<div class="version vid1380 iso6393tod" data-vid="1380" data-iso6393="tod">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Yesu &#608;a ga GALA daawooi nii e&#769; vulua</div><div class="p"> 1T&#596;&#596;zeizu m&#596;unpa Wooi &#608;&#603;ni na&#769;. Wooi &#608;&#603;ni GALA ba. Wooi &#608;&#603;ni ga GALA. 2M&#596;unpa e&#769; &#608;&#603;ni GALA ba. 3GALA ge anii p&#603; kp&#603;t&#603;a ga t&#596;un maa&#651;ele. Nii p&#603; kp&#603;t&#603;ai, naa tan&#596;p&#603; ge la &#595;&#603;t&#603;ni t&#596;un polu. 4E&#769; &#608;&#603;ni ga z&#603;nvui ma ungi, naama y&#603;nvui &#608;a e&#769; &#608;&#603;ni ga nuiti ta-wozakalagi. 5Wozakalagi &#608;a volozu kpidii zu, tama kpidii la soni.</div><div class="p"> 6GALA ge zunui ta le&#651;eni, nii daaseigi ga Zan. 7E&#769; &#651;aani, e&#769; &#608;&#603; ga wozakalagi na&#769;-zeelei, nii a k&#603; nuiti p&#603; ti &#608;idaale&#651;e na&#769;-zeele wooi maa&#651;ele ma. 8T&#596; &#595;&#596;&#608;&#596;i l&#603;i e&#769; &#651;a &#608;&#603;ni ga wozakalagi, k&#603;l&#603; na&#769;-si&#603;i ma ungi &#608;&#603;ni ga, e&#769; &#608;&#603; ga wozakalagi na&#769;-zeelei. 9Naa &#608;&#603;ni ga wozakala kitei, nii e&#769; &#651;aazu eteai zu ga e&#769; volo nui p&#603; b&#603;. 10E&#769; &#608;&#603;ni eteai zu, t&#596; &#608;a eteai &#595;&#603;t&#603;ai la, k&#603;l&#603; eteai la kw&#603;&#603;ni. 11E&#769; &#651;aani na&#769;-zooi zu, k&#603;l&#603; na&#769;-nuiti ti la k&#603;&#603;ni ti &#651;a yeezei bu. 12K&#603;l&#603; tanigaa ti yeezeini bu, ti &#608;idaale&#651;e ma. Tama, e&#769; zobogi vee&#651;&#603; naati p&#603; b&#603; ga ti &#608;&#603; ga GALA dointi. 13Kpus&#603;i zu z&#596;l&#596;&#596;gi nii e&#769; &#608;&#603;&#603;zu ga kpus&#603;i yiimai, &#595;aa zunui yiima vai, naa laade, k&#603;l&#603; ti z&#596;l&#596;&#596;g&#603; GALA ba.</div><div class="p"> 14Wooi valibog&#603;, e&#769; &#608;&#603; ga nu&#595;us&#603;i, e&#769; zei ade zaama, daavegai ga zaalai ta gaamai. Gi na&#769;-l&#603;biyai &#608;aani, Doun Zunu &#608;ila kpegi, nii K&#603;&#603;&#608;&#603; te&#651;egai, naa na&#769;-l&#603;biyai.</div><div class="p"> 15Na&#769;-zeelei Zan niima wooi woni k&#603;l&#603;i zu kpoke, e&#769; &#608;&#603; ma: &#171;Nii &#608;a ge&#768; vaani ma, si&#603;gi zu ge&#768; &#608;&#603;ni la wo ma: &#8249;Z&#596;i e&#769; &#651;aazu n&#596;&#768;un poluma, fiz&#596;g&#603; ba&#768;, t&#596;&#596;zei kaite e&#769; &#608;&#603;ni etea, na&#769;zu ge&#768; la d&#603; z&#596;l&#596;&#596;ni.&#8250; &#187; 16Ade p&#603; ade ad&#596;n&#596; z&#596;l&#596;&#596;g&#603; na&#769;-zaalai ma &#595;&#603;t&#603;i zu aniiti su. E&#769; na&#769;-tuyai ta la ta n&#596; maazu, e&#769; fe ade ya. 17Maz&#596;l&#596;&#596; ade t&#596;gi z&#596;l&#596;&#596;g&#603; Moize ya, k&#603;l&#603; Yesu Kilista &#608;a paai ga zaalai ta gaamai. 