Sélimɛ 10
10
Nɔwe pìile tùlugo gī gàa gè
1Kàsakpiile tuulo kàduʔumɛ gè, a Nɔwe jaala bèle, Sɛmi, Kami nɛ́ Jafɛti, a pe 'pìile sii. Pe tùlugo kire gī gàa gè:
2Jafɛti jaala peli bīɛlɛ bàli bèle: Gomɛri, nɛ́ Magɔgi, nɛ́ Madayi, nɛ́ Yavan, nɛ́ Tubali, nɛ́ Mɛsɛki, nɛ́ Tirasi. 3Gomɛri jaala peli bīɛlɛ bàli bèle: Asikenazi, nɛ́ Irifati, nɛ́ Togarima. 4Yavan jaala peli bīɛlɛ bàli bèle: Elisiya, nɛ́ Tarisisi, nɛ́ Kitimi, nɛ́ Dodanimi#10.4 Dodanimi míʔɛ gè, pàli nɛ̂ ki sɛbɛ míɛni nɛ̀ jo Worodanimi.. 5Peli bīɛlɛ pe 'cɛrigɛ nɛ̀ sɛ́nì tɛ́ni kuʔɔjii gògoyo nɛ̄ yè, nɛ̀ yɛli nɛ́ pe nariyɛ ní yè, pe mìɛni nɛ́ pe siɛnrɛ, nɛ́ pe tɛ́nidiɛyɛ, nɛ́ pe kùlogolo.
6Kami jaala peli bīɛlɛ bàli bèle: Kusi, Misirayimi#10.6 Misirayimi míʔɛ gè, Ezipiti míʔɛ kire gī eburu siɛnrɛ nī dè. Wéli baa Sél 50.11. Kusi siimɛ pi kùlo ni 'puu Siɛnnɛwuɔlɔ kùlo nī. Wéli baa Yir 12.1 kaliwɛgɛ ki táanmɛ gè., nɛ́ Puti, nɛ́ Kanaa. 7Kusi jaala peli bīɛlɛ bàli bèle: Saba, Avila, Sabita, Arayema, Sabiteka. Arayema siimɛ pire bī bàa bè: Saba, nɛ́ Dedan.
8Kusi míɛni wè, wire wi yé Nimurɔdi sii. Nimurɔdi wire wi 'puu siɛnpeliwe wè nɛ ní fànʔafɔli wè. 9Wire wi 'puu kaakpuunayeliwe wi lɛ̀lɛ nī lè Yewe yiʔɛ mɛ́ gè. A pe 'kò nɛ ni wáari kàsiile nɛ́ jo: «Wiī kaakpuunayeliwe bɛ̀ Nimurɔdi tíɛlɛ.» 10Wire wi 'tɛ́ni fànʔa nɛ̄ gè Babɛli kàʔa nī gè, nɛ́ Erɛki kàʔa nī gè, nɛ́ Akadi kàʔa nī gè, nɛ́ Kalini kàʔa nī gè, kàaya nyáà yi 'puu Sinɛyari kùlo nī. 11Nɛ̀ líɛ kire tiʔɛ nɛ̄ gè, a wi 'kɛ́ fúɔ nɛ̀ sɛ́nì nɔ̀ Asiri kùlo nɛ̄ lè, baa wi 'kàaya nyáà faan yè: Niniivi, nɛ́ Ereyɔbɔti Iri#10.11 Ereyɔbɔti Iri, ki kɔri wire wī eburu siɛnrɛ nī dè: kàʔa kayɔbigboliyo., nɛ́ Kala, 12nɛ́ Ɛrɛsɛn kàkpuʔɔ; kire ki 'puu Niniivi nɛ́ Kala kàaya sunʔɔmɔ nī bè.
13 Misirayimi siimɛ pire bī bàa bè: Ludiyé, nɛ́ Anamiyé, nɛ́ Leyabiyé, nɛ́ Nafituyé, 14nɛ́ Paturɔsiyé, nɛ́ Kasiluwiyé, nɛ́ Kafitɔriyé. Kasiluwiyé, peli nī Filisiti siɛnnɛ pe 'yiri. 15Kanaa jaala peli bīɛlɛ bàli bèle: Siidɔn, wire wī pìpeliwe wè, nɛ́ Eti. 16A Kanaa siimɛ pi pɛ́nì niʔɛ. Peli pe 'puu: Jebusiyé, nɛ́ Amɔriyé, nɛ́ Girigasiyé, 17nɛ́ Eviyé, nɛ́ Arikiyé, nɛ́ Siniyé, 18nɛ́ Arivadiyé, nɛ́ Semariyé, nɛ́ Amatiyé.
