Лукастар 22
22
Иуда допхэнэлпэ тэ здэл Исусос
1Поджалас свэнко Бизакваскатирэн марнэн, саво инке акхарэласпэ Патради. 2Барэ рашая и сытяримаря Законостирэ родэнас, сар тэ умарэн Исусос, нэ даранас манушэндар.
3Тунчи Сатана вжыля андо Иуда, савэс акхарэнас Искариото, екх андай дэшудуй. 4Вов жыля и дя дума лэ барэ рашаенца и пхурэдэрэ халавдэнца, сар тэ здэл лэнди Исусос. 5Онэ радосайле и допхэндэпэ тэ дэн лэсти ловэ. 6Вов дя лав и родэлас лащи вряма, сар тэ здэл Исусос, кала пашэ на авэла манушэн.
Сытярнэ гытонпэ кай и Патради
7Авиля дес Бизакваскатирэн марнэн, кала трэбуй сас тэ зашынэн патрадятирэс бакрорэс. 8Исусо бишалдя лэ Пэтрос тай лэ Иоанос, пхэндя лэнди:
— Жантэ, пригытон важ амэнди патрадяко хамос.
9— Кай Ту камэс, соб амэ тэ гытосарас? — пушле онэ.
10Вов пхэндя лэнди:
— Кала тумэ зажана андо форо, дикхэна манушэс, саво андярэл кхоро паеса. Жантэ пала лэстэ андо чер, андэ саво вов зажала, 11и пхэнэн лэ хуласти пав чер: «Сытяримари пхэнэл тути: "Кай тхан андо чер, соб Манди тэ хав патрадяко хамос лэ сытярнэнца Мэрнэнца?"» 12И вов сикавэла тумэнди баро, гытосардо тхан упрэ андо чер, котэ гытон.
13Онэ жыле и вся удикхле кадя, сар пхэндя лэнди Исусо, и гытосардэ патрадяко хамос.
Исусо хал патрадяко хамос лэ сытярнэнца
14Кала авиля вряма Исусо бэшля лэ апостолонэнца палай мэсали. 15Тунчи Исусо пхэндя лэнди:
— Сар фартэ Мэ камавас тэ хав кадва патрадяко хамос тумэнца майанглал, сар Манди авэла бари грыжа. 16Пхэнав тумэнди, со Мэ будэр на авава тэ хав патрадяко хамос жы кала кадья Патради терэлапэ андо Тхагаримос Дэвлэско.
17Тунчи Вов ля о тахтай молэса, наисардя и пхэндя:
— Лэнтэ и пэнтэ андар лэстэ всаворэ. 18Пхэнав тумэнди, со Мэ будэр на авава тэ пав пимос виноградостар жы кола вряматэ, кала авэла Тхагаримос Дэвлэско.
19Тунчи Вов ля о марно, наисардя пала лэстэ Дэвлэс, пэрэпхагля и дя лэнди. Вов пхэндя:
— Када исин тило Мэрно, саво пала тумэндэ отдэлпэ. Терэн када, кай сэрэн пала Мандэ.
20Кала онэ хале, упалэ ля о тахтай и пхэндя:
— Кадва тахтай исин нэво завето андо Мэрно рат, саво пала тумэндэ питял. 21Акэ, васт колэско, ко Ман прэдэла, Манца палай мэсали. 22Нэ Шаво Манушыкано жал, сар Лэсти трэбуй. Тай бида колэсти манушэсти, саво прэдэл Лэс.
23Тунчи апостолоря линэ тэ пушэн екх екхэстар, ко лэндар када терэла.
Ко майпхурэдэр?
