Tangoa - 2009 Edition (NT) Drama

<div class="version vid1225 iso6393tgp" data-vid="1225" data-iso6393="tgp">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Lazarus Mo Mate</div><div class="p"> 1-2Tamlohi matea hijana Lazarus, mo rojo na vanuan Bethany. Vetasina mo rua, Mary enia Martha la lo toho peresia. Mary enia har&#771;ai atu sei mo lo surei na hasori na palon Moli peresi na patuna, ale mo kamoti na palona na vuluna. 3Vetasin Lazarus la sohai na reti isana lara, &#8220;Tija, tapalam r&#771;uhu sei Lazarus mo rojo tavera.&#8221;</div><div class="p"> 4Hin rani atu Iesu mo rongoa, mo verea mara, &#8220;Rojo atu, i pa sopo isoiso na mate, pani i pa sile na oloolo isan God, ale Natuna i pa lavi na oloolo matan haratu i pa vaia.&#8221; 5Iesu mo opoi Martha enia vetasina peresi Lazarus. 6Ale matan mo rongo vara mo rojo Iesu mo mele toho atu rani mo rua. 7Hitahun haratu, mo verea isana nona tamlohi usuri mara, &#8220;Nake r&#771;a mele sahe Judea.&#8221;</div><div class="p"> 8Nona tamlohi usuri la r&#771;aramia lara, &#8220;Tija, mo r&#771;uhu, pani mo sopo tuai sei tamlohi tatavera atu nona Jew la opoia vara la pa parumateiho! Avei, ko opoia vara o pa mele vano atu?&#8221;</div><div class="p"> 9Iesu mo r&#771;aramia mara, &#8220;Matan alo mo visa na rani matea? Ka levosahia vara mo sangavulu r&#771;omana mo rua (12). Vara o hahau na rani o pa hite na mera alo, ale o pa sopo tialahalaha. 10Pani vara o hahau na vutepongi o pa tialahalaha matan mo sopo te mera hinia.&#8221; 11Ale mo verea isara mara, &#8220;Tapalar&#771;a Lazarus mo lo juruvi, pani enau a pa vano vara a pa r&#771;ohaia.&#8221;</div><div class="p"> 12Nona tamlohi usuri la r&#771;aramia lara, &#8220;Tija, vara enia mo lo juruvi, enia i pa mele rongo i r&#771;uhu.&#8221; 13Iesu mo levosahia vara Lazarus mo mate, pani enira la lo r&#771;omr&#771;omia vara enia mo lo verea vara mo lo juruvi r&#771;omaliho purongo.</div><div class="p"> 14Moiso Iesu mo vere tataholoia isara mara, &#8220;Lazarus mo mate, 15na avulahi matamim matan na sopo toho atu matan nake masapa matea vara ha pa tau na nomim rasua hiniau, r&#771;a vano isana!&#8221;</div><div class="p"> 16Ale Thomas sei la lo tovia Havo, mo verea isan tamlohi usuri tinapua non Iesu atu mara, &#8220;Eh! Ha turu, r&#771;a vano! Enr&#771;a r&#771;a vano vara r&#771;a pa tolu mate peresi Moli.&#8221;</div><div class="s">Lazarus Mo Mele Mauri</div><div class="p"> 17Na rani Iesu mo kakau Bethany, mo rongoa vara Lazarus la taua na papavatu rani mo vati moiso. 18Taon sei Bethany mo lo toho mariviti kilometre mo tolu, ale mele sopena asau hin Jerusalem, 19ale tamlohi tatavera nona Jew matuvana la mai isan Martha enia Mary, vara la tangtangi peresira matan tavaira mo tihai.</div><div class="p"> 20Vahatea atu Martha mo rongoa vara Iesu mo pala, mo malue vano vara i tapaia, pani Mary mo lo toho na ima. 21Martha mo verea isan Iesu mara, &#8220;Tija, vara o pa lo toho nike tavaiku i pa sopo mate, 22pani hina purongo hin haratu matan na levosahia vara God i pa vai na sava hinau vara o usia.