Jenesesi 2
2
Mulugu ohovuma agamanle mabasaye
1Mwa eno, zulu na ilambo ya vati na jatene jinafwanyeya mwatene mwene johomala sakanyiwa. 2Mulugu agamarihile mabasaye matene, siku nanetanu na mbinli ohovuma mwa mabasa matene alabile liye. 3Mwa enne Mulugu ohoreliha siku nanetanu na mbinli eto ohotcheniha siku nenne ira nikale siku nohiyana na malambo amohiwa, mwasiwa siku nenne Mulugu ohovuma mwa mabasaye opandutcha jatene jene ja ilambo ya vati.#2:3 Mulugu ohovuma mwa mabasaye: Kahi ira Mulugu ere waheya. So vuma waye wazenle na mwasa oira mabasa matene afuna liye laba kohomala.
Zela Jenesesi kapitulu 1 na 2
Jenesesi kapitulu 1 ante kapitulu 2:3 unawonga zela mapandutchiwelo a jatene mogwada.
Mbwenye kapitulu 2:4 anawonga makalelo Mulugu aapandutchile liye atu na makalelo a nimburo Mulugu amuhenle liye mutu oroma. Ku wonga mazwala kinawonga zela mapandutchiwelo a jatene, so mbwenye pama pama anawonga zela mutu oroma.
Kapitulu 1 unakala nnga mutu awongaga muselu mogwada mwene ira: <<Udje uhugula mota.>> Kapitulu 2 unakala nnga mutu awongaga makaleluwa ira: <<Gula uwa mota, aromile ira eni, eni, eni fiyeda liye kana mota mmandani mwaye.>>
Kapitulu 1 unawonga ira: <<Aapandutchile atu gu Mulugu.>> Mbwenye kapitulu 2 unawonga makaleluwa Mulugu airile liye ira awande mukalihawo mutu. Eto kapitulu 2 mmohive unawonga zela nimburo Mulugu asakannye liye ira atu kakalegemo vamohi na makalelo a muhiyana oroma.
Makalelo a atu oroma
4Ala ba mapandutchiwelo a ilambo ya zulu na ilambo ya vati. Yehova Mulugu agapandutchile ilambo ya vati vamohi na ilambo ya zulu, 5makupu a mukokolani kali kahanamele eto jalo ja mmindani jali jahanamele mwilamboni ya vati. Tchoira Yehova Mulugu ali ahanarumbwihelemo muzongwe, nne eto mutu olima teya ali ahanakalemo. 6So mbwenye vati vokuma ifunga yenno yanyetiha teya yatene. 7Evale Yehova Mulugu ohomuwomba mulombwana na teya. Liye nvuzela na mwelra mpunoni, nvaha ingumi. Mwa enne mutule ohoroma kala yengo ya ingumi. 8Evale Yehova Mulugu ohokana munda azanlemo liye mitengo afwanyeya muEdeni, pandi ya makumelo wa nzuwa. Mwa enne ohomutukula mulombwana wenno amuwombile liye, muhela mmundani mule.
9Yehova Mulugu ohomeliha mmundani mule mitengo dohiyana-hiyana, mitengo datene doriya waing'anaga vamohi na mitengo dofwanela dja. Eto vari va munda vale vohokala mitengo minli. Mutengo mmohi ali Mutengo Ovaha Ingumi, mmohiwa ali Mutengo Oiziwiha Upama na Ubure.
10MuEdeni mule mohokala muhindje mmohi anyetiha munda watene wenne. Muhindjele eto ohovaruwa, aliwa kalamo mihindje minnayi. 11Muhindje oroma aitaniwa Pizoni. Muhindje wenno awerewera ilambo ya Havila mwemo mwafwanyeya oru#2:11 oru tchi yengo inakala nnga momba, yagali yojerimela. Oru tchi yengo yokana peresu ilukulu yohokala ya masika eto kanaoneya burebure tempu ili hiyo ila. Mutu akana kilu imohi ya oru, kobiriwa inakala nnga mutu alaba mmindani mwa nfwaye yaka didjindji dene. Ku wonga oru tchi yengo yofuneya yohokala ya masika. mudjindji. 12Oru afwanyeya wewo ali oru wapama. Wewo eto wohokala perefume wa peresu yokwima#2:12 perefume wa peresu yokwima: Perefume wenna unaitaniwa bdélio na izugu. na mabwe ofuneyetchetcha anaitaniwa onikisi. 13Muhindje wanembinli aitaniwa Jiyoni. Muhindje wenno awerewera ilambo ya Kuxi. 14Muhindje waneraru unaitaniwa Tigere, unavira pandi ya makumelo wa nzuwa wa Asiriya. Muhindje wanennayi gu Eufarati.#2:10-14 mihindje minnayi: Tempu ili hiyo ila kalivo uiziwile Edeni wewo wafwanyeya munda Mulugu azanle liye mitengo nne mihindje minnayi nnawongiwa muwari mwa Jenesesi 2:10-14. Tchoira ilambo yatene yenno yohomala huwiwa na mahindje madjindji tempu ya Nowe. Muwari mwa mihindje minnayi, pakana peno ukala muhindje unaitaniwa Tigere eto ukala muhindje unaitaniwa Eufarati.