24Тунчи онэ линэ тэ ханпэ машкар пэстэ, ко лэндар авэла пхурэдэр. 25Исусо пхэндя лэнди:
— Тхагара аврэ пхувьяндар припхэнэн пэстирэ народонэнди, кола, савэндэ исин баримос, пхэнэн, кай онэ терэн мищимос. 26Ай тумэ на авэн кацавэ, сар онэ. Тумэндэ мэк майпхурэдэр авэла, сар майцэкно, и рай — сар бутярно. 27Ко майпхурэдэр? Кодва, ко бэшэл палай мэсали? Ай бутярно? Чи най кодва, саво бэшэл палай мэсали? Нэ Мэ машкар тумэндэ, сар бутярно. 28Тумэ ашылепэ Манца, сар Манди сас бида. 29Сар Мэрно Дад дя Манди Тхагаримос, кадя Мэ икхатар дав лэс тумэнди, 30кай и тумэ тэ хан и тэ пэн палай Мэрни мэсали андо Тхагаримос Мэрно, и бэшэна тумэ пэ троноря, кай тэ сындосарэн дэшудуй родоря лэ Израилёстирэ.
Исусо пхэнэл, сар Пэтро отпхэндёла Лэстар
31— Симоно! Симоно! Акэ, Сатана мангэлас тэ зумавэл тумэн и тэ жужарэл, сар о ворзо жужарэн. 32Нэ Мэ манглем пала тутэ Дэвлэс, кай тэ на хасарэс патимос тиро. Ай ту ежэно, кала рисавэса Мандэ, подритяр лэ пхралэн тирэн.
33Пэтро пхэндя Лэсти:
— Рай, Туса мэ гытомэ тэ жав Туса андо баруно и по миримос!
34Нэ Исусо пхэндя:
— Пхэнав тути, Пэтро, на задилабэла адес башно, сар ту тривар пхэнэса, со на жанэс Ман.
35Тунчи Исусо пхэндя лэнди:
— Кала Мэ бишалавас тумэн битышылако, и битрастако, и бипэрналэнго, со тумэнди на хутилэлас?
Онэ пхэндэ:
— Най, вся хутилэлас.
36— Нэ икхатар, — пхэндя Исусо, — сар кастэ исин тышыла, лэ пэса, кадя ж лэ и траста; а кастэ нинай, битин пэстири йида и тин мечё. 37Пхэнав тумэнди, со Манца трэбуй тэ стерэлпэ вся, со запистросардо: «И Вов сас забиндо сар прахари». Вся, со пала Мандэ сас пистросардо, трэбуй тэ авэл.
38Апостолоря пхэндэ:
— Рай, акэ дикх, амэндэ дуй мечёря.
Исус пхэндя лэнди:
— Када хутила.
Исусо мангэл Дэвлэс по плай Оливково
39Исусо выжыля тай, сар Лэстэ сас прилито, жыля по плай Оливково. Лэстирэ сытярнэ жыле Лэса. 40Кала Исусо авиля по тхан, Вов пхэндя лэнди:
— Мангэнпэ Дэвлэс, соб тэ на попэрэн андо зумавимос.
41Тунчи Вов отжыля лэндар пэ скачи шонас о бар, тэрдиля пэ чянга и ля тэ мангэлпэ Дэвлэс. 42Вов пхэндя:
— Дадэ! Андэ Тири зор тэ залэс кадва тахтай Мандар. Нэ мэк вся авэл на кадя, сар Мэ камав, а сар Ту камэс.
43Тунчи пав болыбэн Лэстэ авиля ангело и подритярэлас Лэс. 44Андэ пхари грыжа Исусо зоралэс мангэласпэ. Лэско пото сас сар рат, саво капленца питялас пэ пхув. 45Кала Вов пэрэашыля тэ мангэлпэ, рисайля кай сытярнэ и удикхля лэн сутэнца, колэсти со онэ чиеле грыжатар.
46— Состар тумэ совэн? — пушля Исусо. — Вщен и мангэнпэ, соб тэ на попэрэн андо зумавимос.
Иуда здэл Исусос
47Кала Вов инке дэлас дума, сикадэпэ мануша, и англал жалас екх андай дэшудуй, савэс акхарэнас Иуда. Вов поджыля кав Исусо, соб тэ чюминдэл Лэс. 48Исусо пхэндя лэсти:
— Иуда, ту чюминдэс и калэса прэдэс Шавэс Манушыканэс?