18Nu n&#596;p&#603; ge la d&#603; GALA kaani. K&#603;l&#603; Doun Zunu &#608;ila kpegi, nii e&#769; ga GALA, ta nii e&#769; zeizu &#403;&#603;&#603;&#608;&#603; GALA koba, naa &#608;a e&#769; d&#603;a ga adeye.</div><div class="s">Zan na&#769;-zeele wooi</div><div class="r">(Matiyo 3:1-12; Maleke 1:1-8; Luke 3:1-18)</div><div class="p"> 19Zan na&#769;-zeele wooi &#651;&#603;t&#603;, nii e&#769; boni, si&#603;gi zu Zuifuiti zala&#608;a &#608;ula nuiti ta Levi nuiti te&#651;eni da, ti ze&#608;e Zeluzal&#603;me, ti li gaaza&#608;asu ga: &#171;&#385;&#603; &#608;a ga &#599;e?&#187; 20E&#769; gaamai woni, e&#769; la &#595;&#596;&#608;&#596; l&#596;&#596;&#608;uni, k&#603;l&#603; e&#769; koleni fo, e&#769; &#608;&#603; ti ma: &#171;Na&#768; l&#603;i ge&#768; &#651;a &#608;&#603; ga Kilista.&#187;</div><div class="p"> 21Ti &#608;&#603;ni ma: &#171;&#385;&#603; &#608;a e&#769; ga &#599;e mu? &#394;a &#608;a e&#768; ga Eli?&#187; E&#769; &#608;&#603;ni ti ma: &#171;&#385;a-o, na&#768; la ga naa.&#187; Ti &#608;&#603;ni ma &#651;olu: &#171;&#394;a &#608;a e&#768; ga GALA goo wo nui?&#187; E&#769; &#608;&#603;ni ti ma: &#171;&#385;a.&#187;</div><div class="p"> 22Naati ti &#599;a &#608;&#603; ma: &#171;&#385;&#603; &#608;a mu e&#769; ga &#599;e? K&#603;ni gi li, gi goo&#608;aa&#651;ote gila fe naati zea, ti gi le&#651;egai. Lee &#608;a e&#768; bosu, e&#769; lo &#599;a &#595;&#596;&#608;&#596;i &#651;a?&#187; 23Zan &#608;&#603;ni ti ma: &#171;Na&#768; &#608;a ge&#768; ga: &#8249;Nui e&#769; &#595;ainsu te&#651;ebai zu, e&#769; &#599;a &#608;&#603; ma: A&#768; Mali&#608;ii na&#769;-pelei &#595;&#603;t&#603; b&#603;.&#8250;#1:23 Eza 40:3 bog&#603; e&#769; zoloo G&#603;l&#603;ke woo z&#603;&#651;&#603; w&#596;l&#596;mai ma. GALA goo wo nui Ezayi &#608;a e&#769; naama wooiti s&#603;&#651;&#603;ni.&#187;</div><div class="p"> 24Tama z&#596;iti ti liini keelai ma, ti &#608;&#603;ni ga Falizi&#603;inti ta-nuiti. 25Naati ti gaaza&#608;ani m&#596;n&#596;, ti &#608;&#603; ma: &#171;Ni e&#768; la ga Kilista, e&#768; la ga Eli, e&#768; la ga GALA goo wo nui, lee vaa zu mu e&#768; &#595;atizei wosu?&#187; 26Zan ti woo&#608;aa&#651;oteni, e&#769; &#608;&#603; ti ma: &#171;N&#596;&#768;un, na&#768; wo &#595;atizesu ga zi&#603;i. K&#603;l&#603; nu &#608;ila ka wo zaama, wo la kw&#603;&#603;. 27To&#608;a &#651;aazu n&#596;&#768;un poluma. Ge&#768; la v&#596;l&#596; kula &#608;&#603;&#603;ni su ga ge&#768; &#651;a na&#769;-sa&#651;ala galuiti daavie.&#187;</div><div class="p"> 28Niima vaiti ti &#608;&#603;ni &#608;&#603;&#603;zu &#385;etani taazu&#651;&#603;, zi&#603; wolai Zulud&#603;n folo &#608;ulazu &#651;elei, &#651;&#603; Zan &#608;&#603;ni &#595;atizei wosu na&#769;.