This translation, published by the Bible Society of Zambia, was published in 2015. If you are interested in the work that the Bible Society of Zambia is doing please visit www.unitedbiblesocieties.org.

Ishiwi Lyakwa Lesa 2016

Chibemba - 1956 Icipingo Cipya (NT)

<div class="version vid1097 iso6393bem" data-vid="1097" data-iso6393="bem">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s1">Ubupe bwakwa mukamfwilwa</div><div class="r">(Mako 12:41-44)</div><div class="p"> 1Elyo Yesu ainuna amenso, amona abakankala uko baleposa ubupe bwabo mu cipao ce Tempele. 2Elyo amona mukamfwilwa umo aposamo utundalama tubili. 3Yesu asosa ati, &#8220;Ndemweba icine cine, uyu mukamfwilwa umupina, aposamo ukucila bonse. 4Pantu bonse abaposelemo, bafumishe pa fingi. Lelo uyu mukamfwilwa umupina, wena aposamo tonse uto akwete utwakulilamo.&#8221;</div><div class="s1">Yesu asobela ukonaika kwe Tempele</div><div class="r">(Mateo 24:1-2; Mako 13:1-2)</div><div class="p"> 5Elyo abantu bamo balelanda pe Tempele, abati, &#8220;Ifyo lyakuulwa na mabwe ayasuma! Ifyo lilesamikwa ku fyabupe fya bantu!&#8221; Yesu ena ati, 6&#8220;Ifi fintu ifyo mulemona, ala inshiku shikesa, ilyo tapakashale libwe pa mulu wa libwe libiye, yakabongololwafye yonse.&#8221;</div><div class="s1">Yesu asobela ubwafya na amacushi</div><div class="r">(Mateo 24:3-14; Mako 13:3-13)</div><div class="p"> 7Elyo baipusha Yesu abati, &#8220;Kafundisha, bushe ifi fintu fikabako lilali? Nge cishibilo cakwishibilako ukuti ifi fintu fyalatampa cishibilo nshi?&#8221;</div><div class="p"> 8Yesu abeba ati, &#8220;Cenjeleni mwikabepwa! Pantu abengi bakesa balesosa abati, &#8216;Nine Kristu,&#8217; no kutila, &#8216;Inshita naipalama.&#8217; Ala mwikabakonka! 9Kabili ilyo mukalaumfwa inkondo ne fimfulunganya mwikalatunsha mitima. Pantu ifi fintu fili nokubalilapo ukucitika, lelo icalo cena tacakapwe apopene.&#8221; 10Kabili Yesu alabeba ati, &#8220;Umushobo umo ukemina umushobo ubiye, elyo ne mfumu imo ikemina imfumu ibiye. 11Elyo kukaba ifikuko, ifipowe, ne finkukuma ifikalamba mu ncende ishalekana lekana. Kabili kukabako ifyakutiinya abantu ne finjelengwe mu mulu.</div><div class="p"> 12&#8220;Ilyo ifi fyonse fishilacitika, bakalamwikata no kulamucusha. Bakalamutwala ku masinagoga kukumulubulwisha no kumuposa mu fifungo. Bakalamutwala kuli bashamfumu na ku balashi pa mulandu wa ine. 13Iyi eikaba e nshita iyakulanga ukuti muli bakambone bandi. 14Mushininkishe mu mitima yenu ukuti, tamuli nakusakamana ifyakulanda pakuipokololako. 15Pantu nine ne mwine nkalamupeela amashiwi aya mano ayakuti abalwani benu bakafilwa ukwasukapo nangu ukuyansha. 16Elyo na bafyashi benu bene, na bamunyinenwe, na bantu benu, na bacibusa benu bakalamutwala ku cilye camilandu. Elyo bamo pali imwe bakabepaya. 17Abantu bonse bakamupata pa mulandu wa ine. 18Lelo tapakalobe nelyofye mushishi umo uwa ku mitwe yenu. 19Mukushipikisha kwenu emo mukamwena umweo wacine cine.