<div class="version vid3576 iso6393gvs" data-vid="3576" data-iso6393="gvs">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s1">Mluwa tetelina</div><div class="p"> 1E idigo kana,</div><div class="pm">&#8216;Nowa, kom bogina agitem, tomota liliudi yaidi goi kom amta nuwogu ana , tauna kom mam bodao dedeoga goi kosow&#333;ya. 2Yoguyogu taagonaidi#7:2 Yoguyogu taagonaidi: Ame yoguyoguyadi Isileli tubunao madi tagona sikanidi. ituli ituli tamo tamo bolamo ainima aiyuwo be bovavina ainima aiyuwo dedeogayana goi kudod&#333;idi. Yoguyogu vaatabudi#7:2 Yoguyogu vaatabudi: Ame yoguyoguyadi Isileli tubunao geya adi tagonamo sikanidi unana bomadi. ituli ituli tamo tamo bolamo tayamo be bovavina tayamo dedeogayana goi kudod&#333;idi. 3M&#225;nuwo tamo tamo nakae, yaidi goi bolamo ainima aiyuwo bovavina ainima aiyuwo kukab&#299;di kudod&#333;idi bei poyapoya goi kuyavedi, e bei poyapoyayana ana madabokina goi sisusailamna. 4Moe nakae kuguin&#363;we unana maliyalina ainima aiyuwo mlidi k&#250;wana bei aetune isou iwo maliyalina poti be nakae sabamgo poti. Kaga liliuna ma yawoidi poyapoya goi boi aoodugudi bei asamatedi. Tauna yoguyogu be m&#225;nuwo kudod&#333;idi.&#8217;</div><div class="m"> 5Tuwo kaga liliuna Yauwe iidigedi Nowa iguinuwedi.</div><div class="p"> 6E kina go Nowayana ana tala bogina sikisi andedi (600) tutayana mluwa isow&#243;duwo be poyapoya ilatao. 7Tuwo moitamo kidi Nowa ma natunao be monena be nakae natunao monediyao taiyao dedeogayana goi sisowoya mluwa pasina.#Mad 24:38-39; Luk 17:27; Ibe 11:7. 8Yoguyogu tamo tamo ituli ituli, taagonaidi be vaatabudi, m&#225;nuwo tamo tamo ituli ituli be nakae kaga liliuna poyapoya goi sidaladala tamo tamo ituli ituli, 9aiyuwo aiyuwo, bolamo be bovavina, sima dedeoga goi sisiu sima Nowa yaina nakae Yaubada ilovina. 10Tuwo maliyalina ainima aiyuwo bogina sikavava, e mluwa ima.</div><div class="p"> 11E Nowa ana tala sikisi andedi (600) goi be tuk&#243;wana aiyuwoina#7:11 Tuk&#243;wana aiyuwoina: Ame nakona Novemba. be maliyalina seventin (17) goi moe isow&#243;duwo. Amo maliyalinayana goi doelu liliudi iuwoosidi bwae gagaina poyapoya sinaena goi sikaubob&#243;bwala be nakae y&#225;bana ikatup&#225;eva,#2Pi 3:6. 12e k&#250;wana gagaina isou ima poyapoya goi maliyalina poti (40) be nakae sabamgo poti (40).</div><div class="p"> 13Amo maliyalinayana goi Nowa mana bodao dedeoga gagaina goi sisowoya. Moe tauyana ma monena natunao Semi, Em be Diyepeta be monediyao adi taito taiyao. 14Woiwoi tamo tamo, yoguyogu tamo tamo, kaga liliuna poyapoya goi sidaladala, m&#225;nuwo tamo tamo be nakae manum&#225;nuwo tamo tamo nakae taiyao sisowoya. 15Kaga liliuna neta maa yawoidi, e aiyuwo aiyuwo sima dedeogayana goi sisowoya sima Nowa yaina.#1Pi 3:20-21; 5:5. 16Tosowoyayadi moe bolamo be bovavina nakae Yaubada bogina Nowa ilovinae. E sisowoya ikavava, dedeogayana ana totom Yauwe ikatunibode.</div><div class="p"> 17E mluwa idaudau maliyalina poti (40), e bwae ituko gagaina, ikaniku nakae dedeogayana iluwoi. 18Bwae ivakaigaga nakae poyapoya ana madabokina ilatao go, dedeogayana bwae yatana goi idoidoiye. 19Tuwaina bwaeyana itukotuko ana kad&#243;kana koya gagaidi liliudi poyapoya ana madabokina goi nakae ilataoidi. 20Bwaeyana ituko ina nakae ana tukotuko moe ovavasi koyayadi ilataoidi. 21Tuwo kaga liliuna maa yawoidi poyapoya goi sikamasa k&#243;wasa. M&#225;nuwo, yoguyogu, woiwoi, manum&#225;nuwo be tomota liliudi nakae sik&#225;masa. 22Kaga liliuuna poyapoya goi sikaaiyaka maa yawoidi, e sik&#225;masa. 23Tauna nakae kaga liliuna maa yawoidi poyapoya goi kina Yauwe isamatedi. Madabokidi, tomota, yoguyogu, kaga liliuna sidaladala be m&#225;nuwo isamatedi. Geya kada tayaamo ikesa geya, go sem Nowa mana bodao aditava dedeoga goi sikaaiyaka.</div><div class="p"> 24E bwae poyapoya iilatao maliyalina ana badabada tayamo andedi pipti (150).</div>