</div><div class="s">GALA na&#769;-baala zi&#651;oi Yesu</div><div class="p"> 29Poluma voloi, Zan Yesu &#608;aai ma, e&#769; &#599;a &#651;a p&#596; pelei, e&#769; woo&#608;ulani, e&#769; &#608;&#603; ma: &#171;A&#768; w&#603;l&#603; GALA na&#769;-baala zi&#651;oi &#651;a, nii e&#769; eteai na&#769;-kotoi &#608;ulazu ba. 30Nii &#608;a ge&#768; vaani ma, si&#603;gi zu ge&#768; &#608;&#603;ni la wo ma: &#8249;Z&#596;i e&#769; &#651;aazu n&#596;&#768;un poluma, fiz&#596;g&#603; ba&#768;, t&#596;&#596;zei kaite e&#769; &#608;&#603;ni etea, na&#769;zu ge&#768; la d&#603; z&#596;l&#596;&#596;ni.&#8250; 31Na&#768; &#595;alaa ge&#768; la &#608;&#603;a kw&#603;&#603;, k&#603;l&#603; n&#596;&#768;un, pa&#768;a&#651;&#603;, ge&#768; &#599;a &#595;atizei wo zi&#603;i wu, nii a k&#603; e&#769; l&#603;&#603; ga Izilay&#603;le nu&#595;us&#603;iti.&#187;</div><div class="p"> 32Zan niima zeele wooi woni, e&#769; &#608;&#603; ma: &#171;Ge&#768; Z&#603;nvui &#608;aani, e&#769; ze&#608;e gee&#608;&#596;l&#596;gi zu, e&#769; &#599;a yei e&#608;&#603; poopogi, e&#769; &#651;a, e&#769; y&#603; ba. 33Ge&#768; la &#608;&#603;ni kw&#603;&#603; ga t&#596; &#608;ana, k&#603;l&#603; GALAGI nii e&#769; te&#768;&#651;egai ga ge&#768; &#599;a &#595;atizei wo ga zi&#603;i, naa &#608;&#603;ni ma&#768;: &#8249;&#394;a &#651;aazu Z&#603;nvui &#608;aazu, e&#769; yei, e&#769; zei zunui ta ma, naa &#608;a e&#769; &#651;aazu &#595;atizei wosu ga Z&#603;nvu &#413;adegai.&#8250; 34Ge&#768; naa &#651;&#603;t&#603;ga, ge&#768; zeele wooi woga ga t&#596; &#608;a e&#769; ga GALA Doun Zunui.&#187;</div><div class="s">Yesu na&#769;-kaladopo m&#596;ungiti</div><div class="p"> 35Poluma zobui Zan &#608;&#603;ni m&#596;n&#596; na&#769; ta na&#769;-kaladopo feleg&#596;. 36E&#769; Yesu &#608;aani, e&#769; &#599;a le&#651;e, e&#769; &#608;&#603; ma: &#171;W&#603;l&#603; GALA na&#769;-baala zi&#651;oi &#651;a.&#187;</div><div class="p"> 37Kaladopo feleg&#596;iti ti Zan woom&#603;nini, ti wuze&#608;e, ti &#651;il&#603; Yesu &#651;olu. 38Yesu latini, e&#769; ka ga ti &#651;il&#603;g&#603; polu, e&#769; &#608;&#603; ti ma: &#171;Lee &#608;a wo p&#596;?&#187; Ti &#608;&#603; ma: &#171;Mini &#608;a e&#769; ga e&#768;-zeizu&#651;&#603;, Laa&#595;i?&#187; (nii polu&#651;&#603; ga &#171;kalam&#596;n&#187;).</div><div class="p"> 39Yesu &#608;&#603;ni ti ma: &#171;A&#768; &#651;a l&#603;&#603;, wa na&#769; &#608;a.&#187; Ti &#651;il&#603;ni polu, ti li ti seizu&#651;&#603; &#651;&#603;t&#603;. Naama zi&#603;gi &#608;&#603;ni ga l&#603;l&#603;i naanisi&#603;i kp&#596;k&#596; voloi. Ti foloi m&#596;tai &#608;&#603;&#603;ni Yesu &#608;oba.</div><div class="p"> 40Simon Piy&#603;l&#603; k&#603;&#603;&#608;&#603;loin Andele&#769; &#608;&#603;ni ga kaladopoi naa gila, niiti ti Zan woom&#603;nini, ti &#651;il&#603; Yesu &#651;olu. 41E&#769; k&#603;&#603;&#608;&#603;loin Simon &#608;aani m&#596;unpa, e&#769; &#608;&#603; ma: &#171;Gi Mesi &#608;aa&#651;&#603;&#187; (nii polu&#651;&#603; ga &#171;Kilista&#187;). 