&#8221;</div><div class="p"> 23Iesu mo verea isana mara, &#8220;Tavaim i pa mele mauri!&#8221;</div><div class="p"> 24Martha mo r&#771;aramia mara, &#8220;Na levosahia vara i pa mele mauri na pongi hitahu hin rani atu vara tamlohi mate la mele turu.&#8221;</div><div class="p"> 25Iesu mo verea mara, &#8220;Enau pulo mauri, ale enau na sauteterahi na mateia, matan la haratu la rasuau la pa mauri, hina purongo vara la pa mate. 26Moiso la haratu la rasuau, la pa lo mauri, la pa sopo er&#771;i mate varar&#771;uhu. Martha, ko rasu hinau sei?&#8221;</div><div class="p"> 27Martha mo r&#771;aramia mara, &#8220;He&#42892;e Moli! Na lo rasua vara engko natu, Kr&#771;isto, Natun God. Engko haratu kama lo kilau toho matana vara i pa mai na varama!&#8221;</div><div class="p"> 28Martha mo retireti isan Iesu, moiso mo mele hilu vara i vere malumia isan Mary mara, &#8220;Tija mo mai, mo opoia vara i hiteho.&#8221; 29Mary mo rongoa, vahatea mo turu mo malue, mo vano isana. 30Iesu mo sopo lo unu na vanua, mo pa lo toho hin jara atu Martha mo tapaia ea. 31Na rani tamlohi tatavera nona Jew matuvana la lo nanau Mary na lolo ima, la hitea mo malue vilavila, ale la lo r&#771;omr&#771;omia vara mo vano vara i tangtangi na papa, ale la usuria.</div><div class="p"> 32Mary mo vano hin jara atu Iesu mo lo toho ea. Mo hitea, ale vahatea mo papaohi na palona, mo verea mara, &#8220;Moli, vara o pa lo toho nike, tavaiku i pa sopo mate.&#8221; </div><div class="p"> 33Na rani Iesu mo hite Mary tolu na tamlohi tavera nona Jew la lo tangtangi, enia mo rongo mo sati hajavua. 34Iesu mo usia mara, &#8220;Ka tau na tarapena epu?&#8221; La r&#771;aramia lara, &#8220;Moli, o mai vara o pa hitea.&#8221;</div><div class="p"> 35Iesu mo tangi. 36Ale tamlohi tavera nona Jew lara, &#8220;Ka hitea, mo r&#771;omia mo tavera.&#8221;</div><div class="p"> 37Pani tatuara la verea lara, &#8220;Enia mo vai na vuso mo mele kilau, pani mo sopo er&#771;i vai Lazarus vara i sopo mate mata sava?&#8221;</div><div class="p"> 38Iesu mo mele r&#771;omia hajavua, ale mo vano na papa, enia papa matea la kuresi na vatu matea mo lo turuhoro na mataruana. 39Iesu mo verera mara, &#8220;Ha kuresi nar&#771;ihi vatu sei!&#8221; Pani Martha mo verea mara, &#8220;Tija, engko ko levosahia vara nahapani enia havati pongin Lazarus, ale i pa ponaha.&#8221;</div><div class="p"> 40Iesu mo r&#771;aramia mara, &#8220;Na verea isamim moiso, vara ha rasuau, ha pa hite na hina r&#771;uhur&#771;uhu matea na suihan God.&#8221;</div><div class="p"> 41Ale la kuresi nar&#771;ihi vatu atu, ale Iesu mo tar&#771;a sahe na tuka mo usiusi mara, &#8220;Tamaku, na vere meje isam matan ko lo tapurongo isaku. 42Na levosahia vara tarea ko lo r&#771;arami na noku usiusi, pani na vere hinau nike, vara la tamlohi nike la pa rasua vara engko ko r&#771;uleau.&#8221;</div><div class="p"> 43Iesu mo usiusi moiso, mo ulo mara, &#8220;Lazarus, o malue!&#8221; 44Tamlohi atu mo mate moiso, mo malue hin papa atu. Limana peresi na palona la pesira na tavalu ruru lulu, la tavu na nahona na tavalu ruru matea.