Luku 12से लोकप्रिय बाइबिल छंद

शेयर

Dopana, nyakama ambe katatami gii mendepa Akalinya Ikiningi doko ipatana, nyakama apata depa latae kalyepape” lea.

Dopana, nyakamame Gotenya kingdom doko kutalapape. Dopa pitaminopa, nyakama nyepenge dupa pitaka baame dita.

Dopa latala Jisasame endakali dokaita lamaiyoo, “Endakali mendenya lete katenge doko baanya oapi longo setenge dopale daa. Dopana, popaita pingi mana dokome nyakama koeyasetana, kandao kalyepape” lea.

Nyakamanya oapi epe dupa setenge panda dokonyaka nyakamanya mona yukuu setengemana” lea.

Nyakamanya mendeme auu pyoo katapuli lao masepae longo nyete dokome, embanya lete katenge dokonya yuu gii mendai waipa setepe?

Dopa latala Jisasame baanya disaipolo dupa lamaiyoo, “Tenge dokonya nambame nyakama dapa langilyo: Nyakama auu pyoo katamana lao masetala, nyakamame nee anja-tae namanape, yonge pee anja-tae pimanape lao masepae longo nyala naeyalapape.

Dopaleaka joo, nyakamanya aiyomba iti dupa pitaka mendai-mendai lao Goteme itaki pyapae. Dopana, yaka pimbinakae longo dupa nyakamame ita minao kalyaminona, paka nakaeyalapape” lea.

Nyakamanya Takange dokome auu kaengeme baanya kingdom doko nyakama nambanya sipisipi ŋaŋa dupa ditoo lao masilyamona, paka nakaeyalapape.

Nyakamame yaka lakepame dupa masalapape. Dupame ee pokala naengema. Dupame nee mandyoo setala naengemaka. Dupanya nee setenge andapi, pandapi mende nasingi. Dopaka doko, Goteme dupa nee maingi. Nyakamame yaka dupa etete ita minao kalya naelyamipi?

Nyakama neepi, endakipi dupa anja-tae namanape lao kutala naeyao, masepae longo nyala naeyaowaka kalyepape.

Palao taita kepao yangapenge, indupa dii pilyamo dupa Goteme yati pisingi. Dopa pingina, yongenya pipenge dupa Goteme nyakama ditana, aipuma nyakamame baa kuki tungi pilyami?

Sanga pyatae silyamo dupa pitaka gii mendepa lopapae seta. Yame pyatae silyamo dupa pitaka gii mendepa lopapae setamopa, endakali dupame kandatami.