42E&#769; liini ga naa Yesu &#651;&#596; b&#603;. Yesu p&#603;t&#603;ni ga pag&#596;, e&#769; &#608;&#603; ma: &#171;&#394;a &#608;a e&#768; ga Zan na&#769;-doun zunui Simon. E&#768;-laaseigi &#608;a &#608;&#603;&#603;zu ga Sefase&#187; (nii polu&#651;&#603; ga &#171;Piy&#603;l&#603;&#187;).#1:42 Piy&#603;l&#603;: Daaseigi nii polu&#651;&#603; ga &#171;k&#596;tui&#187;.</div><div class="p"> 43Poluma voloi Yesu deveni ga e&#769; li Galile&#769; yooi zu. E&#769; liini, e&#769; Filipe &#651;&#603;t&#603;, e&#769; &#608;&#603; naa ma: &#171;&#434;il&#603; po&#768;lu.&#187; 44Filipe &#608;&#603;ni ga &#385;&#603;tesayida nu, Andele&#769; ta Piy&#603;l&#603; ta-laazu&#651;&#603;. 45Filipe &#595;alaa liini, e&#769; Nataniy&#603;le &#651;&#603;t&#603;, e&#769; &#608;&#603; ma: &#171;Gi naama nui &#608;aa&#651;&#603;, nii Moize na&#769;-faa woni t&#596; s&#603;&#651;&#603;i zu, ta GALA goo wo nuiti &#595;alaa ti na&#769;-fai z&#603;&#651;&#603;ai. T&#596; &#608;a e&#769; ga Zoz&#603;fe na&#769;-doun zunui Yesu, Nazal&#603;te nui.&#187;</div><div class="p"> 46Nataniy&#603;le &#608;&#603;ni ma: &#171;Ani &#651;ag&#596; &#608;a zoo ze&#608;ezu n&#603;i Nazal&#603;te?&#187; Filipe &#608;&#603; ma: &#171;&#434;a, e&#768; ka.&#187;</div><div class="p"> 47Yesu Nataniy&#603;le &#608;aani, e&#769; &#599;a maa&#595;u&#608;a ba, e&#769; &#608;&#603; ma: &#171;W&#603;l&#603;, Izilay&#603;le nu &#608;ite&#608;ite ka ga zunui t&#603;i, nii z&#603;&#603; vaa n&#596;p&#603; ge la su.&#187;</div><div class="p"> 48Nataniy&#603;le &#608;&#603;ni ma: &#171;E&#768; kw&#603;&#768;&#603;g&#603; &#608;ale?&#187; Yesu goo&#608;aa&#651;oteni, e&#769; &#608;&#603; ma: &#171;Filipe la &#608;&#603;a d&#603; &#651;aani e&#768; lolisu, si&#603;gi zu e&#768; &#608;&#603;a zeini la koole&#608;oole gului wu, ge&#768; e&#768; &#608;aa&#651;&#603;.&#187; 49Nataniy&#603;le &#608;&#603;ni ma: &#171;Kalam&#596;n, &#599;a ga GALA Doun Zunui, &#599;a &#608;a e&#768; ga Izilay&#603;le masagi!&#187;</div><div class="p"> 50Yesu goo&#608;aa&#651;oteni, e&#769; &#608;&#603; ma: &#171;T&#603;i ge&#768; &#608;&#603;a e&#768; ma, si&#603;gi zu e&#768; &#608;&#603;a zeini la koole&#608;oole gului wu, ge&#768; e&#768; &#608;aa&#651;&#603;, naa &#608;a e&#769; k&#603;a e&#768; laai da? &#394;a &#651;aazu faa &#608;iligaa &#608;aazu m&#596;n&#596;, ti w&#596;&#596;l&#596;ai nii &#651;a.&#187; 51E&#769; &#608;&#603;ni ma &#651;olu: &#171;Ge&#768; bo wo ma ga gaamai, wa gee&#608;&#596;l&#596;gi laalaogai &#608;a, GALA na&#769;-geezu&#608;eelaiti ti &#599;a l&#603;, ti &#599;a yei Nu na&#769;-Doun Zunui maazu&#651;&#603;.&#187;</div>
 </div>
 </div>
</div>

Text copyright © 2023 Pioneer Bible Translators and The Bible Society in Guinea-Conakry This work is licensed under the Creative Commons Attribution-NonCommercial-NoDerivatives 4.0 International. https://creativecommons.org/licenses/by-nc-nd/4.0/ Texte copyright © 2023 Traducteurs Pionniers de la Bible et Alliance Biblique en Guinée Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.

