Mataio 19
19
10. PAKANA MA 9.
1Ba Iesu i piraraptai mun a kum pirapira kumi, i wan taka Kalilaia ma i wan pat u ra kum pitpit u Iudaia u ra papara Ioridan urog iai: 2ma ra kum tara‐na‐kaiya diat patap un i; ma i wakadelpa diat iai. 3A kum te Faresaio kai diat wan korom i ma diat tiri walam tama i lena, I ka duk ba ta muana in petpukubiauai ku a nuna tebuan u ra lig rap, ba pate? 4I piri ta diat, Pa muat luki utbai lena, Ia ba i tara diara u ra kabina, i tara ku a muana ma ra tebuan, 5-6ma i piri lena, U ra lig kumi a muana in wan talura diara tamana ma nana, ma diara paluug takum ma ra nuna tebuan: ma rā ku a kămonogin diara. A lig kuma ba Nara i kubu ugai, koniku ta muana in pala‐weranai. 7Diat piri balet tana, Lelawai kuma Moses i nakokon lena, din tari a buk na petpukuai, ma din petpukuai? 8I piri ta diat lena, Moses i komonopa muat ku muat a petpukua diat a numuat kum tebuan, kuma i pătpătuan ku a balamuat: ma pa i lenkuma tak u ra kabina. 9Ma iau piri ta muat, Ba ta tebuan pa i pet na tinauru, ma ra nuna muana i petpukua i, ma diara taula ma ta tebuan bulug, ia kuma i pet na tinauru: ma ia ba in taula ma ra tebuan kuma di petpukua i mun, ia kai in pet na tinauru. 10A nuna tara na wawera diat piri tana, Ba lenkuma korom a muana ma ra nuna tebuan, pa i ka ba di taula. 11I piri ta diat, Diat kana rakanpa a pirapira kumi a kum tara rap, diat ku ba di taratai ta diat. 12Kuma ra kum iunok, di butapa diat lenkuma: ra kum iunok bulug a tara diat petai; ma ra kum iunok, diat ku diat pet a iunokpa diat na maru ra matanitu ko ra maua. Ia ba in rakan larapai, awakak ba in rakanpai.
13Ma di kip diat a kum nat liklik korom i, ba in paki a limana u diat ma in arig: ma ra tara na wawera diat wadubat diat. 14Ma Iesu i piri lena, Muat madekua diat a kum nat liklik ba diat a wan korom iau, Koniku muat pirabat diat: kuma diat u ra matanitu ko ra maua diat len diat bi. 15Ma i paki a limana u diat ma i wan taka iai.
16Ma boboi, te i kala korom i ma i tiri lena, Tenawawera, awa a koina lig ag peti, ag rakanpai uni a lalaun pa in rap? 17I piri tana, Lelawai kuma u tiri iau u ra koina lig? Rā ma ku i koina: ba u ligna ruk u ra lalaun, un ururu u ra kum pirawebat. 18Ma i tiri lena, O oi na pakan? Iesu i wapua i uni lena, Koniku umdokopa te, Koniku pet na tinauru, Koniku ualog, Koniku loklok, 19Un ururu u diara tamam ma nam; ma un mari a tepam lenkuma u mari ui. 20A baraman kuma i piri tana, A lig rap kumi iau taram ut uni: awa bulug ta lig iau iba uni? 21Iesu i piri tana, Ba u ligna pet a koina akit ui, un wan, un wiurai mun a num utna rap, un palau diat a kum kanau uni, ma kura un paki a utna korom ui u ra maua: ma un wan urin, un patap un iau. 22A baraman kuma ba i walogoropa a pakan a pirapira kuma, i tapunuk uni, ma i wan igen: kuma a petpalig akit ia.
23Ma Iesu i piri ta diat a nuna tara‐na‐wawera lena, Iau piri ligtatuna ta muat i galgalai korom a petpalig ba in ruk u ra matanitu i ra maua. 24Iau piri balet ta muat, A kamel in ruk aluru akit u ra mata ra nidel ma i galga lai akit korom a petpalig ba in ruk u ra matanitu a nun Nara. 25A tara‐na‐wawera ba diat walogoro i diat kakaian mat uni, ma diat lena, Ba lenkuma, O oi in lalaun? 26Ma Iesu i bobo diat, ma i wapua diat lena, A lig kumi i galgalai korom diat a tara; ma pa ta lig i galgalai korom Nara.
27Ma Petero i piri tana, Boboi, miat talbegua a lig rap, ma miat patap un ui: awa a lig kura miat a rakanpai uni? 28Iesu i piri ta diat lena, Iau piri ligtatuna ta muat, muat ba muat patap un iau, kura u ra pam‐kadoi, ba na Tu‐ra‐muana in ki tau u ra nuna kinkini na tadaru, ia ba di maratai, muat kai kura muat a ki u ra noina ma ruadi a kinkini na tadaru, ma muat a nakokon u diat a noina ma ruadi a un‐a‐tara Israel. 29Ma ia ba i wan talura a nuna kum ruma, ba a kum tetenalik muana, ba a kum tetenalik tebuan, ba tamana, ba nana, ba a kum na tunalik, ba a kum pia u ra iag, kura in rakanpai balet ta marina, ma ra lalaun pa in rap bulug. 30Kumi kai, ta mogoro ba diat muka kumari kura ut a tintinipina ma diat; ma diat ba a tintinipi diat kumari kura ut diat a muka.
Trenutno odabrano:
Mataio 19: RAI
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Published by the British and Foreign Bible Society in 1896.
