Embandizo 36

Oruzaro rwa Esau

1Oru nirwo ruzaro rwa Esau, Esau niwe Edomu. 2Esau akashwera Abakanaani: Ada muhara wa Eloni, Omuhiti, Oholibama muhara wa Ana, Ana eya Zibeoni Omuhivi, 3na Basemati muhara wa Ishimaeli, munyanya Nebayoti. 4Ada akazalira Esau Elifazi; Basemati yamuzalira Reweli; 5kandi Oholibama yamuzalira Yeushi, Yalamu na Kora. Aba nibo batabani ba Esau abo yazalire Kanaani.

6Esau akwata abakazibe n'abaanabe, n'omutungogwe gwona, enteze, ebitunganwabye byona, n'eitungalye lyona elyo yaboneire Kanaani, agya omu nsi endijo harai n'omurumuna Yakobo. 7Aha rw'okuba eitunga lyabo likaba lili lingi muno ahali bonene kutura hamoi. Ensi eyo babaire bafurukiiremu tiyashoboire kubamara aha rw'ebitunganwa byabo. 8Nikwo Esau kutura omu mabanga ga Seiri.

9Oru nirwo ruzaro rwa Esau ishenkuru Abaedomu omu mabanga ga Seiri. 10Amabara gabo nig'aga: Elifazi owo yazaire ahali Ada na Reweli owo yazaire ahali Basemati. 11Batabani ba Elifazi ni Temani, Omari, Zefo, Gatamu na Kenazi. 12Elifazi eya Esau akaba aina ensholeke neyetwa Timuna, yagizaraho Amaleki.

13Batabani ba Reweli ni Nahati, Zera, Shama na Miza. Nyinenkurubo kizara ishebo ni Basemati. 14Batabani ba Esau abo yazaire ahali Oholibama muhara wa Ana eya Zibeoni ni Yeushi, Yalamu na Kora.

15Ezi nizo nganda ezilikutabuka ahali Esau. Abagurusi abalikutabuka ahali Elifazi omuzigaijo gwa Esau ni Temani, Omari, Zefo, Kenazi, 16Kora, Gatamu na Amaleki. Abagurusi aba ba Edomu nyinenkurubo kizara ishebo Elifazi ni Ada.

17Abagurusi abalikutabuka ahali Reweli eya Esau ni Nahati, Zera, Shama na Miza. Abagurusi aba ba Edomu nyinenkurubo kizara ishebo Reweli ni Basemati. 18Abagurusi abalikutabuka ahali Esau abo yazaire ahali Oholibama ni Yeushi, Yalamu na Kora. 19Abagurusi aba bona nizo nganda, bakatabuka ahali Esau, Esau niwe Edomu.

Baijukuru ba Seiri

20Aba nibo banyansi ba Edomu, baijukuru ba Seiri Omuhori: Lotani, Shobali, Zibeoni, Ana, 21Dishoni, Ezeri na Dishani. Nibo bagurusi b'enganda z'Abahori okwo balikutabuka ahali Seiri. 22Batabani ba Lotani ni Hori na Hemani; kandi baina ishenkazibo, Timuna. 23Batabani ba Shobali ni Aluvani, Manahati, Ebali, Shefo na Onamu. 24Batabani ba Zibeoni ni Aya na Ana, Ana ayaboine enchuro zilikwokya omw'irungu orwo yabaire nalisa endogobe za ishe. 25Ana aina omutabani Dishoni n'omuhara Oholibama. 26Batabani ba Dishoni ni Hemudani, Eshibani, Itirani na Kerani. 27Batabani ba Ezeri ni Bilihani, Zaavani na Akani. 28Batabani ba Dishani ni Uzi na Arani.

29Aba nibo bagurusi b'enganda z'Abahori omuli Edomu: Lotani, Shobali, Zibeoni, Ana, 30Dishoni, Ezeri na Dishani.

Abakama ba Edomu

31Aba nibo bakama abatwete ensi ya Edomu, Isiraeli etakatwetwe mukama wena wena: 32Bela eya Beori akatwara Edomu, ayemire omu kigo kya Dinahaba. 33Bela afa, Yobabu eya Zera owa Bozira amusikira. 34Yobabu afa, Hushamu owa Temani amusikira. 35Hushamu afa, Hadadi eya Bedadi, ayasingiire Midiani omuli Moabu amusikira; akatwalira omu kigo kya Aviti. 36Hadadi afa, Samula owa Masireka amusikira. 37Samula afa, Shauli owa Rehoboti aha Mwiga gwa Efurati amusikira. 38Shauli afa, Baalihanani eya Akibori amusikira. 39Baalihanani eya Akibori afa, Hadadi amusikira; atwara ayemire omu kigo kya Pau. Mukaziwe akaba ali Mehetabeli muhara wa Matiredi, Matiredi muhara wa Mezahabu.

40Aga nigo mabara g'abagurusi abalikutabuka ahali Esau kuhonderana n'enganda zabo n'obuturo bwabo: Timuna, Aluva, Yeteti, 41Oholibama, Ela, Pinoni, 42Kenazi, Temani, Mibuzari; 43Magadieli na Iramu. Nibo bagurusi ba Edomu, Edomu niwe Esau, kuhonderana n'obuturo bwabo omu nsi yabo eyo baliire.

वर्तमान में चयनित:

Embandizo 36: RHAY01

हाइलाइट

कॉपी