Génesis 10
10
Noépa awẽ rewuduwu
1Nawu Noépa awẽ wakewu Sem Cam Jafet nawawe atũ kaiwuu uduax ichapanawã kaĩpakedakawu. Enewa ma daxaitadu wake adiwu. 2Jafetpa wakewu Gómer Magog Madai Javán Tubal Mésec Tirás. 3Gómerpa wakewu Asquenaz Rifat Togarmá. 4Javánpa wakewu Elisá Tarsis Quitim Rodanim. 5Jafet awẽ kaiwuu uduax ichapanawã kaĩpakedakawu enewa ketukunu ipaudiwu. Naduax atũ bai aduax atũ tsai wistichi tsaipaudiwu.
6Campa wakewu Cus Misraim Fut Canaán. 7Cuspa wakewu Sebá Havilá Sabtá Raamá Sabtecá. Raamá wakewu Sebá Dedán. 8Cuspa awẽ wake wetsa Nimrod. Nimrod awẽ bai adua diaiwu bitsisipa iki taedi. 9Diospa axuwaidu Nimrod yuina retebis idi. Naskax naatiiwixu: “Nimrod yuina retebiskui”, wadiwu.
10Na pexe ichapa atũ ade Babel Érec Acad Calné atũ bai awẽ ade Sinar idi. Na pexe ichapa Nimrod atũ diaiwukui idi. 11Sinar aduax Nimrod bai Asur adu kadi. Pexe ichapa wadi awẽ ade Nínive wetsa Rehobot Ir wetsa Quélah. 12Quélah Nínive nexpakayadua Resen pexe ichapa ewapakui pexe wadi. 13Naskadu Misraim awẽ kaiwuunuax ichapanawã kaĩpakedakawu bai wetsa adu ipaudiwu. Nadu ludeowu ipaudiwu anameowu ipaudiwu lehabitawu ipaudiwu naftuhítawu ipaudiwu 14patruseowu ipaudiwu casluhítawu ipaudiwu caftoritawu ipaudiwu. Nawawe atũ kaiwuu uduax ichapanawã kaĩpakedakawu filisteowu ipaudi.
15Canaánpa awẽ wake iyuakui awẽ ade Sidón idi. Sidónpa chipuke Het. 16Naskaxu Canaán awẽ kaiwuu uduax ichapanawã kaĩpakedakawu adedi jebuseowu ipaudiwu amorreowu ipaudiwu gergeseowu ipaudiwu 17heveowu ipaudiwu araceowu ipaudiwu sineowu ipaudiwu 18arvadeowu ipaudiwu semareowu hamateowu ipaudiwu. Naskax chipu naatiiwi cananeowu na baitiu paxkanadiwu. 19Naatiiwi na Canaán awẽ kaiwuu uduax ichapanawã kaĩpakedakawu na baitiu atũ bai ewapa na Guerar aduax pexe ichapa Sidón ari dukudiwu. Naduax pexe ichapa Gaza adu dukudiwu. Naduax pexe ichapa Sodoma Gomorra Admá Seboím Lesa aduri Canaán kaiwuunuax ichapanawã kaĩpakedakawu atũ bai ipaudi. 20Campa awẽ kaiwuu uduax ichapanawãwu kaĩpakedakawu. Na baitiu awẽ kaiwuuya atũ bai aduax atũ tsaima ipaudiwu.
21Naskata Noépa wake Sem awẽ extu Jafet. Sem wake ichapaya idi. Naatiiwi Éber wakewu Sempa awẽ kaiwuu uduax ichapanawã kaĩpakedakawu. 22Sempa wakewu Elam Asur Arfaxad Lud Aram. 23Aram wakewu Us Hul Guéter Mas. 24Arfaxad awẽ wake Sélah idi. Naskata Sélahpa awẽ wake Éber. 25Naskadu Éber wake raweya idi. Naskaxu wetsa adedi Péleg. Péleg iyuatiã baitiixu paxkanadiwu taediwu. Awẽ extu awẽ ade Joctán. 26Joctánpa awẽ wakewu adedi Almodad Sélef Hasar Mávet Jérah 27Hadoram Uzal Diclá 28Obal Abimael Sebá 29Ofir Havilá Jobab. Naatiiwi nawu Joctánpa awẽ wakewu idi. 30Nawu atũ bai Mesá aduax Sefar dukudiwu. Na Sefar bai adu wari ubis ari bachi ichapawu idi. 31Nawu Sempa awẽ kaiwuu uduax ichapanawã kaĩpakedakawu. Bai wetsa xuku wetsawu tsai wetsaya atũ bai aduax idiwu.
32Nawu Noépa awẽ kaiwuu uduax ichapanawã kaĩpakedakawu. Naskax baiwutii ichapa kaĩdiwu. Nawu bai wetsawuya idiwu. Enewa daxadu chipu paxkadiwu. Naskax baiwutii paxkakadax yura wetsa keskara idiwu.
वर्तमान में चयनित:
Génesis 10: mtsB
हाइलाइट
शेयर
कॉपी
Want to have your highlights saved across all your devices? Sign up or sign in
