Yosua 19
19
Tana diben suku Simeon napumanah
1Ia to mangpenduanna nakanna undi iamo to suku Simeon pantan sisangrapu. Ia to tana tawana llanni tangngana tana manahna suku Yehuda. 2-6Den sangpulo tallu kota sola kampongna dibenni, iamo to kota Bersyeba, kota Syeba#19:2-6 Mbai ia to kota Syebaia bang una kota Bersyeba., kota Molada, kota Hazar-Sual, kota Bala, kota Ezem, kota Eltolad, kota Betul, kota Horma, kota Ziklag, kota Bet-Hamarkabot, kota Hazar-Susa, kota Bet-Lebaot na kota Saruhen.#1Tawarikh 4:28-33
7Den toopa appa' kota laen sola kampongna, iamo to kota Ain, kota Rimon, kota Eter na kota Asan. 8Ia toopa to sininna kampong mengguririkkina joo kota, ratu sau' kota Baalat-Beer (ia bang una to disanga kota Rama-Negeb#19:8 Negeb iamo padang makase merrante llo'na liu jio tana Kanaan.). Iamo joo to tana diben lako sininna rapunna suku Simeon la napumanah. 9Dibenni suku Simeon pira' to tanana suku Yehuda, nasaba' gaja luahhi to tawana. Iamo joo napumanah rapunna suku Simeon tana llan tangngana tana suku Yehuda.
Tana diben suku Zebulon napumanah
10Ia to mangpentallunna nakanna undi iamo to suku Zebulon pada sisangrapu. Ia to katonan tana tawana ratu lako kota Sarid. 11Pamula jio mai kota Sarid, mangnguju kalambunan male de' kota Marala, sikande to kota sola salu kadellekanna kota Yokneam. 12Ia to katonan mangnguju kadellekan pamula jio mai kota Sarid, nnola Kislot-Tabor, nnola kota Dobrat, male de' kota Yafia. 13Jio mai kota Yafia nnola kota Gat-Hefer, namale lako kota Et-Kazin, nnola kota Rimon, namellekko lako kota Nea. 14Ia to katonan jajanna liu, mangpamula jio mai kota Nea, namellekko nnola kota Hanaton na cappa' jiong Lombok Yiftah-El. 15Mentama tooi to kota Katat, kota Nahalal, kota Simron, kota Yidala na kota Betlehem. Ia to tana tawana suku Zebulon den sangpulo dua kota sola kampongna. 16Iamo joo kota sola kampongna to diben sininna rapunna suku Zebulon la napumanah.
Tana to diben suku Isakhar napumanah
17Ia to mangpennappa'na nakanna undi iamo to suku Isakhar pantan sisangrapu. 18Ia to tana tawana iamo to: kota Yizreel, kota Kesulot, kota Sunem, 19kota Hafaraim, kota Sion, kota Anaharat, 20kota Rabit, kota Kisyon, kota Ebes, 21kota Remet, kota En-Ganim, kota En-Hada, na kota Bet-Pazes. 22Ia to katonan jajanna liu mangpamula jao Buntu Tabor, nnola kota Sahazima, na kota Bet-Semes, nacappa' jio randan Sa'dan Yordan. Den sangpulo annan kota sola kampongna. 23Iamo joo kota sola kampongna to diben sininna rapunna suku Isakhar la napumanah.