A Kanaayé nariyɛ yi kɛ́nì cɛrigɛ nɛ̀ tɛ́ni; 19pe kùlogolo ke láʔala lire ni 'puu: nɛ̀ láʔa Siidɔn kàʔa nɛ̄ gè fúɔ nɛ̀ sɛ́nì nɔ̀ Gerari kàʔa kɔli mɛ́ gè nɛ́ líɛ kire tiʔɛ nɛ̄ gè nɛ̀ sɛ́nì nɔ̀ Gaza kàʔa nɛ̄, nɛ̀ tóri Sodɔmi kàʔa táanni, nɛ́ Gomɔri kàʔa ní, nɛ́ Adima kàʔa ní, nɛ́ Seboyimi tiʔɛ ní, fúɔ nɛ̀ sɛ́nì nɔ̀ Lɛsa kàʔa nɛ̄.
20Peli bīɛlɛ Kami jaala bèle nɛ̀ yɛli nɛ́ pe nariyɛ ní yè, pe mìɛni nɛ́ pe siɛnrɛ, nɛ́ pe tɛ́nidiɛyɛ, nɛ́ pe kùlogolo.
21Sɛmi ŋáà wī Jafɛti luɔ wè, a wire míɛni 'pìile sii; pìile bálì pe wàa wi pɛ́nì kò Ebɛriyé tuuliʔɛ gè.
22Sɛmi jaala peli bīɛlɛ bàli bèle: Elami, nɛ́ Asuri, nɛ́ Aripakisadi, nɛ́ Ludi, nɛ́ Arami. 23Arami jaala peli bīɛlɛ bàli bèle: Usi, nɛ́ Uli, nɛ́ Gɛtɛri, nɛ́ Masi. 24Aripakisadi wire wi 'puu Sela tuu wè, a Sela 'Ebɛri sii. 25A Ebɛri 'jaafɔlilɔ siin sii. Péliwe wi míʔɛ kire ki 'puu Pelɛgi (ki kɔri wire wī: tílala), nɛ́ ki cɛ́n wi lɛ̀lɛ nī lè siɛnnɛ pe yé tíla dàala nɛ̄ lè. Wi cɔni míʔɛ kire ki 'puu Yokitani.
26Yokitani siimɛ pire bī bàa bè: Alimodadiyé, nɛ́ Sɛlɛfiyé, nɛ́ Azarimavɛtiyé, nɛ́ Yɛrayé, 27nɛ́ fàri Adoramiyé, nɛ́ Uzaliyé, nɛ́ Dikilayé, 28nɛ́ Wobaliyé, nɛ́ Abimayɛliyé, nɛ́ Sabayé, 29nɛ́ Wofiriyé, nɛ́ Avilayé, nɛ́ míɛni Yobabiyé. Siɛnfeliye nyáà yi mìɛni yè yi 'yiri Yokitani nī. 30Pe tɛ́nidiɛyɛ yire yi yé láʔa Mɛsa nɛ̄ nɛ̀ sɛ́nì nɔ̀ Sefari nyaguruyo nɛ̄ yè cɛngɛnyɛnifoligɔli mɛ́ gè.
31Peli bīɛlɛ Sɛmi siimɛ bè nɛ̀ yɛli nɛ́ pe nariyɛ ní yè, pe mìɛni nɛ́ pe siɛnrɛ, nɛ́ pe tɛ́nidiɛyɛ, nɛ́ pe kùlogolo.
32Siɛnfeliye nyáà yi mìɛni 'yiri Nɔwe jaala nī, nɛ́ yi nariyɛ yi mìɛni ní nɛ̀ yɛli nɛ́ pe mìɛni siimɛ ní bè. Kàsakpiile tuulo kàduʔumɛ gè, a siɛnfeliye nyáà yi mìɛni 'cɛrigɛ nɛ̀ tɛ́ni nɛ̀ màʔa duniya tiɛyɛ yi mìɛni nī yè.
वर्तमान में चयनित:
Sélimɛ 10: sev
हाइलाइट
शेयर
कॉपी
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
