Jenesis 17
17
Nuarin tas alupas 17.
1 Et aketo a Atua um, ati intas etipup o un. 5 Et leh nidan et eche a Ebram, nitai asjaaicnaig vai intas acis yi alwai yin esjilid. 10 Er ati naperitome. 15 Er ati nidan et eche imi Sere, um asan tas acis yi alwai yin. 17 Er ika eri apos Aisak. 23 Er aperitome irai Ebraham im Ismeel.
1IS wat eteuc inmesese is nainte nain irai Ebram, is ehcohos pan ehele Ebram a Ihova, um ika ehelen, Ek Atua emda acen ainyak; atga an nuhup unyak aiek, um ago nedo atoh.
2Ekpu ati intas etipup unyak ehelum ainyak; ekpu lep ika ainyak eri ahinag acen a ilpu mapom.
3Is atpuse a Ebram: ja is tas ehelen a Atua, um ika,
4Et idim amen ehelum intas etipup unyak: napu etpoi nup urai iji pece inyi ahinag aiek.
5Uhmu jim lep anvi nidam, par ika Ebram, ja uhmu anvi nidam par ika Ebraham; ek mun ati euc ainyak mika an etpoi nup urai iji pece inyi ahinag aiek.
6Ekpu ika ainyak napu idim asvalav aiek eri ahinag, erupu ahes ehelum a nup urai iji pece, napu lep etpoi ilpu atimarid aiek.
7Ekpu ati intas etipup unyak ainyak ehelum, im lep ehele ilpu mapom, erupu epitpitac iram ara irai iji mesese, mika ekpu Atua unyum ainyak, um lep Atua u ilpu mapom, erupu epitpitac iram ara.
8Ekpu alupai euc ainyak, im lep ilpu mapom erupu epitpitac iram ara, inpece inig na tup amen iran aiek, inpece Kenan asega, erupu ohuun ara irai iji mesese; ekpu lep Atua ura ainyak.
9Is ika ehele Ebraham a Atua, Namu imiaiji intas etipup unyak aiek, im ilpu mapom erupu epitpitac iram ara irai iji mesese.
10Intas etipup unyak nigki, namu imiaiji aiek im ilpu mapom erupu epitpitac iram ara; nikavaig, Uhmu aperitome irai ilpu halav atamaig unyimia asega.
11Akumu aperitome irai ohumia aijaua; etmu itai asjaaicnaig nigki vai intas etipup unyak ehelemia.
12Etu wit eet nadiat iran tah inhalav atamaig unyimia uhmu aperitome iran, ilpu halav atamaig unyimia asega eri apos ra, aien eri apos yin an nimnim unyum, im lep yin eri auanimtan irai mune ehele tak atimi, jam eti ahes ehelum.
13Uhmu idim aperitome iran eri apos yin an nimnim unyum, im lep yin eri auanimtan irai mune: etmu eteuc nitai asjaaicnaig irai ohumia vai intas etipup unyak irai iji mesese.
14Uhmu lep atipagki inhalav atamaig inig eri eti aperitome iran ehele ilpu etwan: et imipalea intas etipup unyak aien.
15Is ika ehele Ebraham a Atua, Uhmu jim anvi nidai Sere ehgam mika Sere; inyi idan Sera.
16Ekpu acis yi alwai yin ainyak, um lep alupai euc inhalav atamaig iran: maiya, ekpu acis yi alwai yin ainyak, etpu risi nup urai iji pece aien; erupu lep ahes ehelen a ilpu atimarid irai iji pece.
17Is atpuse a Abraham um laav, um ika inliinmopon, Uhpu apos inhalav imi nyak um uauo, et mun eteuc inmesese et wun huntret irak? etpu asvalav a Sera um uauo, et mun eteuc inmesese et nainte iran?
18Is ika a Ebraham ehele Atua, Ek merit ainyak mika yi umoh a Ismeel an nuhup unyum.
19Is ika a Atua, Etpu idim apos inhalav atamaig imi euc a Sera ehgam; namu anvi nidan aiek par ika Aisak: ekpu ehneijid intas etipup unyak ainyak ehelen, im lep ehele ilpu mapon erupu epitpitac iran ara.
20Ek mun lep atahaijeg intas unyum ainyak vai Ismeel: Ek mun idim acis yi alwai yin ainyak, ekpu ika ainyak yi asvalav aien, erupu ahinag acen a ilpu mapon; erupu ahes ehelen a ilpu atimarid inyi twelv, erupu ahes ehelen natimi inyi ahanig.
21Ja ekpu ati intas etipup unyak ainyak ehele Aisak, etpu apos yin a Sera imi euc an nopan inig an mesese iyek.
22Is tas ehni ehele Ebraham a Atua, um udei yin um aridjai.
23Is leh Ismeel inhal o un a Ebraham, im lep ra asega eris apos ra an nimnim o un, im lep ra asega eris auarimtara irai mune, ilpu atamaig asega an nimnim o un; um aperitome ira ra an nadiat iyehki, is idivaig is asaig ehelen a Atua.
24Is mun eteuc inmesese is nainte nain irai Ebraham, an nopan iyehki eris aperitome iran.
25Is lep eteuc inmesese is dirtiin irai Ismeel inhal o un, an nopan iyehki eris aperitome iran.
26Eris aperitome irai Ebraham, im Ismeel inhal o un an nadiat iyehki.
27Eris ehras aperitome irai ilpu atamaig asega an nimnim o un, im ra eris apos ra an nimnim o un, im lep ra eris auarimtara imi nup urai taka pece.
वर्तमान में चयनित:
Jenesis 17: VAO63
हाइलाइट
शेयर
कॉपी
Want to have your highlights saved across all your devices? Sign up or sign in
Vanuatu Bible (Intas Etipup) © United Bible Societies, 1863, 2019.
