लूका 20:46-47

“ख्‍यिराङ यहूदी छ्‍योकी गेकेनतिवा नेसुर च्‍याङ्‍से देता। तिवा छ्‍योवा रिङ्‍बु रिङ्‍बु कोन्‍नी फार छुर युकुप गा किवी, हाला मीतिवी खुरुङला छ्‍याक पुलुप गा किवी। तमा यहूदी छ्‍योखाङला तेरी सिनाङ खक्‍छ्‍येवु टाल जिम्‍नी देतुप ताङ डेनला टाल जिम्‍नी देतुप गा किवी। तिवी पेर्मी युक्‍सिमतिवी टोङ्‍बा ठोकिवी, तमा मी यम्‍बाला छ्‍या देन्‍दुपला मोपोर रिङ्‍बु रिङ्‍बु किवी। तुक कितुपतिवाला कोन्‍छ्‍योककी मङ पर्च्या ग्‍येर्पु फोकिवी।”