Génesis 5
5
Adán weantu aina
(1Cr 1.1-4)
1Adánkan Yuus niya numamtinan najanawa nuu weantu ainan naari aatkamua nuka ju ajakaruiti. 2Aishmagkun nuwajai najana pegkernum chicharuk: Atumka shuar tama atinaitrume, tusa tinaiti. 3Adán ciento treinta uwí pujus, nina iimiya numamtinan uchin akiawaiti. Tura Set anaikauwaiti. 4Adán, Settan akia ochocientos uwí pujusuiti. Tura uchi aishmag ainan, nuwa ainajai akigkuiti. 5Tuma novecientos treinta uwí ejé jakauwaiti. 6Set ciento cinco uwí ejé Enósan akiawaiti. 7Tura ochocientos siete uwí ejé uchi aishmag ainan, nuwa ainajai akigkuiti. 8Tuma novecientos doce uwí ejé jakauwaiti. 9Enós noventa uwí ejé Cainánkan akiawaiti. 10Tura ochocientos quince uwí ejé uchi aishmag ainan, nuwa ainajai akigkuiti. 11Tuma novecientos cinco uwí ejé jakauwaiti. 12Cainán setenta uwí ejé Mahalaleelan akiawaiti. 13Tura ochocientos cuarenta uwí ejé uchi aishmag ainan, nuwa ainajai akigkuiti. 14Tuma novecientos diez uwí ejé jakauwaiti. 15Mahalaleel sesenta y cinco uwí ejé, Jaredtan akiawaiti. 16Tura ochocientos treinta uwí ejé uchi aishmag ainan, nuwa ainajai akigkuiti. 17Tuma ochocientos noventa y cinco uwí ejé jakauwaiti. 18Jared ciento sesenta y dos uwí ejé, Enocan akiawaiti. 19Tura Jared ochocientos uwí ejé uchi aishmag ainan, nuwa ainajai akigkuiti. 20Tuma novecientos sesenta y dos uwí ejé jakauwaiti. 21Enoc sesenta y cinco uwí ejé Matusalénkan akiawaiti. 22Tura Yuus wakeramun takak trescientos uwí pujusuiti. Tura uchi aishmag ainan, nuwa ainajai akigkuiti. 23Enocka trescientos sesenta y cinco uwí pujusuiti. 24Enocka Yuus wakeramun takak pujau asa, Yuus nayaimpinam jukim megkaakauwaiti.
25Matusalén ciento ochenta y siete uwí ejé Lameckan akiawaiti. 26Tura setecientos ochenta y dos uwí ejé uchi aishmag ainan, nuwa ainajai akigkuiti. 27Tuma novecientos sesenta y nueve uwí ejé jakauwaiti. 28Lamec ciento ochenta y dos uwí ejé uchin akiawaiti. 29Tura Noé naartin atii, tusa tinaiti. Tu anaik chichaak: Yuus ina takainak waitin arti tina nuna imijturmaktin akinayi. Tuma asamtai imanikrika waittsashtatji, tusa tinaiti. 30Lamec quinientos noventa y cinco uwí ejé uchi aishmag ainan, nuwa ainajai akigkuiti. 31Tuma setecientos setenta y siete uwí ejé jakauwaiti. 32Noé quinientos uwí ejé Semman, Camman, tura Jafetan akiawaiti.
Trenutno odabrano:
Génesis 5: hubDBL
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2010, Wycliffe Bible Translators, Inc. All rights reserved.