15Yehova Mulugu ohomutukula mutule, liye muhela mmundani afwanyeya muEdeni mule ira alimege eto aing'anelege.#2:15 alimege eto aing'anelege: Fwanyeya ira lima no laba kuzenle muwari motega. Atu oroma kahanatege, Mulugu ohomuruma Adawu ira akale mutu olima eto mutu oing'anela munda wenno mwazanle liye mitengo, afwanyeya Edeni. So mbwenye nnovwa ira goyi muwari mwa mabasa, ejo jiromile atu kagamanle mutegela Mulugu. 16Yehova Mulugu ohonvaha mulombwanole nlamulo eraga: <<Udjege jovaha ja mitengo datene mofuna mwawo, 17mbwenye Mutengo Oiziwiha Upama na Ubure, kudje. Tchoira siku nnafuna we dja, mwa ibaribari unokwa.>>
18Yehova Mulugu eto ohowonga, liye ira: <<Kinakala pama ira mulombwana akalege eka. Nnafuna dimusasanyele nkamihedaye omufwanelela.>> 19Nomala enne, Yehova Mulugu ohatukula anavinyama atenene anawenda mwilamboni na mbalrame datene nnavava zulu jejo jawombile liye na teya,#2:19 anavinyama atenene anawenda mwilamboni na mbalrame datene nnavava zulu jejo jawombile liye na teya: Mazwala anoniwandela ira na makalelo nnga Mulugu amuwombile liye mutu oroma na teya, mbalrame na anavinyama atene na aliwene Mulugu ere awomba na teya. Ku wonga Mulugu muwari mopandutcha jengo mowonga, agawongile, mbalrame na anavinyama owombiwa, aliwa kumelaga teyani. liye dowana vamentoni va mulombwana Adawu ira aone nzina tivi afuna liye vaha kada inyama. Mwa enne kada inyama nzina navahiwa liye, aitaniwegena neno. 20Evale Adawu ohoroma vaha mazina anavinyama a vande vamohi na mbalrame datene nnavava zulu na anavinyama atene a mukokolani. Mbwenye zela pandi ya mulombwana Adawu, liye kaanna nkamihedi waye omufwanelela. 21Evale Yehova Mulugu ohomugoniha mulombwana Adawu kove dilukulu mayiji. Evale mulombwanole agagonne, Yehova ohokumihawo mbaru imohi ya mulombwanole, nomala liye fungavo na munoku nnga mwakalele atu. 22Mwa mbaru yakumihile liye wa mulombwana ile, Yehova Mulugu ohomusakanyana muhiyana, liye mudowana wa mulombwana Adawu.#2:18-22 Kinakala pama ira mulombwana akalege eka. Mulugu agaiziwile ira inafwanela mulombwana akayena muhiyana, karomile nvaha. Liye aromile muoniha Adawu makalelo a anavinyama ira kawenda mbinli mbinli, mulombwana mmohi na muhiyana. Ali ira Adawu aone simela waye ira agavahiwe muhiyanaye, amurihede nnga nkamihedi ofwanela okumela wa Mulugu hiya muira muzari. Va nnokana ibaribari ira aatelihile atu oroma ali Mulugu. Tchoira ere musakanya muhiyanole, liye mudowana wa mulombwana Adawu. Ku wonga Mulugu ali nsezela na koswe ekave. Tapulela eto ira Mulugu anvahile mulombwana ira agonege na muhiyanaye. (Jenesesi 2:24) Tchoira tempu yaaruma Mulugu ira aliwa kabalihanege, tempu yenno ali aliwa kahanatege. Mulugu gwaarumile atu oroma ira kabalihane. Nione Jenesesi 1:28.
23Evale mulombwana Adawu agamuonne muhiyanole, ohowongaga eraga: <<Peno mbwenye! Ula makuva okumela makuva aga. Eto gu munoku wa munoku waga! Liye unaitaniwege: <Muhiyana>, mwasiwa Mulugu umukumihile muwari mwa mulombwana!>>#2:23 Muhiyana: Na iwongelo yoroma ilrembilena atu Bibiliya yenno inafwanyeya yagali iEberewu, wonga ira muhiyana no wonga ira mulombwana, vweya uwa jinalingana. Mulombwana anawonga ish eto muhiyana anawonga ishshah.
24Nona mulombwana unerege muhiya babaye na mmaye, adowe ambande muhiyanaye,#2:24 mulombwana unerege muhiya babaye na mmaye, adowe ambande muhiyanaye: Mazwala ananiwandela ira Mulugu aapandutchaga atu oroma, liye aapandutchile ira kagumanege. Tchoira nahanavwe zela yotega iwa, nnovwa ira ili pama mulombwana agumanege na muhiyanaye. era eno, ambinlene anokala maningo mamohive bahi.
25Fwanyeya ira tempu yenne, mulombwana na muhiyanaye kawenda mandave dimbwiri eto tchanyaswelana.
वर्तमान में चयनित:
Jenesesi 2: iLolo
हाइलाइट
शेयर
कॉपी
Want to have your highlights saved across all your devices? Sign up or sign in
© 2018 Visão Integral
