လေ​၏​။ နောဧ​ကို​ရ​ပြီးနောက် လာမက်​သည် ငါး​ရာ​ကိုးဆယ့်​ငါး​နှစ်​အသက်ရှင်​လျက် အခြား​သော​သား​သမီး​များ​ကို​ရ​သေး​၏​။ လာမက်​သည် နှစ်​ပေါင်း​ခုနစ်​ရာ​ခုနစ်ဆယ့်​ခုနစ်​နှစ်​အသက်ရှင်​ပြီးနောက် သေဆုံး​လေ​၏​။
နောဧ​သည် အသက်​ငါး​ရာ​ရှိ​၏​။ နောဧ​သည် သား ရှေမ​၊ ဟာမ​၊ ယာဖက် တို့​ကို​ရ​၏​။

Koute ကမ္ဘာဦးကျမ်း 5