</div><div class="s1">Amacushi yacipeshamano mu Yerusalemu</div><div class="r">(Mateo 24:15-21; Mako 13:14-19)</div><div class="p"> 20&#8220;Kanshi ilyo mukamona ifita fyashinguluka Yerusalemu, ninshi mukeshibe ukuti ukonaulwa kwa musumba kwapalama. 21Elyo abakaba mu Yudeya bakafulumukile ku mpili. Elyo abakaba mukati ka musumba bakafumemo. Na bakaba mu mabala, bekabwelela mu musumba. 22#Hosea 9:7Pantu ishi nshiku shikaba ni nshiku shakukanda, ishakufikilisha fyonse ifyalembwa mu Malembo Yamushilo. 23We shamo we ku banakashi abakaba pabukulu na bakalaonsha abana muli shilya nshiku! Pantu ubucushi ubukalamba bukesa pa calo na bantu bakakandwa nganshi. 24Bamo bakabepaya ku lupanga, elyo bambi bakabasenda bunkole mu fyalo. Abenafyalo bakonaula Yerusalemu nakalya nakalya, mpaka inshita ya Benafyalo ikapite.</div><div class="s1">Ukubwela kwa Mwana wa muntu</div><div class="r">(Mateo 24:29-31; Mako 12:24-27)</div><div class="p"> 25 # 
 Esaya 13:10; Esek 32:7; Yoeli 2:31; Ubuso 6:12-13 &#8220;Pa kasuba na pa mweshi na pa ntanda pakamoneka ifinjelengwe. Elyo imishobo ya pano calo nayo ikekatwa no mwenso ku mulandu wa kululuma kwa bemba no kusunkana kwa matamba. 26Abantu bakafwa umutombo ku mwenso pakumona ifyalacitika pano calo. Pantu amaka ya ku mulu yakatenkana. 27#Dan 7:13; Ubuso 1:7Elyo bakamona Umwana wa muntu aleisa mwikumbi na maka no bucindami nganshi. 28Kanshi ilyo ifi fintu fikatampa ukulacitika, mukeminine, mukenune imitwe yenu, pantu ukulubuka kwenu ninshi kwapalama.&#8221;</div><div class="s1">Icishibilo ca mukunyu</div><div class="r">(Mateo 24:32-35; Mako 13:28-31)</div><div class="p"> 29Kabili Yesu abomina ipinda ati, &#8220;Ku mukunyu na ku mitifye yonse imbi eko mulemwena. 30Itila nga yapuka ululembelya, ninshi mwaishiba ukuti amainsa yali mupepi. 31Eifyo fine na imwe, nga mwamona ifi fintu fyalacitika, ninshi mukeshibe ukuti Ubufumu bwakwa Lesa buli mupepi.</div><div class="p"> 32&#8220;Ndemweba icine cine ukuti, ino nkulo tayakapite, ninshi fyonse fyalicitika. 33Umulu ne calo fikonaika, lelo amashiwi yandi yena tayakonaike iyoo.</div><div class="s1">Muleibukila</div><div class="p"> 34&#8220;Muleikala abaibukila, epali imitima yenu yalemenena ku mikalile yabuwelewele, na kuli bucakolwa, na ku masakamiko ya bumi buno. Elyo ubo bushiku bwamupumikisha, mwaikatwa nga ku citeyo. 35Pantu abantu bonse abaikala pano calo bakaponenwa nobo bushiku. 36Kanshi mulelola, mulepepa lyonse, epakuti mukamone amaka yakupusuka kuli ifi fyonse ifili nokwisa. Elyo mukamone na maka yakwiminina pa cinso ca Mwana wa muntu.&#8221;</div><div class="p"> 37Cila bushiku Yesu alefunda mwi Tempele. Lelo cilya bwaila, alefumamo, aleya mukulala pa lupili ulo batila, ulwa Miolifa. 38Elyo lucelocelo abantu bonse baleisa kukumumfwa mwi Tempele.</div>
 </div>
 </div>
</div>