</div><div class="p">Iesu mo vere isana tamlohi mara, &#8220;Ha uli nar&#771;ihia vara i malue.&#8221;</div><div class="s">La Hatihi Vara La Vilimatei Iesu</div><div class="r">(Mt 26.1-5; Mk 14.1-2; Lk 22.1-2)</div><div class="p"> 45Ale Jew matuvana la lo toho peresi Mary atu, la rasu Iesu matan la hite hinau atu mo vaia ea. 46Pani tatuara la vano la hite na Pharisee, la vereuli na sava Iesu mo vaia isara. 47Moiso moli mata pr&#771;is tolu na Pharisee la tovi na matavuhi matea, la verea lara, &#8220;R&#771;a pa vai na sava? Tamlohi nike, mo vai na matamata tavera matuvana. 48Vara r&#771;a sopo horoa nakerihi, tamlohi tari la pa tau na nora rasua hinia. Vara i sohena mara Rome la pa mai la komo na nor&#771;a Temple tapu peresi na nor&#771;a tamlohi jara mo isoiso.&#8221;</div><div class="p"> 49Vonara matea, Caiaphas enia pr&#771;is aulu hin tauni atu mo verea mara, &#8220;Ka sopo levosahi te hinau hatea, 50ka sopo hitevosahia vara i pa mele r&#771;uhu vara tamlohi matelete purongo i mate matan la tamlohi tari nike, mo jeu haratu vara tamlohi jara mo isoiso hin Israel la mate!&#8221; 51Caiaphas mo sopo vere hinau sei hasena, pani matan hin tauni atu enia pr&#771;is aulu, ale mo lo retimangovia sohen God mo opoia vara Iesu i pa mate mata tamlohi jara tari hin Israel, 52pani i pa sopo mate mata tamlohi jara tari hin Israel hasena, i pa mate mata tamlohi tari sei la natun God na sava jara la lo toho ea la pa mai matea. 53Mo tapulo hin pongi atu vao atu la hatihia vara la pa vilimatei Iesu. </div><div class="p"> 54Matan hinau atu Iesu mo sopo mele hahau na jara tavera isana tamlohi tatavera nona Jew, pani mo vano asau na taon Ephraim enia mariviti na jara hasetoho tavera atu, ale mo lo toho atu peresi na nona tamlohi usuri.</div><div class="p"> 55Rani Passover nona Jew mo lo mai mariviti. Tamlohi matuvana la lo toho r&#771;alihi hin jara atu la vano Jerusalem matan vara la vai na nora posposi mata onehi na hinahinau mata Passover. 56La lo ale Iesu r&#771;alihi ea. Ale hin rani atu la lo toho na Temple la lo usiusira lara, &#8220;Avei, ka levosahia vara i pa mai mata hanhani tavera mata Passover teni i vono?&#8221;</div><div class="p"> 57Haratu la moli mata pr&#771;is tolu na Pharisee la verea isana tamlohi lara vara la hite Iesu, la pa vereulia isara vara la pa taurilatia.</div>
 </div>
 </div>
</div>

Tamlohi matea hijana Lazarus, mo rojo na vanuan Bethany. Vetasina mo rua, Mary enia Martha la lo toho peresia. Mary enia har̃ai atu sei mo lo surei na hasori na palon Moli peresi na patuna, ale mo kamoti na palona na vuluna. Vetasin Lazarus la sohai na reti isana lara, “Tija, tapalam r̃uhu sei Lazarus mo rojo tavera.”
Hin rani atu Iesu mo rongoa, mo verea mara, “Rojo atu, i pa sopo isoiso na mate, pani i pa sile na oloolo isan God, ale Natuna i pa lavi na oloolo matan haratu i pa vaia.” Iesu mo opoi Martha enia vetasina peresi Lazarus. Ale matan mo rongo vara mo rojo Iesu mo mele toho atu rani mo rua. Hitahun haratu, mo verea isana nona tamlohi usuri mara, “Nake r̃a mele sahe Judea.”
