Popularni biblijski stihovi od MATIUS 5

Podijeli

Akuni indu akda kalok, walu abura tebelogo bi tagodek o. Ar indu ebe waganogo akdikmu lektogo yibadogo bugwi, nen ir uma welagwi mendek indu akbinak paga welagwi o. Kir akuni inilka paga kinakbinak eti yibadek dogorak o, kir kinobabur pano ekwi mendek, ir inil kugun paga, Kinombae mbogor paga mendek, endaga pogorarugun o.”

Kir kinebe o akbinak ndak-ndak o. O ado paga palek eti, kiragago bu ndak dek o.

Ir akuni iniliti maduk dek pano mondok werek eti, inakla adeknggen mondok dogowak o Nenaluk ir akuni eti Ar Allah inil kugun o.

Kir akuni Ar Allah Ane mbalek abu kugwi mende eti kinakla adeknggen mondok dogoni o; Nenaluk Ar Allah nen kir ndonggorogon arar ekbinagagin o!

Ogwe, An wene ambi yogondak kir yokirak o: kinogari kinom agorek welagwi mendek kiniliti kunik eginaku dogoni o, nen akuni kir anggin panggin ekinakwi mendek inake, tamban ekudogoni o

“Kir akuni Ar Allah ilka paga kininggi dek mende eti kinakla adeknggen mondok dogoni o; Nenaluk ir eti Ar Allah akburi mende arar onde arugun o!

Ir akuni maga wene wolok nugwi mendek, inakla adeknggen mondok dogowak o; Nenaluk ir akuni eti Ar Allah nen ir An nakburi arar yiluk yoragin o!

Kir akuni kumbimo welagwi mende eti kinakla adeknggen mondok dogoni o; Nenaluk ir inile mbalogo yonggoninabigin o!

Ir akuni Ar Allah akla andaktaga ndak-ndak ekwi kalok, ir akuni ambetak nen inoba anggin panggin erinabir tagwi eti, inakla adeknggen arar dogowak o; Nenaluk ir inebe Ar Allah akburi arar etarugun o!

Kir akuni ir akuni ambetak kiniliti kunik paga inakba erinakwi mendek eti, kinaklah adeknggen mondok dogoni o Nenaluk kir Ar Allah nen kinakba erigin o!

Akuni An nake paga, akuni nen inane maduk yokiragwi, ndugi kinakwi, yiduk maduk ekinakwi mendek, kinakla adeknggen dogoni o. Kir auwan kinagik, pagane ir ap nabi-nabi etegerogon ar, yiduk maduk erinaku lagugwa ar o. Etegerogon ekinakwi dagik, kir kinakla adeknggen ar dogoni o, nenaluk Ar Tuhan nen ye mendek nde mendek kinake kuwak erogo bege mendek wokiragin o.”

Kir akuni kinoba tagin welagwi mendek eti kinakla adeknggen mondok dogoni o; Nenaluk ir o agar paga yoma onde arugun o!

“Kir kinebe agar paga yoma mayu ndak-ndak o. Mayu aik dek agatek kalok, aik werek eru ndak a? Aik werek eru ndak dek kalok mbo lakbugwi nen iniyok paga mburalogo bugwi erir taga mende o.

Kinombae mbogor paga mendek nen, kir obok ndak-ndak kinakba kertaga mendekma, kir etegerogon ar eku dogoni o.”

Iblis nen wene maduk mendek pakalok inakla nggagali taga mendek ma, kir nen kinane amburu yuwok nen yiluk kalok ‘Ebebar o, dek o,’ yiluk eta imbirak ar yugu dogorak o.”

“Wene mbalek edo ambi, Kir kinil ndagalkwi kalok, onggo ar il ar ndagalurak o, nen kir kinaik danggulkwi kalok, onggo ir inaik ar danggulurak o, yiluk kir kinilu welagop o. Ogwe yogondak An wene edo ambi kir yokirak taga o: Akuni nen kar maduk ekakwi kalok, konggo kodagup o. Ebe kwak kar nen erurak eti, kendowak ebemangge etoma kaka kalok, kar kendowak penaknggwe etoma inom ar narin o, yiluk yorurak o.

Kar kil ebemangge nen maduk ekaka kalok, kil ebe ma nggwe eti kidilogo mbo lak burak o! Pano kwak eti koba kunik mende mbalogo mbo lakbumo nen mbogor taga unggurak kwak pano o, ogwe nenaluk koba mende kunik obogar kigik ar ogwe inom pudugu indumo lakbagu kwak eti ar maduk o. Kar kinggi ebema nggwe nen maduk ekaka kalok, kinggi eti mbalogo mbo lakbino o! Kebe apirar wokarek indumo unggu nogo, yiluk ake nen, kinggi penak etoma dek erogo bu eti pano ar o.”