San Mateo 15से लोकप्रिय बाइबिल छंद

शेयर

Per dxyiꞌdxyi dxaaba raꞌ nin riaꞌh rwaaꞌ bwiinn, niꞌchi sihn riinlohon stoꞌ ba, ya dxyiꞌdxyi dxaaba raꞌ chi naa nin rguꞌtii laꞌh bwiinn loh duhlda, laasii stoꞌ bwiinn riinloh lligaaba dxaaba raꞌ ziga xcweenta nin rdxiin bwiinn lasaaꞌ ba, guelgubwihlli, guelgubaaꞌn, cun ziga bwiinn nin ruuꞌyidxyiꞌdxyi dxyiꞌdxyi dxixiꞌhw raꞌ, cun nin rguꞌdii laꞌh bwiinn

Ayi nin rahw dxiꞌh bwiinn rguꞌtii duhlda stoꞌ ba, sino que rwaaꞌ bwiinn rreꞌh dxyiꞌdxyi dxaaba nin rusiaaba laꞌh ba loh duhlda.

Bwiinn raꞌ riiꞌ rbwihdxyi-rnaaba naꞌh cun rwaaꞌ raꞌ ba, per stoꞌ raꞌ ba zihtu riaꞌhanan nez loon. Lliaaꞌha zi naa ziga raann raꞌ ba naꞌh, laasii ruluuꞌyi raꞌ ba xchiꞌdxyi raꞌ bwiinn guidxyiyuh raꞌ.

Ya chiꞌchi rahbi Jesuhs: ―Gunnaꞌh, zirooꞌ duxa riachiistoꞌ luꞌh naꞌh; zahca gaca ziga xclaaꞌdzi luꞌh. Ya hohra chi gahca biaca lliiꞌndxaꞌpa gunnaꞌh chi.

Per gunnaꞌh chin cun bazuꞌnllihbi bi nezloh Jesuhs ya rahbi bi: ―¡Daada, rnaꞌbaꞌhn gacanee luꞌh naꞌh! Chiꞌchi rahbi Jesuhs: ―Ayi naa bwen chyu guziaꞌtii guehta loh raꞌ lliiꞌn raꞌn tin guicaꞌha raꞌ bwehcu raꞌn. Chiꞌchi rahbi gunnaꞌh chi loh Jesuhs: ―Ziꞌchi Daada; per nee bwehcu raꞌ rahw taayi guehta raꞌ nin riaaba llaaꞌnmweella xballwaaꞌn ma.