Salmos 2
2
Salmo 2
Sukan tátnuni iya ni kaji maa Su'si ma
1¿Nava'a ka ndaxtutu tna'a ñayii ndi‑in ndi‑in ñuu ma
te ka ndatnu'u tna'a i tna'a ja masu nde jiniñu'u ma?
2Tee ka kuu rey ja ka tatnuni de ndi‑in ndi‑in ñuu ma,
ji'in tee ka kuu gobiernu ma, ka ndututu de,
te ka ndatnu'u tna'a de ja masu jin kandija de ja ká'an Su'si ma,
ji'in ja ká'an Sa'ya ya ni sunkoo ya ja tatnuni ya ma.
3Te ka ka'an de:
“Jín sakuechi jín salikin o yo'o kaa yinda'a ya a,
sukan‑va'a jín yaa o te máko jin kunukuechi‑ka o nuu ya ma”,
ka kuu de ka ka'an de.
4Kovaa Iya Tátnuni iyo onde andivi ma
chi jakundee‑ni ya ñayii ka ka'an sukan.
5Sani te nuna ndakiti ini ya te ndonda ya nuu i
chi jin koyu'u xen‑xeen i, vaa îyo xeen ndonda ya nuu i.
6Te kuña'a ya:
“Saña chi ni satu'va sa Rey sa ma
ja tatnuni ya ñuu Sion ma nuu iyo yuku ii ma.”
7Sa'a ká'an Sa'ya ya ma:
“Saña chi kaxtnu'u sa sukan ká'an Iya Tátnuni ma.
Maa ya chi sa'a ká'an ya ja kuu sa:
Ro'o kúu Sa'ya ri, te vitna te maa ri kúu Yuva ro.
8Kakan‑ta'vi nuu ri,
te taa ri ja nduta'vi ro ni‑ka'nu ñuu ñayivi a,
te kuenda maa ro ko kuu ndaka ñuu a.
9Te maa ro tatnuni ji'in tnu'u ndee tnu'u ndatnu
kinda'a ro a,
te na in ma kandija ja tatnuni ro ma
chi iyo tnu'u ndee tnu'u ndatnu ro ja xnaa ro i
sukan tá'vi kisi ñu'ú ma ja kukuechi kulikin i te naa i ma‑ni,
kúu ya ká'an ya.”
10Ndijin ja ka kuu ni rey ma
ji'in gobiernu ja ka tatnuni ni ñuu ñayivi a,
jin koniniso'o ñukuun ni ja ká'an sa a,
te jin jaku'ni ini ni sukan káxtnu'u sa a.
11Jin kunukuechi ni nuu Iya Tátnuni ma,
te jin koyu'u ni ya,
vaa ndakan ya kuenda naxe ka sa'a ka kuu ni ma.
Chukan kúu ja jin koo sii ini ni, te jin ndachiñu'u ni ya.
12Vivii jin ndachiñu'u ni Sa'ya ya ma,
nasa yukan te ndakiti ini ya, nú ma sa'a o sukan kúni ya ma,
te xnaa ña'a ya ichi kuan koo ni ma,
vaa masu yii‑ni kúu ja ndakiti ini ya ma.
Kovaa ndaka ñayii ka kukanu ini ja suu ya ko koto va'a ña'a ma
chi sii ini xeen ka iyo i.
वर्तमान में चयनित:
Salmos 2: xtm
हाइलाइट
शेयर
कॉपी
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.