Nona tamlohi usuri la r̃aramia lara, “Tija, mo r̃uhu, pani mo sopo tuai sei tamlohi tatavera atu nona Jew la opoia vara la pa parumateiho! Avei, ko opoia vara o pa mele vano atu?”
Iesu mo r̃aramia mara, “Matan alo mo visa na rani matea? Ka levosahia vara mo sangavulu r̃omana mo rua (12). Vara o hahau na rani o pa hite na mera alo, ale o pa sopo tialahalaha. Pani vara o hahau na vutepongi o pa tialahalaha matan mo sopo te mera hinia.” Ale mo verea isara mara, “Tapalar̃a Lazarus mo lo juruvi, pani enau a pa vano vara a pa r̃ohaia.”
Nona tamlohi usuri la r̃aramia lara, “Tija, vara enia mo lo juruvi, enia i pa mele rongo i r̃uhu.” Iesu mo levosahia vara Lazarus mo mate, pani enira la lo r̃omr̃omia vara enia mo lo verea vara mo lo juruvi r̃omaliho purongo.
Moiso Iesu mo vere tataholoia isara mara, “Lazarus mo mate, na avulahi matamim matan na sopo toho atu matan nake masapa matea vara ha pa tau na nomim rasua hiniau, r̃a vano isana!”
Ale Thomas sei la lo tovia Havo, mo verea isan tamlohi usuri tinapua non Iesu atu mara, “Eh! Ha turu, r̃a vano! Enr̃a r̃a vano vara r̃a pa tolu mate peresi Moli.”

Na rani Iesu mo kakau Bethany, mo rongoa vara Lazarus la taua na papavatu rani mo vati moiso. Taon sei Bethany mo lo toho mariviti kilometre mo tolu, ale mele sopena asau hin Jerusalem, ale tamlohi tatavera nona Jew matuvana la mai isan Martha enia Mary, vara la tangtangi peresira matan tavaira mo tihai.
Vahatea atu Martha mo rongoa vara Iesu mo pala, mo malue vano vara i tapaia, pani Mary mo lo toho na ima. Martha mo verea isan Iesu mara, “Tija, vara o pa lo toho nike tavaiku i pa sopo mate, pani hina purongo hin haratu matan na levosahia vara God i pa vai na sava hinau vara o usia.”
Iesu mo verea isana mara, “Tavaim i pa mele mauri!”
Martha mo r̃aramia mara, “Na levosahia vara i pa mele mauri na pongi hitahu hin rani atu vara tamlohi mate la mele turu.”
Iesu mo verea mara, “Enau pulo mauri, ale enau na sauteterahi na mateia, matan la haratu la rasuau la pa mauri, hina purongo vara la pa mate. Moiso la haratu la rasuau, la pa lo mauri, la pa sopo er̃i mate varar̃uhu. Martha, ko rasu hinau sei?”
Martha mo r̃aramia mara, “Heꞌe Moli! Na lo rasua vara engko natu, Kr̃isto, Natun God. Engko haratu kama lo kilau toho matana vara i pa mai na varama!”
Martha mo retireti isan Iesu, moiso mo mele hilu vara i vere malumia isan Mary mara, “Tija mo mai, mo opoia vara i hiteho.” Mary mo rongoa, vahatea mo turu mo malue, mo vano isana. Iesu mo sopo lo unu na vanua, mo pa lo toho hin jara atu Martha mo tapaia ea. Na rani tamlohi tatavera nona Jew matuvana la lo nanau Mary na lolo ima, la hitea mo malue vilavila, ale la lo r̃omr̃omia vara mo vano vara i tangtangi na papa, ale la usuria.
Mary mo vano hin jara atu Iesu mo lo toho ea. Mo hitea, ale vahatea mo papaohi na palona, mo verea mara, “Moli, vara o pa lo toho nike, tavaiku i pa sopo mate.”
Na rani Iesu mo hite Mary tolu na tamlohi tavera nona Jew la lo tangtangi, enia mo rongo mo sati hajavua. Iesu mo usia mara, “Ka tau na tarapena epu?” La r̃aramia lara, “Moli, o mai vara o pa hitea.”
