Matiyu 19से लोकप्रिय बाइबिल छंद

शेयर

Yesu i kí shɛɛli, ntiŋ i ǹʼbi kí tɛ : « Konanmini gbɛ, niŋ so-a ma-i kì, nka Kirinŋ gbɛ, bi bataa i so-a ma-i. »

Kí shɛɛli-la koŋ fuuli kili kì, kí i dɛbɛ ji-a koŋ tenŋ i. Niŋ ki ra, Kirinŋ nwɔ̀ri ji-i tenŋ i, koŋ tɔri tenŋ fa nini san arìmaŋ na kì. »

Yesu i kí rupwulu tu : « Sɛbɛ kiri i nwɔ̀ bi-a, ábɛɛ niŋ kali kì wa? Ábɛɛ ǹʼkali tu juniɲa tɔnpa waari ki ru, tu Kirinŋ finŋ kiri bataa po waarinŋ wɔ̀ ru, tu ‹ ŋì i konanmini namɔni ǹʼshuru fa ǹʼmari kì wa?  › Tu niŋ kɔɔtɛ Kirinŋ i ǹʼbi tu : ‹ Niŋ ki ra, shuru i a san-a a tiŋ fa a ɲiŋ na, ŋì i ta a da awɔ mari ki ra, kí koŋ fuuli ki i dɛbɛ ji-a koŋ tenŋ i.  ›

Yesu tu kí tɛ : « Á ncusun tiraŋ kiri na míŋ tɛ, á fa kí suu míŋ tɛ na ki sun kì, sabu konwɔtiŋ ni i miŋ tu tiraŋ ni, kirinpɔlila Masabi ki i nini wɔ. »

Nka jɛntɔnŋ kiri mwɔɔnna a ji kɔɔtɛtiiri i, kɔɔtɛtɔnŋ kiri mwɔɔnna i ji jɛntiiri i sɛbɛ. »

Koŋ woo koŋ i a kaan-na awɔ fu tɛ, walima a tindaŋ ni tɛ, walima a narinmari ri tɛ, walima a tiŋ tɛ, walima a ɲiŋ tɛ, walima a daŋ ni tɛ, walima awɔ ji ri tɛ míŋ bira, nintiŋ a niŋ finŋ kiri bishi yaataanŋ taanŋ kila, ntiŋ i ji-a ɲaninkulutɔnbi kɔbali ki kila sɛbɛ.

Niŋ na, Yesu tu ntiŋ tɛ : « A miŋ ji ǹʼtɛ ŋi i nafaa, tiri, ŋi i ta nʼgbɛfɛfinŋ kiri bataa ju, ŋi i ǹʼjalinŋ ki lu gbɛwɔ ri tɛ. A miŋ niŋ ma, miŋ a nafulu mwɔɔnna bo nʼjɛŋ kirinpɔli ki ra. Niŋ kɔɔtɛ, ŋi i na ǹʼpa míŋ cɛfan. »

Yesu tu ntiŋ tɛ : « Nfɛnŋ na, miŋ míŋ nanɔri-ri bi shɔɔrinŋ bi sun? Kirinŋ tenŋ pe shɔ-i. A miŋ ji ǹʼtɛ ŋi i ɲaninkulutɔnbi kɔbali ki kila, miŋ kakan-i ŋi i Kirinŋ wɔ sariya kiri saa ki tiri. »

Ntiŋ tu : « Míŋ a ńʼpwulu ǹʼsun, ɲɔɔnmi demaŋ di-i mɛsɛni ta ra, ŋì i fwuu nafulutiŋ derama ki sun Kirinŋ wɔ Masabi ki ru. »

Ntiŋ tu kí tɛ : « Míŋ kɔniŋ i ǹʼbi-a ábɛɛ tɛ, ńʼtu koŋ woo koŋ i awɔ mari fwuru ba-a, ntiŋ i ǹʼtɔri cɛn, nintiŋ i nankulunbi ma-a, duu fwuru ba ki ŋuŋ ki ji tu mari ki wuru nankulunbi ma-a. »

Yesu tu awɔ kalindaŋ kiri tɛ tu : « Sɛli ki ra, míŋ a ǹʼbi ábɛɛ tɛ, ńʼtu nafulutiŋ derama ki furu kirinpɔlila Masabi ki ru sa! »