Ebik 24
24
Abayudaaya nibanyegerra Paulo omumaiso ga Feelikisi
1Obu haahingwireho ebiro bitaano, Ananiya, omukuru w'abanyakatagara, yaija n'abakuru b'enganda abamu, hamu n'omusaija Terutulo ow'okubatonganirra. Banyegerra Paulo hali omulemi omukuru. 2Obu baamwesire, Terutulo yatandika kumunyegerra naagamba ati:
“Oweekitiinisa Feelikisi, ihanga linu nirikusiima habw'okulireetera obusinge, nirikusiima habw'ebindi orukutegeka kuligarra obuhyaka. 3Hoona hoona kandi obutoosa tusiima entegeka yawe. 4Ntakwikaizeho, ninkusaba habw'embabazi zaawe, otuhulirizeho kake. 5Okukugambira amazima, turozire omusaija onu nkooku arukututalibaniza muno, naaleeta akatabanguko omu Bayudaaya abali omu nsi zoona, kandi nuwe mwebembezi w'ekitebe ky'Abanazareeni.#24:5 Abanazareeni nikyo kitebe ky'Abayudaaya abaayehongiire Ruhanga nibaragana okutamwa isoke. 6Ekindi, akalengaho okusiisa Enju ya Ruhanga, nukwo kumukwata. [Twagonza kumucwera omusango nituhondera Ebiragiro byaitu; 7baitu Lisiya, mukuru w'amahe yabitaahamu, yamutwiha omu ngaro n'amaani, 8naaragira abaamunyegeriire kwija hanu omu maiso gaawe.] Kandi na iwe obu oramukaguza noija kumanya kurungi buli kintu eki turukumunyegererra.”
9Abayudaaya bakwataniza na Terutulo, baagumya ebi byona nkooku biri by'amazima.
Paulo naayetonganirra
10Omulemi omukuru obu yamusimireho kubaza, Paulo yagamba ati; “Mmanyire omazire emyaka nyingi noocwera abantu b'ihanga linu emisango; nikyo ndukwetonganirirra ntarukutiina. 11Obu orakaguza abantu, noija kumanya nkooku mmazire ebiro ikumi na bibiri byonka nakaba kwija Yerusaalemu kuramya. 12Abantu banu batansange ninteera empaka n'omuntu weena, noobu kwakuba kutabatabura abantu omunju ya Ruhanga, rundi omu masorrokaniro, rundi omu rubuga. 13Kandi ebi barukunnyegererra hati, tibaina obwakaiso bwabyo. 14Baitu eki ndukwikiriza omu maiso gaawe nikyo kinu: Nyowe omu kuramya Ruhanga w'abaisenkuru itwe, ninkuratira Omuhanda bbo ogu barukweta akatebe akeecwireho. Obu, ninyikiriza byona ebiri omu Biragiro bya Musa n'ebyahandiikirwe abarangi. 15Okunihira kwange hali Ruhanga kuli kumu n'okwabu nkooku halibaho okuhumbuuka kw'abahikiriire n'abatahikiriire. 16Nikyo nyekambira obutoosa kwikara n'omutima ogutaina kamogo hali Ruhanga na hali abantu. 17#Ebik 21:17-28.Hati nkaleeta ebisembo eby'okukoonyera abanaku ab'ihanga lyaitu, hamu n'eby'okuhonga, habwokuba mmazire emyaka ntaija Yerusaalemu. 18Obu nkaba ninkyakora ebi, banu bansanga omunju ya Ruhanga, mmazire kwezibwa, ntaina kitebe ky'abantu kandi hataroho bwogo. Baitu hakaijaho Abayudaaya abamu abaarugire omu Asiya 19nubo baakwizire hanu kunnyegerra, obu baraaba baina eki barukunjunaana. 20Hatali eki, leka abantu abali hanu bagambe ekibi eki bandozireho obu baanyemeriize omumaiso g'orukurato. 21#Ebik 23:6.Obu nkaba nyemeriire hagati yabu nkagamba bwa nti: ‘Ha kiro kinu nintonganizibwa omumaiso ganyu habw'okwikiriza okuhumbuuka kw'abafu.’ ”
22Feelikisi ow'akaba naamanya kurungi eby'Omuhanda ogu, yakerereza omusango, yabaraganiza kiro kindi, yagambira Paulo ati: “Lisiya omukuru w'amahe obu aliija, nubwo ndicwa omusango gwawe.” 23Yaragira omukuru w'abaserikale kumulindira omu nkomo, baitu bamuheho obugabe kandi batatanga banywani be kumukorra ebi arukwetaaga.
Feelikisi naikaza Paulo omu nkomo
24Obu haahingwireho ebiro, Feelikisi yaija na mukazi we Durusilla Omuyudaayakati. Yatuma baleete Paulo, ahurre ebi arukwegesa ha by'okwikiriza Kristo Yesu. 25Baitu Paulo obu yatandikire kusoborra ha kuhikirra, ha kwetanga, na ha kucwerwa omusango okuliija, Feelikisi yatiina, yagamba ati: “Hati garukayo. Obu nditunga omwanya ndikweta.” 26Omu kasumi ako koona akaikara nanihira ngu, Paulo naija kumugulirra, nikyo yamweteraga emirundi nyingi kubaza nawe. 27Baitu obu haahingwireho emyaka ebiri, ekiikaro kya Feelikisi kyatwarwa Porukiyo Fesito; kandi Feelikisi habw'okugonza kusiimwa Abayudaaya, yasiga Paulo omu nkomo.
Trenutno odabrano:
Ebik 24: BRR2008
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Bible in Runyoro/Rutooro Interconfessional Translation © Bible Society of Uganda, 2008.