Tɔɔzeizu mɔunpa Wooi ɠɛni ná. Wooi ɠɛni GALA ba. Wooi ɠɛni ga GALA. Mɔunpa é ɠɛni GALA ba. GALA ge anii pɛ kpɛtɛa ga tɔun maaʋele. Nii pɛ kpɛtɛai, naa tanɔpɛ ge la ɓɛtɛni tɔun polu. É ɠɛni ga zɛnvui ma ungi, naama yɛnvui ɠa é ɠɛni ga nuiti ta-wozakalagi. Wozakalagi ɠa volozu kpidii zu, tama kpidii la soni.
GALA ge zunui ta leʋeni, nii daaseigi ga Zan. É ʋaani, é ɠɛ ga wozakalagi ná-zeelei, nii a kɛ nuiti pɛ ti ɠidaaleʋe ná-zeele wooi maaʋele ma. Tɔ ɓɔɠɔi lɛi é ʋa ɠɛni ga wozakalagi, kɛlɛ ná-siɛi ma ungi ɠɛni ga, é ɠɛ ga wozakalagi ná-zeelei. Naa ɠɛni ga wozakala kitei, nii é ʋaazu eteai zu ga é volo nui pɛ bɛ. É ɠɛni eteai zu, tɔ ɠa eteai ɓɛtɛai la, kɛlɛ eteai la kwɛɛni. É ʋaani ná-zooi zu, kɛlɛ ná-nuiti ti la kɛɛni ti ʋa yeezei bu. Kɛlɛ tanigaa ti yeezeini bu, ti ɠidaaleʋe ma. Tama, é zobogi veeʋɛ naati pɛ bɛ ga ti ɠɛ ga GALA dointi. Kpusɛi zu zɔlɔɔgi nii é ɠɛɛzu ga kpusɛi yiimai, ɓaa zunui yiima vai, naa laade, kɛlɛ ti zɔlɔɔgɛ GALA ba.
Wooi valibogɛ, é ɠɛ ga nuɓusɛi, é zei ade zaama, daavegai ga zaalai ta gaamai. Gi ná-lɛbiyai ɠaani, Doun Zunu ɠila kpegi, nii Kɛɛɠɛ teʋegai, naa ná-lɛbiyai.
Ná-zeelei Zan niima wooi woni kɛlɛi zu kpoke, é ɠɛ ma: «Nii ɠa gè vaani ma, siɛgi zu gè ɠɛni la wo ma: ‹Zɔi é ʋaazu nɔ̀un poluma, fizɔgɛ bà, tɔɔzei kaite é ɠɛni etea, názu gè la dɛ zɔlɔɔni.› » Ade pɛ ade adɔnɔ zɔlɔɔgɛ ná-zaalai ma ɓɛtɛi zu aniiti su. É ná-tuyai ta la ta nɔ maazu, é fe ade ya. Mazɔlɔɔ ade tɔgi zɔlɔɔgɛ Moize ya, kɛlɛ Yesu Kilista ɠa paai ga zaalai ta gaamai. Nu nɔpɛ ge la dɛ GALA kaani. Kɛlɛ Doun Zunu ɠila kpegi, nii é ga GALA, ta nii é zeizu Ɠɛɛɠɛ GALA koba, naa ɠa é dɛa ga adeye.


