Joni 7
7
Ko Jisu kei Iratou na Tacina
1Ia ni sa oti na veika oqo, sa lako voli ko Jisu e Kalili; ni sa sega ni via lako voli e Jutia, ni ra sa via vakamatei koya ko ira na Jiu.
2 #
Vsoro 23.34; Vrua 16.13 A sa voleka na nodra soqoni levu na Jiu, na solevu ni vale vakacevaceva. 3Sa qai kaya vua ko iratou na tacina, “Lako tani eke, ka lako ki Jutia, me ra raica talega na nomu tisaipeli na nomu cakacaka ko sa kitaka. 4Ni sa sega e dua sa vinakata me kilai, ka kitaka vuni e dua na ka. Kevaka ko sa kitaka na veika oqo, vakaraitaki iko kivei ira na kai vuravura.” 5(Ni ratou sa sega talega ni vakabauti koya ko iratou na tacina.) 6Sa qai kaya vei iratou ko Jisu, “Sa sega ni yaco mai na noqu gauna, ia sa tautauvata vei kemudou na gauna kecega. 7Sa sega ni cati kemudou rawa ko ira na kai vuravura, ia era sa cati au, ni ka'u sa vakatakila ni sa ca na nodra i valavala. 8Dou lako cake ki na solevu oqo. Au se bera ni lako cake ki na solevu oqo, ni se sega ni yaco mai na noqu gauna.” 9Ia ni sa vosataka oti na ka oqo vei iratou, sa tiko ga ko koya e Kalili.
Ko Jisu ena Solevu ni Vale Tabanikau
10Ia ni ratou sa lako cake na tacina, sa qai lako cake talega ko koya ki na solevu, e sega ni vakarairai, ka vuni ga. 11Era sa qai vakasaqarai koya na Jiu e na solevu, ka kaya, “Sa tiko mai vei ko koya?” 12A sa vosataki koya lo vakalevu ko ira na tamata, sa kaya eso, “A tamata vinaka ko koya,” ka kaya eso tani, “E segai, sa lawakitaki ira ga na tamata.” 13A sa sega e dua sa vosataki koya votu, ni ra sa rerevaki ira na Jiu.
14Ia e na veimama ni gauna ni solevu, sa lako cake ko Jisu ki na vale-ni-soro, ka vakatavuvuli. 15A ra sa kurabui ko ira na Jiu, ka kaya, “E kila vakaevei nai vola na tamata oqo, ni sa sega ni vakatavulici?” 16Sa vosa vei ira ko Jisu, ka kaya, “Sa sega ni noqu na noqu i vakavuvuli, sa nona ga ka talai au mai. 17Kevaka e dua na tamata sa via cakava na loma i koya, ena kila se sa ka mai vua na Kalou nai vakavuvuli, seu vosa vakai au ga. 18O koya sa vosa vakai koya ga, sa vinakata me dokai; ia ko koya sa vinakata me dokai ko koya sa talai koya mai, sa dina, a sa sega vua na cala.
19 “Sa sega li ni solia vei kemudou na vunau ko Mosese, a sa sega e dua vei kemudou sa muria na vunau? Dou sa via vakamatei au e na vuku ni cava?” 20Era sa vosa na lewe vuqa, ka kaya, “Sa curumi iko e dua na tevoro! Ko cei sa via vakamatei iko?” 21Sa vosa ko Jisu, ka kaya vei ira, “E dua bauga na cakacaka ka'u a cakava, ia dou sa kurabui kecega kina. 22#Vteki 17.10; Vsoro 12.3Sa solia vei kemudou na veicili ko Mosese (ia ka sa sega ni vu vei Mosese, sa vu ga vei ira na qase), ia dou sa ciliva na tamata e na Siga ni Vakacecegu. 23#Joni 5.9Kevaka sa cilivi na tamata ena Siga ni Vakacecegu, me kakua ni vakacacani na vunau i Mosese, dou sa cudruvi au beka, ni'u sa vakabula taucoko e dua na tamata e na Siga ni Vakacecegu? 24Kakua ni lewa me vaka na ka sa rairai, dou lewa vakadodonu ga.”
Oqo Beka Li na Karisito?