Iesu mo tangi. Ale tamlohi tavera nona Jew lara, “Ka hitea, mo r̃omia mo tavera.”
Pani tatuara la verea lara, “Enia mo vai na vuso mo mele kilau, pani mo sopo er̃i vai Lazarus vara i sopo mate mata sava?”
Iesu mo mele r̃omia hajavua, ale mo vano na papa, enia papa matea la kuresi na vatu matea mo lo turuhoro na mataruana. Iesu mo verera mara, “Ha kuresi nar̃ihi vatu sei!” Pani Martha mo verea mara, “Tija, engko ko levosahia vara nahapani enia havati pongin Lazarus, ale i pa ponaha.”
Iesu mo r̃aramia mara, “Na verea isamim moiso, vara ha rasuau, ha pa hite na hina r̃uhur̃uhu matea na suihan God.”
Ale la kuresi nar̃ihi vatu atu, ale Iesu mo tar̃a sahe na tuka mo usiusi mara, “Tamaku, na vere meje isam matan ko lo tapurongo isaku. Na levosahia vara tarea ko lo r̃arami na noku usiusi, pani na vere hinau nike, vara la tamlohi nike la pa rasua vara engko ko r̃uleau.”
Iesu mo usiusi moiso, mo ulo mara, “Lazarus, o malue!” Tamlohi atu mo mate moiso, mo malue hin papa atu. Limana peresi na palona la pesira na tavalu ruru lulu, la tavu na nahona na tavalu ruru matea.
Iesu mo vere isana tamlohi mara, “Ha uli nar̃ihia vara i malue.”


Ale Jew matuvana la lo toho peresi Mary atu, la rasu Iesu matan la hite hinau atu mo vaia ea. Pani tatuara la vano la hite na Pharisee, la vereuli na sava Iesu mo vaia isara. Moiso moli mata pr̃is tolu na Pharisee la tovi na matavuhi matea, la verea lara, “R̃a pa vai na sava? Tamlohi nike, mo vai na matamata tavera matuvana. Vara r̃a sopo horoa nakerihi, tamlohi tari la pa tau na nora rasua hinia. Vara i sohena mara Rome la pa mai la komo na nor̃a Temple tapu peresi na nor̃a tamlohi jara mo isoiso.”
Vonara matea, Caiaphas enia pr̃is aulu hin tauni atu mo verea mara, “Ka sopo levosahi te hinau hatea, ka sopo hitevosahia vara i pa mele r̃uhu vara tamlohi matelete purongo i mate matan la tamlohi tari nike, mo jeu haratu vara tamlohi jara mo isoiso hin Israel la mate!” Caiaphas mo sopo vere hinau sei hasena, pani matan hin tauni atu enia pr̃is aulu, ale mo lo retimangovia sohen God mo opoia vara Iesu i pa mate mata tamlohi jara tari hin Israel, pani i pa sopo mate mata tamlohi jara tari hin Israel hasena, i pa mate mata tamlohi tari sei la natun God na sava jara la lo toho ea la pa mai matea. Mo tapulo hin pongi atu vao atu la hatihia vara la pa vilimatei Iesu.
Matan hinau atu Iesu mo sopo mele hahau na jara tavera isana tamlohi tatavera nona Jew, pani mo vano asau na taon Ephraim enia mariviti na jara hasetoho tavera atu, ale mo lo toho atu peresi na nona tamlohi usuri.
Rani Passover nona Jew mo lo mai mariviti. Tamlohi matuvana la lo toho r̃alihi hin jara atu la vano Jerusalem matan vara la vai na nora posposi mata onehi na hinahinau mata Passover. La lo ale Iesu r̃alihi ea. Ale hin rani atu la lo toho na Temple la lo usiusira lara, “Avei, ka levosahia vara i pa mai mata hanhani tavera mata Passover teni i vono?”
Haratu la moli mata pr̃is tolu na Pharisee la verea isana tamlohi lara vara la hite Iesu, la pa vereulia isara vara la pa taurilatia.

Koute John 11