Popularni biblijski stihovi od MATAIO 27

Podijeli

Vadaeni adorahi neganai Iesu ia boiboi mai goada danu, ia gwau, “Eloi, Eloi, lama sabakatani?” ena anina be, “Egu Dirava e, egu Dirava e, dahaka dainai lau oi rakatania?”

Unai neganai Dubu Helaga ena koua dabua helagana badana be ia darea, ataiai dekena amo ia diho mai bona henuna dekenai, kahana rua ia lao. Tano danu ia mareremarere, nadi badadia danu idia makohia, bona mase guria gabudia danu idia kehoa, helaga taudia momo be mase dekena amo idia toreisi lou.

To Iesu ma ia boiboi bada, vadaeni ia mase.

Tuari biaguna mai ena tuari taudia danu, Iesu dekenai idia naria noho taudia, ese tano mareremarere, bona idia vara gaudia idia itaia, vadaeni idia gari bada, idia gwau, “Momokani, inai be Dirava ena Natuna.”

Dina tubua dekena amo dibura ese tanobada ibounai ia koua, ela bona adorahi.

Vadaeni Pilato ese ma ia nanadaia idia dekenai, ia gwau, “To Iesu, idia gwauraia Keriso dekenai be dahaka do lau karaia?” Idia ibounai idia haere nega tamona, idia gwau, “Do oi hasatauroa!” Pilato ia gwau, “Be, iena dika be dahaka?” To idia boiboi momo mai goada danu, idia gwau, “Do oi hasatauroa.”