Elyo Yesu ainuna amenso, amona abakankala uko baleposa ubupe bwabo mu cipao ce Tempele. Elyo amona mukamfwilwa umo aposamo utundalama tubili. Yesu asosa ati, “Ndemweba icine cine, uyu mukamfwilwa umupina, aposamo ukucila bonse. Pantu bonse abaposelemo, bafumishe pa fingi. Lelo uyu mukamfwilwa umupina, wena aposamo tonse uto akwete utwakulilamo.”


Elyo abantu bamo balelanda pe Tempele, abati, “Ifyo lyakuulwa na mabwe ayasuma! Ifyo lilesamikwa ku fyabupe fya bantu!” Yesu ena ati, “Ifi fintu ifyo mulemona, ala inshiku shikesa, ilyo tapakashale libwe pa mulu wa libwe libiye, yakabongololwafye yonse.”


Elyo baipusha Yesu abati, “Kafundisha, bushe ifi fintu fikabako lilali? Nge cishibilo cakwishibilako ukuti ifi fintu fyalatampa cishibilo nshi?”
Yesu abeba ati, “Cenjeleni mwikabepwa! Pantu abengi bakesa balesosa abati, ‘Nine Kristu,’ no kutila, ‘Inshita naipalama.’ Ala mwikabakonka! Kabili ilyo mukalaumfwa inkondo ne fimfulunganya mwikalatunsha mitima. Pantu ifi fintu fili nokubalilapo ukucitika, lelo icalo cena tacakapwe apopene.” Kabili Yesu alabeba ati, “Umushobo umo ukemina umushobo ubiye, elyo ne mfumu imo ikemina imfumu ibiye. Elyo kukaba ifikuko, ifipowe, ne finkukuma ifikalamba mu ncende ishalekana lekana. Kabili kukabako ifyakutiinya abantu ne finjelengwe mu mulu.
“Ilyo ifi fyonse fishilacitika, bakalamwikata no kulamucusha. Bakalamutwala ku masinagoga kukumulubulwisha no kumuposa mu fifungo. Bakalamutwala kuli bashamfumu na ku balashi pa mulandu wa ine. Iyi eikaba e nshita iyakulanga ukuti muli bakambone bandi. Mushininkishe mu mitima yenu ukuti, tamuli nakusakamana ifyakulanda pakuipokololako. Pantu nine ne mwine nkalamupeela amashiwi aya mano ayakuti abalwani benu bakafilwa ukwasukapo nangu ukuyansha. Elyo na bafyashi benu bene, na bamunyinenwe, na bantu benu, na bacibusa benu bakalamutwala ku cilye camilandu. Elyo bamo pali imwe bakabepaya. Abantu bonse bakamupata pa mulandu wa ine. Lelo tapakalobe nelyofye mushishi umo uwa ku mitwe yenu. Mukushipikisha kwenu emo mukamwena umweo wacine cine.


“Kanshi ilyo mukamona ifita fyashinguluka Yerusalemu, ninshi mukeshibe ukuti ukonaulwa kwa musumba kwapalama. Elyo abakaba mu Yudeya bakafulumukile ku mpili. Elyo abakaba mukati ka musumba bakafumemo. Na bakaba mu mabala, bekabwelela mu musumba. Pantu ishi nshiku shikaba ni nshiku shakukanda, ishakufikilisha fyonse ifyalembwa mu Malembo Yamushilo. We shamo we ku banakashi abakaba pabukulu na bakalaonsha abana muli shilya nshiku! Pantu ubucushi ubukalamba bukesa pa calo na bantu bakakandwa nganshi. Bamo bakabepaya ku lupanga, elyo bambi bakabasenda bunkole mu fyalo. Abenafyalo bakonaula Yerusalemu nakalya nakalya, mpaka inshita ya Benafyalo ikapite.


“Pa kasuba na pa mweshi na pa ntanda pakamoneka ifinjelengwe. Elyo imishobo ya pano calo nayo ikekatwa no mwenso ku mulandu wa kululuma kwa bemba no kusunkana kwa matamba. Abantu bakafwa umutombo ku mwenso pakumona ifyalacitika pano calo. Pantu amaka ya ku mulu yakatenkana. Elyo bakamona Umwana wa muntu aleisa mwikumbi na maka no bucindami nganshi. Kanshi ilyo ifi fintu fikatampa ukulacitika, mukeminine, mukenune imitwe yenu, pantu ukulubuka kwenu ninshi kwapalama.”


Kabili Yesu abomina ipinda ati, “Ku mukunyu na ku mitifye yonse imbi eko mulemwena. Itila nga yapuka ululembelya, ninshi mwaishiba ukuti amainsa yali mupepi. Eifyo fine na imwe, nga mwamona ifi fintu fyalacitika, ninshi mukeshibe ukuti Ubufumu bwakwa Lesa buli mupepi.
“Ndemweba icine cine ukuti, ino nkulo tayakapite, ninshi fyonse fyalicitika. Umulu ne calo fikonaika, lelo amashiwi yandi yena tayakonaike iyoo.

“Muleikala abaibukila, epali imitima yenu yalemenena ku mikalile yabuwelewele, na kuli bucakolwa, na ku masakamiko ya bumi buno. Elyo ubo bushiku bwamupumikisha, mwaikatwa nga ku citeyo. Pantu abantu bonse abaikala pano calo bakaponenwa nobo bushiku. Kanshi mulelola, mulepepa lyonse, epakuti mukamone amaka yakupusuka kuli ifi fyonse ifili nokwisa. Elyo mukamone na maka yakwiminina pa cinso ca Mwana wa muntu.”
Cila bushiku Yesu alefunda mwi Tempele. Lelo cilya bwaila, alefumamo, aleya mukulala pa lupili ulo batila, ulwa Miolifa. Elyo lucelocelo abantu bonse baleisa kukumumfwa mwi Tempele.

Koute Luka 21