Luˉka‸ li‸ 23से लोकप्रिय बाइबिल छंद

शेयर

Oˇ htaˇ Yeˍsuˆ kʼoˆ ve, A pa-oˬ, yawˇ hui ve venˇbaˆ hta‸ hpehˇ hkʼa-o. Awˬ lawn kʼo, yawˇ hui hkʼaˬ hkʼe te ve hta‸ yawˇ hui maˇ shiˍ teh‸ kʼoˆ ve yoˬ. Oˇ ve awˬ hkʼaw‸ nawˉ yawˇ hui kuˇ da‸ leh, yawˇ ve veu‸ kʼaˇ teˇ hpaˍ hta‸ pehˬ yuˬ ve yoˬ.

Yeˍsuˆ kʼoˆ ve, Ngaˬ nawˬ hta‸ awˬ tehˬ awˬ na kʼoˆ laˇ ve, ya‸ nyi nawˬ ngaˬ geh teˇ geh Paˍraˍdiˇsuˆ awˬ hkʼaw lo gʼa chehˇ tuˬ yoˬ teh‸ yawˇ hta‸ kʼoˆ piˇ ve yoˬ.

Peuˬ leh yawˇ kʼoˆ ve, Yeˍsuˆ-oˬ, nawˬ hkunˉ hawˉ hkanˇ te laˬ ve teˇ yanˇ, ngaˬ hta‸ dawˇ nawˇ laˇ-oˆ teh‸ kʼoˆ piˇ ve yoˬ.

Oˇ htaˇ Yeˍsuˆ awˬ hkawˇ bvuhˬ chaweh kuˬ leh, A pa-oˬ, ngaˬ ve co ha nawˬ ve la‸ hkʼaw lo ngaˬ chiˇ a‸ laˇ ve yoˬ teh‸ kʼoˆ ve yoˬ. Yawˇ chi hkʼe kʼoˆ peuˬ hkʼaw‸ nawˉ shaˉ cheˆ ve yoˬ.

Oˉkoˆ meh ve chehˇ kuiˬ lo gaˬ la htaˇ, yawˇ hui lehˬ yawˇ hta‸ la‸ ka hkʼoˆ lo hta‸ keu taˍ ve yoˬ. Chaw haiˬ oˇ ve nyiˇ gʼaˇ hta‸ ka‸, yawˇ ve la‸ sha paˉ teˇ gʼaˇ, la‸ mehˍ paˉ teˇ gʼaˇ la‸ ka hkʼoˆ lo hta‸ keu taˍ ve yoˬ.

Awˬ yanˇ oˇ ve lehˬ, aˬ laˬ hkʼe mvuhˇ law‸ kʼaw tcuhˆ teˇ yanˇ hpeh‸ ve yoˬ. Mvuhˇ hpeu‸ hpawˇ shehˆ naˍ riˍ hkʼa gaˬ, miˬguiˬ hkʼa peu-eˬ naˆ ho‸ hpeh‸ sheˬ leh, mvuhˇ nyi awˬ gʼeuˆ mehˉ kʼai ve yoˬ. Bon yehˬ lonˉ awˬ hkʼaw lo cawˬ ve hpaˬ kaˍ lonˉ lehˬ, nyiˇ hkoˇ tzuh‸ sheˬ ve yoˬ.

Chi hkʼe hpeh‸ la ve hta‸ ma‸ poˍ teˇ gʼaˇ gʼa mawˬ htaˇ, Chaw chi lehˬ, awˬ tehˬ awˬ na hteˇ ve cawˇ ve chaw teˇ gʼaˇ hpeh‸ ve yoˬ teh‸ kʼoˆ leh, Gʼuiˬsha hta‸ chiˇ uiˍ chiˇ mvuh piˇ ve yoˬ.