49Тунчи кола, ко сас лэ Исусоса, дикхле, со икхатар авэла, и пушле:
— Рай! Ай со, сар амэ арэсаса мечёса?
50Екх лэндар арэсля барэ рашаестирэс бутярнэс и отшындя лэсти право кан. 51Нэ Исусо пхэндя:
— На терэн, хутила!
Вов ляпэ палав кан и састярдя бутярнэс. 52Тунчи Исусо пхэндя барэ рашаенди, пхурэдэрэ халавдэнди храмостар и пхурэдэрэнди, савэ авиле пала Лэстэ:
— Сар по прахари тумэ авиле мечёнэнца и рулянца? 53Мэ кажно дес сымас тумэнца андо храмо, и тумэ на схутилдэ Ман. Нэ икхатар тумари вряма, икхатар баримос калимаско.
Пэтро отпхэндёл лэ Исусостар
54Онэ схутилдэ Лэс и андярдэ андо чер барэ рашаеско. Пэтро дурал жалас пала лэндэ. 55Машкар града роспхабардэ яг, и Пэтро екхэтанэ аврэ манушэнца бэшля пашай яг. 56Екх бутярни удикхля лэ Пэтрос, пэ удуд ягако, придикхляпэ лэстэ ай пхэндя:
— И кадва мануш сас Лэса.
57Нэ Пэтро отпхэндяпэ.
— Мэ на жанав Лэс, жувлиё, — пхэндя вов.
58Тунчи инке авэр мануш удикхля лэс и пхэндя:
— И ту екх лэндар.
— Най, мануш, — пхэндя о Пэтро.
59Прожыля варикай екх чясо вряма, и инке екх мануш ашыля тэ допхэнэл:
— Чячес, и кадва мануш сас Лэса. И вов кацаво жэ галилеянино.
60Нэ Пэтро пхэндя:
— Мануш, мэ на жанав, пала со ту пхэнэс!
И андэ кодья ж вряма, кала вов инке дэлас дума, продилабайдя башно. 61Рай обрисайля и подикхля по Пэтро. Тунчи Пэтро гындосардя лава Раестирэ, сар Вов пхэндя лэсти: «На задилабэла адес башно, сар ту тривар пхэнэса, со на жанэс Ман».
62Пэтро выжыля котар и грыжатар заровдя.
63Мануша, савэ ритярэнас лэ Исусос, линэ тэ аса Лэстар и тэ марэ Лэс. 64Онэ запхангле Лэсти якха, пушэнас Лэс:
— Пхэн пророкоско лав! Ко арэсля Тут?
65И пхэнэнас Лэсти авэр бут акушэмос.
Барэ рашая сындосарэн Исусос
66Сар авиля дес, манушэндирэ пхурэдэра, барэ рашая и сытяримаря Законостирэ стидиле и заандярдэ Исусос андо синедрионо.
67— Ту исин Христосо? Пхэн амэнди, — пушэнас онэ. Исусо пхэндя:
— Сар Мэ пхэнава тумэнди, тумэ на патяна. 68И сар пушава тумэндар, тумэ на пхэнэна Манди. 69Акала вряматар Шаво Манушыкано авэла тэ бэшэл пав право васт Дэвлэстиря зоратар.
70Онэ всаворэ линэ тэ пушэн:
— Када Ту исин Дэвлэско Шаво?
Вов пхэндя:
— Тумэ ежэнэ пхэнэн, со када Мэ.
71Тунчи онэ пхэндэ:
— Саво инке амэнди трэбуй допхэнимос? Амэ ежэнэ ашундэ, со Вов пхэндя.
वर्तमान में चयनित:
Лукастар 22: СРБ
हाइलाइट
शेयर
कॉपी
Want to have your highlights saved across all your devices? Sign up or sign in
© 2021 Bible Translators of Ukraine
© 2021 Pioneer Bible Translators
This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/