 </div>
 </div>
</div>

E idigo kana,
‘Nowa, kom bogina agitem, tomota liliudi yaidi goi kom amta nuwogu ana , tauna kom mam bodao dedeoga goi kosowōya. Yoguyogu taagonaidi ituli ituli tamo tamo bolamo ainima aiyuwo be bovavina ainima aiyuwo dedeogayana goi kudodōidi. Yoguyogu vaatabudi ituli ituli tamo tamo bolamo tayamo be bovavina tayamo dedeogayana goi kudodōidi. Mánuwo tamo tamo nakae, yaidi goi bolamo ainima aiyuwo bovavina ainima aiyuwo kukabīdi kudodōidi bei poyapoya goi kuyavedi, e bei poyapoyayana ana madabokina goi sisusailamna. Moe nakae kuguinūwe unana maliyalina ainima aiyuwo mlidi kúwana bei aetune isou iwo maliyalina poti be nakae sabamgo poti. Kaga liliuna ma yawoidi poyapoya goi boi aoodugudi bei asamatedi. Tauna yoguyogu be mánuwo kudodōidi.’
Tuwo kaga liliuna Yauwe iidigedi Nowa iguinuwedi.
E kina go Nowayana ana tala bogina sikisi andedi (600) tutayana mluwa isowóduwo be poyapoya ilatao. Tuwo moitamo kidi Nowa ma natunao be monena be nakae natunao monediyao taiyao dedeogayana goi sisowoya mluwa pasina. Yoguyogu tamo tamo ituli ituli, taagonaidi be vaatabudi, mánuwo tamo tamo ituli ituli be nakae kaga liliuna poyapoya goi sidaladala tamo tamo ituli ituli, aiyuwo aiyuwo, bolamo be bovavina, sima dedeoga goi sisiu sima Nowa yaina nakae Yaubada ilovina. Tuwo maliyalina ainima aiyuwo bogina sikavava, e mluwa ima.
E Nowa ana tala sikisi andedi (600) goi be tukówana aiyuwoina be maliyalina seventin (17) goi moe isowóduwo. Amo maliyalinayana goi doelu liliudi iuwoosidi bwae gagaina poyapoya sinaena goi sikaubobóbwala be nakae yábana ikatupáeva, e kúwana gagaina isou ima poyapoya goi maliyalina poti (40) be nakae sabamgo poti (40).
Amo maliyalinayana goi Nowa mana bodao dedeoga gagaina goi sisowoya. Moe tauyana ma monena natunao Semi, Em be Diyepeta be monediyao adi taito taiyao. Woiwoi tamo tamo, yoguyogu tamo tamo, kaga liliuna poyapoya goi sidaladala, mánuwo tamo tamo be nakae manumánuwo tamo tamo nakae taiyao sisowoya. Kaga liliuna neta maa yawoidi, e aiyuwo aiyuwo sima dedeogayana goi sisowoya sima Nowa yaina. Tosowoyayadi moe bolamo be bovavina nakae Yaubada bogina Nowa ilovinae. E sisowoya ikavava, dedeogayana ana totom Yauwe ikatunibode.
E mluwa idaudau maliyalina poti (40), e bwae ituko gagaina, ikaniku nakae dedeogayana iluwoi. Bwae ivakaigaga nakae poyapoya ana madabokina ilatao go, dedeogayana bwae yatana goi idoidoiye. Tuwaina bwaeyana itukotuko ana kadókana koya gagaidi liliudi poyapoya ana madabokina goi nakae ilataoidi. Bwaeyana ituko ina nakae ana tukotuko moe ovavasi koyayadi ilataoidi. Tuwo kaga liliuna maa yawoidi poyapoya goi sikamasa kówasa. Mánuwo, yoguyogu, woiwoi, manumánuwo be tomota liliudi nakae sikámasa. Kaga liliuuna poyapoya goi sikaaiyaka maa yawoidi, e sikámasa. Tauna nakae kaga liliuna maa yawoidi poyapoya goi kina Yauwe isamatedi. Madabokidi, tomota, yoguyogu, kaga liliuna sidaladala be mánuwo isamatedi. Geya kada tayaamo ikesa geya, go sem Nowa mana bodao aditava dedeoga goi sikaaiyaka.
E bwae poyapoya iilatao maliyalina ana badabada tayamo andedi pipti (150).

Slušajte Aba Vatowo 7