Zan ná-zeele wooi ʋɛtɛ, nii é boni, siɛgi zu Zuifuiti zalaɠa ɠula nuiti ta Levi nuiti teʋeni da, ti zeɠe Zeluzalɛme, ti li gaazaɠasu ga: «Ɓɛ ɠa ga ɗe?» É gaamai woni, é la ɓɔɠɔ lɔɔɠuni, kɛlɛ é koleni fo, é ɠɛ ti ma: «Nà lɛi gè ʋa ɠɛ ga Kilista.»
Ti ɠɛni ma: «Ɓɛ ɠa é ga ɗe mu? Ɗa ɠa è ga Eli?» É ɠɛni ti ma: «Ɓa-o, nà la ga naa.» Ti ɠɛni ma ʋolu: «Ɗa ɠa è ga GALA goo wo nui?» É ɠɛni ti ma: «Ɓa.»
Naati ti ɗa ɠɛ ma: «Ɓɛ ɠa mu é ga ɗe? Kɛni gi li, gi gooɠaaʋote gila fe naati zea, ti gi leʋegai. Lee ɠa è bosu, é lo ɗa ɓɔɠɔi ʋa?» Zan ɠɛni ti ma: «Nà ɠa gè ga: ‹Nui é ɓainsu teʋebai zu, é ɗa ɠɛ ma: À Maliɠii ná-pelei ɓɛtɛ bɛ.› GALA goo wo nui Ezayi ɠa é naama wooiti sɛʋɛni.»
Tama zɔiti ti liini keelai ma, ti ɠɛni ga Faliziɛinti ta-nuiti. Naati ti gaazaɠani mɔnɔ, ti ɠɛ ma: «Ni è la ga Kilista, è la ga Eli, è la ga GALA goo wo nui, lee vaa zu mu è ɓatizei wosu?» Zan ti wooɠaaʋoteni, é ɠɛ ti ma: «Nɔ̀un, nà wo ɓatizesu ga ziɛi. Kɛlɛ nu ɠila ka wo zaama, wo la kwɛɛ. Toɠa ʋaazu nɔ̀un poluma. Gè la vɔlɔ kula ɠɛɛni su ga gè ʋa ná-saʋala galuiti daavie.»
Niima vaiti ti ɠɛni ɠɛɛzu Ɓetani taazuʋɛ, ziɛ wolai Zuludɛn folo ɠulazu ʋelei, ʋɛ Zan ɠɛni ɓatizei wosu ná.

Poluma voloi, Zan Yesu ɠaai ma, é ɗa ʋa pɔ pelei, é wooɠulani, é ɠɛ ma: «À wɛlɛ GALA ná-baala ziʋoi ʋa, nii é eteai ná-kotoi ɠulazu ba. Nii ɠa gè vaani ma, siɛgi zu gè ɠɛni la wo ma: ‹Zɔi é ʋaazu nɔ̀un poluma, fizɔgɛ bà, tɔɔzei kaite é ɠɛni etea, názu gè la dɛ zɔlɔɔni.› Nà ɓalaa gè la ɠɛa kwɛɛ, kɛlɛ nɔ̀un, pàaʋɛ, gè ɗa ɓatizei wo ziɛi wu, nii a kɛ é lɛɛ ga Izilayɛle nuɓusɛiti.»
Zan niima zeele wooi woni, é ɠɛ ma: «Gè Zɛnvui ɠaani, é zeɠe geeɠɔlɔgi zu, é ɗa yei eɠɛ poopogi, é ʋa, é yɛ ba. Gè la ɠɛni kwɛɛ ga tɔ ɠana, kɛlɛ GALAGI nii é tèʋegai ga gè ɗa ɓatizei wo ga ziɛi, naa ɠɛni mà: ‹Ɗa ʋaazu Zɛnvui ɠaazu, é yei, é zei zunui ta ma, naa ɠa é ʋaazu ɓatizei wosu ga Zɛnvu Ɲadegai.› Gè naa ʋɛtɛga, gè zeele wooi woga ga tɔ ɠa é ga GALA Doun Zunui.»