25Sa qai kaya eso vei ira mai Jerusalemi, “Sa sega li ni koya oqo era sa via vakamatea? 26Ia ka raica, sa vosa doudou, ka ra sa sega ni kaya vua e dua na ka. Era sa kila dina na turaga ni sai koya oqo na Karisito dina, se segai? 27Ia na tamata oqo, eda sa kila na vanua sa lako mai kina; ia na Karisito, ni sa lako mai, sa sega e dua sa kila se lako mai vei ko koya.” 28Sa qai kaci ko Jisu, ni sa vakatavuvuli tiko e na vale-ni-soro, ka kaya, “Dou sa kilai au, dou sa kila talega na vanua ka'u sa lako mai kina, ia ka'u sa sega ni lako mai vakai au ga, ia sa dina ko koya sa talai au mai, ia dou sa sega ni kilai koya. 29Ia ka'u sa kilai koya koi au, ni'u sa lako mai vei koya, ka sa talai au mai ko koya.” 30Era sa qai via vesuki koya, ia sa sega e dua sa tarai koya, ni sa sega ni yaco na nona gauna. 31Ia sa lewe vuqa vei ira na tamata era sa vakabauti koya, ka kaya, “Ni sa lako mai na Karisito, ena kitaka li na cakacaka-mana e vuqa cake e na veika oqori sa kitaka ko koya oqo?”
Era sa Talai na Ovisa me Ra Vesuki Jisu
32Ko ira na Farisi era sa rogoca ni sa vosataki koya lo vakaoqo ko ira na lewe vuqa, ia ko ira na Farisi kei ira na bete levu era sa tala eso na ovisa me ra tauri koya. 33Sa qai kaya vei ira ko Jisu, “Au sa tiko vakalailai ga kei kemudou, au na qai lako vua ka talai au mai. 34Dou na vakasaqarai au, ia dou na sega ni kunei au. Ia na vanua ka'u sa tiko kina, dou sa sega ni lako rawa kina.” 35Sa qai veikayaka ko ira na Jiu, “Ena lako beka kivei ko koya, me da sega kina ni kunei koya? Ena lako beka vei ira na duiveiseyaki vei ira na kai Kirisi, ka vakavulici ira na kai Kirisi? 36A vosa cava beka oqo sa kaya ko koya, ‘Dou na vakasaqarai au, ka sega ni kunea; ia na vanua ka'u sa tiko kina, dou sa sega ni lako rawa kina’?”
Na Veiuciwai ni Wai Bula
37 #
Vsoro 23.36
E na siga mai muri, ko ya sa levu e na solevu, sa tu ko Jisu ka kaci, ka kaya, “Kevaka e dua sa viagunu, me lako mai vei au ka gunu. 38#Isi 47.1; Saka 14.8O koya sa vakabauti au, me vaka sa tukuna nai Vola Tabu, ‘ena dave mai na ketena na veiuciwai ni wai bula.’ ” 39Ia na ka sa vosataka ko koya, sai koya na Yalo Tabu, ko koya ena yaco vei ira era sa vakabauti koya; ni se bera ni soli na Yalo Tabu; ni se bera ni vakarokorokotaki ko Jisu.
Era sa Veileti na Tamata
40E le vuqa vei ira na tamata ni ra sa rogoca na vosa oqo, era sa kaya, “Sa dina sai koya oqo na Parofita ko ya.” 41Sa kaya eso tani, “Sai koya oqo na Karisito.” Ia sa kaya eso tani, “Oi, ena lako mai Kalili na Karisito? 42#2Samu 7.12; Maika 5.2Sa sega li ni tukuna nai Vola Tabu, ni sa lako mai na Karisito mai na kawa i Tevita, ka mai Peceliema, na koro sa tiko kina ko Tevita?” 43A ra sa veiletitaki koya na lewe vuqa. 44A ra sa via tauri koya eso; ia sa sega e dua sa tarai koya.
Na Nodra Tawa Vakabauta nai Liuliu
45Era sa qai lako mai na ovisa vei ira na bete levu kei ira na Farisi, a ra sa kaya vei ira, “Dou sa sega ni kauti koya mai e na vuku ni cava?” 46Sa kaya ko ira na ovisa, “E sega e dua na tamata sa vosa me vaka na tamata oqo.” 47Era sa qai kaya na Farisi vei ira, “Dou sa vakacalai beka koi kemudou talega? 48Sa vakabauti koya e dua vei ira na turaga se vei ira na Farisi, se segai? 49Ia era sa cudruvi na lewe vuqa oqo era sa sega ni kila na vunau.” 50#Joni 3.1,2Sa kaya vei ira ko Nikotimo, ko koya ka lako mai vua eliu, ka sa dua vei ira, 51“Sa cudruva beka na tamata na noda vunau, ni sa sega ni rogoci koya mada eliu, ka kila na ka sa cakava?” 52Era sa kaya vua, “Ko iko talega na kai Kalili, ne? Mo vakasaqara ka kila ni sa sega e dua na parofita sa tubu mai Kalili.”
53A ra sa dui lako kecega ki na nona vale.
Trenutno odabrano:
Joni 7: FRV21
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