Tana to diben suku Asyer napumanah
24Ia to mangpellimanna nakanna undi iamo to suku Asyer pantan sisangrapu. 25Ia to tana tawana iamo to kota Helkat, kota Hali, kota Beten, kota Akhsaf, 26kota Alamelekh, kota Amad, na kota Misal. Ia to katonan kalambunan ndete' Buntu Karmel sola Sa'dan Libnat. 27Jio mai Sa'dan Libnat mellekko mangnguju kadellekan kota Bet-Dagon, sikande tanana suku Zebulon sola Lombok Yiftah-El, male re' kota Bet-Emek na kota Nehiel. Jio mai kota Nehiel tarruh re' kota Kabul, 28kota Ebron, kota Rehob, kota Hamon, na kota Kana ratu re' kota Sidon. 29Jaja mai kota Sidon mellekko nnola kota Rama, na kota Tirus, mesa' kota naguririkki tembo' matande namawatang, namane' mellekko nnola kota Hosa, nacappa' llan randan Tasik Tangnga. Ia to tana tawana suku Asyer, mentama toopa to kota Mahalab na kota Akhzib, 30kota Uma, kota Afek, na kota Rehob. Den duang pulo dua kota sola kampongna to naputawa suku Asyer. 31Iamo joo kota sola kampongna to diben sininna rapunna suku Asyer la napumanah.
Tana to diben suku Naftali napumanah
32Ia to mangpennannanna nakanna undi iamo to suku Naftali pantan sisangrapu. 33Ia to katonan tana tawana, mangpamula jio kota Helef, jio garonto' kaju matonggo jio kota Zaananim, nnola kota Adami-Nekeb sola kota Yabneel, nnola kota Lakum, namane' cappa' jio randan Sa'dan Yordan. 34Jio mai Sa'dan Yordan mellekko mangnguju kalambunan nnola kota Aznot-Tabor sola kota Hukok. Ia to katonan llo'na liu sikande tana manahna suku Zebulon, na llan kalambunan sikande tanana suku Asyer, na jio kadellekan angge randan Sa'dan Yordan. 35Ia to kotana to naguririkki tembo' matande namawatang iamo to kota Zidim, kota Zer, kota Hamat, kota Rakat, kota Kineret, 36kota Adama, kota Rama, kota Hazor, 37kota Kedes, kota Edrei, kota En-Hazor, 38kota Yiron, kota Migdal-El, kota Horem, kota Bet-Anat, na kota Bet-Semes. Den sangpulo kasera kota sola kampongna. 39Iamo joo kota sola kampongna to diben sininna rapunna suku Naftali la napumanah.
Tana to diben suku Dan napumanah
40Ia to mangpempitunna nakanna undi iamo to suku Dan pantan sisangrapu. 41Ia to tana tawana, iamo to: kota Zora, kota Esytaol, kota Ir-Semes, 42kota Saalabin, kota Ayalon, kota Yitla, 43kota Elon, kota Timna, kota Ekron, 44kota Elteke, kota Gibeton, kota Baalat, 45kota Yehud, kota , kota Gat-Rimon, 46kota Me-Yarkon, kota Rakon, na tana mengguririkkina kota Yope. 47-48Iamo joo kota sola kampongna to diben sininna rapunna suku Dan la napumanah, apa te'da nakullei rrampai, sanga gaja watangngi joo ampu kampong. Iamo joo namale re' kota Lesem nararii nataloii to tau jaja. Napa'dangngi ngasanni to tau jaja namate, naalai joo kota nanii torro. Iamo joo nasulleii sanganna joo kota Lesem menjaji kota Dan, sanganna tojolona.#Hakim-hakim 1:34, 18:27-29
Yosua ditawai tana napumanah
49Ia tonna mangka ngasanmo ditawa to tana lako to-Israel, diben tooi pira' tana tawana Yosua, anakkana Nun, napumanahhi. 50Situru' parenta-Na PUANG Allataala, nadiben to kota napeta'da, iamo to kota Timnat-Serah jao membuntunna tana suku Efraim. Napemeloi pole'i Yosua joo kota nanii torro.
51Susimi joo Imang Eleazar, na Yosua anakkana Nun, sola sininna tomatua-tua to-Israel mpeta'da pangpatujun-Na PUANG Allataala ntawa tana mpake undi, naditawan suku to-Israel jio kota Silo jio olo Tenda Kasitammuan PUANG Allataala. Susimi joo mangkaii ntawa tana.
Trenutno odabrano:
Yosua 19: mvpAD
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© Wycliffe Bible Translators, Inc. All rights reserved.