Poluma zobui Zan ɠɛni mɔnɔ ná ta ná-kaladopo felegɔ. É Yesu ɠaani, é ɗa leʋe, é ɠɛ ma: «Wɛlɛ GALA ná-baala ziʋoi ʋa.»
Kaladopo felegɔiti ti Zan woomɛnini, ti wuzeɠe, ti ʋilɛ Yesu ʋolu. Yesu latini, é ka ga ti ʋilɛgɛ polu, é ɠɛ ti ma: «Lee ɠa wo pɔ?» Ti ɠɛ ma: «Mini ɠa é ga è-zeizuʋɛ, Laaɓi?» (nii poluʋɛ ga «kalamɔn»).
Yesu ɠɛni ti ma: «À ʋa lɛɛ, wa ná ɠa.» Ti ʋilɛni polu, ti li ti seizuʋɛ ʋɛtɛ. Naama ziɛgi ɠɛni ga lɛlɛi naanisiɛi kpɔkɔ voloi. Ti foloi mɔtai ɠɛɛni Yesu ɠoba.
Simon Piyɛlɛ kɛɛɠɛloin Andelé ɠɛni ga kaladopoi naa gila, niiti ti Zan woomɛnini, ti ʋilɛ Yesu ʋolu. É kɛɛɠɛloin Simon ɠaani mɔunpa, é ɠɛ ma: «Gi Mesi ɠaaʋɛ» (nii poluʋɛ ga «Kilista»). É liini ga naa Yesu ʋɔ bɛ. Yesu pɛtɛni ga pagɔ, é ɠɛ ma: «Ɗa ɠa è ga Zan ná-doun zunui Simon. È-laaseigi ɠa ɠɛɛzu ga Sefase» (nii poluʋɛ ga «Piyɛlɛ»).
Poluma voloi Yesu deveni ga é li Galilé yooi zu. É liini, é Filipe ʋɛtɛ, é ɠɛ naa ma: «Ʋilɛ pòlu.» Filipe ɠɛni ga Ɓɛtesayida nu, Andelé ta Piyɛlɛ ta-laazuʋɛ. Filipe ɓalaa liini, é Nataniyɛle ʋɛtɛ, é ɠɛ ma: «Gi naama nui ɠaaʋɛ, nii Moize ná-faa woni tɔ sɛʋɛi zu, ta GALA goo wo nuiti ɓalaa ti ná-fai zɛʋɛai. Tɔ ɠa é ga Zozɛfe ná-doun zunui Yesu, Nazalɛte nui.»
Nataniyɛle ɠɛni ma: «Ani ʋagɔ ɠa zoo zeɠezu nɛi Nazalɛte?» Filipe ɠɛ ma: «Ʋa, è ka.»
Yesu Nataniyɛle ɠaani, é ɗa maaɓuɠa ba, é ɠɛ ma: «Wɛlɛ, Izilayɛle nu ɠiteɠite ka ga zunui tɛi, nii zɛɛ vaa nɔpɛ ge la su.»
Nataniyɛle ɠɛni ma: «È kwɛ̀ɛgɛ ɠale?» Yesu gooɠaaʋoteni, é ɠɛ ma: «Filipe la ɠɛa dɛ ʋaani è lolisu, siɛgi zu è ɠɛa zeini la kooleɠoole gului wu, gè è ɠaaʋɛ.» Nataniyɛle ɠɛni ma: «Kalamɔn, ɗa ga GALA Doun Zunui, ɗa ɠa è ga Izilayɛle masagi!»
Yesu gooɠaaʋoteni, é ɠɛ ma: «Tɛi gè ɠɛa è ma, siɛgi zu è ɠɛa zeini la kooleɠoole gului wu, gè è ɠaaʋɛ, naa ɠa é kɛa è laai da? Ɗa ʋaazu faa ɠiligaa ɠaazu mɔnɔ, ti wɔɔlɔai nii ʋa.» É ɠɛni ma ʋolu: «Gè bo wo ma ga gaamai, wa geeɠɔlɔgi laalaogai ɠa, GALA ná-geezuɠeelaiti ti ɗa lɛ, ti ɗa yei Nu ná-Doun Zunui maazuʋɛ.»

Koute Zan 1